استفسار : سؤال للطلاب في امريكا

[venum]

السلام عليكم ورحمة الله وبركاته

اخواني / خواتي ... الكرام

ماعليكم امر سؤال؟؟

انا مسافر يوم 22 / 5 لأمريكا - تكساس ( دراسة )

وعندي فيزا واموري كلها تمام ولله الحمد

سؤالي:

هل لما اكون هناك يصير اروح لولاية ثانية بطيران داخلي بمقصد تمشية ولا راح يكون فيه عوار رآس في المطار ؟؟






ياليت ردكم ضروري


اخوكم / ابورفيف

[سهم قطر]

اخوي عادي التنقل بين الولايات ومافية اي مشكلة وتقدر بالسيارة تتنقل اذا الولاية قريبة

[تحداني]

الله يوفقك يارب وينور طريقك وتشد حيلك بالدراسه ان شاء الله
اي عادي تنتقل من ولايه لولايه ثانيه سوتء بالطياره او السياره
لكن خذ بالك من الولايات الخطره الي في شرق امريكا
مثل بنسلفينيا والولايات الي حولها


جملك الله برضى الرحمن

[captin]

ما عندك أي شكلة في التنقل بالطيران داخل أمريكا

بس أهم شيء تتأكد من الرحلة أنها تكون مباشرة وما فيها تغيير
طيران او مطارات لأن أحيانا يعروض اسعار رخيصة بس تكون الرحلات
غير مباشرة ولازم تنزل مطار وتغير طيارة .

وطبعا التنقل بالسيارة في امريكا له متعة خاصة
عليك بالماجلان اوفي عليه جميع خرائط امريكا الشمالية
واستمتع بالطرق السريعة المفتوحة وخلك نهاري يعني
خل سفرك في النهار لين اقبل الليل شوف لك اقرب موتيل
والصباح رباح

موفق في دراستك اولا ومحفوظ من كل شر

[R 7 A L]

اخوي انا تنقلت في اكثر من خمس ولايات بالطيارة وبالسيارة
مافية اي مشكلة
تستطيع بكل يسر وسهولة

[قطر77]

الاموووور سهله وما يحتاي

[clouds]

انا بعد تنقلت لولايات بطياره والسياره عاااااادي ياحلوهم الامريكان
واللي قال عن بنسلفينيا بالعكس انا وااااايد حبيتها وامااااان كنت اطلع فيها لحالي مع عيالي من غير ابو العيال ولاحسيت بخوف ابد بالعكس

[venum]

سهم قطر, تحداني الزمن, captin, R 7 A L, قطر 77 , clouds

السموحة عالتأخير في الرد لأنشغالي بتجهيزات السفر

الله يرحم والديكم ماقصرتم وان شاءالله اشد حيلي في الدراسة :victory:

دعواتكم لي انا مسافر يوم الأحد 22 / 5 واللى خاطره في شي لايرده الا لسانه

استودعكم الله

[تحداني]

clouds

انا ما رحت بنسلفينيا بس سمعت انها منطقه خطره والله اعلم
الحمد لله طلعت عكس هالكلام

اعتقد انك في الطريق الى امريكا
عسى الله ينور طريقك ويوفقك في دراستك اللهم آمين


جملك الله برضى الرحمن