المساعد الشخصي الرقمي

مشاهدة النسخة كاملة : للأسف الحصول على الفيزا من السفارة الالمانية اصبح مأساة


aalqahtani
16-05-2011, 01:19 PM
تغيير نظام الحصول على الفيزا من السفارة الالمانية ...... لانهم تعاقدو مع شركة ..... والي شغاليين فيها شكلهم جداد اذا عندك اربع جوازات تقعد حوالي ساعة على الكوانتر .
قعدت انتظر ساعة ولما شفت ما تحرك الدور ..... سالت المسؤولة قالت لي فية عن طريق الموعد او تدفع 199 ريال في البريمير .... ولأني مستعجل دفعت المبلغ ودخلت البريمير وقعدت الموظفة 45 دقيقة على اربع جوزات ... المهم سألتها عن مدة الفيزا قالت مثل ما كنت تاخذون ...... وانا متعود على سنتيين على الاقل .
رجعت بعد خمسة ايام استلم وشوف الانتظار مرة اخرى حوالي ساعة مع ان الي قدامي كانو اثنين ...... والمفاجئة عطونا سنة واحدة وواحدة من البنات ستة اشهر.
قلت لهم ليش ما عطتونا سنتين قالوا ما لنا خص هاي السفارة ....

للعلم هذا المكتب ياخذ 99 ريال زيادة علي رسوم الفيزا كرسوم.

*
تحداني
16-05-2011, 01:25 PM
انا في حياتي ما شفت اعقد من السفاره الألمانيه
وقبلها كانت الاستراليه .. عذاب في كل شي


ويحطون عراقيل مالها اي داعي بالفعل


جملك الله برضى الرحمن
*¤ بن قطر¤*
16-05-2011, 01:32 PM
السفاره الهولندية سلسين في التعامل ولا يوجد طول في الانتظار

ما عليك الا حجز مسبق للموعد عن طريق الموقع الالكتروني و الامور طيبه - عن تجربه شخصية
بونو
16-05-2011, 01:35 PM
الألعن السفاره الامريكيه ... الله لايحوجكم لها .... بس حبيبي .... سفريات الملا يخلصها لك وانت مرتاح في بيتك ... 650 ريال على الجواز ولا مذلة السفاره ....
سلطان_قطر
16-05-2011, 01:40 PM
غريبه الصراحه

انا قدمت للفيزا واليوم الثاني استلمت الجواز وسنتين مدة الفيزا

هالكلام شهر 11/2010

بس على كلامك ان النظام تغير الحين
تحداني
16-05-2011, 01:43 PM
الألعن السفاره الامريكيه ... الله لايحوجكم لها .... بس حبيبي .... سفريات الملا يخلصها لك وانت مرتاح في بيتك ... 650 ريال على الجواز ولا مذلة السفاره ....



السفاره الامريكيه هذيلن قصه ثانيه يشوفون اسم العيله وسلالتك
والمظهر العام ان كنت رجال لحيتك طويله ولا لا .. متدين ولا لا
عندك اقارب ملتزمين ولا لا

واذا كنت شخص عادي ولكن العيله لها سلسله طوويله من المعارف هاذي بعد حكايه جديده


انا عندي فيزا صار لها شهرين للحين في الانتظار
وباقي لها شهر انتظار بعد

يارب تطلع ابسرعه

جملك الله برضى الرحمن
بونو
16-05-2011, 01:48 PM
السفاره الامريكيه هذيلن قصه ثانيه يشوفون اسم العيله وسلالتك
والمظهر العام ان كنت رجال لحيتك طويله ولا لا .. متدين ولا لا
عندك اقارب ملتزمين ولا لا

واذا كنت شخص عادي ولكن العيله لها سلسله طوويله من المعارف هاذي بعد حكايه جديده


انا عندي فيزا صار لها شهرين للحين في الانتظار
وباقي لها شهر انتظار بعد

يارب تطلع ابسرعه

جملك الله برضى الرحمن


الله يعينك ...... انا خيسوني 6 شهور ... مع اني رايح بكتاب علاج من اللجنه الطبيه وحجز موعد في امريكا عن طريق الملحق الطبي .... عطوا المريض اليوم الثاني والمرافق .... اللي هو انا .... قالو لي .... انطر ..... بس الحمدلله ... الله اخرها لاسباب ... رحت ألمانيا والامور طيبه .... الطريق اقصر والاطباء على مستوى .... صج كل تأخيره وفيها خيره

جملك الله بالصبر
عشقي قطر
16-05-2011, 09:50 PM
يقولون السفاره الفرنسيه احسن في التعامل واسرع .. طيب ليش ماتخذون الفيزاء منها احسن
االشامخ
16-05-2011, 10:56 PM
صح السفاره الفرنسيه احسن
hamoor4ever
16-05-2011, 11:13 PM
الفرنسيه احسن
وحيد-الشوق
16-05-2011, 11:37 PM
خذت فيزا المانية شهر ٣ هالسنة وعطوني سنتين عن طريق مندوب

انقهر لما هم يدشون بكل اريحيه واحنا ننذل

متى تصير المعاملة بالمثل :(
مساهم فنان
16-05-2011, 11:51 PM
الفرنسيه احسن

السفارة الفرنسية أسهل ....من15يوم أخذت منهم فيزا ، رحت لهم بدون موعد ونطرت لين خلصوا الناس (علشان ما عندي موعد )خلصوني بسرعة وثاني يوم أخذت جوازي وسافرت ورديت أمس.
نظرة شجاع
17-05-2011, 02:02 AM
لابد من المعاملة بالمثل لان احنا نقعد اسابيع وشهور على حتة فيزا وهم يدخلون البلد والفيزا في المطار
والمعاملة بالمثل قانون دولي عام وللاسف احنا مانطبقه المشكله ان حنا نزيد في اقتصادهم وهم يسلبون خيراتنا
ام جابر 1
20-05-2011, 10:48 AM
ممكن حد يعطيني رابط السفاره عشان اطلع الفيزا لو سمحتوا
مشتاقة لقطر
20-05-2011, 02:12 PM
ترى لوطلعتهامن الالمانية او الفرنسية ممكن تدخل اي دولة مباشرة

السنة الي طافت طلعت من الايطالية ببوظبي 3-5 ايام مخلصين

والمفاجاة زوجي عطوه 3 سنين وانا سنة ؟؟

والحركة الثانية السفارة الامريكية كان ولد اختي طالع دراسة لامريكا ومعاه ابوه
الابو عطوه 5 سنوات والابن سنة اتوقع ؟؟

يعني مالهم نظام معين ؟؟
مضاربه
20-05-2011, 02:26 PM
اسهل شي تسويها في السفاره الايطاليه والفرنسيه
الموضوعي
20-05-2011, 04:00 PM
لو دول الخليج فيها حكومات صاحية كان المواطن الخليجي يدخل اوروبا وامريكا بدون تأشيرة ، دول الخليج تملك النفط الذي بدونه تتوقف الحياة بما تعنيه الكلمة من معنى
شميرام
20-05-2011, 05:23 PM
جان رحت. اليونانيه ....مادري اذا فيه يونانيه او لا بس يتروالي محد يروح اليونان فا اعتقد محد يسوي فيز عندهم والله اعلم اذا عندهم بيروقراطيه او لا
شنقن خذها خمس سنين احسن
نسيت اقول انا المعامله تختلف بعد في المطار يعني اللي جيه يعش فتره طويله (غير مرحب به ) يتفتش ويتبهدل وسين وجيم واللي جاي فيزه سياحيه ان شالله الحياه حلوه كل شي تمام بس كم سوال خفيف
تغلبية
20-05-2011, 07:40 PM
رابط ممكن يفيد كل المتسائلين

http://www.qatarshares.com/vb/showpost.php?p=7160117&postcount=3
شميرام
20-05-2011, 07:58 PM
والحركة الثانية السفارة الامريكية كان ولد اختي طالع دراسة لامريكا ومعاه ابوه
الابو عطوه 5 سنوات والابن سنة اتوقع
والد يمكن خذها فيزه دراسه مستمره سنه
الاب اذا مخذها فيزه سياحيه تكون خمس سنين بس ما يقدر يقعد اكثر من ست شهور متصله
المريش
20-05-2011, 08:22 PM
الفرنسية والهولندية سهلات
اما الايطالية عليهم تحفظ معاملتهم

وانا اييد الجميع يا نعاملهم بالمثل يا يعاملونا بالمثل

اما هم ياخذونها من المطار واحنا نتبهدل

لا يكونون خائفين نهاجر عندهم!

أكيد خايفين من المسلمين؟


عجل الرأي نعاملهم بالمثل
Lipton
20-05-2011, 08:53 PM
السفارة الفرنسية الاسهل والافضل في التعامل
حجزت موعد الساعة عشر وعطيتهم الاوراق على طول
قالو لي تعال اليوم اللي بعده واستلمت الفيزا حق اربع سنوات
اما الباقي تعقيدات مالها داعي اتمنى يتم التعامل بالمثل مع الدول الاستعلائية
بوسعيد2
20-05-2011, 11:38 PM
الله المستعان
بوجوزيف
21-05-2011, 12:31 AM
يا جماعه انا انشاء الله ناوي اروح النمسا الشهر الياي
بس محتار اطلع الفيزا من السفاره الفرنسيه و لا السفاره الالمانيه
خايف اذا خذت الفيزا من السفاره الفرنسيه يردوني في المطار على اساس لازم اروح فرنسا اول عقب اروح النمسا ..... و انا حاجز دايرقت على النمسا

شرايكم ؟
clouds
21-05-2011, 08:58 AM
انا عندي فيزا من السفاره الفرنسيه لمده سنه لان جوازي ينتهي بعد سنه وزوجي 5 سنين على مده نهايه الجواز مع ان احنا قدمنا مع بعض ورحنا مع بعض السفاره بس اللي عرفته ان يعطونك على مده نهايه جوازك
الفيزا الامريكيه مافيها تعقيد ولاشي الابلكيشن كان في النت تعبيه وتروح المقابله وعطونا كلنا 10 سنوات والخدامه سنه ولالعوزونا ولاقالو لنا شي وحتى في جوازات عندنا انتهت لما بغينا نسافر مره ثانيه دبسنا الجواز اللي فيه الفيزا مع الجواز الجديد ورحنا مره ثانيه وثالثه وعادي الامور ميسره...
وفي االسفاره الامريكيه والفرنسيه كلهم عطونا الجواز ثاني يوم من تقديم الفيزا ولاعندنا واسطه ولاعندنا اسم العايله الفلانيه ولامناصب ولاغيره وحتى ماعندنا اوراق للعلاج بس رايحين سياحه
ام جابر 1
21-05-2011, 10:49 AM
يا جماعه انا انشاء الله ناوي اروح النمسا الشهر الياي
بس محتار اطلع الفيزا من السفاره الفرنسيه و لا السفاره الالمانيه
خايف اذا خذت الفيزا من السفاره الفرنسيه يردوني في المطار على اساس لازم اروح فرنسا اول عقب اروح النمسا ..... و انا حاجز دايرقت على النمسا

شرايكم ؟

نصيحه مني قدم على الفيزا من الحين وكلم السفاره الالمانيه في عرب يردون عليك واستفسر منهم
انا بعد سمعت الفيزا الفرنسيه تنزل فرنسا قبل بس مب متاكده
او اسال اي مكتب سفريات وبيفيدونك ان شاء الله