ارغب ولا ارغب المدارس المستقله؟ هل فتحوا البند المركزي مره ثانيه؟

[نفسي عزيزه]

بسم الله الرحمن الرحيم



سمعت اليوم انهم وزعوا على بعض المدارس المستقله ارغب او لا ارغب

هل الي مايرغب يحال الى البند المركزي او تقاعد او فنش ؟

الواحد يخاف يحط لايرغب ويفنشونه :(

الي عنده خبر ينورنا الله يجزاكم خير

[نفسي عزيزه]

.......... للرفع

[al3grab]

ماجانا شي ياريت الي عنده خبر افيدنا

[Cute Mother]

نصيحتي لج ولوجه الله إنج ما تكتبين ( لا أرغب ) .... !
ناس واجد اندموا .... وقاعدين يدورون .... !!!! .... واستخيري في امورج كلها وتبشرين باللي يسرج إن شاء الله ..

[نفسي عزيزه]

انا ذكر يالذيب

بس حبيت اعرف هل اذا حطيت لا ارغب يفنشوني ؟ او اتحول للتقاعد او البند المركزي

لان اخاف احط لا ارغب ويفنشوني واروح فيها

[Dawn]

بقعد ادعي عليهم ليل نهار والعنهم ان فنشوا حد ...

اصلا من تم في التدريس غير الفقارى المساكين اللي ما عندهم فرص عمل ثانيه ... وعندهم التزامات وديون وسلفيات ... حسبي الله ونعم الوكيل ... جعل يده الشلل اللي بيوقع قرار الاحاله للبند لاي حد قطري في سلك التعليم ...


الحمدلله اللي فكني من هالتعامل الحقير والنذاله من المجلس الادنى وانتو بكرامه .. والفال للمتلتهين معاهم للحين .. الله يعينكم ان شا الله وينصركم على شله المرتزقه ( صباح وربعها ) ... و نصيحه لا تسكتون ان شفتوا هالتعميم صوروه نزلوه في المنتديات والجرايد وافضحوهم .. ووصلوا هالموضوع لاعلى مستوى ان شا الله لو يوصل للامير شخصيا .. لا تسكتون عن حقوقكم ..

[نفسي عزيزه]

الله كريم

انا الي فهمته ان كل اخر سنه يوزعون اوراق فيها ارغب ولا ارغب

طيب الي بيحط لا أرغب الحين هل بيحولونه بند مركزي وعقب تقاعد او يفنشونه لان الواحد بعد مهما كان يكون العوض ولا الحريمه والمجلس الاعلى ينخاف منهم يسونها ويعطون الي كتب لا ارغب فنش


ربك كريم

[االشامخ]

مستحيل ايفنشونك اذا بيضرونك ايحولونك بند مركزي او تقاعد

[intesar]

الله يعينكم مع المجلس الأعلى

[sendarala]

والله يا نفسي عزيز انا كتبت لا أرغب صراحة وهذا من الاسبوع اللي فات


لاني ضقت المر من المدارس المستقلة

ما اقول الا حسبي الله ونعم الوكيل فيهم اللي ظلمونا

[Cooki]

انا لو يعطوني عشرين اورقه بعد بكتب

لا ارغب

لا ارغب

لا ارغب بالثلاثه..

هو غصب يعني ..

وبعدين الخراب الاعلى ماعندهم سياسه التفنيش.. لا عندهم سياسه التطفيش ...

يخلونك تقدم استقالتك وتتنازل عن اللي لك واللي عليك بس تقول يا فكيك ...

حسبي الله ونعم الوكيل ...

[mrs.spoon]

أنا اللي فهمته ان اللي تكتب لاارغب معناه ماتبي المدرسة اللي هي فيها، وعقب تعالي دوري مدرسة ولاشوفي في اي نقعة بيودونا، والله العالم

[خالد القطري]

مستحيل ايفنشونك اذا بيضرونك ايحولونك بند مركزي او تقاعد

مافي شي مستحيل مع المجلس الاعمى

موقفين راتبي من شهرين وقاعد فالبيت !!!!

[نفسي عزيزه]

يعطيكم العافيه



والله يا نفسي عزيز انا كتبت لا أرغب صراحة وهذا من الاسبوع اللي فات


لاني ضقت المر من المدارس المستقلة

ما اقول الا حسبي الله ونعم الوكيل فيهم اللي ظلمونا


تتوقعين شبيسون فيج ؟ هل بيحولونج على البند المركزي او بيوقفون الراتب :weeping:

حسبي الله ونعم الوكيل شغلهم كد في كد

[نفسي عزيزه]

مافي شي مستحيل مع المجلس الاعمى

موقفين راتبي من شهرين وقاعد فالبيت !!!!

على اي اساس موقفين راتبك ؟ حطيت لهم لا أرغب مثلا :telephone: ؟؟




الله يستر

[لجين قطر]

لله لايوفقهم

[Dawn]

لله لايوفقهم

آمين
آمين

[خالد القطري]

على اي اساس موقفين راتبك ؟ حطيت لهم لا أرغب مثلا :telephone: ؟؟




الله يستر

الموضوع طويل

المواطن القطري يذل ويهان في المجلس الاعمى

على مرأ ومسمع حكومتنا الرشيده

[h2004]

من ثلاث سنوات والعالم تحط لا ارغب وبعدين كلمة لا ارغب لاتأتي لوحدها فالمعلم رغبته مربوطة باستلام جدول حصص فإذا كتبت ارغب يعني راح تدرس من 12 الى 16 حصة والطلبة في ذمة المعلم
والله الموفق

[al3grab]

اللهم صلت عليهم من هو اقوى منهم وارزقم الهم

[قطري !]

بقعد ادعي عليهم ليل نهار والعنهم ان فنشوا حد ...

اصلا من تم في التدريس غير الفقارى المساكين اللي ما عندهم فرص عمل ثانيه ... وعندهم التزامات وديون وسلفيات ... حسبي الله ونعم الوكيل ... جعل يده الشلل اللي بيوقع قرار الاحاله للبند لاي حد قطري في سلك التعليم ...


الحمدلله اللي فكني من هالتعامل الحقير والنذاله من المجلس الادنى وانتو بكرامه .. والفال للمتلتهين معاهم للحين .. الله يعينكم ان شا الله وينصركم على شله المرتزقه ( صباح وربعها ) ... و نصيحه لا تسكتون ان شفتوا هالتعميم صوروه نزلوه في المنتديات والجرايد وافضحوهم .. ووصلوا هالموضوع لاعلى مستوى ان شا الله لو يوصل للامير شخصيا .. لا تسكتون عن حقوقكم ..


يالله ياكريم يا واحد يا أحد انك تجزاهم خير اذا حولوهم بند مركزي( او خيروهم) والله لادعي لهم بالخير وجعل يده السلامه والخير اللي بيوقع قرار الاحاله للبند المكزي

و ان شفتوا التعميم عطوني نسخه منه والله يجزاه خير , لا وله بشاره عندي والله اني اتكلم وانا جاد

[الساهر 17]

لا تكتبين لا ارغب ترى بدالك جايين ناس من الاردن والدول العربيه لا تعطين احد فرصه انتي اكفاء ولابد تثبتين لنفسك وللمدرسة بأنكي الاكفاء ومن اي عامله خارجيه قادمه ولا تخافين والله ولي التوفيق

[Dawn]

يالله ياكريم يا واحد يا أحد انك تجزاهم خير اذا حولوهم بند مركزي( او خيروهم) والله لادعي لهم بالخير وجعل يده السلامه والخير اللي بيوقع قرار الاحاله للبند المكزي

و ان شفتوا التعميم عطوني نسخه منه والله يجزاه خير , لا وله بشاره عندي والله اني اتكلم وانا جاد

الله يوفقك وان شاء الله يعطونك البند المركزي لانك تبيه ... وانصحك تقدم كتاب طلب وهم ماراح يقصرون معاك :) ..

لكن الله لا يوفقهم ان حولوا باقي القطريين والقطريات للبند او التقاعد وحرموهم من العلاوات وخلوهم على راتبهم الاساسي ... لان هذي هي الخطه .. فيه ناس على نياتهم متوقعين ان اذا انعطوا بند مركزي بيحصلون وظايف في اماكن ثانيه ... اصلا الوزارات صايره تتجنب توظف اللي عندهم خبرات التدريس فاللي بيصير ان المدرس بيتم مدة سنه او 2 على البند براتبه مع العلاوات وبعدها يحال الى التقاعد براتبه الاساسي .... وينحط بداله اجانب ما يعرفون اساسيات التدريس براتب اقل ... وهذا هو المطلوب : سياسة توفير يعني ...