الثوب المكهرب !!!!! [الأرشيف] - منتديات شبكة الأسهم القطرية

المتحدث الرسمي

17-05-2011, 08:55 AM

شالحل ياجماعه مع الثوب المكهرب ؟؟

انا اغسل ثيابي وغتري في الدوبي .... و لما البس الثوب يلزق على جسمي من كثر الكهربا

استخدمت بخاخ ينباع في الجمعيه وما ينفع وايد الصراحه

و جربت اني ارش ماي على الثوب بعد مب لي هناك

هل البلا في الدوبي و طريقة غسيله ؟؟

خلق الثوب من زمان البسه وماجاتني هالمشكله الا توو .... فما ااعتقد من الخلق

تعبت من الكهربا :weeping:

ضوى

17-05-2011, 09:00 AM

هذا يدل على انك تتعرض كثير للاشعاع ، سواء كمبيوتر او هاتف جوال او تلفزيون يعني حقل اشعاعي ، جرب تبتعد اسبوع عن هالمجال وشوف هل المشكلة لازالت قائمة او لا

boamir

17-05-2011, 09:03 AM

اخبر يستخدمون المبيض
شكله راعي الدوبي مايحط لك عشان جي ثيابك مكهربه جرب توديهم دوبي ثاني
بس والله مب شي تروح مكان والثوب لاصق ترش ماي يروح شووي بس لما يجف يرد يلصق خخخخ

هارودز

17-05-2011, 09:09 AM

اول شي حسب نوعية و جودة الاقماش
ثاني شي يمكن من الغسيل

المتحدث الرسمي

17-05-2011, 09:15 AM

هذا يدل على انك تتعرض كثير للاشعاع ، سواء كمبيوتر او هاتف جوال او تلفزيون يعني حقل اشعاعي ، جرب تبتعد اسبوع عن هالمجال وشوف هل المشكلة لازالت قائمة او لا

والله اختي صعبه ابتعد عن الجوال والكمبيوتر
انا شغلي كله على الكمبيوتر
بس انا احس بالكهرب وانا البس الثوب

اخبر يستخدمون المبيض
شكله راعي الدوبي مايحط لك عشان جي ثيابك مكهربه جرب توديهم دوبي ثاني
بس والله مب شي تروح مكان والثوب لاصق ترش ماي يروح شووي بس لما يجف يرد يلصق خخخخ

والله بجرب ياخوي اوديهم دوبي ثاني
اسكت يا ريال فضيحه ههههههههههه تلتهت

اول شي حسب نوعية و جودة الاقماش
ثاني شي يمكن من الغسيل

والله ياخوي ما اعتقد من جودة القماش
لانه انا من زمان اتعامل مع نفس الخلق شكيبو من قصر لكزس
الا بعد جان نصب علي؟؟!! :eek5:

هبوب الكوس

17-05-2011, 09:18 AM

هذا يدل على انك تتعرض كثير للاشعاع ، سواء كمبيوتر او هاتف جوال او تلفزيون يعني حقل اشعاعي ، جرب تبتعد اسبوع عن هالمجال وشوف هل المشكلة لازالت قائمة او لا

هههههههههه وشدعوى ضوي وش دخل

اخوي اذا بتفصل خذ خلق اسمه شيكيوبو وقول للخياط احسن نوع شيكيوبو بدون كهربة

ومثل ما قال الاخ رش عليه ماي ومن الداخل

المتحدث الرسمي

17-05-2011, 09:33 AM

هههههههههه وشدعوى ضوي وش دخل

اخوي اذا بتفصل خذ خلق اسمه شيكيوبو وقول للخياط احسن نوع شيكيوبو بدون كهربة

ومثل ما قال الاخ رش عليه ماي ومن الداخل

اخوي انا الخلق الي استخدمه شكيبو و قالي الخياط ضد الكهربا

احس بستوي رجل الي بعد كم يوم :weeping:

هارودز

17-05-2011, 09:35 AM

البعض يستخدم البودرة

ww1000000

17-05-2011, 09:52 AM

أخوي ممكن يكون من الكراسي إلي تقعد عليها سواء كان كرسي سيارة أو كنب المجلس
وتكون الكهربة مخزنة شحنات سالب على السروال والفانيلة ويكون في الثوب موجب

وممكن يكون من الغطاء إلي تتغطا فيه وانت نايم

جرب غيرهم وشوف وضعك شلون بيكون

بو خليفه 123

17-05-2011, 11:16 AM

اخوي خلق الثوب يلعب دور كبير اختار النوع الانجليزي و قبل لا تشتريه من الخياط قول له ابغي النوع الغير مكهرب و الي مايتكسر بسرعه ..

عموماً هو الخلق اليابس بشكل عام يمتص الشحنات الكهربائيه بسهوله ممكن "الدوبي" توصيه يحط لك ماده تطرد هذه الشحنات ..

كانت تواجهني مرات بالذات يوم اني اصافح اي حد يد بـ يد انقل له الكهربا و يتشوط قدامي ههههه

تقبل تحياتي

نور الحور

17-05-2011, 11:20 AM

أخوي .. جرب بودرة التلك (بودرة الأطفال ) ورشها على ثوبك من داخل .. وإن شاء الله تروح هالشحنات ..
لأنها صج مزعجة بصراحة :anger1:

المتحدث الرسمي

17-05-2011, 12:26 PM

مشكورين وجزاكم الله خير

ان شالله باخذ بنصايحكم واجرب

بوشاهين2

17-05-2011, 12:32 PM

أخوي الحل عندي وشييك ع الخاص .. وبتكون شاكرلي والحل بسيط ..

طموحي مبدع

23-05-2011, 02:18 AM

بتحصله بالجمعيات اسمه فضفاض

هاي انا استخدمه على غتري وثيابي

وايد زين ارش الغتره والبسها حتى النشا مايطير منها عكس الماي اذا رشيت تعتفس الغتره

ب 10 ريال تحصله بالمجمعات الكبيره والدكاكين الكبيره لونه ابيض وغطاه ازرق

فيزيائية

24-05-2011, 12:35 AM

الماي بروحه مايودي الكهربا لازم شوي كومفرت تحطه مع الماي بالرشاش
عالعموم ااذا تغسل ثيابك بالبيت نبههم يحطون كومفرت يودي الكهربا منها

بصمة قطرية

24-05-2011, 12:47 AM

qatari1

24-05-2011, 12:54 AM

صار لي مدة أواجه نفس المشكلة مع الثياب والغتر!
لا والغترة تلصق بالثوب بعد!

مهل

24-05-2011, 01:29 AM

السلام عليكم

سبب الكهرب الي يصيدكم اعرفه و متاكد منه

الله يسلمكم و يطول عماركم سبب الكهرب هو اجلكم الله خلق السروال .... انا من الناس الي افصل ما احب الجهاز و من وعيت على الدنيا و انا استخدم خلق معين ولكن للاسف المحل ماعاد يجيب منه و استخدمت خلق بديل الله يسامح صاحب المحل الي مدحه لي خذت منه 3 طاقات و فصلت منهم طاقه .. و يوم لبستهم صار ثوبي كانه استرتش :anger1:

مع العلم ان ثايبي هي ثيابي ماغيرت خلق الثوب ،، بس الي تغير هو السروال و صادني كهرب يمكن لو امسك ليت ولع لدرجه انه الثوب من قدام يلصق في الثوب من ورى بين الارجل .. ايش هذا :anger1:

عليكم بتغيير نوعيه ماركه السراويل اذا تلبسون جاهز و اذا تفصلون غيرو الخلق و انصحكم تاخذون عينه من الخلق و تجربونها قبل لاتشترون كميه و النوع الزين لخلق السراويل هو الخشن و المتين شوي .. يعني اذا حطيت يدك من ورى الخلق مايشف .

مهل

24-05-2011, 02:11 AM

انزين واللي يعاني من هالشحنات
ويتكهرب كل ما مسك شي ..
شالحل ..!!!
احس وايد اتكهرب واشوط لما امسك باب السيارة
او اسفنج السرير
مستحيل اقدر اغير الكفر من امسكه اتكهرب
وهالموضوع صار له فترة ..

شالسبب ..!!
وشالحل ..
اذا حد عنده فكرة ~

بعض الاماكن تصير مكهربه ،، مادري شسبب .. فيه حل شبه مؤقت .. حاولي تلمسين الارض برجلج حافيه عشان تفرغ الشحنه في الارض .

حقيقه

24-05-2011, 04:36 PM

اعتقد بسبب نوعية القطع

وبسبب الكرسي اللي تقعد عليه لو جلد يكون احسن

وانا فيني كهرب بالجسم اذا لمست او سلمت على حد يد او خد نتكهرب :eek5:

شالحل

khaleeji

24-05-2011, 04:55 PM

اخوي مثل ما قالوا لك من خلق الصروال بدله

واذا ما راح مالك الا تلبس وزار مافيه كهرب وابرد :nice:

بولينجر

24-05-2011, 05:44 PM

لانه ما يحطون كمفرت..... خل يحطون لك عليه كمفرت وبتفتك :nice:

تحداني

31-05-2011, 11:09 AM

مهل

31-05-2011, 11:15 AM

انا عندي نفس مشكله اختي بصمه
عسى ما يودت شي تشوطت وتكهربت .. حل اخوي مهل ما فهمته المس الارض وامشي حافيه
هذا الي فهمته ما اعرف صح ولا لا .. والكمفورت يمكن حل للإثياب لكن للجسم بشكل عام
لا:)

جملكم الله برضى الرحمن

الجسم مايطلع كهرب ابد .. الجسم يكتسب كهرب من مثلا الاثاث اذا كان مصنوع من الصوف او ماشابه .. انتي و حقيقه اكيد بيوتكم او دواماتكم هي الي تسوي الكهرب .

الحل بقولج .. الحين مافيه فيشه كهرب عباره عن ٣ روس العاديه .. اثنين حق الكهرب و واحد ايرث او ارضي .. وظيفته انه اذا صار شوط يسرب الكهرب للارض .

انتي اذا جسمج مشحون كهرب المسي الارض حافيه و جربي امسكي اي شخص او امسكي قبظه الباب بتلقين نفسج ماتشوطين و انتي لامسه الارض حافيه .. لان الكهرب يتسرب في الارض

تحداني

31-05-2011, 11:20 AM

:omg:
صادق يا اخوي مهل " ما شاء الله عليك "
جربت الحين مشيت اشوي حافيه ولمست الارض وبعدها مسكت مقبض المكتب الي دايما اتشوط منه .. وما حسيت ابشي .. :) بارك الله فيك والله يجزيك كل خير

طريقه اول مره اعرفها .. وتحليلك للفيشه رهيب

جملك الله برضى الرحمن

مهل

31-05-2011, 11:21 AM

تحداني

31-05-2011, 11:24 AM

ههههههههههههه الحين مافيه الا نوصل لج واير ايرث على طول :nice:

:):)

طيب طالما حضرتك موجود وانت عطيتني الحل
هل احتاج اكرر الحركه اكثر من مره .. ولا يكفيني لمس الارض لباقي ساعات العمل
لان العمليه راح تكون جدا محرجه لو كل اشوي بلمس الارض

جملك الله برضى الرحمن

مهل

31-05-2011, 11:28 AM

مادري والله .. مالج الا التجربه

وطن

31-05-2011, 11:34 AM

اخوي انا تصيدني اذا يغسلون عباياتي

استخدم بخاخ اسمه فضفاض

ولازم ترشه من داخل الثوب
ورش بعد على الملابس الداخليه لان احتمال تكون فيها شحنات بعد

تحداني

31-05-2011, 11:39 AM

مادري والله .. مالج الا التجربه

حاضر .. جزاك الله كل خير

المتحدث الرسمي

31-05-2011, 01:18 PM

جزاكم الله خير

ما قصرتوو :)

الدمعه

31-05-2011, 05:02 PM

بالنسبه للملابس والعبايات كومفورت طبعا .. ولاتخلونها في الشمس وايد بيصير بدون فايده ..

والدوبي قوله يستخدم كومفورت والا غيره ..

لكن الملاحف واحنا كلنا متكهربين انا والعائله الكريمه ..

وفضفاض زين بس يحكر...:rolleyes2:

إعلامي قطر

31-05-2011, 05:16 PM

..

والله ياخوك آنا مريت بهالتجربه الصعبه وسموني الرجل الكهربائي
ورحت المستشفى وحولوني على الرميله وقعدت مع الدكتور وشرحت
له حالتي وعطاني أدويه وسالفه وبالأخير أكتشفت إن الدوبي يحط صابون
غسيل كثير والثياب ماتتنظف عدل ويبقى فيها صابون ويأثر على جسمي..

والحل إني صرت أغسل ثيابي في البيت بالغساله الأتوماتيك أول مره بالصابون
والغسله الثانيه من غير صابون وصار لي أكثر من سنتين مرتاح من غير
أي إلتماسات كهربائيه.. :nice:

..

fhd4

31-05-2011, 05:18 PM

السلام عليكم ورحمة الله ...

سبحان الله ... والله ان هذا الموضوع نفسه شاغل بالي وملعوزني من فترة ...

والحين كل يوم أستخدم هالفضفاض الرش ... بس ريحته تلعوز وشغلانه كل يوم مع كل طلعه تقعد ترش ثيابك ...

بس الصراحة ... المشكلة زادت عندي يوم نقلت البيت الجديد ... مب زادت بس ... إلا تبهدلت ...

بس السبب مادري ليش ....

حتى ثيابي نفسها اللي ما كانت تلصق صارت الحين تلصق ... والغتر اللي أبد ما كانت تتكهرب ... الحين أتشوط منها ...

أحاول أدور السبب للحين مب عارف ... يمكن من الغسيل ... أو الغسالة ... أو لأن الأرضية قبل كانت زل والحين باركيه ... والله محتار ...

Red rose

31-05-2011, 09:06 PM

الحل الوحيد هو بعد الشطف تحطة في ماي مع كومفورت
وبعدين تنعصر الملابس

أخت الغالي

31-05-2011, 09:37 PM

يروح بالاؤتي البخأأر

بوحارب

31-05-2011, 11:27 PM

انصحك تغسل ثيابك في البيت وبعد الغسيل بالصابون غسل الثياب ب داوني او كومفورت

حط نص كوب مع ماي خالي

وبس :)

الشلال راشد

31-05-2011, 11:40 PM

اخووي هالمشكله كنت اعاني منها ..

والحل بكل بساااطه ..
في المجمعات الكبيره بخاخ .. لكهرباء .. الملابس ..
قبل تلبس الثوب ترش على الثوب من الداخل وتلبسه وتنسى الكهرباء

وللعلم هالشئ في بعض انواع الاقمشه

Miss

01-06-2011, 12:38 AM

نفس الحاله :(

كلنا مكهربين :eek:

كل ما ألمس شي انتفض :rolleyes2:

حتى الملحف قام يطلع أصوات من أمسكه :eek5:

مهل

01-06-2011, 12:41 AM

شسالفه ،، كلن يشتكي هالايام ،، اشوف هالشي منتشر

ليكون بسبه كثره الاجانب في البلد :rolleyes2:

SOONALL

01-06-2011, 01:13 AM

اخوي الحل عندي اسأل مجرب ولا تسأل طبيب
روح اقرب بقاله وشتري علبه فازلين لان الشعر هوا الذي يسبب نوع من الكهرباء
هذه معلومه من طبيب امريكا
بذن الله طريقتي هي الحل وبتذكر كلامي
تقبل تحياتي