الرجاء مساعدتى

[السراب]

الرجاء مساعدتى

كم سهم اشترى فى العقارية فى الاكتتاب الحالى

لدى 500 سهم فى الاساس 0

هل اخذ 500 سهم او اكثر والالا ما اخذ فى الاساس علشان ما اندم بعدين

الرجاء مساعدتى فى اقرب وقت لان مابقى شئ على نهاية الاكتتاب الا القليل

ومشكورين على النصيحة مقدما0000000000

[سهم عتيج]

نصيحتي,, على الأقل شراء الأسهم المقررة لك,, ولا تنسى ان الشركة عندها مشاريع عملاقة لن تظهر نتائجها في الوقت الحالي.. لذلك فعليك بالاكتتاب بالأسهم الجديدة المقررة لك..

والله الموفق

[الشراكة]

تقول عندك 500 سهم يعني بتكتتب 475 سهم (95% اكتتاب ) 475 × 40 = 19000 الف ريال سعر الاكتتاب + 25 سهم مجاني . أما بخصوص انك تكتتب ولا لا هذا راجعلك بس أنا أجوف مستقبلاً زين حق العقارية يعني أكتتب ترى فرصة لك للمستقبل .

[السراب]

مشكور اخو سهم عتيج

بس ايش يعنى اسهم مقررة 0

[السراب]

مشكور اخو الشراكة بس الحين حسب ما سالتهم قالوا يبون شيك

للى ماعندة حساب فى البنك الوطنى يعنى كم احط فى الشيك

وياريت تخبرنى بسرعة لان مافى وقت

[سهم عتيج]

انت تقول ان كان عندك 500 سهم,, فيحق اذا لك الاكتتاب ب 95% وهو مايمثل 475 سهما..

المبلغ المطلوب هو 475 * 40 = 19000 ريال

.. بالنسبة للأسهم المقررة لك.. يعني الأسهم التي تم تخصيصها لك كأولوية الاكتتاب باسمك,, يعني لك الحرية تكتتب بالعدد المخصص لك او أقل بسعر يعتبر تشجيعي,, فاذا لم تكتتب به فسيسقط حقك بهذه الأسهم مستقبلا اذا طلبت شراءها مرة اخرى بذلك السعر بعد انتهاء المدة المحددة..

[alkaabi]

اخوي السراب

هل وصلك اشعار الاكتتاب الجديد من بنك قطر الوطني على بريدك

اذا ماوصل تقدر تطلبه من بنك قطر الوطني عن طريق رقم المساهم

وراح يعطونك الاشعار وفيه التفاصيل كاملة

يعني الاسهم الحالية

والاسهم المخفضة بقيمة 40 ريال

وترفق لهم شيك بالمبلغ

واذا عندك 500 سهم مثلا

راح يحق لك الاكتتاب في 475 سهم بقيمة 40 ريال

المطلوب منك اخوي اذا كان عدد اسهمك 500

شيك بقيمة 19 الف ريال وذلك ناتج ( 475*40 )

وبالتوفيق ان شاء الله

[السراب]

علشان ما يرجعونى مرة ثانية وابدل الشيك

احط فى الشيك 19 الف

ارجو انك توسع صدرك معاى ومشكور

[الشراكة]

أكتب شيك بقيمة 19000 الف ريال مسحوب على البنك إلى فيه أحسابك وتكتب علية أسم الشركة العقارية وترفقه مع الفورمة إلى بيعطونك أياها البنك للاكتتاب الخاص بالشركة وشكراً.

[السراب]

مشكور اخوى الكعبى

بس ما وصلنى شئ من اللى ذكرتة

بس شرحك كان واضح ويعطيك العافية000

[السراب]

مشكور اخوى الشراكة على التوضيح

ويعطيك العافية

[alkaabi]

العفو اخوي

والله يوفقك ان شاء الله :)

ونصيحة بيع الاسهم اللي عندك الحين في العقارية

لانه اول مايخلص الاكتتاب الجديد راح ينزل السعر

الناس كلها تبي تبيع وبتزيد الاسهم عقب الاكتتاب الجديد

وممكن تاخذها في الصيف بفرق كبير

وما انصحك انك تمسك السهم حتى لو نظرتك بعيدة

ممكن تاخذه في الصيف او عقب الاكتتاب بفارق حلو وايد

[السراب]

[

وممكن تاخذها في الصيف بفرق كبير


اخوى الكعبى ايش قصدك من الجملة السابقة

يعنى تشوف ان سعرها فى الصيف بيكون اقل من 40 ريال

هذا يعنى انى اصبر للصيف افضل بدل ماخسر

ومشكور اخوى على التواصل000000000

[alkaabi]

اخوي السراب

الحين انت عندك 500 سهم

مع الاكتتاب الجديد 475

يعني المجموع 975 سهم

تقدر تبيع اللي عندك الحين ال 500 سهم على سعر 80 تقريبا

وتاخذها عقب باقل من هالسعر

هذا اذا كان خاطرك في سهم العقارية

وتخلي ال475 الجديدة لين عقب

لانه بتنزل في حسابك على بداية شهر 5 تقريبا

ومافيه مشكلة لو تبيع الاسهم الللي تملكها الحين

يحق لك الاكتتاب في الاسهم الجديدة حتى لو بعت باجر

ان شاء الله وصلت الفكرة :)

[السراب]

مشكور ووصلت الفكرة 0

بس ما فهمت المقصود

3/4/2005 ؟؟؟؟؟؟؟؟؟؟؟؟؟؟؟؟؟؟

[alkaabi]

لالا هذا توقيعي خله عنك


هذا تاريخ دخول الاجانب السوق :(

[الشراكة]

جزاك الله خير ياالكعبي سبقتني بطرح الفكرة بيع الاسهم إلى عندك قبل ماتكتتب وبدلها بالاكتتاب لان البيع بصير على (ضرب عصي بعد الاكتتاب والسعر بينزل ) وإلي يتفرج اليوم بفلوس بكرة ببلاش....!!!!!!!!!