أيش تنصحوني أشتري ؟

[بنت الأجوادQ]

عندي مبلغ ورثته من الوالد الله يرحمه.. وأبغي أستفيد منه بدل ماهو طايح في البنك.. أبغي أشتري أسهم يكون سعره نازل هالأيام وأقدر أبيعه بعد الصيف مباشرة أذا أرتفع.. أرجو المساعدة جزاكم الله خيـــــــــــــر :) أيش تنصحوني أشتري حاليا ؟؟؟

[بن مسلم]

بروه والرعايه

والله يوفقج

[محمد الجفيري]

الشيخة خلي المبلغ وديعة ولا تشترين اسهم ولا تبيعين في الصيف مدام مالج في السالفة لاتسوينها
قسمي المبلغ الى عدة ودايع وتركيه فالبنك
والله يرحم الوالد ويغمد روحه الجنة

[أبو عبدالعزيز]

لا تنسي تتصدقين عنه، وتكثرين له من الدعاء

[بنت الأجوادQ]

الشيخة خلي المبلغ وديعة ولا تشترين اسهم ولا تبيعين في الصيف مدام مالج في السالفة لاتسوينها
قسمي المبلغ الى عدة ودايع وتركيه فالبنك
والله يرحم الوالد ويغمد روحه الجنة

جزاك الله خير أخوي محمد... بس جربت الوديعة مانفع وياي.. ياليت تشوف لي حل أحسن

[داااايم السيف]

الاسهم الحلال١٠٠٪
١- مواشي : سعره جيد ومع تواصل نمو ارباحه له مؤشرات حلوه عن التقييم الفتره القادمه:victory:
٢- الرعايه : لها اهداف حلوه والدخول عليها مافيه مخاطره عاليه:victory:
٣- بروه : كذلك عند مستوياتها الحاليه للاستثمار ولا اروع:victory:
٤- الايجاره : حلوه بس لوتنزل بتصير احلى واخاف اقولج اشتري فيها وخلال الصيف اتطب رويسي من المحافظ الاجنبيه:tease:
٥- الدولي : سعر متماسك وعائد جيد ومافيه اي مخاطر تذكر:discuss:
٦- الريان : مدعوم بمواصلة شراء المحافظ الاجنبيه الفتره الحاليه وجهاز قطر للاستثمار:victory:
٧- مزايا : سعره تحت الاكتتاب واذا حاطه افبالج اتبيعينه عقب الصيف باسعار فوق ممكن اتكونين غلطانه لان مشوار نمو الارباح لايزال ابعييييد:rolleyes2:

وبالنسبه للاسهم الي عليها تطهير(المختلط) وانصحج انج تجتنبيها قدر المستطاع:anger1:
ناقلات - الملاحه - الخليج الدوليه - السلام:)

وتقبلي وجهة نظري الخاصه وربي يوفقج دنيا وآخره:)

[بوجبر]

اذا ماعندج خبرة في البورصة ...والتداول...خلي فلوسك وديعة لدى البنوك الاسلامية ...او اشتري لك عقار :)

[ابومحمد 123]

مواشي

[ابوريما الرياشي]

مواشي

شفت مخازن ابو محمد واين رايحه
اقوى من بروه وايش رايك بالرعايه والريان
والخليجي((لو تمت الموافقه على الاندماج))
كم بيكون سعره((ولاتنسىدلاله

[سلوى حسن]

بنسبه لي افضل سهمين هم السلام ودلاله بس مش للبيع

[roma27]

مواشي والسلام

[بوفصول]

اشتري لج عقار واجريه

[gulfnet]

العقار الابن البار

وشوفي الردود وسوي احصائية كم واحد نصحج باسهم او بعقار او وديعه

والعقار افضل

[رعد88]

خلك ذيب اذا طاح السوووق ادخل لفريستك بشكل تدريجى وقبل كل شى نشن على فريستك قبل الهجوووووم التدريجى وحط بالك ان التوفيق بيد الله

[d.romance]

رأيي الشخصي ابعدي عن البورصة واتركي المبلغ في وديعة في بنك اسلامي أو استثمار في أي مجال غير والله يوفقك والله يرحم الوالد

[خالد هاني]

اعتقد المصرف
بمشيئة الله متجه نحو الارتفاع
انصحك المقارنة بين الأسهم الاسلامية الحلال ثم بعدين الاستخارة

[Thamer_Qat]

نصف المبلغ وديعه في بنكين اسلاميين او ثلاث والنصف الثاني وزعيها على اسهم مثل مصرف الريان وبروة وميرة والخليج الدولية

رأي شخصي

[qwert]

الدوحة للتأمين والخليج القابضة

[أم المهند]

ياجماعة انصحوها بأسهم توزع ارباح وممكن النمو السنوي يكون متطرد ,,

ربي يعوضك خير ويعوض والدك جنات النعيم ,,

[<اضرب واشرد>]

حاليا أشوف الاجارة والرعاية أتوقع يحققون نمو في الأرباح الفصلية لهذي السنة + ارتفاع في الأسعار.

لكن حذار من أزمة سياسية بالمنطقة أو اقتصادية.

أتوقع للاجارة توزيع 3 - 3.5 ريال

والرعاية 1 - 1.5 ريال

والرعاية عندها توسعات في المستقبل.

( لا أملك أي سهم في الشركتين )

سعر البترول انخفض : أرباح بعض الشركات مثل صناعات راح تنخفض ، إذن أرباح الربع الأول 2011 استثنائية.

رأي شخصي ولكل ٍ قراره.

[الفاو]

السلام عليكم
الي اشوفه وسعره مايخوف مووووواشى
مقبله على تقيم وارباحها ممتازه

[مضارب ولهان]

صحيح مواشي والاجاره وخليج تكافلي اعتقد له جوله حلوه والمخازن في ظني تبي 40 والله اعلى واعلم