للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

[مساهمة بسFresh]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:

[Nojoom]

اصرف مافي الجيب ياتيك مافي الغيب

قاعدة ورثتها ابنا عن جد

[يراعٌ فراتي]

الحمد لله مكفي بالقطارة :nice:
مشكلة الواحد يوم يكون هو الاخ الكبير:rolleyes2:


يكفي دعائهم لي :eek5:

[التيما]

الحمد لله .. ويزيد بعد ولله الحمد .. بس راتبي مقياس بشغلي مايستاهل حرام وايد قليل على شغلي ..

من الأساس ماعندي مصاريف وايد الا كيوتل حق جوالي + بترول سيارة + مصاريف عيالي للمدرسة .. بس

والميرة وكيوتل لرقم البيت والانترنت وباقي الاشياء على ابونا ..

وطبيعي عارفة كم راتبي بالضبط وبالدرهم بعد وكم اقساطي .. واصرف حسب حاجتي مو حسب راتبي وعشان كذا يزيد ولله الحمد واوفر حق سفر او حق صيانة وتغيير شي في البيت ..

[شبح الصمت]

الحمد لله مكفي بالقطارة :nice:
مشكلة الواحد يوم يكون هو الاخ الكبير:rolleyes2:


يكفي دعائهم لي :eek5:



ليش اهم بس يدعون احنا بعد ندعي لك

الله يحفظك ويحفظهم لك ويجعلك لهم ذخر وسند يارب

الله يرزقك بحلاله عن حرامه ويبعد عنك كل مشبوه يارب

الله يرزقك وياهم جناته الفردوس

[paypal]

على البركة

والحمدالله اخر سنه وباخلص القرض

[jeep-srt8]

ما اشتغل وماعندي فلوس بعد بأمكانكم تخيل وضعي ههههههههههههههههههههههه

الحمدلله

[يراعٌ فراتي]

ليش اهم بس يدعون احنا بعد ندعي لك

الله يحفظك ويحفظهم لك ويجعلك لهم ذخر وسند يارب

الله يرزقك بحلاله عن حرامه ويبعد عنك كل مشبوه يارب

الله يرزقك وياهم جناته الفردوس

شبح الصمت تحياتي لك
وجزيت خيرا والله اكثر رد كتب لي حسيته من القلب :eek5:
في الصميم
احسك بعد مثلي
لاتكون بعد انت الاخ البكر :omg:

[مساهمة بسFresh]

اصرف مافي الجيب ياتيك مافي الغيب

قاعدة ورثتها ابنا عن جد

ابنا عن جد؟ الجيل عندكم بادي بالعكس :shy:
لكن اختي هل راتبج مكفيج وانتي تصرفين بهالطريقة؟:shy:

[مساهمة بسFresh]

الحمد لله مكفي بالقطارة :nice:
مشكلة الواحد يوم يكون هو الاخ الكبير:rolleyes2:


يكفي دعائهم لي :eek5:

الله يرزقك من حيث لاتحتسب لانك دام تساعدهم فانت تستاهل كل خير :shy:

[شبح الصمت]

شبح الصمت تحياتي لك
وجزيت خيرا والله اكثر رد كتب لي حسيته من القلب :eek5:
في الصميم
احسك بعد مثلي
لاتكون بعد انت الاخ البكر :omg:



أي
v
v
v
v
v
v
v
v
أخوك فالله
الله يجمعنا معاكم في جناته الفردوس

[مساهمة بسFresh]

الحمد لله .. ويزيد بعد ولله الحمد .. بس راتبي مقياس بشغلي مايستاهل حرام وايد قليل على شغلي ..

من الأساس ماعندي مصاريف وايد الا كيوتل حق جوالي + بترول سيارة + مصاريف عيالي للمدرسة .. بس

والميرة وكيوتل لرقم البيت والانترنت وباقي الاشياء على ابونا ..

وطبيعي عارفة كم راتبي بالضبط وبالدرهم بعد وكم اقساطي .. واصرف حسب حاجتي مو حسب راتبي وعشان كذا يزيد ولله الحمد واوفر حق سفر او حق صيانة وتغيير شي في البيت ..

:nice: ماشاء الله عليج ياالتيما
تفكير سليم واعتقد انج مرتاحة عسى راحتج اتدوم ياوخيتي والله يبارك لج :shy:

[@north_star@]

الحمد لله على كل حال وبجميع الاحوال وثانيا المفروض انه الواحد يحسب كم التزاماته المالية الشهرية مثل أقساط البنك أو الفيزا ويقتطعها من الراتب وبعدها يحسب مصروف البيت والعيال والباقي لسد الاحتياجات الشخصية او الادخار

[مساهمة بسFresh]

على البركة

والحمدالله اخر سنه وباخلص القرض

ان شاء الله اتخلص القرض وترتاح اخوي :shy: بس نصيحة لك لاتصرف على البركة ادري هذا راتبك وكيفك بس هاذي نصيحة وان شاء الله توفر لك مبلغ كبير :shy:

[مساهمة بسFresh]

الحمد لله على كل حال وبجميع الاحوال وثانيا المفروض انه الواحد يحسب كم التزاماته المالية الشهرية مثل أقساط البنك أو الفيزا ويقتطعها من الراتب وبعدها يحسب مصروف البيت والعيال والباقي لسد الاحتياجات الشخصية او الادخار

هاذي اثمن نصيحة للي يبي يرتب اوضاعه
شكرا اخوي:shy:

[marqap75]

اي الحمدلله كفايه وزايد ولله الحمد والمنه على كل حال

[بورصجية]

والله كله نعمة من ربنا
والحمد لله اننا مبسوطين موش مهم الفلوس

[مساهمة بسFresh]

اي الحمدلله كفايه وزايد ولله الحمد والمنه على كل حال

:shy: الله يبارك لك :shy:
بس اخوي تقدر تقول لنا ليش زايد؟قصدي شلون تصرف؟هل التزاماتك شوي يعني؟

[almaf1a]

منظم راتبي ولا اصرف على البركه واعرف كم راتبي واعرف كم قسطي والمبلغ الي علي
ولا يكفيني الراتب

[..الاميرة..]

الحمد لله مكفي بالقطارة :nice:
مشكلة الواحد يوم يكون هو الاخ الكبير:rolleyes2:


يكفي دعائهم لي :eek5:



سيم سيم ..

ما ادري ليش العيون ماتروح إلا على الكبير مع ان الصغير بعد يشتغل ..

الحمد الله حمداً كثيراً على النعمة إلي إحنا فيها ..

:p

[حلم قطري]

اختي الفاضلة
متأكد ان الكثير مايحبون ردي الللي يزعل البعض
احنا ونحمد الله ونشكره في نعمه
وكل شخص عليه دين من نفسه
وين احنا الحين ومن 10 سنوات
اقل واحد فينا عنده جوالين ويمكن سيارتين وصرف ببذخ
والله احنا في نعمة الله يديمها
عن نفسي:

راتبي مكفيني حيييييييييييييييييييييييل
واصرف على قدر حاجتي

[شبح الصمت]

اختي مساهمه

انزين انا قبل كان راتبي 2000 ريال سنه 75

الحين راتبي وصل 25 ألف

اشلون أجمع ما اعرف يدي تحكني يعني بقولج ذاك اليوم رحت سوق واقف عجبني عقال قيمته 500 ريال خذته

رحت محل ثاني فيه غتره اسمها طرمبه قيمتها 1600 خذتها
طلعت من السوق رحت الماسه الزرقاء حصلت طقم ساعه وازرار خذتهم بـ 5 الاف ريال

المهم اشوي طلعت من محل رحت محل ثاني حصلت اشياء هذه بداية الشهر حصلت ملابس رياضة خميت لي بـ 1000 ريال


قسط السياره 3 الاف ريال

قسط البنك 6 الاف ريال

راتب الخدامه والسايق 1500 ريال

شاسوي قولي لي احسج مبرمجه حق الرواتب تكفين عطيني حل شعر راسي شاب خلاص احس كل ما افكر في فلوسي وافكر في مواضيعك

كله اشرب زعتر زعتر نسكافيه واقرأ خلاص احس بتجيني حالة نفسيه

:weeping::eek5::(

[مساهمة بسFresh]

اختي الفاضلة
متأكد ان الكثير مايحبون ردي الللي يزعل البعض
احنا ونحمد الله ونشكره في نعمه
وكل شخص عليه دين من نفسه
وين احنا الحين ومن 10 سنوات
اقل واحد فينا عنده جوالين ويمكن سيارتين وصرف ببذخ
والله احنا في نعمة الله يديمها
عن نفسي:

راتبي مكفيني حيييييييييييييييييييييييل
واصرف على قدر حاجتي

:shy: الله يبارك لك اخوي ويديم النعمة يارب

[ابوخالد السل]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:

ليست المشكلة في قلة الراتب او زيادته
ولكن في قلة الدبره
طال عمرج

[بدوي]

انا اتبع طريقة توفير 20% من الراتب

يعني مثلآ الـ 10000 الاعتماد على 8000 والـ 2000

للضرورة والاستفادة منها وقت الحاجة او آخر الشهر

واللي بيزيد يترحل للشهر اللي بعده

اطبق هالنظرية مش في الراتب فقط .. حتى اذا جاتني مبالغ اخرى

50000 او 100000

طريقة اشوفها مجديه ولله الحمد ومنها تتعلم تكيّف نفسك وتنظيم حياتك

النسبة مرة 20% ومرة 10%

على حسب :nice:

[نوفي]

الواحد مايقول الا الحمدالله على النعمه

[La Bella]

أذا الشخص أعزب يكفيه
بس المشكله الشخص المتزوج فلوسه بين البيت والعيال والمره دريول وخدامة

[هبوب الكوس]

صراحه موضوع شيق ومفيد

اشتري احتياجاتي على قد الحافي قصدي راتبي :(

[مساهمة بسFresh]

ليست المشكلة في قلة الراتب او زيادته
ولكن في قلة الدبره
طال عمرج

قصدك اخوي ان الرواتب زينة بس الناس ماتعرف تقتصد؟:shy:
وعمرك طويل

[مساهمة بسFresh]

انا اتبع طريقة توفير 20% من الراتب

يعني مثلآ الـ 10000 الاعتماد على 8000 والـ 2000

للضرورة والاستفادة منها وقت الحاجة او آخر الشهر

واللي بيزيد يترحل للشهر اللي بعده

اطبق هالنظرية مش في الراتب فقط .. حتى اذا جاتني مبالغ اخرى

50000 او 100000

طريقة اشوفها مجديه ولله الحمد ومنها تتعلم تكيّف نفسك وتنظيم حياتك

النسبة مرة 20% ومرة 10%

على حسب :nice:
ماشاء الله عليك اخوي
بس شلون تقدر تدفع فواتيرك وتصرف على سيارتك وتطلع وتسافر وتوفر؟هل تقدر تسوي كل ذيه؟:shy:
الواحد مايقول الا الحمدالله على النعمه

الحمدلله

[alsubaiai]

:shy::shy::shy: انا ضد اسقاط الديون :shy::shy::shy:


:shy::shy::shy: ومع اسقاط السلف :shy::shy::shy:

[مضاربه]

الراتب مايكفي خاصه المتقاعدين والمحالين على البند المركزي بالله 10000 والا 12000 شتسوي حق علاج والا حق مكاتب الخدم بعض مكاتب الخدم صارت الاندونيسه عندهم 10000 صج نهبه وتقولون اقتصدوا لو راتبنا 30000 والا 40000 ساعتها بنقتصد

[بوخالد911]

الحمد لله يكفي وزوود

ارض بما قسمه الله لك تكن أغنى الناس

:)

[مساهمة بسFresh]

الراتب مايكفي خاصه المتقاعدين والمحالين على البند المركزي بالله 10000 والا 12000 شتسوي حق علاج والا حق مكاتب الخدم بعض مكاتب الخدم صارت الاندونيسه عندهم 10000 صج نهبه وتقولون اقتصدوا لو راتبنا 30000 والا 40000 ساعتها بنقتصد

هذا بالنسبة للمتقاعدين
طيب بالنسبة لج اختي مضاربة؟:shy:

[برق لمع]

المشكله لو طلعت لك مصاريف ثانية تقصم الظهر على قولتهم
مثل تبديل تواير
قسط مدرسة خاصة
وهكذاااااااا ؟ ولازم تكون الزوجة موظفه على شان يمشي الحال

[مساهمة بسFresh]

الحمد لله يكفي وزوود

ارض بما قسمه الله لك تكن أغنى الناس

:)



انزين ممكن تقول لنا شلون اتنظم نفسك اخوي :shy:

[ابوخالد السل]

قصدك اخوي ان الرواتب زينة بس الناس ماتعرف تقتصد؟:shy:
وعمرك طويل

اقصد التصرف
والاقتصاد ايضا
ولنتذكر وصفة سيدنا
عمر بن الخطاب
اكل ما اشتهيتم اشتريتم ؟!

[القطري554]

الحمد لله
العقل السليم بالجسم السليم والجيب السليم :)
انا الحمد لله أوفر وشتري كل أحتيجاتي وعايش فى أحسن حال ومتزوج
العيب الصرف بدون عقل لا تستسهل الدين عشان التمتع بالكمليات
لنة الحياة أساسيات والكمليات الى نفدر عليها نشتريها
الفيزة وكثرت البطقات أشرخ أشرخ وأخر الشهر ليش وليش هاى غلطة عوقبها كبيرة
والحمد لله على كل حال

[مضاربه]

هذا بالنسبة للمتقاعدين
طيب بالنسبة لج اختي مضاربة؟:shy:


اختي انا من ضمنهم

[gamal503]

الحمدلله الله يرزقنا الجنه في الاخره ومش عاوزين الفلوس في الدنيا ولا الغنى ..

[يراعٌ فراتي]

أي
v
v
v
v
v
v
v
v
أخوك فالله
الله يجمعنا معاكم في جناته الفردوس
امين يارب واياكم


الله يرزقك من حيث لاتحتسب لانك دام تساعدهم فانت تستاهل كل خير :shy:

جزيتي خيرا



سيم سيم ..

ما ادري ليش العيون ماتروح إلا على الكبير مع ان الصغير بعد يشتغل ..

الحمد الله حمداً كثيراً على النعمة إلي إحنا فيها ..

:p

نفر صغير مافي مشكل بس اخو كبير واجد جنجال ودي جيب روح تعال كلش خربوطة

[مساهمة بسFresh]

اختي انا من ضمنهم

الله يعينج ويرزقج من حيث لاتحتسبين :shy:

[بوعبدالرحمن5]

مرحبا اختي الفاضله

ممكن انعرف ايجابتك على نفس السؤال ؟

بخصوص الراتب والسلف وكيف التصرف ؟

مع تحياتي

[مساهمة بسFresh]

مرحبا اختي الفاضله

ممكن انعرف ايجابتك على نفس السؤال ؟

بخصوص الراتب والسلف وكيف التصرف ؟

مع تحياتي

مرحبا :shy:
ايه اخوي ممكن
الحمدلله مكفيني
بكل بساطة لاني اشتري باللي عندي ومااشتري شي زيادة عن طاقتي
لو عندي ريال شريت بس بريال وماقعد اطالع فلانة وعلانة لانهم مابينفعوني اذا كانت حالتي الاقتصادية تعبانة
لو عندي عشر اشتري بعشر
ولو عندي مليون اشتري بمليون
مااصرف فوق حاجتي ولا احاول اعطي الناس صورة غير اللي انا عليها من الناحية الاقتصادية يعني
يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا
بس:nice:

[دااانة قطر]

الحمدلله مع سيااسة الاقتصااد
لكن لو يعطونا اللي يعطون الاجاانب يكون افضل لان احنا الاحق

[شبح الصمت]

مرحبا :shy:
ايه اخوي ممكن
الحمدلله مكفيني
بكل بساطة لاني اشتري باللي عندي ومااشتري شي زيادة عن طاقتي
لو عندي ريال شريت بس بريال وماقعد اطالع فلانة وعلانة لانهم مابينفعوني اذا كانت حالتي الاقتصادية تعبانة
لو عندي عشر اشتري بعشر
ولو عندي مليون اشتري بمليون
مااصرف فوق حاجتي ولا احاول اعطي الناس صورة غير اللي انا عليها من الناحية الاقتصادية يعني
يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا
بس:nice:



سؤال ثاني أختي !!

هل تقارنين صرف الاعزب مثل المتزوج !!

انتي من ردودج شكلج مب متزوجه عشان جذيه اختي تكلمين بنظرة الغير متزوج ,,

أختي المتزوج تطلع له الف شغله وشغله اوقات

أتمنى اوصلتج رسالتي

[بو الجوري]

أختي المتزوج تطلع له الف شغله وشغله اوقات

أتمنى اوصلتج رسالتي

:weeping:

[Dawn]

موضوعج زين
لو حطيتي فوق الموضوع استبيان افضل ...

انا على ايام التدريس كان راتبي كله يروح على المدرسه حالي حال اي مدرسه قطريه .... يتم مبلغ بسيط لكفالة عائله في بلد عربي .. وعن نفسي ما اصرف وايد وماحب الدفاشه في اي شي .. كل كشختي بسيطه .. والحمدلله على نعمة الذوق ..

حاليا بعد ما تركت التدريس ما اصدق اني اخلي مبلغ عندي يتم تقريبا اسبوع كامل ولا احتاج له !!! مع ان مافيني بخل والله .. بس مادري شسالفه لفلوس عندي ما تخلص !! ..

يسلمو عالموضوع

[قناص الخليج]

اذا كفى لتاريخ 15 زين

[Rider]

لااااااااااااااااااااااااااا مايكفي

[هارودز]

اللي ماعنده دخل ثاني من راتبه عايش على البركه الله يصبرهم

[خليفـة]

الحمدلله .. راتبي مكفي وموفي
وبفضل من الله
قدرت اوفر لنفسي من هذا الراتب 3 مصادر دخل أخرى لتحسين مستوى الحياة

وعلى قولة التونسي الي في الجزيرة :


http://im3.gulfup.com/2011-05-15/1305455151551.bmp (http://www.gulfup.com/)


والحمدلله ياربي

[يراعٌ فراتي]

الحمدلله .. راتبي مكفي وموفي
وبفضل من الله
قدرت اوفر لنفسي من هذا الراتب 3 مصادر دخل أخرى لتحسين مستوى الحياة

وعلى قولة التونسي الي في الجزيرة :


http://im3.gulfup.com/2011-05-15/1305455151551.bmp (http://www.gulfup.com/)


والحمدلله ياربي

خليفة ابي ربطة من اللي تحت سلف لاخر الشهر

بس لا تسالني اي شهر :nice:

[السهم الذهبي 1]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:
ان كان همك في الزمن بس وجبتك
الفول بريالين والخبز بريال:omen2:

[قطرية فذة]

الحمد لله على كل حال بعد الواحد يدور له مصدر دخل ثاني يترزق منه
دوام الحال من المحال والمحلات صايره نار بوقات محترمه من الزين

مدري متى تجيهم قنبله اتخرعهم على هذه الزياده عشان يتوبون يزيدون الاسعار

[بوعبدالرحمن5]

مرحبا :shy:
ايه اخوي ممكن
الحمدلله مكفيني
بكل بساطة لاني اشتري باللي عندي ومااشتري شي زيادة عن طاقتي
لو عندي ريال شريت بس بريال وماقعد اطالع فلانة وعلانة لانهم مابينفعوني اذا كانت حالتي الاقتصادية تعبانة
لو عندي عشر اشتري بعشر
ولو عندي مليون اشتري بمليون
مااصرف فوق حاجتي ولا احاول اعطي الناس صورة غير اللي انا عليها من الناحية الاقتصادية يعني
يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا
بس:nice:

اشكرك اختي الفاضله على الاجابه

مع اني كنت اتمنى ان تكون التفاصيل اكثر حتى نستفيد ، لأني متابع لبعض كتباتك و بعض الردود وخاصتا في الردود الى من كان يتذمر من قلة الحيله و زيادة الاسعار وتراكم الديون فعتقدت تمشين على منهج ادخار معين للراتب وان هناك تصرف معين تقومين به في ادارة الأموال فنستفيد ونفيد .

عموما نرجع للرد

تقولين (( لوراتبي عشر اشتري بعشر لو راتبي مليون بشتري بمليون )) اسمحيلي اختي هذا كلام شخص غير مقتصد ابدا وعنده خلل وسوء تصرف في المال وسويتي مثل الي قال اصرف مافي الجيب يأتيك مافي الغيب ومثل اللي قال : اصرف على البركه وكان ردج له ((بس نصيحة لك لاتصرف على البركة ادري هذا راتبك وكيفك بس هاذي نصيحة وان شاء الله توفر لك مبلغ كبير )) مادري احس ان هناك تناقض !!


وتقولين
((يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا ))

كلام جميل اختي ولكن !!

كيف تحددين الشي الاساسي والضروري !! يمكن هناك شي يكون عندج غير ضروري وعند شخص اخر من الضروريات والاساسيات والعكس هذا مما يؤدي الى صعوبة معرفة ما اذا كان هذا الشخص يحسن التصرف في الادخار او كان لا يحسن .

هل تعلمين ان هناك كانت اشياء غير ضروريه وغير اساسيه ومن الكماليات قديما واصبح في وقتنا الحالي من الضروريات والاساسيات ..

اعطيج مثال بسيط :

جهازالكمبيوتر كان سابقا غير اساسي ويعتبر من الاشياء الترفيهيه ومن الكماليات في المنزل ، واصبح في وقتنا الحالي من الضروريات تواجده في البيت ولسبب ان المدارس تطلب بعض المطالب من الطلاب والابناء من بحوث وطباعه وغيرها من استخدمات ضروريه ..واذا يتاخذ كمبيوتر يبيلك اشتراك في النت ويبيلك طابعه وهكذا ...الخ .


بختصار

1 -هناك كماليات اصبحت من الضروريات مع بقاء الضروريات الفعليه .
2- هناك كماليات بالنسبه لك ، تكون ضروريات بالنسبه لغيرك .

هنا تكمن المشكله !!

تحياتي :)

[hamoor4ever]

ماشاء الله اخت فرش مواضيعج كل واحد احسن من الثاني ، الله لايوليج على احد من عبادة ، بس الراتب مايكفي نظطر للسلف وللدين للاكل والشرب وللضروريات احيانا كبترول السيارة او زياره دكتور او شراء ادويه او الخ الخ الخ السبب اقساط المايباخ اللي واقف برع والبرج اللي بانيه كلها تاكل الراتب ، والسبب الثاني اني ماورثت خير ولا اراضي ولا ابوي تاجر يعني مواطن قطري اصيل ماعندي الا راتبي اللي مازاد هالشهر الا خمسين ريال والحمدلله على كل حال عندي خير من الله الصحه والاكل والشرب متوافر كل شهر من رب العالمين مب بسبب الراتب وشكرا على الموضوع المهم

[لاجل QT]

لا مايتناسب ..كل شي غالي ...والمعاش يدوب يكفي احتياجات الاسرة

والحمدلله على كل حال

[ارين]

الحمــد لله ...

" لئن شكرتم لأزيدنكم "

[ummalaz]

موضوعج زين
لو حطيتي فوق الموضوع استبيان افضل ...

انا على ايام التدريس كان راتبي كله يروح على المدرسه حالي حال اي مدرسه قطريه .... يتم مبلغ بسيط لكفالة عائله في بلد عربي .. وعن نفسي ما اصرف وايد وماحب الدفاشه في اي شي .. كل كشختي بسيطه .. والحمدلله على نعمة الذوق ..

حاليا بعد ما تركت التدريس ما اصدق اني اخلي مبلغ عندي يتم تقريبا اسبوع كامل ولا احتاج له !!! مع ان مافيني بخل والله .. بس مادري شسالفه لفلوس عندي ما تخلص !! ..

يسلمو عالموضوع

تعرفين اختي لماذا تتوفر عندك الفلوس
لأنك تصرفين على يتيم وهذا من اسباب
البركه في الرزق :nice::nice:
اسأل الله ان يوفقنا واياك في حياتنا
وان يلهمنا الصواب وان يقدرنا على كفالة
ايتام مو يتيم واحد

[العساس]

الحمدلله على نعمة العقل

[OREO]

عليج مواضيع ما شاءالله الناس تستفيد منها و شي حلو انج تنبهين الناس و تذكرينهم بالادخار ،،،

مواضيعج اشبهها مثل النايم و مطنش لصلاة الفير و ينصب عليه ماي بار و يصحصح ،،

شكرا اختي مساهمه وربي يعطيج ع قد نيتج ،،،

اوووووه نسيت اقول ،،، الحمدلله راتبي يزيد يزيد و فوق هذا اتصدق منه ثلث الراتب من بداية الشهر و الحمدلله و هذا من فضل ربي ،،،

[شيزكيك]

بالنسبة لي راتبي الحمد لله زين

قبل لما كنت في البنوك الربوية كنت متبهدلة ما اقدر اوفر شي وفيزا وقسط سيارة وقسط

سلفه


الحين انا في الاسلامي الحمدلله عندي قسط سلفيه بس ما عندي بطاقات فيزا وماسترد ذيلين

بروحهم دمار

وفاتورة جوالي في حدود ال300 او ال400 وذي بعد علشان خدمه البي بي

اعطي امي المقسوم وعيالي مصروف شهري

والحمدلله على كل حال

طبعا تموين البيت ورواتب الخدامات ومصروف المدارس على زوجي

[فتى الجود]

نعم نعم نعم
يكفي ويزيد ولو جاتنا زيادات بنرحب بها ومب قاليلن لاء ظن ونبيها .



اللهم لك الحمد حمدأ كثيراً طيباً مباركاً فيه



قال الرسول صلى الله عليه وسلم:



" من أصبح آمن في سربه
معافى في بدنه
يجد قوت يومه

فقد حيزت له الدنيا بحذافيرها "

صدق رسول الله

[اسعاف]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟
:shy:

إيه

لأني لا اشتري الأشياء كلما اشتهيتها

ولا اورط نفسي بقروض ربوية ماحقة

يعني آمد اريولي على قد إلحافي

[المريش]

خلي الأسعار اول تنزل بعدين اسالينا عن تنظيم الامور المالية

فأما بالنسبة بالبركة نسأل الله ان يبارك في أموالنا لانه لو ما فيه بركة ما بيتم شي عندنا ولو كان الواحد راتبه مليون*

[ام ناصر1]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:
طبعا لايتناسب في ظل الغلاء واحتياجات الاسرة ....
مافي داعي اعرف كم قسطي وكم راتبي ..البنك ماشا الله عليهم ياخذون القسط
اول ما ينزل الراتب ..ويبقى ربعه ونمد على اساسه ارجولنا......:discuss:

[ابو علاوي]

انا ماعندي راتب شهري ثابت
لان شغلي حر
لكن عندي التزامات شهرياً لازم تندفع
7000 ريال اجار بيت
3300 قسط سيارة
1500 ريال فاتورة جوال
1000 ريال كهربا وماي ونت وتلفون ارضي
1500 راتب خدامتين
1000 ريال قسط الحضانة لعلاوي
1000 ريال بترول سيارتي
3500 مصاريف اكل وغيره في البيت
1000 ريال مصروف طفلين من حليب وسريلاك ومدري شسمه ....
=20800 ريال

وهذا انا لاطلعت ولا جيت ولارحت لمطعم ولا سويت عزيمة لاحد ولاشريت ملابس لي ولاسافرت .......و...و..

كل ماتجيني فلوس احاول اوفر لكن ماقدرت اوفر ولا شي هههههههه

ونقول مثل ماقال بوخليفة والتونسي.........
والحمدلله ياربي :weeping:

[cl63]

الحمدلله على كل حال

[وحيد-الشوق]

:shy:

:shy:

:shy:

الحمدلله عالنعمة :shy: الراتب يكفي بس لو تزوجت بتلعوز صراحه بضطر ادين :shy:

[Me&OnLy]

يعني مع ارتفاع الاسعار والبترول والخ متكيسل مابي اكتب هل فيه توفير

[بو منيرة]

اضم صوتي لصوت الاخوان واقول :

الحمدلله ياربي :)

الراتب ولله الحمد مكفي ... ولكن الشي الي متعبني شوي هو البيت ... الاجارات غاليه ... والمشترى اغلى

ومنيرة الله يحفظها تبي دي اس وردي

[مساهمة بسFresh]

بالنسبة لي راتبي الحمد لله زين

قبل لما كنت في البنوك الربوية كنت متبهدلة ما اقدر اوفر شي وفيزا وقسط سيارة وقسط

سلفه


الحين انا في الاسلامي الحمدلله عندي قسط سلفيه بس ما عندي بطاقات فيزا وماسترد ذيلين

بروحهم دمار

وفاتورة جوالي في حدود ال300 او ال400 وذي بعد علشان خدمه البي بي

اعطي امي المقسوم وعيالي مصروف شهري

والحمدلله على كل حال

طبعا تموين البيت ورواتب الخدامات ومصروف المدارس على زوجي

الله يبارك لك اخوي يعني حتى اللي عليه سلفة يقدر ينظم مصاريفه :shy:

[موضي قطر]

اشكرك اختي الفاضله على الاجابه

مع اني كنت اتمنى ان تكون التفاصيل اكثر حتى نستفيد ، لأني متابع لبعض كتباتك و بعض الردود وخاصتا في الردود الى من كان يتذمر من قلة الحيله و زيادة الاسعار وتراكم الديون فعتقدت تمشين على منهج ادخار معين للراتب وان هناك تصرف معين تقومين به في ادارة الأموال فنستفيد ونفيد .

عموما نرجع للرد

تقولين (( لوراتبي عشر اشتري بعشر لو راتبي مليون بشتري بمليون )) اسمحيلي اختي هذا كلام شخص غير مقتصد ابدا وعنده خلل وسوء تصرف في المال وسويتي مثل الي قال اصرف مافي الجيب يأتيك مافي الغيب ومثل اللي قال : اصرف على البركه وكان ردج له ((بس نصيحة لك لاتصرف على البركة ادري هذا راتبك وكيفك بس هاذي نصيحة وان شاء الله توفر لك مبلغ كبير )) مادري احس ان هناك تناقض !!


وتقولين
((يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا ))

كلام جميل اختي ولكن !!

كيف تحددين الشي الاساسي والضروري !! يمكن هناك شي يكون عندج غير ضروري وعند شخص اخر من الضروريات والاساسيات والعكس هذا مما يؤدي الى صعوبة معرفة ما اذا كان هذا الشخص يحسن التصرف في الادخار او كان لا يحسن .

هل تعلمين ان هناك كانت اشياء غير ضروريه وغير اساسيه ومن الكماليات قديما واصبح في وقتنا الحالي من الضروريات والاساسيات ..

اعطيج مثال بسيط :

جهازالكمبيوتر كان سابقا غير اساسي ويعتبر من الاشياء الترفيهيه ومن الكماليات في المنزل ، واصبح في وقتنا الحالي من الضروريات تواجده في البيت ولسبب ان المدارس تطلب بعض المطالب من الطلاب والابناء من بحوث وطباعه وغيرها من استخدمات ضروريه ..واذا يتاخذ كمبيوتر يبيلك اشتراك في النت ويبيلك طابعه وهكذا ...الخ .


بختصار

1 -هناك كماليات اصبحت من الضروريات مع بقاء الضروريات الفعليه .
2- هناك كماليات بالنسبه لك ، تكون ضروريات بالنسبه لغيرك .

هنا تكمن المشكله !!

تحياتي :)



دخلت ومنيه نفسي الاقي رد على ردك لكن :(

[مساهمة بسFresh]

الحمــد لله ...

" لئن شكرتم لأزيدنكم "



الحمدلله

[chillis]

الحمدلله مكفيني ومسويه ميزانيه اصرف جزء واوفر جزء للازمات ربي لك الحمد عندي كنترول

[كادي]

الحمدلله
بس الانسان طماع ! ومايحب يخلي شي فخاطره هذا اللي عودونا وتعودنا عليه !

بخصوص شغلة تنظيم الراتب وجي احااول قد ماقدر قبل ماينزل الراتب ارتب الامور لين تكفيني لاخر الشهر بس ماوصل نص الشهر الا الحاله متضعضعه !! < ساعدوني بهالشغله ..

[مساهمة بسFresh]

الحمدلله مكفيني ومسويه ميزانيه اصرف جزء واوفر جزء للازمات ربي لك الحمد عندي كنترول

وهذا المهم اعتقد اللي هو الكنترول :shy:

[مساهمة بسFresh]

الحمدلله
بس الانسان طماع ! ومايحب يخلي شي فخاطره هذا اللي عودونا وتعودنا عليه !

بخصوص شغلة تنظيم الراتب وجي احااول قد ماقدر قبل ماينزل الراتب ارتب الامور لين تكفيني لاخر الشهر بس ماوصل نص الشهر الا الحاله متضعضعه !! < ساعدوني بهالشغله ..

جربي اختي انج تمنعين نفسج لو شهر واحد عن اشياء انتي نفسج تدرين انها مب اساسية وشوفي وضعج
هي نصيحة في النهاية اختي وكل واحد حر
:shy:

[موضي قطر]

اشكرك اختي الفاضله على الاجابه

مع اني كنت اتمنى ان تكون التفاصيل اكثر حتى نستفيد ، لأني متابع لبعض كتباتك و بعض الردود وخاصتا في الردود الى من كان يتذمر من قلة الحيله و زيادة الاسعار وتراكم الديون فعتقدت تمشين على منهج ادخار معين للراتب وان هناك تصرف معين تقومين به في ادارة الأموال فنستفيد ونفيد .

عموما نرجع للرد

تقولين (( لوراتبي عشر اشتري بعشر لو راتبي مليون بشتري بمليون )) اسمحيلي اختي هذا كلام شخص غير مقتصد ابدا وعنده خلل وسوء تصرف في المال وسويتي مثل الي قال اصرف مافي الجيب يأتيك مافي الغيب ومثل اللي قال : اصرف على البركه وكان ردج له ((بس نصيحة لك لاتصرف على البركة ادري هذا راتبك وكيفك بس هاذي نصيحة وان شاء الله توفر لك مبلغ كبير )) مادري احس ان هناك تناقض !!


وتقولين
((يعني تاكد لو راتبي الف بتلاقيني عايشة على قد الالف
مب لو كان راتبي الف اسوي نفسي راتبي مليون واصرف فوق حاجتي
واي محل يرفع سعره ومايعجبني سعره واشوف انه ممكن يرهق ميزانيتي مااروح له الا اذا كان شي اساسي او ضروري جدا ))

كلام جميل اختي ولكن !!

كيف تحددين الشي الاساسي والضروري !! يمكن هناك شي يكون عندج غير ضروري وعند شخص اخر من الضروريات والاساسيات والعكس هذا مما يؤدي الى صعوبة معرفة ما اذا كان هذا الشخص يحسن التصرف في الادخار او كان لا يحسن .

هل تعلمين ان هناك كانت اشياء غير ضروريه وغير اساسيه ومن الكماليات قديما واصبح في وقتنا الحالي من الضروريات والاساسيات ..

اعطيج مثال بسيط :

جهازالكمبيوتر كان سابقا غير اساسي ويعتبر من الاشياء الترفيهيه ومن الكماليات في المنزل ، واصبح في وقتنا الحالي من الضروريات تواجده في البيت ولسبب ان المدارس تطلب بعض المطالب من الطلاب والابناء من بحوث وطباعه وغيرها من استخدمات ضروريه ..واذا يتاخذ كمبيوتر يبيلك اشتراك في النت ويبيلك طابعه وهكذا ...الخ .


بختصار

1 -هناك كماليات اصبحت من الضروريات مع بقاء الضروريات الفعليه .
2- هناك كماليات بالنسبه لك ، تكون ضروريات بالنسبه لغيرك .

هنا تكمن المشكله !!

تحياتي :)




للحيـــــن :telephone:

[النائب]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:

بالنسبة للمقيم أعتقد إن راتبة يكفيه وزيادة .

أما المواطن فهناك نوعين :

مواطن داعس ومواطن مدعوس .
المواطن الداعس ممكن راتبة يكفيه وزيادة أما المواطن المدعوس فلا أعتقد إنه يستحق الحياة ولكنة عايش بالبركة .

[موضي قطر]

بالنسبة للمقيم أعتقد إن راتبة يكفيه وزيادة .

أما المواطن فهناك نوعين :

مواطن داعس ومواطن مدعوس .
المواطن الداعس ممكن راتبة يكفيه وزيادة أما المواطن المدعوس فلا أعتقد إنه يستحق الحياة ولكنة عايش بالبركة .


:shy::shy: طيب ليش المدعوس زعلان ..يحمد ربه ان اللي داعس عليه واحد كبير بس :shy::shy:

[النائب]

:shy::shy: طيب ليش المدعوس زعلان ..يحمد ربه ان اللي داعس عليه واحد كبير بس :shy::shy:

من قال إنه زعلان دام ماشفتيه في الشارع ويقول .

( يسقط الداعس ويحيا المدعوس )

[wadha-qa]

على حسب .. مرات يبقى مبلغ بسيط لين اخر الشهر ومرات تاريخ 15 الحساب اقل من 50 :(

[مشتاقة لقطر]

الله يطرح فيكم البركة .وفي اموالكم وذريتكم..

ولا يولي حد عليكم .. يمن عليكم ..

وانصح كل واحد يسوي لنفسه شي ويضغط على نفسه .. والله ببييسرها ..

اقلها تجارة بالنت خفيفة .. بدال التصفح بالساعات بلاعايدة بلا فايدة ..

والله بيستوي لكم دخل جيد ومستمر طول الشهر ..

[مساهمة بسFresh]

الله يطرح فيكم البركة .وفي اموالكم وذريتكم..

ولا يولي حد عليكم .. يمن عليكم ..

وانصح كل واحد يسوي لنفسه شي ويضغط على نفسه .. والله ببييسرها ..

اقلها تجارة بالنت خفيفة .. بدال التصفح بالساعات بلاعايدة بلا فايدة ..

والله بيستوي لكم دخل جيد ومستمر طول الشهر ..

بارك الله فيج :shy:

[bohilal191]

الحمدلله لين تاريخ 23 يكفي لأن موزع بطريقة ثابته

1-مصروف البيت
2-الوالد
3-الوالدة
4-الدريول
5- الخدامة
6-كيوتل
7-مبلغ حق ولدي وبنتي
8- القرض الشخصي
9-قرض السيارة الحمدلله بيخلص شهر 10
10-مصروف شخصي
تخيلوا بس

[مساهمة بسFresh]

الحمدلله لين تاريخ 23 يكفي لأن موزع بطريقة ثابته

1-مصروف البيت
2-الوالد
3-الوالدة
4-الدريول
5- الخدامة
6-كيوتل
7-مبلغ حق ولدي وبنتي
8- القرض الشخصي
9-قرض السيارة الحمدلله بيخلص شهر 10
10-مصروف شخصي
تخيلوا بس

الله يبارك لك ويعينك :shy:

[freespirit]

علي قسط 4500 حق سياره كشخه ... وبيخلص بعد سنتين ونص

واصرف على البيت 5000 شهريا ...

ومصروف جيبي انا واخوي الصغير علي يطلع 7000.. ويبقى منها كل شهر

واوفر 4000 كل شهر ..

وراتبي راتب سنير عزوبي في بدايه التوظيف ..

مايكسر الظهر الا البيت والبناي ... لاتقولون السيارات والكشخه و(العرس اللي بعقل) يكسرون الظهر


خل نفكر شوي فالزواج .. راتبي حاليا 20.500 ... لما اتزوج يصير 29500 < هالفرقيه خلها تسدد قرض الزواج في ثلاث سنين .. وعقب عيش مرتاح ...

لما استلم الدرجه .. بما اني للحين متدرب راتبي متزوج 39000 ... وين تروح فلوس العالم؟ :s
^_^

[بومحمد911]

الحمدلله على كل حال

والقناعة كنز لايفنى

[بوراشد82]

بوحارب ..

هل يكفيك راتبك لأخر الشهر ؟؟

اذا جاوبت أسئلني نفس السؤال ..!!

[مساهمة بسFresh]

علي قسط 4500 حق سياره كشخه ... وبيخلص بعد سنتين ونص

واصرف على البيت 5000 شهريا ...

ومصروف جيبي انا واخوي الصغير علي يطلع 7000.. ويبقى منها كل شهر

واوفر 4000 كل شهر ..

وراتبي راتب سنير عزوبي في بدايه التوظيف ..

مايكسر الظهر الا البيت والبناي ... لاتقولون السيارات والكشخه و(العرس اللي بعقل) يكسرون الظهر


خل نفكر شوي فالزواج .. راتبي حاليا 20.500 ... لما اتزوج يصير 29500 < هالفرقيه خلها تسدد قرض الزواج في ثلاث سنين .. وعقب عيش مرتاح ...

لما استلم الدرجه .. بما اني للحين متدرب راتبي متزوج 39000 ... وين تروح فلوس العالم؟ :s
^_^

يعني عندك تخطيط اخوي وهذا المهم :shy:
شكرا على المرور

[مساهمة بسFresh]

الحمدلله على كل حال

والقناعة كنز لايفنى

الحمد لله

[Al-Kuwari]

علي قسط 4500 حق سياره كشخه ... وبيخلص بعد سنتين ونص

واصرف على البيت 5000 شهريا ...

ومصروف جيبي انا واخوي الصغير علي يطلع 7000.. ويبقى منها كل شهر

واوفر 4000 كل شهر ..

وراتبي راتب سنير عزوبي في بدايه التوظيف ..

مايكسر الظهر الا البيت والبناي ... لاتقولون السيارات والكشخه و(العرس اللي بعقل) يكسرون الظهر


خل نفكر شوي فالزواج .. راتبي حاليا 20.500 ... لما اتزوج يصير 29500 < هالفرقيه خلها تسدد قرض الزواج في ثلاث سنين .. وعقب عيش مرتاح ...

لما استلم الدرجه .. بما اني للحين متدرب راتبي متزوج 39000 ... وين تروح فلوس العالم؟ :s
^_^


الله يزيد ويبارك لك فراتبك ياخوي

لكن مب الكل يستلم نفس راتبك ولا الكل يحلم بـ 39000 الف

لو رواتب اهل قطر 30,000 الف وطالع ماعتقد في حد كان راح يتحلطم او يتشكى

لكن في ناس فاتحه بيوت براتب اقل من 20,000

[ام السعف]

يوم يدخلون علينا مال الاحصاء ،، ويسئلون كم مكيف عندكم
كم فرن في البيت
كم خادمة
كم الراتب ؟


ونلقى في استبيان المجلس الأعلى للتعليم
اسئلة بنفس الخصوص

ونلقى في استبيان مجلس الأسرة ما ادري شسمها
نفس الإسئلة ،،

كنا انرد بصفة نية ،، ما كنا نحسب ان الأمور هذي راح تعتبر من الرفاهية المفرطة اللي انحسبت على المواطن القطري ،، واليوم كثيرين يعانون مع وجود كثيريين مرتاحين ،،

في اللي في الموضوع هذا ،، يقول انا اشتري على قدي عندي 1000 شريت بألف :shy:،، عندي مليون شريت بمليون:shy: مب عندي الف اروح اشتري بألفين :shy:،،
لاحظا قال عنده الف يروح يشتري بالف ،، ما قال عندي الف اروح اشتري بميتين واخلي 800 ريال :) للزمن :(
لأنه يشوف نفسه لو عنده 1000 من حقه يشتري بالف ،، بس اللي يصرف على بيت كامل
وعنده 7000 ريال ومب مكفيته خله يعيش على قده ويمد ريوله على قد لحافه
ولا يلبس عياله ولا يأكلهم لحم ولا يوفر لهم ابسط متطلبات الحياة العصرية ،،
بس علشان ما يصير مديون او كان عن طريق دين حسن ،، ولازم يعيش على قد لحافه
في دولة تتغنى بالثراء الكبير لدرجة تشحن الفلوس لدول ثانية :(

تقول لي اختي : مرت عليها وحدة تقول ان في مدرسة في منطقة ( من غير ذكر الأسامي )
تقول مديرة هالمدرسة ان هناك طالبات قطرياااااااات يحضرون للمدرسة ونظرهم ضعيف
والحالة المادية للأسر هذي ما تساعدهم على شراء نظارة للطالبة الوحدة
وهناك حالات كثيرة ،،

هل لما نقول هالشي يعني تعال يا فلان تصدق او يا علان تصدق ؟


لا ما نقول هالشي علشان ننطر صدقة فلان او علان ،،، نقول هالشي بناء على احقية
هؤلاء بخيرات البلاد ،، اللي الغريب صار يتمتع فيها اكثر منه ،،

[موضي قطر]

يوم يدخلون علينا مال الاحصاء ،، ويسئلون كم مكيف عندكم
كم فرن في البيت
كم خادمة
كم الراتب ؟


ونلقى في استبيان المجلس الأعلى للتعليم
اسئلة بنفس الخصوص

ونلقى في استبيان مجلس الأسرة ما ادري شسمها
نفس الإسئلة ،،

كنا انرد بصفة نية ،، ما كنا نحسب ان الأمور هذي راح تعتبر من الرفاهية المفرطة اللي انحسبت على المواطن القطري ،، واليوم كثيرين يعانون مع وجود كثيريين مرتاحين ،،

في اللي في الموضوع هذا ،، يقول انا اشتري على قدي عندي 1000 شريت بألف :shy:،، عندي مليون شريت بمليون:shy: مب عندي الف اروح اشتري بألفين :shy:،،
لاحظا قال عنده الف يروح يشتري بالف ،، ما قال عندي الف اروح اشتري بميتين واخلي 800 ريال :) للزمن :(
لأنه يشوف نفسه لو عنده 1000 من حقه يشتري بالف ،، بس اللي يصرف على بيت كامل
وعنده 7000 ريال ومب مكفيته خله يعيش على قده ويمد ريوله على قد لحافه
ولا يلبس عياله ولا يأكلهم لحم ولا يوفر لهم ابسط متطلبات الحياة العصرية ،،
بس علشان ما يصير مديون او كان عن طريق دين حسن ،، ولازم يعيش على قد لحافه
في دولة تتغنى بالثراء الكبير لدرجة تشحن الفلوس لدول ثانية :(

تقول لي اختي : مرت عليها وحدة تقول ان في مدرسة في منطقة ( من غير ذكر الأسامي )
تقول مديرة هالمدرسة ان هناك طالبات قطرياااااااات يحضرون للمدرسة ونظرهم ضعيف
والحالة المادية للأسر هذي ما تساعدهم على شراء نظارة للطالبة الوحدة
وهناك حالات كثيرة ،،

هل لما نقول هالشي يعني تعال يا فلان تصدق او يا علان تصدق ؟


لا ما نقول هالشي علشان ننطر صدقة فلان او علان ،،، نقول هالشي بناء على احقية
هؤلاء بخيرات البلاد ،، اللي الغريب صار يتمتع فيها اكثر منه ،،


فديتها هالمره تقول اللي في خاطري دايم

مع ملاحظة اذا عندهم الف يشترون بالألف مادري وين التوفير ومحد يشتري اكثر من حاجته وليش تتسلفون ماتنطبق عليهم :shy:

[ام السعف]

فديتها هالمره تقول اللي في خاطري دايم

مع ملاحظة اذا عندهم الف يشترون بالألف مادري وين التوفير ومحد يشتري اكثر من حاجته وليش تتسلفون ماتنطبق عليهم :shy:

ياربي انت ثاني وحدة تفديني من امس ،، عاد ذيك قالت لي
فديتها اللي مغيبة عيالها على بالها عندهم عرس :rolleyes2:

[مساهمة بسFresh]

للقطريين والمقيمين في قطر - هل المرتب الذي تتقاضاه يتناسب واحتياجاتك الشهرية ؟

منقول من جريدة الوطن اليوم
:shy:

:shy: وهاذي اضافة من عندي :
هل تنظم راتبك ولا تصرف على البركة؟ :shy:يعني تعرف كم راتبك وكم قسطك الشهري وعلى ضوءها تصرف؟:shy:

للرفع بعد قرار الزيادة :shy:
وعلشان يصير السؤال واقعي(وبالاخص للقطريين) :
هل المرتب الذي سوف تتقاضاه من آخر الشهر فصاعدا يتناسب واحتياجاتك الشهرية؟

[منابر خالده]

للرفع بعد قرار الزيادة :shy:
وعلشان يصير السؤال واقعي(وبالاخص للقطريين) :
هل المرتب الذي سوف تتقاضاه من آخر الشهر فصاعدا يتناسب واحتياجاتك الشهرية؟

مابيكفي صدقيني :tease:

[لاجل QT]

للرفع بعد قرار الزيادة :shy:
وعلشان يصير السؤال واقعي(وبالاخص للقطريين) :
هل المرتب الذي سوف تتقاضاه من آخر الشهر فصاعدا يتناسب واحتياجاتك الشهرية؟

على حسب اذا ارفعو الاسعار لا مايكفي ..اذا الاسعار ثابتة انشالله يكفي:shy:

ليتهم سوونا كلنا الزيادة 120%:shy:

[النائب]

للرفع بعد قرار الزيادة :shy:
وعلشان يصير السؤال واقعي(وبالاخص للقطريين) :
هل المرتب الذي سوف تتقاضاه من آخر الشهر فصاعدا يتناسب واحتياجاتك الشهرية؟


بالنسبه للراتب سواء القديم او الجديد لا يكفى حتى ليومين في الشهر بس زين حق قسط بنك التنمية لأن مصرفي يفوق راتبي ثلاث أضعاف ..

لو فرضنا 3 سفرات في الشهر وكل سفره تكلفك 10 آلاف ريال هذي 30 الف وقسط السياره 5000 ريال وعزايم للربع في شرق وسيغال والحياه والعزيمه الوحده مع الكماليات بحدود 15 الف ريال يعني وصلت المصروفات في الشهر 50 الف ريال في الشهر اعتقد إن الراتب محتاج زياده حتى نتمكن من التأقلم مع الواقع .

هذا بعد وانا ماحسبت المشتريات الشهرية مثل ساعه ولا إزرار ولا نعل الله يكرمكم جميع غتر وثياب . هذي بروحها في الشهر يمكن تعدى 10 آلاف ريال لي بروحي فما بالك لمن عنده عيال بعد .
الرواتب الآن لا تسمن ولا تغني من جوع إلا من يبي يعيش على الكفاف .

[ضوى]

بالنسبه للراتب سواء القديم او الجديد لا يكفى حتى ليومين في الشهر بس زين حق قسط بنك التنمية لأن مصرفي يفوق راتبي ثلاث أضعاف ..

لو فرضنا 3 سفرات في الشهر وكل سفره تكلفك 10 آلاف ريال هذي 30 الف وقسط السياره 5000 ريال وعزايم للربع في شرق وسيغال والحياه والعزيمه الوحده مع الكماليات بحدود 15 الف ريال يعني وصلت المصروفات في الشهر 50 الف ريال في الشهر اعتقد إن الراتب محتاج زياده حتى نتمكن من التأقلم مع الواقع .

هذا بعد وانا ماحسبت المشتريات الشهرية مثل ساعه ولا إزرار ولا نعل الله يكرمكم جميع غتر وثياب . هذي بروحها في الشهر يمكن تعدى 10 آلاف ريال لي بروحي فما بالك لمن عنده عيال بعد .
الرواتب الآن لا تسمن ولا تغني من جوع إلا من يبي يعيش على الكفاف .



صدقت ، انت تصرف 54 الف بالشهر ،انا 70 الف ومب ملحقة ياربي لازم رواتبنا تزيد اكثر تعبنا واحنا نمد ريولنا على قد لحافنا

[لاجل QT]

^^^^^

عسى ماشر اللى فوق:eek2:

[eXpert*]

اللهم لك الحمد والشكر كما ينبغي لجلال وجهك وعظيم سلطانك .

[النائب]

صدقت ، انت تصرف 54 الف بالشهر ،انا 70 الف ومب ملحقة ياربي لازم رواتبنا تزيد اكثر تعبنا واحنا نمد ريولنا على قد لحافنا

عليكم بالدعاء في جوف الليل والله بسهلها مثل ما سهلها على صاحبة الموضوع .

[مساهمة بسFresh]

على حسب اذا ارفعو الاسعار لا مايكفي ..اذا الاسعار ثابتة انشالله يكفي:shy:

ليتهم سوونا كلنا الزيادة 120%:shy:

هاذي ارزاق اختي
وكل واحد خذ نصيبه
:nice:
والله يبارك للكل

[مساهمة بسFresh]

مابيكفي صدقيني :tease:

قصدج اللي ماعرف ينظم نفسه قبل ماراح يعرف ينظم نفسه الحين؟

يمكن استفاد من الدرس:)

[كبير المتداولين]

انا عندي مبدى القناعه والتحور


كل شخص يستطيع الاقتناع بالموجود والتحور عليه يستطيع العيش سواء كان راتبه 1000 او 100000

ماتفرق
والدليل ان الرواتب اذكر ايام زمان كانت 30% من الرواتب الحاليه والكل عايش والحين نفس الموضوع وبالعكس زادت الشكاوى وزاده اعباء الحياه.

والسبب ان اكثر الاحتياجيات الحين صارت كلها كماليات واشياء مالها داعي بصراحه او نعطيها اهتمام اكثر من قدرها

والحل انه لازم تصير في توعيه وادراك للاستهلاك سواء ونعرف نحدد اولويات الاستهلاك بين الاساسي والثانوي .

ويعطيج العافيه

[مساهمة بسFresh]

اللهم لك الحمد والشكر كما ينبغي لجلال وجهك وعظيم سلطانك .

اللهم لك الحمد
جزاك الله خير اخوي

[مساهمة بسFresh]

انا عندي مبدى القناعه والتحور


كل شخص يستطيع الاقتناع بالموجود والتحور عليه يستطيع العيش سواء كان راتبه 1000 او 100000

ماتفرق
والدليل ان الرواتب اذكر ايام زمان كانت 30% من الرواتب الحاليه والكل عايش والحين نفس الموضوع وبالعكس زادت الشكاوى وزاده اعباء الحياه.

والسبب ان اكثر الاحتياجيات الحين صارت كلها كماليات واشياء مالها داعي بصراحه او نعطيها اهتمام اكثر من قدرها

والحل انه لازم تصير في توعيه وادراك للاستهلاك سواء ونعرف نحدد اولويات الاستهلاك بين الاساسي والثانوي .

ويعطيج العافيه

الله يعافيك اخوي
مشاركة اكثر من رائعة

والمفروض كل انسان يحدد الاساسيات والكماليات عنده ويعرف شنو اللي محتاجه بالضبط

ولازم يعرف يدبر اموره بشكل احسن مع الزيادة :)

[النائب]

الله يعافيك اخوي
مشاركة اكثر من رائعة

والمفروض كل انسان يحدد الاساسيات والكماليات عنده ويعرف شنو اللي محتاجه بالضبط

ولازم يعرف يدبر اموره بشكل احسن مع الزيادة :)

بالعكس إختي مساهمه

لابد ان نصرف على قد مانقدر لأن حكومتنا الله يوفقها تعمل دراسه على مشترياتنا فإذا شافتنا نشترى واجد ولا نحسب للراتب أعتقد راح ترفع الراتب قريبا . لكن لو شافت الراتب يبقى منه شي ماراح يحسنون من وضعنا المادي .

[مساهمة بسFresh]

اللي كان يقول ان مايصفى من راتبه شي لين اخر الشهر الحين اعتقد على الاقل الزيادة المفروض تصفى له
ان عرف ينظم نفسه
ومبروك عليكم:)

[النائب]

اللي كان يقول ان مايصفى من راتبه شي لين اخر الشهر الحين اعتقد على الاقل الزيادة المفروض تصفى له
ان عرف ينظم نفسه
ومبروك عليكم:)

شكرا لإهتمامك بالمواطنين

أنا اعتقد إن مع الزياده راح تزيد إلتزاماتنا لذلك ما اعتقد إن بإمكاننا تنظيم انفسنا لذلك اطالب من الحكومة تسديد ديوننا حتى نستطيع التأقلم مع الغلاء الفاحش الموجود في الدوله .

[(بوطلال)]

يعطيج العافيه اختي مساهمه الحمدلله مع الراتب القديم كن اوفر النص والحين تقريبا بيكون التوفير بحدود الثلثين الله يطول بعمر بومشعل.




اخوي النائب هدي شوي ترى هالاسلوب للاسف ينزل من قدرك

[الخيالة]

بالنسبة لي مع اجار البيت والماي والكهربا ومصروف البيت مايتم شي والله بس الحمدالله علي كل هاي شنسوي رواتبنا جذيه ومو بيدنا شي ولي مديرنا مهتم فينا اهم شي هو ياخذ دبل دبل راتب واحنا عادي حتي لو ماعطانا في هالزمن 4000 ريال شنو بيسوي بس الحمدالله

الله يوفق الجميع ويرزق الجميع

[النائب]

يعطيج العافيه اختي مساهمه الحمدلله مع الراتب القديم كن اوفر النص والحين تقريبا بيكون التوفير بحدود الثلثين الله يطول بعمر بومشعل.




اخوي النائب هدي شوي ترى هالاسلوب للاسف ينزل من قدرك

هلا بك يابوطلال

الله يطول بعمر ابومشعل وولي عهده على هالزياده وسموه كريم والشعب يستاهل المزيد .

.

[مساهمة بسFresh]

يعطيج العافيه اختي مساهمه الحمدلله مع الراتب القديم كن اوفر النص والحين تقريبا بيكون التوفير بحدود الثلثين الله يطول بعمر بومشعل.




اخوي النائب هدي شوي ترى هالاسلوب للاسف ينزل من قدرك

مرحبا اخوي بو طلال

وهذا اللي لازم يصير ان شاء الله مع الغالبية العظمى من اللي جاتهم زيادات

لانها مب جاية كل يوم

وبالنسبة للسطر الاخير من مشاركتك يابوطلال فاتمنى انك اتطبق الحكمة انا اللي انا ماشية عليها :
ناس تحشمهم وناس اتحشم نفسك عنهم
:nice:
تحياتي لك اخوي

[السامـي]

أنا مار من هنا وأبغي أسئل متى أسقاط ديون البنوك؟،ولا الصراحة

راتبي ما يكفي الى آخر الشهر.

:):shy:

[بو الجوري]

كان ودي اكون موجود وقت النقاشااات :..

و حشتني هالنقاشااات :.. ههههه
:shy:

انا قبل الزياده مصروفي الشهري بدون وناسه و كماليات :..
كان اكثر من راتبي تقريبيا ب 4000 ريال
ادبرهم من هني و هناك :..

والحين زادو راتبي تقريبا 5500 :..
يعني فرق الف تقريبا عن مصروفي الشهري :..


لا تحسسينا ان احنا كنا ناخذ 10 الاف ونصرف 8 الاف والحين مع الزياده صار في فايض !!!! :shy:

بس طبعا الحمد لله الزياده جاتني في وقتها :..
وماراح ان شاء الله اتسلف كل شهر :..
بكون يادوب على قدي :...

متى بيسدون الديون عشان استانس :.. :shy:

مثل النائب :)

[مساهمة بسFresh]

في عدة طرق لاستغلال الزيادة:
1 توفيرها مثلا في حساب توفير للي يقدر
2تسديد جزء من الديون ان كان الشخص عليه ديون ويقدر يسدد كل شهر للدين

ويمكن في طرق ثانية

بس المهم يتم استغلالها بطريقة سليمة
:)
والاهم من هذا كله سؤال الموضوع والاستفتاء :
هل يتناسب الراتب بعد الزيادة مع احتياجاتك الشهرية؟

[wadha-qa]

اللي يقول اول الرواتب اقل ومحد يتشكى

ترى اول تمير البيت ب500 ريال كل شهر الحين 6000 وما تغطي كل احتياجات البيت

هذا اقل مثال يعني

انا عن نفسي راتبي القديم ما يجي 2 ولا 3 بالشهر والرصيد مافيه الا خرده :(

من بعد الزياده و رفع الاسعار بعد بنشوف هالشهر ان شاء الله كم يصفى لنا من الراتب

الله يعين الجميع !!

[الزعيمه]

ربنا يبرك في الراتب ويحط فيه البركة مد رجلك علي قد رحفك الحمدالله نعمة ولا يحرمها من زوال

[سفير الدوحة]

جزء من راتبي للوالد و الوالدة الله يطول باعمارهم على طاعته (بحكم اني قاعد في البيت معاهم )
الجزء الثاني على مصروفات البيت (طلعات الجمعية وبالذات خميس و جمعة)
الباقي على السيارة و التلفون
انا ما احب اصرف كثير في طلعاتي الدوحة،، الا اذا طلعت البحر هاي حسبه ثانية تكون...
يزيد معاي في الراتب قريب النصف من الراتب الاساسي

[سفير الدوحة]

جزء من راتبي للوالد و الوالدة الله يطول باعمارهم على طاعته (بحكم اني قاعد في البيت)
الجزء الثاني على مصروفات البيت (طلعات الجمعية وبالذات خميس و جمعة)
الباقي على السيارة و التلفون

يزيد معاي في الراتب قريب النصف من المبلغ الاساسي

[بنت الموج]

:victory: الحمد الله على كل
الراتب لله الحمد يكفي بس لازم نقتصد ونفتح لنا احساب توفير اقل شي كل شهر ينسحب
من راتبي الف ريال ويودع في الحساب وننساه :)
والحمداله على كل شيء

[يا هلا]

الحمد لله على كل شيء

والله العظيم إني ما أنتظر أي زيادة بس أبي الأسعار تتم على ما هي عليه لكن مع هذه الزيادات اليومية في جميع الأسعار لا أعرف ماذا نفعل ؟

المدرسة المصرية رفعت المصاريف عندي 3 أولاد بها ووتم الدفع بزيادة تجاوزت ال 20% لكل منهم (8600 ) ريال أول قسط ؟؟؟؟

والله يا أخواني أني أتمنى الخير للكل وملحوظة هامة جدا هذي بلادكم وهذي فلوسكم والله يزيدكم من فضله وأنا عن نفسي لست مع أي شخص يقول ليش جت الزيادة للقطريين والمقيمين لأ !!!! يا أخوان لا تنسوا أننا ضيوف وسنرحل سنرحل شئنا أم أبينا وأتحدى أي مقيم يقول إنه في بلاده بياخذ ربع راتبه هنا يا خي بلاش أتحدى أي مقيم يقول أنه في بلاده العيشة أأمن أو أكرم والله ابدا ما شفناه هنا من احترام وكرم , وإنسانية وود وحب يجعل الواحد يبذل كل ما في وسعه من أجل هذا البلد .

ودمتم بخير

[النائب]

أنا مار من هنا وأبغي أسئل متى أسقاط ديون البنوك؟،ولا الصراحة

راتبي ما يكفي الى آخر الشهر.

:):shy:


ابشر يالسامي الديون راح تسقط لامحاله لأن حكومتنا عارفه إن الراتب مايكفي لأن الغلاء إللي عندنا راح يخلينا نتسوق من الدول المجاوره وهذا راح يضر على التجار عندنا وانت عارف إن التجار منهم وفيهم .

[مستجدة]

والله البخيل القحي يقدر يوفر ملاين من راتبه خلال كم سنه لان لاضيف ولا صديق ولاحتى البلديه اتحصل عند بيته تكرمون خمام زباله

وهذا الشخص يقع تحت مسمى ( .............. ) يعرفونه بس البدو والناس الاجاويد
هذا الشخص اكيد انه راتبه يكفيه وزياده


لكن الناس اللي يصرفون على اهل وعلى بيوت وعيال والديون مني ومني بسبب كرمهم هذا اكيد ماراح يكفيه راتبه لانه ماتعود يخش فلوسه حق نفسه وبس

اللي يقدر يوفر هذا انسان ماعنده مسؤوليات وعايش في خير ونعمه قليل من ارباب الاسر اللي يقدرون يوفرون
من رواتبهم او يكون صرفهم اقل من دخلهم

[ام السعف]

الحمد لله على كل شيء

والله العظيم إني ما أنتظر أي زيادة بس أبي الأسعار تتم على ما هي عليه لكن مع هذه الزيادات اليومية في جميع الأسعار لا أعرف ماذا نفعل ؟

المدرسة المصرية رفعت المصاريف عندي 3 أولاد بها ووتم الدفع بزيادة تجاوزت ال 20% لكل منهم (8600 ) ريال أول قسط ؟؟؟؟

والله يا أخواني أني أتمنى الخير للكل وملحوظة هامة جدا هذي بلادكم وهذي فلوسكم والله يزيدكم من فضله وأنا عن نفسي لست مع أي شخص يقول ليش جت الزيادة للقطريين والمقيمين لأ !!!! يا أخوان لا تنسوا أننا ضيوف وسنرحل سنرحل شئنا أم أبينا وأتحدى أي مقيم يقول إنه في بلاده بياخذ ربع راتبه هنا يا خي بلاش أتحدى أي مقيم يقول أنه في بلاده العيشة أأمن أو أكرم والله ابدا ما شفناه هنا من احترام وكرم , وإنسانية وود وحب يجعل الواحد يبذل كل ما في وسعه من أجل هذا البلد .

ودمتم بخير

لا حول ولا قوة الا بالله ،، ربنا ييسر لها عليك ،،

[ام السعف]

والله البخيل القحي يقدر يوفر ملاين من راتبه خلال كم سنه لان لاضيف ولا صديق ولاحتى البلديه اتحصل عند بيته تكرمون خمام زباله

وهذا الشخص يقع تحت مسمى ( .............. ) يعرفونه بس البدو والناس الاجاويد
هذا الشخص اكيد انه راتبه يكفيه وزياده


لكن الناس اللي يصرفون على اهل وعلى بيوت وعيال والديون مني ومني بسبب كرمهم هذا اكيد ماراح يكفيه راتبه لانه ماتعود يخش فلوسه حق نفسه وبس

اللي يقدر يوفر هذا انسان ماعنده مسؤوليات وعايش في خير ونعمه قليل من ارباب الاسر اللي يقدرون يوفرون
من رواتبهم او يكون صرفهم اقل من دخلهم

اذا شنطة من غير مستلزماتها على 200 ريال في بيبي شوب
عيل المحلات الراقية كم ؟

مب عارفة اشلون يطالبون العالم بتوفير مبالغ والسوق نااار نااااااااار ،،

اللهم ارحمنا من نار جهنم يارب ،،

بالفعل تألمت وانا اتسوق حق اليهال ،، هذا طفل واحد في المرحلة
الابتدائية حسابه بروحه طلع 500 ،، عيل اللي عنده 4 و 5 ؟
شيسوي ؟ وللحين ما خلصت له باقي الأغراض :(

اللهم ارحمنا وارحم كل مواطن ومقيم من الغلااء الفاحش ،،

اما التوفير مثل ما قلتي يا المستجدة في خضم هالغلااء الفاحش في قطر
الواحد يعيش على البساطة البساطة يتغدى خبز وزيتون ويتعشى بطاطا ،،
وكل يمد ريله على قد لحافه :omen2:

[الأصيلة]

صرف الراتب حسب احتياجاتك المتغيرة
يمكن هذا الشهر نحتاج علاج من أسنان أو أي شيء طاريء
والشهر الثاني هدايا ومواجيب والتزامات
وكل شهر يصير شيء يحتاج مبالغ..
فكرت في التوفير تعبت ...
التوفير ماينفع إلا للي ماعنده عيال والتزامات وخدم وبيت وضيوف وماشابه ذلك...
لكن الحمد الله ...الله يرزق من حيث لايحتسبه الإنسان...
ومافيه أفضل من الصادقة الخالصة لوجهه...
تفتح أبواب رزق ماتتوقعها أبدا...
والله يديم النعمة على أهل قطر ويبارك لهم ويكفيهم شر الحسد والعين ..

[Charisma]

بالنسبه للراتب فا لله الحمد والشكر ..

بالنسبه للاحتياجات .. انا اعتقد ان كل انسان يأقلم نفسه مع راتبه يصرف ويقسم الراتب حسب الاحتياجات

للاسف نلقى الاغلبيه اخر الشهر مفلسين .. ولا بعض الشباب مديونيين لو انها لاشياء اساسيه او ضروريه

بنعذرهم لكن لاشياء ثانويه ولها بدائل .. مثل السياره والكشخه والسفره و..الخ اعتقد ان كل واحد المفروض

يخطط لمستقبله عدل ويحاول قد مايقدر يتجنب السلفيات والديون كيف عمرك مع راتبك لو كان راتبك 8 الالاف

لاتحمل نفسك هموم الديون لجل تفرح بسياره اخر موديل ولا غيره .. اضغط على عمرك واتعب في البدايه... وبترتاح في النهايه " التعب يجلب الراحه والراحه تجلب التعب"

التوفير شي ضروري ومفقود عند اغلب الشباب تتبع الصرفيات مب شي عيب حاول تحصر احتياجاتك الشهريه
ولاتتجاوزها ووفر من الباقي للمستقبل " وفر قرشك الابيض ليومك الاسود"

وفي الاخير نحمد الله ونشكره على النعم غيرنا يموت جوع وعطش واحنا نتذمر ونشكي " لاتنظر للاعلى فتكسر رقبتك " وشوف مصايب غيرك بتهون عليك مصيبتك

[خالـــــد]

الحمد لله راتبي يكفي ويزيد ومو مخلي في خاطري شي والحمد لله

الله يعينا على شكر النعمه

لا تنسو تتاجرو مع الله يا اخوان فالحسنه بعشر امثالها والله يضاعف لمن يشاء

تحياتي

[MAZEN37]

الله معطيني اكثر ما استاهل الف حمد وشكر
والله يديمها نعمه

[توشيبا]

راتبي لو استلمه واروح اشتري اي فون مستعمل مايجيب نص سعره

ولا عندي اي سلفه ولا اي شي

والحمدالله علي كل حال

[koketa]

على قد لحافك مد رجليك

[مخطط قطري]

نعم اللهم لك الحمد وشكر
وجزاهم الله خير شيوخنا وجميع الوزراء

[قطريه ماركه]

الحمدلله و الشكر لله ...

[&بوشهد&]

الحمدلله الخير مغطي

[أنين]

في ناس رواتبهم لاتسد حاجه فلو انت رجل وصاحب عايله وراتبك الشهري 5000ريال كيف ومن اين تسد حاجة السكن او الدراسه او المصاريف ياما ناس مظلومين اللهم فرج هم كل مهموم

[ولد ازغوى]

الحمدلله انشالله بيزيد ..

[أنين]

واللي راتبه 3800وهو شاب وعسكري بذمتكم اشلون بيمشي حياته وغلا المعيشه وصل حده هذا اشلون يتصرف وهو موظف عسكري ياجماعه نتحدث عن المقيمين العرب اللي عايشين فالدوحه وابناء القطريات بذمتكم هل حد فكر فيهم لما اكون شاب ابن قطريه او مقيم عربي ولدت هنا واعتبرت الدوحه بلدي ولم اعرف معالم بلادي العربي هل نظرتم لقضية هذه الفئه هذا اشلون بيعيش

[أنين]

والمصيبه بهالتجار اللي زادوا الاسعار افتكروا ان الكل زادت رواتبهم مافكروا انها فئه معينه
حسبنا الله على كل تاجر فاجر لايقدر

[أنين]

؟؟؟؟؟؟؟؟؟؟؟؟

[راعي ال VXR]

واللي راتبه 3800وهو شاب وعسكري بذمتكم اشلون بيمشي حياته وغلا المعيشه وصل حده هذا اشلون يتصرف وهو موظف عسكري ياجماعه نتحدث عن المقيمين العرب اللي عايشين فالدوحه وابناء القطريات بذمتكم هل حد فكر فيهم لما اكون شاب ابن قطريه او مقيم عربي ولدت هنا واعتبرت الدوحه بلدي ولم اعرف معالم بلادي العربي هل نظرتم لقضية هذه الفئه هذا اشلون بيعيش

جبتيها ع الجرح اختي انين

[مساهمة بسFresh]

بالنسبة لي مع اجار البيت والماي والكهربا ومصروف البيت مايتم شي والله بس الحمدالله علي كل هاي شنسوي رواتبنا جذيه ومو بيدنا شي ولي مديرنا مهتم فينا اهم شي هو ياخذ دبل دبل راتب واحنا عادي حتي لو ماعطانا في هالزمن 4000 ريال شنو بيسوي بس الحمدالله

الله يوفق الجميع ويرزق الجميع

:rolleyes2: اختي اللي فهمته من كلامج انج اجنبية ومعترضة على راتب مديرج بس انتي كاتبة النك مشترك فمادري شالقصد بالضبط بصراحة :rolleyes2:
لكن اعتقد اعتقد اعتقد انج تقصدين ان راتبج كاجنبية مب مكفيج
:rolleyes2:

والله يعينج اختي ويعين الجميع:)

[QatariFallah]

الراتب يكفي ويزيد