استفسار : عن ماليزيا بالصيف

[صمتي حزن]

ممكن حد يفيدني ياخوان انا بروح ماليزيا بس عقب الصيف لاني ماحب الزحمه وبقعد تقريبا 14 يوم
وانا احب البحر والمنتجعات يعني ريلكس احب اقعد الصباح واعمل رياضه واسبح واستمتع ومامعاي لايهال ول حرمه
ولو اقعد يومين في كلالمبور وبعدها اروح مدن ثانيه على البحر واقعد في منتجعات اذا حد يقدر يفيدني ابي اسامي المدن الحلوه والالعاب وابغي الفنادق الفخمه وجزاكم الله الف خير

[VIP-QATAR]

ماليزيا حلوة انا زرتها اكثر من مره بس عيبها الجو حار واذا انت تبي البحر
تقدر تروح الجزر مثل جزيرة بينانق وجزيرة لنكاوي
وتقريبا كل فنادقهم في الجزر على البحر
واذا بغيت ساوقين هناك يتكلمون عربي راسلني على الخاص

[عربسات]

اخوي الغالي نصيحه لوجه الله فندق الشيراتون في جزيرة لنكاوي ... والجزيره فيها برامج وايد وايد حلوه رحلات بحريه كثيره ورحلات غوص ورحلات للجزر لان لنكاوي عباره عن 100 جزيره

[صمتي حزن]

upupupupupupupup
More more more

[صمتي حزن]

ابغي زياده عن الرحلات والاشياء المفيده لوسمحتووووووو

[HiTec]

Tioman
اكتب بكوكل وشوف، ماتتندم

ولنكاوي بعد

ولو عندك وقت مر .. بالي .. تايلند

[محمد الجفيري]

ان شالله يااا رب يفيدووووك الاعضاء بالتوفيق .

[سهم قطر]

انصحك فندق شيراتون في جزيرة لانكاوي - نظام شاليهات على البحر وفية على الغابة عجييب المكان

وفندق
بارك رويال
Parkroyal Penang
في مدينة بيننانغ على البحر رووعة

[صمتي حزن]

upupupupupupupu

[أحاول]

في ماليزيا مثل ما قالوا جزيرة للنكاوي بس لو هلك معاك بتونس اكثر فيه الشيراتون الليله في الشالية 900 رنقت نفس افلوسنا يمكن اكثر شوي وتروح للشاليه بالسياره والمكان مليان قرود معلقين بالشجر اما الطبيعه شي عجيب والمطر ما شاء الله الجزيرة فيها رحلات وفيه اوتيل فور سيزن مدري بس اظنه افضل من الشيراتون في لنكاوي بينها وبين كولالنبور ساعة بالطياره يمكن تحجز لها من الفندق في كوالالمبور من الافضل اوتيل ماريوت دبليو الي شفته والرتز سراحه تعاملهم راقي جدا وجزيرة بالي في اندونيسيا فيه منتجع بولجاري رهيب

[صمتي حزن]

مشكورين

[صمتي حزن]

بس واجد تخربط ماعرف وين اروح ول وين اسكن لان لين الحين محد فادني صح
وبعد السالفه فيها اندونيسيا يعني زاد التشويق والأثاره
انا ابي حد يعطيني الجزر الي اروحها الجدول يعني من العاصمه اقعد يومين وعقب اتوجه الى جزر مثل لانكاوي عرفناها وابي اسامي جزر ثانيه وابي الفنادق الي فيها شاليهات
ولكم مني اطيب التحيه

[المتحدث الرسمي]

الشيخ انا بعطيك جدولي الي سويته العام و اذا تحب تاخذه


انا رحت ياخوي قعدت ليلتين في ولاية سيلانجور وهي تبعد عن العاصمه كوالامبور تقريب 45 دقيقه في فندق سن واي لاجون

وبعدها رحت قعدت 3 ليالي في لنكاوي ((( لاتزيد عن الثلاث ليالي لانك بتمل ))) ونصيحه روح بالطياره ولاتروح بالعباره لانك بتتخضخض
وسكنت في فندق ويستن والصراحه الفندق وايد حلو وعجيب وخدمتهم فوق الممتازه


(((( جزيرة بيننانج نفس الجدول مكرر لجزيرة لنكاوي ..... وانا انصحك تروح لنكاوي لانه اغلب شعبها مسلمين و تعاملهم ارقى من الصينيين في بيننانج ))))

و بعدها رجعت كوالالمبور و سكننت في فندق مندرين اورينتال لمدة 5 ليالي و الصراحه الفندق يعتبر من افخم فنادق العاصمه و قريب من سارع العرب تقريبا 10 دقايق مشي




واي استفسار حاضرين لك ياخوي

[صمتي حزن]

مرحبا اخوي انسان متملل
ابي الفنادق الي فيها شاليهات يعني منتجع وعلى البحر ويش افضل الفنادق ولك مني جزيل الشكر

واذا عندك رقم سايق ثقه لاهنت ارسلي رقمه

[bohilal191]

ان شاءالله الاخوان يفيدونك

[المتحدث الرسمي]

مرحبا اخوي انسان متملل
ابي الفنادق الي فيها شاليهات يعني منتجع وعلى البحر ويش افضل الفنادق ولك مني جزيل الشكر

واذا عندك رقم سايق ثقه لاهنت ارسلي رقمه


اذا ودك بشاليه انا سكنت في فندق ويستن الي في لنكاوي
خذت لي فيلا و حلوه و كانو مسوين عليها عرض على ما اذكر دفعت 4000 ريال تقريبا
لكن عيبها انه ولا فيلا لها شاطىء خاص لكن لها بركة سباحه خاصه

وواحد من ربعي مدح لي فندق الشيراتون في لنكاوي لكن ما سكنته ولا اعرف اذا عندهم شاليهات

اما بالنسبة للسواق عندي واحد مصري و ماخذه عن طريق السفاره اسمه شادي محترم ويدل الاماكن كان ياخذ في اليوم 200 رينجت تقريبا من الصبح لين بعد المغرب ... لكن رقمه الحين مب عندي في الجوال الثاني بطرشه لك على الخاص ان شالله

وتقدر ياخوي تروح مدينه اسمها جنتنغ وهاذي باااااارده فوق الجبل وهي عباره عن مدينة العاب وتبعد حوالي الساعه ونص الى ساعتين من العاصمه
تقدر تروح لها الصباح وتعود اخر الليل واذا ودك بات ليله وحده فيها مع اي ما اؤيد هالشي