غيبتك لو هي دقيقه ،،،، تعتبر صـــــــده

[ROSE]

رائعه من روائع بن فطيس

احببت ان انقلها اليكم


http://farm3.static.flickr.com/2662/4132675291_a2f24cae38.jpg

غيبتك لو هي دقيقه تعتبر صدّه
الوقت دونك سجن وغيابك اسياجه

لا تعتذر لي ترى ماعاد في شدّه
اعيد حكي ٍ يكود الصدر مخراجه

دامه يوصف بجود ابيك وبجدّه
وشلون تبخل على المجروح بعلاجه؟

ووشلون قاوااك قلبك رده وصدّه
مع انه بيـّن عليه الضعف والحاجه

ياقو قلبك برد ايمينك وردّه
بخلت بمصافحه وارهيت بحراجه

لو ماسقى غيم عينه جرهدي خدّه
تراه يبكي وقلبه يلحق اخلاجه

ولو شفته يمازحك تراه من جدّه
الضحك عن درب ضيق الصدر ماعاجه

غير الغلا والوله عليك وش حدّه؟
يادرب ليله ويامسراه وسراجه

كنـّه يعرفك قبل يلقاك من مدّه
مع ان مابينك وما بينه امواجه

هواك بدو ٍ نووا للقلب بالشدّه
ورياض قلبي لشوف البدو محتاجه

والوصل..بحر ٍ متى انت بتسمح ابمدّه
السيف صبري وبحرك شح بامواجه

قصيدي اللي قريته واللي اعدّه
قديم لا يزعلك معناه واخراجه

وفراغ قلبي غلاك ارهى على سدّه
ليتك تشوف الغلا وابراجه وعاجه


اقوى رياح العذل ما تقدر تهدّه
والا الجفا لو تنفس هدم ابراجه

تغانم الوصل لن البعد لابدّه
ياتيك في يوم ثم ياخذك بادراجه

اللي لي انك تلين وتترك الشدّه
واللي لك اني ما سولف بك لهراجه

ولاني بزعلان واللي نرتجي مدّه
يا باب قلبي ويا قفله ومزلاجه

زعلة تغلي ومن تزعله من قدّه
ما دام كل ٍ يبي دربك ومنهاجه

غالي وتبخل علي وتطـّول الصدّه
الله يسامح غلاك ويلعن الحاجه

[المهاجر]

اختيار رائع اختي روز

قصيده تحمل معاني كثيره كلها صدق واحساس ومشاعر عذبه

اخترت منها هالبيت برغم جمال كل القصيده

لا تعتذر لي ترى ماعاد في شدّه
اعيد حكي ٍ يكود الصدر مخراجه


تسلمين اختي

تقبلي مروري وتحياتي

[Red rose]

هلا ROSE

منورة القسم والله...

http://hh7.net/May4/hh7.net_13056326161.jpg (http://hh7.net/)

تسلم ايدينج على هالقصيدة الحلوة المشاعر والأحاسيس


http://hh7.net/May4/hh7.net_13056323361.gif (http://hh7.net/)


لك من القلب أعذب وأجمل تحية...

[نــــظــــره]

ياقو قلبك برد ايمينك وردّه
بخلت بمصافحه وارهيت بحراجه

هالبيت انقالي :weeping:
تصدقين روز انا متهمه بان قلبي قاسي مادري ليه :(

تسلمين روزي عل القصيده
ويسلم قلم بن فطيس

[فارس الكلمة]

ما نقدر ... :)

[ROSE]

اختيار رائع اختي روز

قصيده تحمل معاني كثيره كلها صدق واحساس ومشاعر عذبه

اخترت منها هالبيت برغم جمال كل القصيده

لا تعتذر لي ترى ماعاد في شدّه
اعيد حكي ٍ يكود الصدر مخراجه


تسلمين اختي

تقبلي مروري وتحياتي

تسلم اخوي المهاجر على هالطله الجميله

اختيار موفق لابيات كل حرف من حروفها تنطق بقصه

[ROSE]

هلا rose

منورة القسم والله...

http://hh7.net/may4/hh7.net_13056326161.jpg (http://hh7.net/)

تسلم ايدينج على هالقصيدة الحلوة المشاعر والأحاسيس


http://hh7.net/may4/hh7.net_13056323361.gif (http://hh7.net/)


لك من القلب أعذب وأجمل تحية...

النور نوركم ايتها الجميله الحمراء

الله يسلمج ياااارب نورتي وعطرتي المتصفح بتواجدج

[ROSE]

ياقو قلبك برد ايمينك وردّه
بخلت بمصافحه وارهيت بحراجه

هالبيت انقالي :weeping:
تصدقين روز انا متهمه بان قلبي قاسي مادري ليه :(

تسلمين روزي عل القصيده
ويسلم قلم بن فطيس



من قالها لج :anger1:


مااتوقع كل هالعطف والحنان والخوف على المسلمين والشعوب

يصدر عن انسانه قلبها قاسي

مع اني مع قسوة القلب في بعض الحالات لانها تستحق ان نقسو عليها


اسعدني تواجدج نظره لا عدمنا حسج معانا ياااارب

[ROSE]

ما نقدر ... :)

هههههههههههه ولا احنا نقدر :)


اكيد مستغرب تواجدي هني او عشان اختياري للقصيده :shy:

[نــــظــــره]

من قالها لج :anger1:


مااتوقع كل هالعطف والحنان والخوف على المسلمين والشعوب

يصدر عن انسانه قلبها قاسي

مع اني مع قسوة القلب في بعض الحالات لانها تستحق ان نقسو عليها


اسعدني تواجدج نظره لا عدمنا حسج معانا ياااارب


وهذا هو السبب

قسوه في محلها بس الناس تعتبرها خارجه عن القانون وتستحق العقاب
بكلمات او ابيات تولد تأنيب الضمير للشخص القاسي طبعا بنظرهم

تصدقين روز محسوبتج الي قدامج تكتب شعر عربي فصيح :weeping:

[وطن]

غالي وتبخل علي وتطـّول الصدّه
الله يسامح غلاك ويلعن الحاجه


ايه والله انه صادق

:(

الله يلعن الحاجه

[sara jsm]

اختيار رااايق وعذب :)
تسلم هالايادي وهالذوق اختي روز ,,
عساج عالقوة يارب ,,

[ROSE]

وهذا هو السبب

قسوه في محلها بس الناس تعتبرها خارجه عن القانون وتستحق العقاب
بكلمات او ابيات تولد تأنيب الضمير للشخص القاسي طبعا بنظرهم

تصدقين روز محسوبتج الي قدامج تكتب شعر عربي فصيح :weeping:


صج والله ووين كتاباتج ماشفنا منها شي

ومتى بتنزلينها خلينا نستمتع ونشوف الجانب الثاني من نظره حبيبتنا

[ROSE]

غالي وتبخل علي وتطـّول الصدّه
الله يسامح غلاك ويلعن الحاجه


ايه والله انه صادق

:(

الله يلعن الحاجه

ههههههههههههههههههههههههههههههههههه


الله يعين الجميع ان شاء الله

[ROSE]

اختيار رااايق وعذب :)
تسلم هالايادي وهالذوق اختي روز ,,
عساج عالقوة يارب ,,

الله يسلمج يااارب

الله يجزيج الخير

واشكرج على هالحضور الجميل

[ابوعلي]

غيبتك لو هي دقيقه تعتبر صدّه
الوقت دونك سجن وغيابك اسياجه

ابدعتي الإختيار اختي روز

وتسلم الايادي الي انقلت هالابيات من شاعر كبير

[آلملآزم]

صح لسان أبوحمد
وتسلم يمينج أختي روز على الأختيار المميز

[aljaber1]

rose... مثلكِ خير من يرتقي بذائقة المتلقي .. لاقتناص الاثمن والاجود
لـ قصيدة مكتملة النضوج لشاعر له مايميز ابجديته المذهله والمدهشه
لقمة الاتزان وثقة في جمال الاسترسال .. صح السان الشاعر ..
ودام الله لمشرفتنا العامه اشراقة ابتسامة الرضى .

[للرجوله ملامح]

غالي وتبخل علي وتطـّول الصدّه
الله يسامح غلاك ويلعن الحاجه



اختيار موفق