في الماضي عيب واليوم عادي ؟

[بيرق قطر]

في الماضي كنا نقول عيب .. واليوم عادي


البارح كآن حرام .. واليوم أصبح حلال

تغيرت العقــــول .... وللأسف تغيرت للأسوأ

واللي خرب عقول البعض كلمه وحده ( الموضة )

بالأمس الجار كآن يزور جاره .. ويفرح لأفراحه

الحين الجار ما صار يعرف إلا اسم جاره

زمن أول كان الدش خراب بيوت وإن دخل البيت ما يتعدى.. مجلس الرجال واليوم في غرفة الأطفال رسيفر بجميع القنوات

والأب والأم راضين ومستأنسين ..!

بالأمس كانت الأسواق هاديه كل وحده تجي ويا بناتها وتشتري أغراضها وتمشي

واليوم صارت ساحة مغازل

مفاتن وبلوتوث ورسائل غرامية

حتى الهنــــــــــود صاروا يبحثــــون بآلبلــــوتوث..!

في مآ مضي كان السواق ما يتحرك مع بنات البيت إلا بمحرم وغرفته معزولة عن البيت بشارعين ..
واليوم أصبح السواق من ( أهل البيت وفي بعض الأحيان مكان راعي البيت ؟؟؟؟ )
والأب نايم في سبات خارج أسوار البيت ..!

والأم موزعه يومها بين نوم و مقابلة تلفزيون وتلفون ..!!

أول كان الجوال بيد رجال وإن لزم الأمر كان بيد متزوجة

واليوم الجوال صار حافز للنجاح تلقى الطفل والطفلة

بثالث ابتدائي ونجاحاتهم جوال والغريبة يدرون انه مراح يستخدمونة
وإذا سألتهم قالوا ولد فلآن مو أحسن منهم ..!

زمآآن وزمآآن .. وزمآآن

كل شئ حلو في ذآك الزمآآن

المشكلة كل يوم في إزديـــــآد .. والسبب تغير ذاك ( الزمآآن )

الكثير يردد ويقول..(الزمن تغير) كل من شاف له شوفه غير متوقعه ..!

وكل من اختلف عليه أمر ردد هذه المقولة ..!والمشكلة أن بعض هذه التغيرات لايرضاها لا الدين ولا القلب ولا العقل
لا أدري ما الذي تغير ..

هل هو الزمن أم الأشخاص ؟؟!
ولكن لا أقول .. إلا كما قال الشاعر
نعيب زماننا والعيب فينا ... ومآ لزماننا عيبٌ سوانا
ونهجو ذا الزمان بغير ذنب ... ولو نطق الزمان لنا هجانا ~..

وجهــة نظــر البعــض ..~
الزمن تغير لأننا إحنا تغيرنا ..ولا يمكننا إن نعيب على الزمن قبل إن نحاسب أنفسنا ،،


ما أعتقد إن الزمن تغير
بس إحنا اللي تغيرنا
الزمن واحد .. وإحنا اللي نتبدل


و أبسالگم ؟؟

شـان الزمن ولا البشر طبعهم شـان ؟؟
طبـع البشــر إلـي شان ولا الزمــن أحنا إلي نغيرهـ ..!

[بصمة قطرية]

شـان الزمن ولا البشر طبعهم شـان ؟؟
طبـع البشــر إلـي شان ولا الزمــن أحنا إلي نغيرهـ ..!

إجابة السؤال في السطر اللي بعده ..
طبع البشر هو اللي شان ..
في كل شي قمنا نقط اللوم على الزمن ..
الزمن احنا نعيشه ونغيره ..
البشر هم اللي غيروا الزمن ..
الله يرحمنا برحمته ويحفظ عيالنا ~

[nadeemy]

حتى الهنــــــــــود صاروا يبحثــــون بآلبلــــوتوث..!

..!

الهنود يصنعون اجهزة البلوتوث , وانت تقول حتى الهنود يبحثون
ياليت نوصل للي وصلوا له

[كبريت]

الغيرة ماتت في قلوب كثير من رجال الةقت الحاضر

[الـراسي]

لا والله هذا كله بسبب البعد عن الله سبحانه وتعالى

[الجسراوي]

البطر والابتعاد عن العلم الشرعي الحقيقي والصحيح

نسأل الله العفو والعافيه

والله الاول لين شفنا صوره وحده مظلعه اشوي من شعرها في المجله او الجريده شعر جبنا يوقف
واشوي اشوي لين صار الواحد يشوف بلاوي

اقسم بالله اني ماحب اروح المولات والاسواق الا سوق واقف بس امر على محل ارفيجي واسلم عليه وارجع وظول الوقت اكون في استغفار من البلاوي اللي اشوفها

المفروض يسمونه سوق المحششه استغفر الله

حتى ماضينا ماسلم منهم حسبي الله عليهم وعلى التطور والفشخره والمزابي

[simsim1963]

مع كامل أحتراماتي ولكن كل شئ على حسب مستخدمه . نفس السيارة ممكن ان تكون آداه قتل أو تكون وسيله أيصالك . هذي تكنولوجيا مفيده وموفره للوقت وللبيئه اول لو اردت شئ ركبت سيارتك ولوثت البيئه بالكربون احين مجرد اتصال او رساله وتخلص شغلك . او كنت تبعث رسايل ورق ويموت نصف أشجار الارض وينقص معدل الاكسوجين احينه ايميل وبس . لا بد ان نتعلم كيف نحترم ونتعامل مع التكنولوجيا . يجب ان لانلوم التطور والتقدم والحداثه عشان كم واحد اساء استخدامها . أعتقد هذا البيت القديم خير جواب على سؤالك نعيب زماننا والعيب فينا **** وما لزماننا عيب سوانا .

[MAZEN37]

سبحان الله والحمد لله والله اكبر

[بوخالد911]

لا اله الا الله

[ابن التويم]

هااااا شكلنا بنروح في داهيه

هذا معناها انت ضددد المرأه وضد التطور ..
تبي ترجعنا لأيام العصيد .. وايام العبايه فوق الراس ..
البطوله انقرضت خلاص واسأل ام السعف ..

شارب يوقع عليه الطير ليش .. سكسوكه بس بدون شارب ..

بيرق امسك ايدي والله تعبت وانا اسبح عكس التيار كنت احسب اني بروحي اللي افكر بهذي الطريقه

الله يكثر من أمثالك اذا للحين ما خلصوا ..

[chillis]

طبع البشر الي شان مهب الزمن تغيروا البشر باسم الحريه وغيره ولا الزمن هو الزمن مسكين هالزمن كل شي قاطينه عليه صاير شماعه ركضت العالم ورا الفلوس والغنى وغيره وباسم الحضاره طبعا فصار كل شي عادي عند وايد ناس

[فلور]

والله الزمن ماتغير مثل ماهو
بس الناس هي إلي تغيرت كل يوم طالعين بشي

[دااانة قطر]

هل هو الزمن أم الأشخاص ؟؟!
ولكن لا أقول .. إلا كما قال الشاعر
نعيب زماننا والعيب فينا ... ومآ لزماننا عيبٌ سوانا
ونهجو ذا الزمان بغير ذنب ... ولو نطق الزمان لنا هجانا ~..


وجهــة نظــر البعــض ..~
الزمن تغير لأننا إحنا تغيرنا ..ولا يمكننا إن نعيب على الزمن قبل إن نحاسب أنفسنا ،،


ما أعتقد إن الزمن تغير
بس إحنا اللي تغيرنا
الزمن واحد .. وإحنا اللي نتبدل

و أبسالگم ؟؟سم طاال عمرك


شـان الزمن ولا البشر طبعهم شـان ؟؟والله بعض البشر

طبـع البشــر إلـي شان ولا الزمــن أحنا إلي نغيرهـ ..!
الزمن هو هو بس حب البعض لموااكبة العصر والتطوراات اللي فيه حتى لو عل حساااب الدين والعاادات والتقااليد اللي كاان لها دور في الحفااظ على السماات الدينيه الصحيحه واحتراام الذااات والآخرين ...........الخ



بصمة قطرية كفت ووفت

[دااانة قطر]

الهنود يصنعون اجهزة البلوتوث , وانت تقول حتى الهنود يبحثون
ياليت نوصل للي وصلوا له

خااطري اعرف ليش مقللين من قيمتهم !!

[الحال مايساعد]

التطور حلو ... لكن مش معنى ذلك ننسى تعاليم دينا الإسلامي

[راعي ال VXR]

التطور حلو ... لكن مش معنى ذلك ننسى تعاليم دينا الإسلامي

:nice::nice:

[بيرق قطر]

الشكر الجزيل لأخواني واخواتي على مرورهم العطر والقيم

والذي افلج صدري بردودهم الرائعة


واتمنى من الجميع كل الفائدة

[النجلا]

الهنود يصنعون اجهزة البلوتوث , وانت تقول حتى الهنود يبحثون
ياليت نوصل للي وصلوا له

هههههههههه

ذكرتني برآعي الدوبي عنده بلاك بيري و مسمي نفسه QATARI :tease:

:secret:

[chillis]

واعتقد احد الاسباب الاساسيه كثرت الثقافات وكثرت الجنسيات عندنا اثرت بعد على العادات والتقاليد

[الهلي]

والاحظ بعد ان ابن عمك يستحي بك ان كنت فقير وما تملك شي00 بس تملك الكرامه
كأنه يقول الكرامه ما تأكل عيش في هالزمن

[الهلي]

الشكر الجزيل لأخواني واخواتي على مرورهم العطر والقيم

والذي افلج صدري بردودهم الرائعة


واتمنى من الجميع كل الفائدة
افلج اول ما الحين اثلج

[sh50]

تدري اخوي ليش تغيروا الناس؟

قبل 30 سنه الرجال في ذلك الزمن صالحين
ما يفوتهم الفرض
ولايشربون الخمر
الخمر ام الخبائث

الحين اكثرالرجال الامن رحم ربي يشربون الخمر
واصحاب اسر00شياب00ما يصلون الفجر 00وشتتوقع يربون عدل هذيلا00

طبعا انا لا اعمم لكن هذه النوعيه من الاباء موجودين الله يهديهم

هم المسؤؤلين عن خراب الشباب بالذات00

[العـوا]

بختصار
شـان الزمن ولا البشر طبعهم شـان ؟؟
البشر اكيييد موضوع مميز جداا

[المريش]

جزاك الله خير على طرحك

الله يستر على أجيالنا الجاية

[االشامخ]

الله يرحم الحال المخرج عاوز كدا

[ابن التويم]

افلج اول ما الحين اثلج

ههههههه حلوه

ذكرتني بأبوصالح يكتب حسابات الدين على الطوفه بالفحم بطريقة التلي طريقة الحساب القديمه ههههه

ماعنده يافطه ولا شي على الطوفه فلج بوصالح هههههه فلج اصلي فلج ما يذوب هههههههه

[لاجل QT]

كل شي يعتمد عى كيفية الاستخدام...التكنوجيا ممكن تستخدم بشكل سئ او حسن..يعتمد على الشخص ودينة فقط

التكنلوجيا ماهي الا اداة..

وايضا الالتزام من البشر يعتمد على الشخص ودينة

[بيرق قطر]

اشكركم اخواني واخواتي على تفاعلكم ومروركم العطر


والله يبارك بالجميع