اختراع بسيط ( شاور سبوح حق الرحلات ) بالصـــور

[بوغزلان28]

السلام عليكم ورحمة الله وبركاته

يات فكره ع بالي اني اسوي شاور رحت محلات الشاهين وشريت النافوره اللي بــ 35 ريال
وبطلته خذيت منها المكينه اللي تشفط الماي المهم شبكت لها هوزات ماي مع الولف والشاور وسويت لها محابس عشان اتحكم بالبرشر مال الماي ,, قلبت المكينه من كهربة بيت الى كهربة بطارية سياره 12 فولت

الفايده : * توفر الماي 30 لتر تكفي سبحه حق شخصين بالراحه
* متنقله وتتسكر وما تاخذ مكان
* وتنفع حق اليهال عقب ما يطلعون من البحر يسبحون بماي حلو عن الملوحه واللغلاغه
http://www.m5zn.com/uploads/2011/5/15/photo/051511130518x44tje0c3syd6jqhjo.jpg (http://create-avatar.m5zn.com/)

http://www.m5zn.com/uploads/2011/5/15/photo/051511130518sx6bm7tjrn.jpg (http://create-avatar.m5zn.com/)

http://www.m5zn.com/uploads/2011/5/15/photo/051511130518zk5sbxn6vem2m6w.jpg (http://create-avatar.m5zn.com/)

http://www.m5zn.com/uploads/2011/5/15/photo/0515111305181ey2kv8xpa8im7r.jpg (http://create-avatar.m5zn.com/)

http://www.m5zn.com/uploads/2011/5/15/photo/05151113051832rkq64eyfulw.jpg (http://create-avatar.m5zn.com/)

والحين اخذ لي شاور وبرد لكم ههههههاااي
http://www.m5zn.com/uploads/2011/5/15/photo/051511140518id17x9ok8pzd167v9.jpg (http://create-avatar.m5zn.com/)

واسمحوا لي على الاطاله

[GRNAS2002]

ما شاء الله عليك

دايم مبدع يابوغزلان

[الكبير الله]

سبحان الله والله العظيم اني كنت افكر في شيء مثل هالموضوع من كم من يوم

وبنفس الطريقة تقريباً

بس بدال مكينة الشفط الكهربائية .. كنت افكر في ضغط الهواء يدوياً في دبة الماء

[بوغزلان28]

ما شاء الله عليك

دايم مبدع يابوغزلان

تسلم اخوي الجرناس ,, وانت بعد دوم تسعدني بمشاركاتك بمواضيعي

[بوغزلان28]

سبحان الله والله العظيم اني كنت افكر في شيء مثل هالموضوع من كم من يوم

وبنفس الطريقة تقريباً

بس بدال مكينة الشفط الكهربائية .. كنت افكر في ضغط الهواء يدوياً في دبة الماء

مرحبا اخوي الكبير الله

فكرتك بعد حلوه بس تدري متعبه يعني لين متى بتم الواحد يقعد يضغط لك الهواء عشان انت تسبح وتاخذ راحتك ,, هذي الفكره اللي مسويها ع ولاعة السياره ولها اسويج من عندك اتشغل وتبند

[بوغزلان28]

صباح الخير على اخواني وخواتي اعضاء المنتدى الكرام

[waryaa]

السلام عليكم ورحمة الله وبركاته
ما شاء الله عليك مبدع
قبل اربع سنوات كنت افكر نفس الفكره بس بدون المكينه وبدون هوزات
بتركب شاور علي دبه الماء و تحط فوق السياره

[بوغزلان28]

السلام عليكم ورحمة الله وبركاته
ما شاء الله عليك مبدع
قبل اربع سنوات كنت افكر نفس الفكره بس بدون المكينه وبدون هوزات
بتركب شاور علي دبه الماء و تحط فوق السياره

عدل كلامك اخوي , بس للمعلوميه ما راح يكون في نزول قوي للماي يعني بالحيل يقطر قطارره

[خوخه وحلو]

بالتووووووووفيق

[قطرية فذة]

سبحان الله الافكار متقاربه

من كم يوم كنت في اللاند مارك اشوف معرض النوافير

وكل نافوره بالسعر الفلاني

قمت اتمعن شلون صنعوها قلت في خاطري يعني من صعوبتها الحين ؟؟؟

وتنباع بـ 4000 ريال هذا بعد الخصم

كلها مكينه ضغط وهوز وتركيب وشويه شجر والوان

بس الصراحه يابو غزلان انت مبدع هذه فطريه فيك

وزين انك تبتكر واصل وانا متأكده من خلال ابتكاراتك بتتوصل لشئ فريد من نوعه

قواك الله

اذا شفت فكرتي حق النوافير عاجبتك خبرني عشان اساعدك بالتلوين والتزين ؛ اعجبك

عسى الله يوفقك يارب

[bo Hassan 99]

مبدددددددع


الله يوفقك

[العبرات]

ممكن الشيخ تشرح أكثر .. لأني ما فهمت (ماكينة شفط الماء) ايش تكون بالضبط ؟؟
وكيف حولت الفولت (يعني في جهاز خاص ) ياريت تحط صورته ..

يعطيك العافية وفكرة ممتازة ..

[بوغزلان28]

بالتووووووووفيق

الجميع اختي خوخه

[بوغزلان28]

سبحان الله الافكار متقاربه

من كم يوم كنت في اللاند مارك اشوف معرض النوافير

وكل نافوره بالسعر الفلاني

قمت اتمعن شلون صنعوها قلت في خاطري يعني من صعوبتها الحين ؟؟؟

وتنباع بـ 4000 ريال هذا بعد الخصم

كلها مكينه ضغط وهوز وتركيب وشويه شجر والوان

بس الصراحه يابو غزلان انت مبدع هذه فطريه فيك

وزين انك تبتكر واصل وانا متأكده من خلال ابتكاراتك بتتوصل لشئ فريد من نوعه

قواك الله

اذا شفت فكرتي حق النوافير عاجبتك خبرني عشان اساعدك بالتلوين والتزين ؛ اعجبك

عسى الله يوفقك يارب

افا عليج والله ودي احد يشاركني بافكار بسيطه وبالنهايه يستوي منها شي عجيب , انتي شنو يعني مصممة ديكور ؟؟؟

[شمس التقى]

بصرااااحة اختراع رووووووعة
ماشاء الله ابداع

[بوغزلان28]

تسلم الله يخليك

[البحار00]

عندي نفس الشي

خذت نزافه تنباع في محل خليجنا للادوات البحرية ب 50 ريال ودفعها للماي قوي

وحجمها صغير وصلت عليها هوز ماي وجبت لي بيب نحاس ووصلت به سماعه الشاور

وتشتغل على بطارية السيارة

[مساهم الشبكه]

بوغزلان اول حاجه يعطيك العافيه على اجتهادك وعز الله ان هالامر يشرح الخاطر ببتكاراتك الفنانه ..لكن ياخوي ..ودي لو انك تبتكر تلبيسه حق شنطة الموتر وبالاخص اللاند كروزر والنيسان ..عندك طال عمرك شنطة الموتر ماتجيها الا الفرشه الارضيه حزات ودك تحمل اغراض ولا تودي لعيال البحر ولا مغرقين الارضيه بهالرمل خاصه بين الزوايا والاجناب ..فليش اخوي ماتفصل فرشه لين حد الزجاج الخلفي مع مشبوك مع زجاج مؤخرة السياره لين سيتات الموتر يعني مثل الصندق بس يكون عباره عن قماش وتر بروف ..اما بخصوص اشلون بيتسند لقماش على الاطراف بالامكان تفصيل حديد ذو وصلات يثبت الاطراف عشان يشد لقماش ويبين بمظهر جيد ولو حاب اوصل لك المعلومه اكثر اتشرف بالتواصل معاك والله يوفق لك مسعى درب الحلال ويغنيك عن درب الحرام ..اخوك بوغانم

[بوغزلان28]

بوغزلان اول حاجه يعطيك العافيه على اجتهادك وعز الله ان هالامر يشرح الخاطر ببتكاراتك الفنانه ..لكن ياخوي ..ودي لو انك تبتكر تلبيسه حق شنطة الموتر وبالاخص اللاند كروزر والنيسان ..عندك طال عمرك شنطة الموتر ماتجيها الا الفرشه الارضيه حزات ودك تحمل اغراض ولا تودي لعيال البحر ولا مغرقين الارضيه بهالرمل خاصه بين الزوايا والاجناب ..فليش اخوي ماتفصل فرشه لين حد الزجاج الخلفي مع مشبوك مع زجاج مؤخرة السياره لين سيتات الموتر يعني مثل الصندق بس يكون عباره عن قماش وتر بروف ..اما بخصوص اشلون بيتسند لقماش على الاطراف بالامكان تفصيل حديد ذو وصلات يثبت الاطراف عشان يشد لقماش ويبين بمظهر جيد ولو حاب اوصل لك المعلومه اكثر اتشرف بالتواصل معاك والله يوفق لك مسعى درب الحلال ويغنيك عن درب الحرام ..اخوك بوغانم

ابشر طال عمرك تواصل معاي 66733374

وابي اقعد معاك واعرف مثلا مقاسات موتر معين عشان انفذ عليه الحركه

[فيصل الشمري]

ما شاء الله عليك
الله يوفقك يارب
بس لو تنسق المنتج وتحط الأترنقيات للبيبات يكون افضل

[بوعلي-Qtr]

عجيب .. هذي للبيع ولا بس مجرد عرض ؟

[فيصل الشمري]

اشوف انها فكره روعه لو تطورها شوي خصوصاً الصيف جاي الحين
بالتوفيق

[بوغزلان28]

الجميع ان شاء الله اخوي الشمري والاخ بو علي مبدئياً هي بهذا الشكل بحاول اطورها اكثر بشكل احلى واصغر

وبتم بيعها بسعر مناسب

[HiTec]

فلة صراحة شي نافع جدا
بس لو رحت مثلا الحراج ، اظن تحصل " وووتر بمب " جاهز .. اسهل لك من الشاهين

[ali8.1]

باللتوفيق

[بوغزلان28]

الجميع

[ابو ضمير]

ويش ذا بعد شاور وين اصرفها قول سبوح احسن موفق اخوي

فوق فوق

[موج للكمبيوتر]

بالتوفيق اخوي بوغزلان :nice:

[بوو جاسم]

إبداااع والله
اخوي خذلك براءة اختراع

[Ţĥę őήę]

فكره حلوه ^^

[بوغزلان28]

يزاكم الله خير

[بومحمد911]

فكرة حلوة

الله يعطيك العافية الغالي

[بوغزلان28]

عيونك الحلوه اخوي بو محمد

[الحوت-141]

ما شاء الله عليك مبدع
بالتوفيق ان شاء الله

[مستخبي]

ماشالله عليك يا بوغزلان عيني عليك بارده
وانشالله انشوف اختراعات اكثر واكثر من انسان مبدع نفسك
وبالتوفيق

[بنت امي]

مشاء الله

عندي سؤال

شلون ثبتها بالسياره ؟

واذا ابي اشلها ؟ صعبه والا بسهوله ؟

واخر سؤال
ياتك فكره شلون تطورها اكثر والا حدك لين هني ؟

:) مشاء الله