عـــدل سـلـــــــــوكـيـاتـك الاســـتـهـلاكــيـة !!!

[ابن التويم]

في مواجهة غلاء الاسعار
استوقفتني هذي العباره ..

" عدل سلوكياتك الاستهلاكية "

حلووووه ... يعجبوني اهل الحلول البديله !!!

يعني البلد بتنفجر فلوس والأجنبي يرتع فيها ويغرف وانا مطلوب مني اقصر على نفسي واقتصد .. !!!

ضنينا ان ايام التقشف ولت بلا رجعه اشوفها ارجعت بثوب جديد ..

ياجماعه ترى البلد في عزها اللي مايهنى هالايام عمره مايهنى لأن ماروى القمة إلا المنحدر .. واحنا الآن في القمة ..

[مرتبش]

ما هذا الكلام يارجل

الاقتصاد الشخصي زين مامنه مضرة وتعديل السلوك الاستهلاكي والتبذير مهم

شوف التجار شلون وصلوا للي هم فيه تهقى كانو يلعبون بالبيزات والا يشتغلون فيها صح.. اما حرقة القلب كل يوم وكل ساعة على رواتب وحالة الناس الثانيين ما وراها الا عوار الراس والمرض

ربك يسهل

[chillis]

والله اشوف صح وايد منا يوم نروح السوبر ماركت ناخذ الي نبيهو الي ما نبيه وشوف الاجانب على القد تفاحتين ولا برتقالتين وحتى الشوق لو نروح نتسوق لشي معين لازم ناخذ شي مهب في بالنا يعني لقافه هذي الفرق للاسف

[بـــــــنت النوخـّــــذه]

حلو الاقتصاد بالملبس والمأكل

ولكن لكل قاعده شواذ 00 مايصير اروح لشخص على قد حاله ويالله يالله يوكل عياله ويعيشهم و واقوله اقتصد ولا تسرف ولاتحلطم اذا ارتفعت الاسعار دبر عمرك شوف حواليك شغل عقلك

عموما فكره حلوه الاقتصاد والاهم (الاقتناع ) اذا الشخص وصل لمرحله القناعه بكل شي اموره سهالات

[تحداني]

" عدل سلوكياتك الاستهلاكية "

محتاجين ان نعدل ونصوب الكثير من سلوكياتنا الاستهلاكيه .. في كل جوانب حياتنا
طريقه تسوقنا وطريقه اقتنائنا للأشياء سواء كانت استهلاكيه
او فيما يقع في اطار اللبس والشرب خاطئه جدا

وكأننا نعيش في بقعه مهجوره ولن نصل الى احتياجاتنا الى بعد شهور


جوله سريعه في مخزن البيت
او خزانه الملابس
او المطبخ
او حتى لاستور متروك للأطفال .. ستجدون كم نحن شعب نحب الشراء والاقتناء
سواء كنا نعيش في اسر كبيره ولا صغيره


عن نفسي تعلمت من صديقه الله يذكرها بالخير
طريقه الشراء
وطريقه الاقتناء
وهناك ما يسمى " هذا مهم .. وهذا اهم "
تعلمت منها .. ان لا نخزن انما نستهلك ما نريد استهلاكه على الاقل بعد يومين \
ثم نعود من جديد لسد احتياجاتنا


الي ما راح يجمع ويفكر في بكره
ما راح يقدر يوفر لاعياله ولنفسه حياه آمنه .. وكل مالها الحياه صعبه
ولازم انعلم اعيال اليوم " مو كل شي لازم تقول له حاضر .. ويجب ان يتعلموا قيمه المال "


جملكم الله برضى الرحمن

[ابن التويم]

ما هذا الكلام يارجل

الاقتصاد الشخصي زين مامنه مضرة وتعديل السلوك الاستهلاكي والتبذير مهم

شوف التجار شلون وصلوا للي هم فيه تهقى كانو يلعبون بالبيزات والا يشتغلون فيها صح.. اما حرقة القلب كل يوم وكل ساعة على رواتب وحالة الناس الثانيين ما وراها الا عوار الراس والمرض

ربك يسهل


يعني شقصدك ابيع الكروزر واشترى كورولا مثلا

[ابن التويم]

والله اشوف صح وايد منا يوم نروح السوبر ماركت ناخذ الي نبيهو الي ما نبيه وشوف الاجانب على القد تفاحتين ولا برتقالتين وحتى الشوق لو نروح نتسوق لشي معين لازم ناخذ شي مهب في بالنا يعني لقافه هذي الفرق للاسف



انتي قلتيها على قدهم، بس احنا كم و هم كم .. فيه فرق في عدد العوائل احنا عوائلنا كبيره .. قولو بعد اقتصد في عدد العايله .. وبعدين احنا ضيوفنا وايد واهل كرم .. قولو بعد لاتستقبلون حد وانسوا عوايد الكرم والضيافه .. اذا هالمبادئ صحيحه .. على الدنيا السلام ..

[تحداني]

يعني شقصدك ابيع الكروزر واشترى كورولا مثلا





والله الكورولا سياره محترمه وايد وتعيش معاك واتشيلك في الأزمات
مو الكروزر عسى ما رفست كوره بالصدام راحت عليك 1000ا ريال تغير وتبديل
انا مو متحسفه الا على الألماني .. عشان الإمفوشر قاعدين نذوق الندم


حسبي الله ونعم الوكيل على الزبو :)

آآآآآآآآآه ما باقي شي ..لا والمصيبه الخيار الثاني بي ام دبليو :(


أعتذر على المداخله
وجملك الله برضى الرحمن

[chillis]

انتي قلتيها على قدهم، بس احنا كم و هم كم .. فيه فرق في عدد العوائل احنا عوائلنا كبيره .. قولو بعد اقتصد في عدد العايله .. وبعدين احنا ضيوفنا وايد واهل كرم .. قولو بعد لاتستقبلون حد وانسوا عوايد الكرم والضيافه .. اذا هالمبادئ صحيحه .. على الدنيا السلام ..

والله لو تشوف الهنود والفلسطينين وغيرهم شكثر عدد العوايل بالبيت الواحد تستغرب :) حنا ما نقولك اقتصد كلش نقول لازم نلاحظ لان وايد بيوت منا متروسه اكل لمده سنه قدام واخر شي نصه ينتهي تاريخه ونرميه هاي الي نقصده مهب كل ماقلنا شي قلت نقلل عدد العوايل نغير السياره افهمنا بالاول ولا حاط الموضوع علشان تعصب ومايعجبك اي رد روح الجمعيه وهم يروحون الجمعيه عدد الهنود مرات مع عيالهم فوق ال 8 وشوف عربانتهم وعربانتنا فهمتني

[ابن التويم]

حلو الاقتصاد بالملبس والمأكل

ولكن لكل قاعده شواذ 00 مايصير اروح لشخص على قد حاله ويالله يالله يوكل عياله ويعيشهم و واقوله اقتصد ولا تسرف ولاتحلطم اذا ارتفعت الاسعار دبر عمرك شوف حواليك شغل عقلك

عموما فكره حلوه الاقتصاد والاهم (الاقتناع ) اذا الشخص وصل لمرحله القناعه بكل شي اموره سهالات

بنت النواخذه كلام سليم ..
هذولا اللي يقولون اقتصد في اغنى بلد ويجبون حلول بديله .. اصلا ضعفاء وانهزموا في معركة ارتفاع الاسعار التاجر قاعد يبوقهم وحماية المستهلك صلوا عليها وادفنوها وهم ماعندهم حل سوا اقتصد

[ابن التويم]

تحداني الزمن

اذا انتي مواطنه و ما تركبين سياره محترمه تنابسج اجل من اللي يستحق ...

[chillis]

تحداني الزمن

اذا انتي مواطنه و ما تركبين سياره محترمه تنابسج اجل من اللي يستحق ...

بنظرك كل مواطن لازم يركب بنتلي ولا بي ام ؟ هذي ارزاق من رب العالمين

[مساهمة بسFresh]

بنت النواخذه كلام سليم ..
هذولا اللي يقولون اقتصد في اغنى بلد ويجبون حلول بديله .. اصلا ضعفاء وانهزموا في معركة ارتفاع الاسعار التاجر قاعد يبوقهم وحماية المستهلك صلوا عليها وادفنوها وهم ماعندهم حل سوا اقتصد

لاتستسلم اخوي :shy: اشتر كل اللي تبيه وتسلف لو ملايين ولاتخلي يصفى لك من راتبك ولا ريال واحد اهم شي ماتستسلم :shy:مثل ماستسلموا الناس

[ابن التويم]

والله لو تشوف الهنود والفلسطينين وغيرهم شكثر عدد العوايل بالبيت الواحد تستغرب :) حنا ما نقولك اقتصد كلش نقول لازم نلاحظ لان وايد بيوت منا متروسه اكل لمده سنه قدام واخر شي نصه ينتهي تاريخه ونرميه هاي الي نقصده مهب كل ماقلنا شي قلت نقلل عدد العوايل نغير السياره افهمنا بالاول ولا حاط الموضوع علشان تعصب ومايعجبك اي رد روح الجمعيه وهم يروحون الجمعيه عدد الهنود مرات مع عيالهم فوق ال 8 وشوف عربانتهم وعربانتنا فهمتني


لا هذي ماتصير اني اشتري حاجه واخزنها لين ينتهي تاريخها وارميها هذا حتى حرام .. نادره

وبعدين انا مو معصب .. ليش شايفه حواجبي كروس

[ابن التويم]

بنظرك كل مواطن لازم يركب بنتلي ولا بي ام ؟ هذي ارزاق من رب العالمين

انا قلت سياره تناسبها، يعني مايناسبها الا البنتلي الحين.. السيارات وايد بس مو كورولا عاد ..

[ummalaz]

" عدل سلوكياتك الاستهلاكية "

محتاجين ان نعدل ونصوب الكثير من سلوكياتنا الاستهلاكيه .. في كل جوانب حياتنا
طريقه تسوقنا وطريقه اقتنائنا للأشياء سواء كانت استهلاكيه
او فيما يقع في اطار اللبس والشرب خاطئه جدا

وكأننا نعيش في بقعه مهجوره ولن نصل الى احتياجاتنا الى بعد شهور


جوله سريعه في مخزن البيت
او خزانه الملابس
او المطبخ
او حتى لاستور متروك للأطفال .. ستجدون كم نحن شعب نحب الشراء والاقتناء
سواء كنا نعيش في اسر كبيره ولا صغيره


عن نفسي تعلمت من صديقه الله يذكرها بالخير
طريقه الشراء
وطريقه الاقتناء
وهناك ما يسمى " هذا مهم .. وهذا اهم "
تعلمت منها .. ان لا نخزن انما نستهلك ما نريد استهلاكه على الاقل بعد يومين \
ثم نعود من جديد لسد احتياجاتنا


الي ما راح يجمع ويفكر في بكره
ما راح يقدر يوفر لاعياله ولنفسه حياه آمنه .. وكل مالها الحياه صعبه
ولازم انعلم اعيال اليوم " مو كل شي لازم تقول له حاضر .. ويجب ان يتعلموا قيمه المال "


جملكم الله برضى الرحمن

صبحك الله بالخير غاليتي تحداني
تعجبني جداً طريقة تعامل الآسيويين مع المال
والاقتصاد في المأكل والمشرب والملبس
تعرفي عزيزتي مشكلة البعض هي الخلط بين
الاقتصاد والبخل مع البون شااااااااسع بينهم
صديقتي هنديه تخبرني انهم لم يرمو يوماً حبه
واحده من الفواكه لسبب بسيط انهم يحضرون
الاشياء حسب احتياجاتهم مع انهم والحق يقال
لم يبخلو على احد يوماً رغم عن ظروفهم .

[تحداني]

تحداني الزمن

اذا انتي مواطنه و ما تركبين سياره محترمه تنابسج اجل من اللي يستحق ...




المواطنه والقطريه يا اخوي وحط بين قوسين " الزبو " دخلتنا في متاهات احنه في غنى عنها
وخير ياطير انا مواطنه يا بنت الناس عيشي على قدج .. ومدي اريولج على قد افلوسج
صح يا اخوي ولا لا ؟؟ انا هالكلام اقوله لنفسي صدقني

لكن ارد واناقض نفسي في مشترياتي وساعات ابرر اخطائي ان الوالد ما كان يقصر علينا
في طفولتنا واليوم لما تربي طفل على انه كل شي يكون تحت امره هالطفل راح يتعب لما يكبر
لان الوضع المادي قد يتغير
والافلوس ما ادوم
والقناعه لو مازرعناه من الصغر صعب تزرعها في عقلك لما تكبر


ما اقول انقصر على عمرنا
لكن في حدود المعقول واحنه يوم عن يوم نتجاوز المعقول


ما اعرف اذا كلامي صح ولا غلط

جملك الله برضى الرحمن

[تحداني]

صبحك الله بالخير غاليتي تحداني
تعجبني جداً طريقة تعامل الآسيويين مع المال
والاقتصاد في المأكل والمشرب والملبس
تعرفي عزيزتي مشكلة البعض هي الخلط بين
الاقتصاد والبخل مع البون شااااااااسع بينهم
صديقتي هنديه تخبرني انهم لم يرمو يوماً حبه
واحده من الفواكه لسبب بسيط انهم يحضرون
الاشياء حسب احتياجاتهم مع انهم والحق يقال
لم يبخلو على احد يوماً رغم عن ظروفهم .




صبحك الله بالنور والسعاده ورضى الرحمن سيدتي الفاضله
هم الآسيويين يعرفون قيمه جسدهم .. ويعرفون كيف يوضفون المال
بمعنى ليه اشترى كرتون " خيار " خليني اشتري كيلوين يكفوني ليومين
وارد اشتري شي جديد مره ثانيه " مع التركيز على حجم الاسره "
مو مشكله عائلتهم اصغر من عوائلنا وكرمهم اقل من كرمنا
نشتري احنه كرتون اصغير مو كرتونين وثلاث واربع


هم يا اختي الفاضله الاسيويين ما يقصرون على نفسهم في الاكل
واللبس .. والشراء .. والترفيه لكن ما عندهم " هوس " احنه كشعوب خليجيه " البعض الكثير " يعاني مو هوس شراء .. هوس مجاراه الغير
هوس النظر لآخر صيحات الغير
هوس في تعلم آخر مفردات الموضه .. " وكلوي ايش جديدهم " ومعقوله " ديور " عندهم شنطه انا ما شفتها .. وليه اكسسوارات " فندي " خلصت وانا ما لحقت عليها


يجب ان نتعلم آليه الإستهلاك
وشراء ما نحتاجه فقط


جملك الله برضى الرحمن

[ابوخالد السل]

في مواجهة غلاء الاسعار
استوقفتني هذي العباره ..

" عدل سلوكياتك الاستهلاكية "

حلووووه ... يعجبوني اهل الحلول البديله !!!

يعني البلد بتنفجر فلوس والأجنبي يرتع فيها ويغرف وانا مطلوب مني اقصر على نفسي واقتصد .. !!!

ضنينا ان ايام التقشف ولت بلا رجعه اشوفها ارجعت بثوب جديد ..

ياجماعه ترى البلد في عزها اللي مايهنى هالايام عمره مايهنى لأن ماروى القمة إلا المنحدر .. واحنا الآن في القمة ..

أشدخل ؟!
هاذي نصيحة ثمينه
حتى ولو كنت من اصحاب الملايين
وحتى لو صرفت لك الدولة
راتب يكفيك ويغطيك !!

[هبوب الكوس]

احنا من قلل الصرف بس الحريم يقدرون يقللون :(

في الازمات الاقتصادية هم الي ينعشون الاسواق :rolleyes2:

[ابن التويم]

تحداني الزمن

انا ما اتكلم عن الزبايين ولا المبذرين والمسرفين لأن هذا حرام " ان المسرفين كانوا اخوان الشياطين" ولا نقاش في كلام الله سبحانه

لكن اكلمج عن المواطن اللي كان عايش مبسوط قبل 2006 .. اليوم راتبه ماعاد يكفيه هو وعايلته والسبب غلاء الاسعار المستمر وثبات الرواتب وغياب حمياة المستهلك .. هل من العدل ان نطلب منه ان يقصر على نفسه وعياله عشان يوفي معاه الراتب الى اخر الشهر او نطلب منه يغير نمط حياته

هل هذا من العدل ..

[ابن التويم]

احنا من قلل الصرف بس الحريم يقدرون يقللون :(

في الازمات الاقتصادية هم الي ينعشون الاسواق :rolleyes2:


ههههههه

والله لو لا الحريم كان ماصاروا التجار تجار

[ابن التويم]

أشدخل ؟!
هاذي نصيحة ثمينه
حتى ولو كنت من اصحاب الملايين
وحتى لو صرفت لك الدولة
راتب يكفيك ويغطيك !!


ابوخالد هذي كلمة حق اريد بها باطل

سلوكيات الاستهلاك السيئه هذي مذمومه مافي شك .. بس هذي جملة حائط صد

كيف تتناسى جشع التجار و غفلة حماية المستهلك .. ورميت بثقل المشكله كلها على سلوك المستهلك المسكين

[ام السعف]

حلو الاقتصاد بالملبس والمأكل

ولكن لكل قاعده شواذ 00 مايصير اروح لشخص على قد حاله ويالله يالله يوكل عياله ويعيشهم و واقوله اقتصد ولا تسرف ولاتحلطم اذا ارتفعت الاسعار دبر عمرك شوف حواليك شغل عقلك

عموما فكره حلوه الاقتصاد والاهم (الاقتناع ) اذا الشخص وصل لمرحله القناعه بكل شي اموره سهالات

اتفق معاج

يعني احنا لما نقول عدلوا سياستكم الاقتصادية الكلام نوجه للي يشترون ويكودون

بس ،، بس اللي مب قادر يقتصد لأنه ما عنده هذا المسكين شنقول له ؟

راقب الناس اشلون يقتصدون :(

[ام السعف]

ههههههه

والله لو لا الحريم كان ماصاروا التجار تجار

تقول والله بعد :eek5:

[هبوب الكوس]

تقول والله بعد :eek5:

99% :nice:

[تحداني]

تحداني الزمن

انا ما اتكلم عن الزبايين ولا المبذرين والمسرفين لأن هذا حرام " ان المذرين كانوا اخوان الشياطين" ولا نقاش في كلام الله سبحانه

لكن اكلمج عن المواطن اللي كان عايش مبسوط قبل 2006 .. اليوم راتبه ماعاد يكفيه هو وعايلته والسبب غلاء الاسعار المستمر وثبات الرواتب وغياب حمياة المستهلك .. هل من العدل ان نطلب منه ان يقصر على نفسه وعياله عشان يوفي معاه الراتب الى اخر الشهر او نطلب منه يغير نمط حياته

هل هذا من العدل ..




غلاء الاسعار هذا موضوع منفصل يا اخوي الله يرضى عليك
غلاء الاسعار تدخل فيها ضوابط .. ويدخل فيها السوق العالمي والمحلي .. وندخل في الراتب والبدائل .. احنه قاعدين نتكلم عن ثقافه الاستهلاك .. نتكلم عن طريقه الاستهلاك
نتكلم عن .. لو اخونا " ابن التويم " عنده 4 الاف اريال .. هالافلوس كيف يصرفها
شنو المهم وشنو الاهم .. شنو الي يبديه وشنو الي يأخره

اما عن الأجنبي والغير اجنبي والديون
والاسعار هاذي ابحد ذاتها مواضيع لها مناقشاتها ولها نقاطها


اليوم لما تحداني الزمن .. ما عندها اي التزام غير قسط سياره
راتبها وقدره 20 او 50 الف ريال .. تقعد تلفلف مثل الخبله بين المحلاث وتبحث عن الجديد
تقعد ادور في الجمعيات وتترس الجاري مواد تموينيه مو محتاجيتها
تقد تشتري لبس ما تلبسه

هنا مافيها تبذير ولا عدم التبذير
لانها ابعيده عن دائره الاسراف افلوس وعندها وارتباط وما عندها
لكن ما عندها وعي استهلاكي
ما اتعرف اترتب احتياجاتها
ما اتعرف اتخش افلوسها
ما اتعرف اتفكر في بكرا
ما اتعرف اتوفر للزمن
ما اتعرف ان الدنيا دواره باجر يمكن تمرض وراح ترفضها اللجنه الطبيه عشان يعالجونها
ما اتعرف ان في تعليم


هذا ما يقصد بالثقافه الاستهلاكيه


جملك الله برضى الرحمن

[محمد الجفيري]

" عدل سلوكياتك الاستهلاكية "


بالفعل جمله في محلهاااا
ولازم مو تبذير ولا بخل

نكون وسط في كل شي

يسلمو عالمووضع

في ميزان حسناتك يا رب

[ابن التويم]

هبوب الكوس .. ام السعف ..

على الطاري مره كنت جاي من الامارات والسياره مشحونه اغراض وصلت مركز السعوديه قال لي افتح .. وبعدين شاف الاغراض اشكثر " تسوق الحريم " .. اللي في اكياس واللي مغلفه فشاف كرتون مغلف قال هذا وش فيه قلت له والله مادري .. افتحه انشوفه مع بعض ههههه قال بسسس هذا احنا بس ندفع قلت ايه والله بس ندفع .. قام ختم لي الورقه روح روح الله يحفطك هههههه

و ماتبوني اقول والله بعد

[ابن التويم]

صبحك الله بالخير غاليتي تحداني
تعجبني جداً طريقة تعامل الآسيويين مع المال
والاقتصاد في المأكل والمشرب والملبس
تعرفي عزيزتي مشكلة البعض هي الخلط بين
الاقتصاد والبخل مع البون شااااااااسع بينهم
صديقتي هنديه تخبرني انهم لم يرمو يوماً حبه
واحده من الفواكه لسبب بسيط انهم يحضرون
الاشياء حسب احتياجاتهم مع انهم والحق يقال
لم يبخلو على احد يوماً رغم عن ظروفهم .

ummalaz

صحيح كلامج بس هذولا اسيوين مانقدر نعيش مثلهم وبعدين هم مغتربين واحنا في بلادنا

[ابن التويم]

غلاء الاسعار هذا موضوع منفصل يا اخوي الله يرضى عليك
غلاء الاسعار تدخل فيها ضوابط .. ويدخل فيها السوق العالمي والمحلي .. وندخل في الراتب والبدائل .. احنه قاعدين نتكلم عن ثقافه الاستهلاك .. نتكلم عن طريقه الاستهلاك
نتكلم عن .. لو اخونا " ابن التويم " عنده 4 الاف اريال .. هالافلوس كيف يصرفها
شنو المهم وشنو الاهم .. شنو الي يبديه وشنو الي يأخره

اما عن الأجنبي والغير اجنبي والديون
والاسعار هاذي ابحد ذاتها مواضيع لها مناقشاتها ولها نقاطها


اليوم لما تحداني الزمن .. ما عندها اي التزام غير قسط سياره
راتبها وقدره 20 او 50 الف ريال .. تقعد تلفلف مثل الخبله بين المحلاث وتبحث عن الجديد
تقعد ادور في الجمعيات وتترس الجاري مواد تموينيه مو محتاجيتها
تقد تشتري لبس ما تلبسه

هنا مافيها تبذير ولا عدم التبذير
لانها ابعيده عن دائره الاسراف افلوس وعندها وارتباط وما عندها
لكن ما عندها وعي استهلاكي
ما اتعرف اترتب احتياجاتها
ما اتعرف اتخش افلوسها
ما اتعرف اتفكر في بكرا
ما اتعرف اتوفر للزمن
ما اتعرف ان الدنيا دواره باجر يمكن تمرض وراح ترفضها اللجنه الطبيه عشان يعالجونها
ما اتعرف ان في تعليم


هذا ما يقصد بالثقافه الاستهلاكيه


جملك الله برضى الرحمن


عزيزتي تحداني الزمن انا معاج 100%100 وهذا منهج يدرس لاستخدام الشركات والمؤسسات الكبرى حتى تتصرف في حدود ميزانيتها خصوصا في الازمات الاقتصاديه ..

و هذي العقليه موجوده حتى عند ابسط الناس يتصروفون في حدود دخلهم والا منين جا المثل مد رجلك على قد لحافك .. بس اللي انا اتكلم فيه هو تلحف بلحاف قدك ونام مرتاح ..