مدرسه تضرب الولد وتضرخه بسبب؟؟! مرفق بأتصال ام احمد لوطني الحبيب

[مخاوي الشيبة]

السلام عليكم


هذا كلام غير مقبول هناك نوعان من الضرب ضرب تأديبي غير مألم وخفيف وضرب عن عمد وشديد وله اثار


وسالفت الرضخ ليه ترضخ الطالب على الارض يعني بلعربي الطالب يروح يشتكي في مركز الشرطه نفسه

ويقول انا انضربت من قبل شخص بليد ويكبر الموضوع

وتحبسه في غرفه لين الساعه 2.30 كتاب الى المجلس الاعلى للتعليم ويصكون المدرسه كلها

انا اقول ياحلو النظام الحكومي الاول وياحلو مدرسة الاندلس

[قهوجي]

انا انسان محايد ..
سمعت مكالمة ام حمد وسمعت رد المدرسه اليوم في وطني الحبيب..


والنتيجه اللي مقتنع فيها !!

انا ولد ام احمد مصخها وتطاول على المدرسه .. فوجب نهره وتأديبه

عجل .. لو اي احد مكان المدرسه
ويجيك طالب ويغلط عليك ويتلفظ .. بـ .. امك !!!
(( هذا كان رد المدرسه اليوم في وطني الحبيب .. لاجل ما حد يقول من وين جايب هالمسبه))!!



من يرضى ... هل بترضونها ..
خل العاطفه على جنب .. الغلط غلط .. وبسنا محابة .. عيالنا اختربو من كثرة الدلع

والله ثم والله .. لو انه ولدي ..
ثاني يوم باخذ عصاه وبهديها حق المعلمة .. وبقولها زيدي عليه بعد!!



ما ضيعنا وضيع عيالنا غير الدلع وتصديق كلامهم الخرطي!!!


هذه وجهه نظري

تحياتي ..

لا ياخي حتي ولو لو يسيب عيلته كله يضله اجنبي مدام اجنبي يسب امه وابو بعد
ولا يكلمه
صارت مدارس المستقله الطلاب فيها جماعات وارهاب للمدرسين

انعرض علي ان اكون مدرس براتب مبلغ وقدره قلت اعوذ بالله من الشيطان الرجيم مو ناقصين قله كرامه ولما تشتكي
وشفتلك طالب يقول للمدرس هي هي اشتاذ بسفرك قسم بالله مسكه من الكرافته وراح يشتكي للمدير يقوله عادي لساته صغير خايف يسحبون من الترخيص
ولا يسب علي امك ولا ابوك عادي وتمشي


يعني هاي الاشكال مين جايب الكلام الا من بيت ابوه او يسمعها من ابوه وامه ومرض نفسي

[UniCorn-80]

بدون عاطفة :
اللي انعرفه ان العقاب له لائحه وفي خطة سلوكية متبعة بخصوص الطلاب كثيري الحركة لانه واضح ان الطفل ذكي لكنه حركي ويمل بسرعة من الدروس ولهالسبب يطلب انه يروح الحمام رغبة فالحركة .
الاسلوب اللي لازم يتبع معاه بعيد عن الضرب .
وين دور الإدارة في حل مشكلة هالنوعية من الطلاب ؟ توظيف معلمات غير مؤهلات ؟

[بنت البدر 77]

في كل مجلس امهات ومجلس آباء يكرر اصحاب الرخص في المدارس المستقلة بقولهم !!

احنا نترجى المدرسات ما يطلعون .. انتوا تدرون اشلون نجيبهم .. ماصدقنا نلقى مدرسات انجليزي !!

ما صدقنا نلقى مدرسات علوووم !!

عسى ماشر

عشان يالله يالله يلقون مدرسات المدرسات يتحكمون بااعيالنا والمديرات يرضون عليهم بسسسسس

عشان مدرسة ما تقدم استقالتها !! في مديرة تترجى مدرسة اجنبية انها ماتطلع !!

صح التربية والتدريس صعب .. والقوى البشرية صارت صعبة .. بس مو بهالطريقة

اخبر قالوا راح يجيبون مدرسات من الشرقية بما انهم يسافرون المدينة المنورة وهي ابعد منا من

الشرقية بس مااشوف هالشئ تطبق !! احسن لنا الخليجيات عن هالاجانب بصراحه ..

وتجربة تدريس العمانين للغة الانجليزية وتوظيفهم بعد موضوع جداً رائع افضل من ناس تتحكم فينا

وياليت يحسون وضع القطريين والقطريات لانهم هم الأفضل دائماً على الاقل قلبهم بيكون على اعيال بلدهم

بس حتى الجيل الجديد من المدرسات فقدوا للكثير من القيم المسالة يبيلها اعادة نظر في كل شئ ..

اخبر ولدي يوم كان بالصف الرابع الابتدائي وكان في مدرسة المنتزة قبل لا يقلبونها مستقلة جاني يبكي

من مدرسة الانجليزي انها تتمصخر فيه واتقوله الفاظ مو زينه .. لا رحت المدرسة ولا اشتكيت قلت له

روح المدرسة وادخل على المديرة نفسها وقول لها اللي صار بالضبط كانت المديرة من النصف الله يجزيها

كل خير يارب .. قال لها الموضوع وثاني يوم على طول طلعوا المدرسة بشكل نهائي من المدرسة ككل !!

اول نقطة ماحبيت انا ادافع عنه عشان ما يتعود ان في حد يدافع عنه وانه يعرف كيف يدافع عن نفسه ..

ثاني شغله ان ابي اشوف ردة فعل المديرة وبالفعل المديرة ما قصرت بدون تدخل ولي الأمر ..

الله على ايام قبل .. قبل 17 سنة اتذكر الله يذكرها بالخير فاطمة ال اسحاق مدرسة فاضلة كانت تجمع الطلاب

وتطلع معاهم تعطي الحصة في حديقة المدرسة .. وكانت ساعات تقعدهم على الارض وتقعد معاهم وتدرسهم

الله يعطيها الصحة والعافية .. يالله وين المدارس المستقلة اليوم عن هذا الاسلوب ؟؟!!

الله المستعان !!

[P!nk@P!nk]

انتوا تبون مدارس قبل. بس نسيتوا ان الجيل تغير مب نفس جيلنا قبل كل شي تغير الياهل صار اكبر من عمره بسنين

صدقوني الحل مب في معلمه قطريه و لا عربيه

و اكبر مثال احنا و الجيل اللي قبلنا درسونا عربيات خصوصاً في الرياضيات و الانجليزي ما صارت لنا هالمشاكل و الله كنا نرتجف من المعلمه لين شفناها من بعيد حتى لو عربيه الجيل الحين يهدد يبي يسفر المعلمه اللي مب عاجبته

الاولاد خصوصاً في المستقله ما ينفع لهم الا يدرسونهم ريايل

الحين تقولون المدرسه لازم تتحمل الطلاب اذا احنا ساعات ما نتحمل عيالنا تبونها المسكينه تتحمل ٣٠ طالب و كل واحد له سالفه غصب بتتنرفز و مب كل شي يقولونه اليهال صج
بعد المدرسه طاقه انا اشوف اكثر المتحاملين علشان المدرسه مب قطريه لكن لو قطريه كلامكم بيكون ثاني.

اصبروا على نتائج التحقيق بعدين احكموا

[almaf1a]

مساءك الله بالخير

اكيد بتاخذها العاطفه هي مب ام اذا الام ماتاخذها العاطفه عيل من اقول لو انت في مكانه كان بتعرف الله لا يقطك في موقف نفسه كان بتعرف

السؤال اللي يطرح نفسه مهما كان من الغلطان لو جات مثل اختها وشافت الموقف جذيه في اخوها والمدرسه موجوده وامسكته وغسلتها غسال يعني ظرب على مستوى من القهر وقت اعصاب اكيد بتنحاسب ويمكن سجن وبلاوي اما ولد صغير مهما فعل ينظرب وينرضخ على الارض وينحبس باي وجه جحق اعتقد في ابو موجود يقدرون يتصلون فيه هم مب رجال شرطه علشان ينسجن المهم ايش سوا للمدرسه هل لو ثبت ان اضربته وارضخته واسحبته مثل العنز الله يعزكم هل بتنحاسب حساب عسير نشوف الخربطه

صباح الخير

صحيح العاطفه يجب ان تكون موجوده ولكن يجب على الام ان لا تقف 100% في صف ولدها
هذا اكبر خطأ يصير من الاباء
يفكرون عيالهم ملائكة ومستحيل يغلطون واول شئ يقولونه شقاوة طفل
ليش الشقاوه هذي ماطلعت من الطلاب الثانين
ليش الام ما تطرقت للمرة الاولى الي تم استدعائها فيها ومرت على الموضوع مرور الكرام وقالت حلينا الموضوع معاهم وكانت المشكله مع مدرسه غير الاخيره
معقوله مدرستين يتسببون على الولد
الام ما ادخلت المدرسه علشان تجيب محمد وانا عندي شك كبير لانها تعرف ولدها انه مسبب لها مشكله في السابق كما قالت وان تم استدعائها
يعني ما تبي تحرج نفسها قدامهم والواضح انها عطتهم وعد ان الولد ماراح يكرر شطانته
اتمنى من الوالدين التركيز على محمد ولا يوقفون في صفه لانه غلطان في البداية
وانا من رأيي بعد الحادثه هذي وتصعيد الموضوع وتكبيره
لا مجال لعودة الطالب والمدرسه في نفس المدرسة

بعيد عن موضوع محمد ولا اقصد محمد
بعض الطلاب لديه من الوقاحه شئ ماتتصوره
ولما تكون حاظر الموقف راح تقول يستاهل ماجاه حتى لو كان ولدك هو الطالب

واتمنى ان تحكموا ظمايركم ترى كل واحد يكون طيب وبريئ لما يكون متكي على الاب توب ويشرب عصير
لكن لما يكون في الموقف راح يعرف انه طايح في مصايب واولاد كل هم اولياء امورهم ان يفتكون منهم الصبح واول شئ يزعلهم في حالة الفصل وين بيقط ولده الصبح والبيت فاضي

[chillis]

انتوا تبون مدارس قبل. بس نسيتوا ان الجيل تغير مب نفس جيلنا قبل كل شي تغير الياهل صار اكبر من عمره بسنين

صدقوني الحل مب في معلمه قطريه و لا عربيه

و اكبر مثال احنا و الجيل اللي قبلنا درسونا عربيات خصوصاً في الرياضيات و الانجليزي ما صارت لنا هالمشاكل و الله كنا نرتجف من المعلمه لين شفناها من بعيد حتى لو عربيه الجيل الحين يهدد يبي يسفر المعلمه اللي مب عاجبته

الاولاد خصوصاً في المستقله ما ينفع لهم الا يدرسونهم ريايل

الحين تقولون المدرسه لازم تتحمل الطلاب اذا احنا ساعات ما نتحمل عيالنا تبونها المسكينه تتحمل ٣٠ طالب و كل واحد له سالفه غصب بتتنرفز و مب كل شي يقولونه اليهال صج
بعد المدرسه طاقه انا اشوف اكثر المتحاملين علشان المدرسه مب قطريه لكن لو قطريه كلامكم بيكون ثاني.

اصبروا على نتائج التحقيق بعدين احكموا

:nice::victory: مازال في اشياء خفيه وتناقضات ياريت ادارة المدرسه تبين لنا شي من صوبها وبو محمد وين وصلتوا بالتحقيق

[almaf1a]

المدرسه تقول اخت الولد عمرها 6 او 7 سنين

[LiveAlone]

ياجماعة اقسم بالله العظيم

ان الام والابو يبالغون في كلامهم انا اعرفهم


ومااتوقع ان المدرسة ضربت الولد بالطريقة اللي هم مصورينها ويمثلون فيها علينا

واللي يسوونه الحين لغرض في نفسهم وهو تسفير المدرسة وتفنيشها

والدليل البرودكاستات اللي يطرشونها للعالم عشان الراي العام ضد المدرسة

السالفة ماتسوى صحيح ان الولد تعاقب بس عقاب طبيعي ممكن يحصله اي ولد او طفل

مب بالصوره اللي هم مصورينها لكم

[المدير]

السلام عليكم ورحة الله وبركاته

أنا وعدتكم يا اخوان اجيب لكم صورة من تقرير ( محمد )


يرجى ملاحظة السلوك 20 من 20 والتقييم المستمر للطالب ( محمد )

يرجى ملاحظة الدرجات في مادة اللغة الانجليزية
1- طبعاً المشروع لن تستطيع المعلمه تقليل درجته لان موجود بثوابت
2- الامتحان لن تستطيع المعلمة تقليل الدرجة لانه موجود بثوابت
3- طبعاً المشاركة بيدها
4- والتقييم المستمر بيدها

http://mr3oobqatar.com/upload/viewimages/ff93447966.jpg



كلمة محمد
( يبه انا ماسبيت الابله والله ،، وينقطع لساني لو اقول كلام وصخ ،، يبه الابلة جرتني بالقوة من ثوبي عند ارقبتي من ورى الطاولة واسحبتني وطيحتني على الارض وجرتني من كلر ثوبي من ورى للادارة ،، يبه والله حطوني في مكتب وابلة اسمها ................... سكرت علي الباب ،، يبه والله الابله طلعت لنا صورة واحد عنده لحيه وماسك صليب في يده وقالت هذا شيخ وقلنا لها لا ،، بعدها يا يبه قلت بروح الحمام مرتين وبعدها جات جرتني بالقوه )



( الظلم ظلمات )
( الظلم ظـــلمات )
( الظلم ظــــــــــــلمات )


كلمة الاب ( والله يا محمد بينوخذ حقك بذن الله ولو على جثتي )

والسلام عليكم ورحمة الله وبركاته

[n.n.n]

انا راي لو الولد شمسوي ما اتصرف معاه المدرسة بهالطريقة لو شنوا هي جايه تدرس مب جايه تسطرعيال الناس
وبعدين لو هو صج قل ادبه في الف طريقة وطريقة يتعاقب فيها مب ترضخه في الارض وتسحبه عسى ما شر

واصلا هالحوادث قامت تزيد من يوم صارت المدارس مستقة صج انهم ياسسون ويبتدون من الصفر مع الاطفال لكن بعد كلن لاعب لعبته في المدارس

وهاي مش اول موقف مع طفل انه ينضرب مثلا مدرسة ابن سينا المدرسة قاعدة بالواير وتلشط في اليهال صف رابع

والثانيه صف اول تخبطهم بالكتاب على راسهم ليش يبى الناس ما يطرشون عيالهم عشان ينضربون
واغلبيتهم اجانب لان عندهم عادي يسطرون اليهال وامهاتهم ساكتين


لكن والله لو انا مكان امهاتهم اني لا اروح المدرسة واجيب معاي الشرطة وان ما اقدرت اصيدها كفايه اني اشتكيت عليها لكن لو اصيدها واله ما تفلت من يدي

الضنى غالي ولا هو بلعبه عندهم هو رايح يدرس مب رايح يتسطر

وعلى سالفه الحمام حتى الروض ما يخلون اليهال يروحون لكن الام اذا بتسكت مشكله

انا ولد اختي جاها وقالها قلت حق الابلة ابي اروح الحمام قالت لي بعدين بعدين راحت لها ثاني يوم اختي وقالت لها هاذي ياهل شنو الي بعدين بعدين والحمام مب من بعده في الصف نفسه من الزود

ليش هالمعامله يعني ما تقدرون تستحملون اليهال لا تدرسون يا اخي دوروا وظيفة ثانيه

ومدرسة جوعان المدرسة تقولهم بحبسكم في الفرصة ولاا اخليكم تاكلون عسى ما شر على كيفها

والله الام الي تسكت الصراحه ما عندها سالفه عندها حقوق الطفل حقوق الانسان عندها مراكز الشرطة والله

وهاي راي

[ROSE]

اشكركم اخواني واخواتي على التفاعل في موضوع محمد

واشكر اخوي بومحمد واشكر اختي شموخ انثى

على تزويدنا بالحقائق

وبعد ان ادلى الجميع بدلوه

يبقى القرار في يد المجلس الاعلى ،، للتحقيق في الموضوع واظهار الحق


والى هنا يغلق الموضوع