ممكن حد يفيدني بخصوص المالديف

[خالد الحمادي]

السلام عليكم

باذن الله بداية الشهر الياي رايح المالديف بس كان عندي استفسار اذا احتاج فيزا او لا عشان ادخل المالديف ؟؟

انتظر ردكم

[سحر السوق]

لا مايحتاج .

سفره سعيده

[محمد الجفيري]

بالتوفيق اخوي واتوقع ما يحتاااج . . . .

:)

[خالد الحمادي]

يعطيكم العافيه على الرد

:)

[سهم قطر]

هل تصلح المالديف للعائلات

[االشامخ]

نعم تصلح لجميع الفئات

[مهل]

السلام عليكم

ماتحتاج فيزه و انصحك بجزيره اسمها كورومبا و اسكن في اكثر من فندق

فندق = جزيره ... يعني كل فندق في جزيره مستقله

انصحك انك كلش كلش ماتروح للعاصمه مالي ماتسوى ابد الزياره و هي عباره عن خدعه للسياح

اي استفسار ثاني ممكن افيدك


هل تصلح المالديف للعائلات

ابدا ماتصلح .. فسق على السيف

[خالد الحمادي]

السلام عليكم

ماتحتاج فيزه و انصحك بجزيره اسمها كورومبا و اسكن في اكثر من فندق

فندق = جزيره ... يعني كل فندق في جزيره مستقله

انصحك انك كلش كلش ماتروح للعاصمه مالي ماتسوى ابد الزياره و هي عباره عن خدعه للسياح

اي استفسار ثاني ممكن افيدك



ابدا ماتصلح .. فسق على السيف


يعطيك العافيه اخوي على الرد

انا ان شاء الله بروح 3 ليالي وبتكون في فندق الدبليو وان شاء الله اتوفق في المكان الي اخترته

[مشتاقة لقطر]

موووفق ما قصروووو . الاعضا

انا رحتها 2008


حلوة وتصلح لمعارريس لان مالها جدول..

او ناس لهم بارض لهوايات بحريةتجديدف صيد غوص الخ .. وهذول ما نقدر نسويهم كنساء محجبات ..وبعباية ..

ما تصلح لعايلة لان اللي فيها كلهم بلبس البحر .. مفاصيخ ..

رومنسية جدا وخصوصا بالليل الاضاءة الخافتة والشموع ..


حدها 3 ايام انا كنت حاجزة 10 ايام غيرت الخطة رحت الخميس ورجعت السبت فالليل

[قطريه ماركه]

بالتوفيق ان شاء الله .....

[OREO]

مالديف من اجمل الجزر اللي زرتها مابين جزر العالم و عائليه و خاصه للمعاريس لكن يعتمد على الشخص نفسه ..
لان كل جزيره و لها خصوصيتها و طريقة تعاملها مع الجمهور .. و انا شخصيا ارتحت في جزيره ريجالي و هي من اجود و انظف الجزر و غاليه نوعا ما و مافيها حبربش و الهيلق سواء من بعض العرب او الاوروبيين للاسف.. و السبب رخص الخدمات و الغرف في بعض الجزرهي اللي تسبب في عدم توفير الخصوصيه ,,

زبدة الموضوع .. اذا الجزيره كانت غاليه ما راح تشوف الا فئه برستيجها عالي و راعيين اتيكيت و كل شخص في حاله و المرافق و الاماكن الخدميه من مطاعم و كافيهات ما راح تشوف ناس قاعده فيه بالبكيني او بشورت و الخ ,, يعني تاخذ راحتك و انت مع اهلك و عكس الجزر الرخيصه ,,, و بالاضافه لشواطئها راح تحصل بينك و بين الشخص الثاني مئة متر و ما راح تشوف لا فلان و لا علان داش عليك عرض ,,,

اتمنى لك رحله سعيده اخوي

[بوسعيد2]

لا مايحتاج

[سونيتا]

المالديف جزيره حلوووه ومايحتاج لها فيزا وتصلح وبقوه للعائلات ...زرتها مع زوجي وكان كل اللي معنا بالجزيره مع اطفالهم وبعد عودتنا حجزت للرحله الثانيه لعيالي وخصوصا إذا عيالك من عشاق ألعاب البحر فعلا متعه..

[HADi]

اخوي هذا تقرير لي بعد زيارة المالديف من 7 شهور وكان لي زياره لفندق الدبليوو

اتمنى يفيدك بشي

http://www.qatarshares.com/vb/showthread.php?t=410163

[تحداني]

ان شاء الله تستانس فيها
والاخوان والخوات ما قصروا

خاطري اروح لها


جملك الله برضى الرحمن

[البدع]

موضوع رهيب

تشجعت اروح هناك

[captin]

من أروع الأماكن اللي زرتها
تصلح للراحة والاسترخاء بعيد عن صخب الحياة العملية
زرتها سنة 2008 وزرت بالتحديد جزيرة
ومنتجع برادايس. تصلح لقضاء شهر عسل او عطلة عائلية
طبعا ما في شي اسمه تسوق او كشخة بالملابس واستعراض
مجواهرات وشنط وجواتي واكسسوارات
راس مالك في المالديف فانيلة وشورت وطايح على السيف اوحمام السباحة
في النهار وبالليل سهرة على البحر تتعشى وتسمع موسيقى
ويفضل تسكر جوالك وانت طالع الطيارة لين ترجع
فعلا تحس انك غيرت جو.
ولا تنسى تطلع رحلة في الغواصة تشوف قاع البحر وايضا رحلة
حداق ليلية ينظمها المنتجع مع مجموعة السياح الأجانب

في الرابط أدناه تقدر تشوف معلومات وصور عن منتجع براديس
http://www.agoda.ae/asia/maldives/maldives/paradise_island_resort_spa.html?type=1&site_id=1410012&url=http://www.agoda.ae/asia/maldives/maldives/paradise_island_resort_spa.html&tag=f2f56afe-fed3-459b-a2c9-e946eb4f01e7&gclid=COa_4_Lf9agCFdZS2godnH4CUA

بالنسبة للطيران عندك القطرية لها رحلات مباشرة وفي بعض الأيام فيه رحلتين
وعندك شركات الطيران الخليجية الأخرى
الإمارات عن طريق دبي - العمانية عن طريق مسقط - قريبا الإتحاد عن طريق أبوظبي

[خالد الحمادي]

يعطيكم العافيه جميعا على الردود

ما قصرتوا من ناحية النصايح ومن ناحية الفيزا ..

اشكركم كل من ساعدني او مر على الموضوع

:)

[HiTec]

اخي ماعرف حضرتك كملت حجوزات والا لا .. بس بفيدك بالعروض للفترة الحالية ..
اولأ : للوصول للمالديف اما عن طريق الخطوط القطرية ، مباشرة ... او عن طريق الوصول لسريلانكا ومن ثم الانتقال للمالديف

حالياً الخطوط القطرية عاملة عروض ممتازة الى كولومبو " سريلانكا " بتذكرة لاتتعدى 1600 الاقتصادية
الخطوط السريلانكية عندها عرض، للمالديف بقيمة 145 دولار ... قد يكون ذهاب وعودة لا اذكر

من خلال موقع agoda
يمكنك مشاهدة العروض للمالديف .. حيث ان هناك بعض الجزر الفندقية واصلة 75% من قيمة الحجز


فندق دبليو احد الخيارات الممتازة ، في المالديفز
حسب ما اذكر، هيلتون واصل الحجز عنده 750 لليلة
ضرورة الحجز ولو يوم واحد ب كونراد لان فيها المطعم الي تحت الماي


الله يوفقك

[simsim1963]

شوف عزيزي ادخل غوغل ايرث وفك نفسك من الدخول للمواقع. وبتلقى كل التفاصيل

[خالد الحمادي]

اخي ماعرف حضرتك كملت حجوزات والا لا .. بس بفيدك بالعروض للفترة الحالية ..
اولأ : للوصول للمالديف اما عن طريق الخطوط القطرية ، مباشرة ... او عن طريق الوصول لسريلانكا ومن ثم الانتقال للمالديف

حالياً الخطوط القطرية عاملة عروض ممتازة الى كولومبو " سريلانكا " بتذكرة لاتتعدى 1600 الاقتصادية
الخطوط السريلانكية عندها عرض، للمالديف بقيمة 145 دولار ... قد يكون ذهاب وعودة لا اذكر

من خلال موقع agoda
يمكنك مشاهدة العروض للمالديف .. حيث ان هناك بعض الجزر الفندقية واصلة 75% من قيمة الحجز


فندق دبليو احد الخيارات الممتازة ، في المالديفز
حسب ما اذكر، هيلتون واصل الحجز عنده 750 لليلة
ضرورة الحجز ولو يوم واحد ب كونراد لان فيها المطعم الي تحت الماي


الله يوفقك

انا الحمدالله خلصت كل الحجوزات وان شاء الله رايح على القطرية دايركت لين المالديف

وللاسف رايح بس ثلاث ليالي وبتكون بس في فندق الدبليو وللاسف ما اقدر امدد لاني ما اقدر اطول بحكم شغلي ..
بس يعطيك العافيه اخوي وما قصرت من ناحية الخيارات وممكن استفيد منها اذا رحت مرة ثانية

:)

[مزعله النساء]

الله اخوي انصحك w وبس
وبتدعيلي