المساعد الشخصي الرقمي

مشاهدة النسخة كاملة : سؤال لوزارة البلدية والتخطيط العمراني ؟


Al-Kuwari
15-05-2011, 10:12 AM
السلام عليكم ورحمة الله وبركاته

سؤال جا فبالي

مثل ماتعرفون من حقوق المواطن القطري الحصول على أرض من الدولة + قرض عقاري بمليون ومائتي الف ريال..

لكن الغريب في الأمر ان من شروط الحصول على الأرض احضار شهادة التملك او الزواج ..

حسب القانون فالأرض حق من حقوق المواطن ولم يذكر فالقانون شرط الزواج من عدمه

انا الحين شاب عمري 24 سنه

لو فكرت اتزوج راح احتاج لسكن بسبب ظروفي الخاصه وضيق منزل الوالد والوالدة الله يطول بعمرهم ..

على ما اقدم عالارض وعلى ماتطلع الارض وعلى ما اخذ القرض وعلى ما ابني البيت واخلص البنيان واشطب البيت واثثه واسكنه راح احتاج من سنتين الى 3 سنين في أفضل الاحوال

هال3 سنوات لما أاجر فيها بيت راح ادفع اجار ما لايقل عن 8000 ريال قطري شهرياً

8000 × 36 = 288,000

هالمبلغ مب انا احق فيه كمواطن يساعدني في تأثيث البيت او دفع المتبقي من قيمة البنيان بما ان المليون ومتين ما تكفي هالايام

وشلون اصلا راح ابني وانا قاعد ادفع اجار واقساط بنك التنميه و و و و و و..

لماذا يشترط ان يكون المقدم على الأرض قد تملك او تجاوز الـ 35 سنة من العمر


انا اشوف ان الموضوع فيه ظلم وعدم موضوعيه من قبل وزارة البلدية والتخطيط العمراني

ليش مايعطوني أرضي وقرضي وابني بيتي واتزوج متى مابغيت واكون مرتاح من سالفه الأجار والسكن والبنيان وبيتي جاهز من قبل ما اتزوج وممكن حتى اقوم بتأجير البيت لمده سنتين او 3 ومن الاجار ارتب اموري للزواج بدون سلفيات وعوار راس

فالنهايه الأرض والقرض حق من حقوق المواطن فليش ما استفيد من حقي الا بشروط اقل ما يقال عنها تعسفيه ..

اتمنى اسمع راي الاعضاء في هالموضوع
متداول عالمي
15-05-2011, 10:15 AM
عندي موافقة لارض من 8 سنوات والى الان ما عطوني ارض كله اصبر شهر شهرين واتمنى يحلون وزارة البلدية بكبرها
paypal
15-05-2011, 10:18 AM
عندي موافقة لارض من 8 سنوات والى الان ما عطوني ارض كله اصبر شهر شهرين واتمنى يحلون وزارة البلدية بكبرها

والله نفسك العبوا ابنا قالوا في الخيسه من 2007 قلنا توكلوا على الله عقبه شهرين راجعت قالوا اصبر والصبر لين 2010 بعدين قالوا الخيسه راح يسونها محميه وبنحولك بني هاجر والله المستعان

وحسبي الله ونعم الوكيل
ابوخالد السل
15-05-2011, 10:32 AM
اعتقد انه شرط منصف
الحين العزوبي مثل المتزوج ؟!
اعتقد ان الغرض التشجيع على الزواج
اضافة الى ان الشاب غير المتزوج
هوائي ومزاجي
قد يتصرف في الارض
قد يبعثر القرض
تستطيع ان تتزوج
وان تحصل على سكن
او بدل سكن
كلنا فعلنا ذلك
ومنا من سكن مع والديه
حتى تحصل على المسكن
عندما لم تكن درجته الوظيفية
تأهله للحصول على سكن
او حتى بدل
Al-Kuwari
15-05-2011, 10:38 AM
متداول وباي بال الله يعينا ويعينكم

اخوي بوخالد

المتزوج مب مثل العزوبي لكن ياريتك قريت الموضوع كامل

انا الحين لو فكرت اتزوج ما اقدر بصراحة ماعندي حق ايجار وبناء و و و و

وانا مب موظف سنير فمايحق لي اطالب جهه عملي بسكن مقابل بدل السكن

وبيت الاهل مب كبير ومايكفي لو تزوجت

طيب وين اروح ؟

هل التشجيع عالزواج يكون بهالطريقه ؟

بالعكس انا اشوف ان طريقة وزارة البلدية والتخطيط العمراني خلتني ما افكر فالزواج والسبب نظامهم الظالم

وفالنهايه الارض والقرض حق من حقوق المواطن

عاد متزوج مب متزوج شي راجع له

وما اتفق معاك في نقطة ان المتزوج شخص مزاجي بالعكس ياماشفنا شباب عاقلين ويشيلون بيوت وياما شفنا متزوجين متلتهين وملتهين زوجاتهم وعيالهم معاهم
فالمقياس لمدى اتزان الشخص مب الزواج بأي حال من الحوال

وبخصوص اللي بيلعب فالفلوس فممكن ينظمون القانون بحيث ان القرض مايدفع للشخص وانما للمقاول بعد كل مرحلة من مراحل البناء

والأرض اصلا ماتنباع لانها هبه من الدولة الا بعد 15 او 20 سنه فماراح تضيع مثل ماتفضلت اخي الكريم
ابوخالد السل
15-05-2011, 10:46 AM
متداول وباي بال الله يعينا ويعينكم

اخوي بوخالد

المتزوج مب مثل العزوبي لكن ياريتك قريت الموضوع كامل

انا الحين لو فكرت اتزوج ما اقدر بصراحة ماعندي حق ايجار وبناء و و و و

وانا مب موظف سنير فمايحق لي اطالب جهه عملي بسكن مقابل بدل السكن

وبيت الاهل مب كبير ومايكفي لو تزوجت

طيب وين اروح ؟

هل التشجيع عالزواج يكون بهالطريقه ؟

بالعكس انا اشوف ان طريقة وزارة البلدية والتخطيط العمراني خلتني ما افكر فالزواج والسبب نظامهم الظالم

وفالنهايه الارض والقرض حق من حقوق المواطن

عاد متزوج مب متزوج شي راجع له

وما اتفق معاك في نقطة ان المتزوج شخص مزاجي بالعكس ياماشفنا شباب عاقلين ويشيلون بيوت وياما شفنا متزوجين متلتهين وملتهين زوجاتهم وعيالهم معاهم
فالمقياس لمدى اتزان الشخص مب الزواج بأي حال من الحوال

وبخصوص اللي بيلعب فالفلوس فممكن ينظمون القانون بحيث ان القرض مايدفع للشخص وانما للمقاول بعد كل مرحلة من مراحل البناء

والأرض اصلا ماتنباع لانها هبه من الدولة الا بعد 15 او 20 سنه فماراح تضيع مثل ماتفضلت اخي الكريم

اخوي الكريم انت بس
اعقد تملك
وتقدمت بأوراقك
والله سبحانه وتعالى بيفتح لك الابواب من اوسعها
اذا تزوجت وانته على مشارف الاربعين
متى تفرح بعيالك ؟
تزوج صغير
ينقلونك عيالك وانت كبير
Al-Kuwari
15-05-2011, 10:56 AM
شلون اتملك ياخوك وانا ماعندي مقدرة ماديه اني أجر بيت وبيت هلي مااقدر اسكن فيه ؟

اتملك واخليها على الله

مايصير ياخوك الواحد يفكر بالعقل والزواج مب لعبه وبنت الناس بتكون في ذمتي

اذا انا ما راح اقدر اعيشها عيشه كريمة تقعد هي فبيتهم وانا فبيتي اكرم لي ولها بدال المرمطه

اخوي اقتراحك للأسف لحل مشكلة شخصية انا اعاني منها

لكن انا ماتكلمت فهالموضوع من باب مشكلة شخصية

انا تكلمت في هالموضوع من باب ان من وجهه نظري ونظر الكثيرين ان القانون غير منصف وغير عقلاني
حيهور
15-05-2011, 11:09 AM
أتصدق حتى لو تزوجت ماراح تحصل الارض على طول


الله يعينك ياخوي لازم حب اخشوم
ابوخالد السل
15-05-2011, 12:41 PM
شلون اتملك ياخوك وانا ماعندي مقدرة ماديه اني أجر بيت وبيت هلي مااقدر اسكن فيه ؟

اتملك واخليها على الله

مايصير ياخوك الواحد يفكر بالعقل والزواج مب لعبه وبنت الناس بتكون في ذمتي

اذا انا ما راح اقدر اعيشها عيشه كريمة تقعد هي فبيتهم وانا فبيتي اكرم لي ولها بدال المرمطه

اخوي اقتراحك للأسف لحل مشكلة شخصية انا اعاني منها

لكن انا ماتكلمت فهالموضوع من باب مشكلة شخصية

انا تكلمت في هالموضوع من باب ان من وجهه نظري ونظر الكثيرين ان القانون غير منصف وغير عقلاني

اخوي الكريم لو خذناها بالعقل
ما تزوج احد ؟!
اعقلها وتوكل
والله سبحانه بيسرها لك
وعلى نياتكم ترزقون
وعلى كل حال
اذا كان في امكانية لتغيير القانون
وفق المصلحة
انا معاك اوقع !