خلونا نناقش مشاكل مكاتب الخدم والاسعار الخياليه

[nono80]

السلام عليكم ورحمه الله وبركاته
صبحكم الله بالخير يا احلي ناس اخباركم طبعا الموضوع باين من عنوانه موضوع صار هم كبير علي رب الاسرة والعايله اللي تفكر تجيب خدامتين ولدريول شي اساسي لانه مش كل الازواج يوافقون علي السواقه طبعا وصلنا مع المكاتب اللي طريق مسدود من اسبوعين وصلت اسعار الخادمات 9000 ريال الاندونيسيه والفلبينيه والسيرلانكيه 8500 ريال في ذمتكم من يقدر علي هالرواتب يجيب له خادمه هذا من غير الفيزا 300 والقمسيون والاقامه يعني كلها 10000 ريال يعني راتب كامل راح علي خادمه واحد والحين وصل راتب الفلبينيه 1200 ريال والاندونيسيه 800 ريال واكثر علي حسب الخبرة في ذمتكم مو موضوع يذبح موضوع يقهر لا واذا ماتبي تشتغل عقب 3 شهور تعال احجز لها وسفرها من حسابك الفلوس راحت عليك ولا اذا اشردت قول علي نفسك السلام انزين من وين نجيب هالمبلغ اذا باجيب 2 ادفع 20000 ريال وراتبي مايوصل هالمبلغ انزين الارامل راتبهم 7000 ريال من وين يدفعون ليش ادارة العمل ماتحط قانون توقف هالمهزله اللي صايرة في المكاتب والله حراااااااااااااام صار الواحد مايحس براتبه ويفكر الف مرة قبل لايشتري اي شي عند من نتكلم او نشتكي اتمني اعرف رايكم ونجد الحل اللي ينفعنا وينفع المكاتب يعني حل جذري للطرفين :rolleyes2:

[ابوخالد السل]

زين انك طرحت هالموضوع
كان ودي اتكلم فيه من زمان
بالفعل مبالغ استقدام العمالة المنزلية
مبالغ فيها جدا
وارقامها صارت فلكية
وما يقدر عليها الا
اللي رصيده يشق المخبه !
صحيح انك تدفع المبلغ مرة
لكنك ما تضمن
والمسألة حظك نصيبك
يا تطلع الخدامة طيبه
يا تطلع مب طيبة !

[nono80]

لاحول ولاقوة الله بالله اشكر لك مرورك وتعليقك

[غير عنهم]

زين انك طرحت هالموضوع
كان ودي اتكلم فيه من زمان
بالفعل مبالغ استقدام العمالة المنزلية
مبالغ فيها جدا
وارقامها صارت فلكية
وما يقدر عليها الا
اللي رصيده يشق المخبه !
صحيح انك تدفع المبلغ مرة
لكنك ما تضمن
والمسألة حظك نصيبك
يا تطلع الخدامة طيبه
يا تطلع مب طيبة !

ياليت هالمبلغ يندفع مره وحده الا كل سنتين يندفع وبعض الخادمات ماطول اكثر من سنه

[بوخالد911]

بُحت أصواتنا


ولا مجييب

:(

[ابوخالد السل]

لاحول ولاقوة الله بالله اشكر لك مرورك وتعليقك
لا شكر على واجب

احنا نعرف ان اصدار قانون ينظم العلاقة بين صاحب العمل والعمالة
من واجب الجهات الرسمية في الدولة
ومثل ما تفضلت كل الامتيازات من صوب العمالة
وصاحب العمل ماله شي
ماعدا هذا الضمان اللي هو ثلاثة شهور
واللي يجري التحايل عليه
وزاد الامر مشكلة ما يسمى بحقوق الانسان
واذا اشتكت عليك رحت ملح !
اطلبوك في المركز
وحققوا معاك
وبعدين ركبوك الباص مع الموقوفين
ويالله على النيابه العامة !
يا تتوقف يا تسوي كما يقولون تسوية جانبية
تدفع الراتب كاملا والتذكرة
ومع السلامة بابا !!

[جنون قطر]

اول الخدامه الاندونيسيه اول شهرين ما لها راتب لان المكتب الي في بلادها ياخذه منها مقدم الحين المكاتب قامت هي الي تعطيهم قبل ما يجونا خبركم المبلغ الي ياخذه المكتب مب شوي لازم بيوزع عليهم منه يعني اذا ارفضت الشغل بعد 3 شهور بعد بتكون كسبانه لانها خذت المبلغ من المكتب الي في بلادها وبعدين تذكره افري وراتب 3 شهور وبعدين ترجع بلاده معززه ومكرمه تعتبر نفسها سافرت سياحه ورجعت بالسلامه .
حسبي الله ونعم الوكيل

[محمد QTR]

انا امس مقدم على خادمة في احدى المكاتب ب9200 وقلت لصاحب المكتب اذا وصلت من المطار انا بأخذها للبيت اما انها تروح للمكتب تأخذ دروس خصوصية معصي قال ماينفعش لان المندوب هو اللي بيستلمها من المطار بالعربي كأنه يقول بنقول لها لاتشردين قبل 3شهور
واحد من الربع يقول انه دفع مقدم نص المبلغ واختار الخادمة بعد اسبوعين اتصل له صاحب المكتب قال تعال اختر غير الخادمة لانها راحت لدولة ثانية يقول عرفت انه تحايل ومافية مصداقية خذيت فلوسي من عيونه ورحت وهذا اللي خلاني ادفع مبلغ بسيط عند التقديم ونصيحة اللي بيقدم على خادمة يستلمها من المطار لانها على كفالتة الشخصية ومحد راح يمنعة بس من يوصلك مسج بدخولها البلاد روح للمطار واستلمها وخل المكتب يولي ماله غير فلوسة

[مضاربه]

يليت لم تدفع هالمبلغ بعد لخادمه بتقر عندك ان ماعجبها البيت قال بروح المكتب وصاحب المكتب يفرحته ان شاف الخادمه راجعه بيستفيد من وراها بعضهم ياجرها بالساعه الصراحه احترنا مع الخدم ومكاتب الخدم قبل يوم ماسكين المكاتب الهنود ابرك من الحين يوم امسكوها اخوانا العرب الي خبركم

[أبو بكر سالم]

انا امس رايح مكتب والله قال لي 9500 الاندونيسية ؟
على كلامهم ان الغلى جاي من مكاتب في اندونيسيا مادري هذي شماعه ولى صج

[Rider]

انا اقول مافيه الا الحريم يشدون حيلهم في بيوتهم وشغلون بناتهم معاهم ترى مب عيب شغل البيت حتى الرجال ليش مايشارك في شغل البيت ترى شي حلو انا عن نفسي عندي خدامة لكن احب اشتغل في البيت

[ابوخالد السل]

انا امس مقدم على خادمة في احدى المكاتب ب9200 وقلت لصاحب المكتب اذا وصلت من المطار انا بأخذها للبيت اما انها تروح للمكتب تأخذ دروس خصوصية معصي قال ماينفعش لان المندوب هو اللي بيستلمها من المطار بالعربي كأنه يقول بنقول لها لاتشردين قبل 3شهور
واحد من الربع يقول انه دفع مقدم نص المبلغ واختار الخادمة بعد اسبوعين اتصل له صاحب المكتب قال تعال اختر غير الخادمة لانها راحت لدولة ثانية يقول عرفت انه تحايل ومافية مصداقية خذيت فلوسي من عيونه ورحت وهذا اللي خلاني ادفع مبلغ بسيط عند التقديم ونصيحة اللي بيقدم على خادمة يستلمها من المطار لانها على كفالتة الشخصية ومحد راح يمنعة بس من يوصلك مسج بدخولها البلاد روح للمطار واستلمها وخل المكتب يولي ماله غير فلوسة



لا تخاف عليها
بتكون الخدامه خذت الدروس في مكتب بلادها !
واحفظتها عدل
يبقى عليك تعرف اشلون. تخرب هاذا كله
وتفسد عملهم

[السندان]

الضغوط على الاسره القطريه اكثرت وصار كل شئ قضيه بروحه
الخدم ..قضيه
الرسوم..قضيه
المواد الغذائيه..قضيه
التعليم .. الصحه..السكن وووووو

ووين ماتطقها عويا

[المريش]

صراحة أنا قمت اشك انها صارت لعب واحتيال

هل يعقل ان الخادمة تجي وبعد ثلاث شهور بالضبط تشرد

أنا اشك انه يتم تنبيهم وتعليمهم من مكاتب بلادهم


والقوانين عندنا تساعدهم

تخيلوا شردت خدامة من عندي وبلغت البحث والمتابعة

جاني اتصال من السفارة انها عندهم ولما رحت أشوف السالفة كان قدامي شايب وانا بعده بالدور

الشايب كان يتكلم بهدوء واحترام لموظف السفارة وما عجبني اسلوب هالموظف مع الشايب

صراحة عصبت وحستهم وتهاوشت معاهم وطلعت

وأشتكيت عليهم في الخارجية لعدم احترام شيبان قطر

وبعدها كلموني البحث والمتابعة ان الخدامة صارت عندهم

ويوم قلت لهم خلها تنقع عندكم قالي النظام والتوجيهات انه اذا تأخر الكفيل في دفع التذكرة يتم تسفير الخدامة على حساب الدولة

ويتم الحظر على الكفيل حتى يدفع التذكرة وغرامة مالية لانه تأخر عن الست الخدامة

يعني الناس كلهم عارفين بالمشكلة

الى هذي الدرجة ما يقدرون يحطون قانون يحمي المواطن

سمعت من بعض الاخوان في الدول المجاورة انه عند هرب العمالة تسجن وتشغل في السجن حتى تستوفي قيمة التذكرة

[nono80]

اشكركم اخواني واخواتي علي التعليقات لكن عن الخدامه تشتغل 3 شهور وتشرد هذا درس من المكتب من غير لااذكر اسماء مكاتب مرة وحدة من ربعي طالبه خدامه فلبينيه اسمعتها تكلم زوجها تقول له باقي لي شهرين وارجع انصدمت بعد ماخلصت مكالمتها اسالتها اشلون باقي شهرين وانتي توج جايه قالت المكتب قال لي كملي 3 شهور بالضبط واذا ماتبين تشتغلين قولي لهم بسافر او شردي راحت واتصلت المكتب وتهاوشت معاهم وطبعا انكروا كلمت الخدامه وفهمتها وافقت تشتغل 2 وتروح يعني حراااااااااااااميه الله لايوفقهم

[البادية]

الأرتفاع اللي حاصل سببه الطلب الزايد من الدول الخليجيه. سألت سعودي عن اسعار الخدم عندهم
قال الاندونيسيه 10000 ريال لهذا السبب شي طبيعي ترتفع عندنا .

اما بخصوص السواقين انا انصح اللي بياخذ سواق يكون عنده رخصه سواقه خليجيه
حتى ما يدخله مدرسه سواقه ويخسر2500 وفي الاخير ما ينجح.
رحت شارع ال شافي ودرت على المكاتب وحصلت مكتب عنده سواقين رخص خليجيه وهذا عنوانه

الشبكه الدولية لجلب الايدي العامله شارع ال شافي
ت:44117702 ج:66200075

[برق لمع]

لازم يكون فيه حد لرفع الاسعار
وان يضمن حق المواطن في بقاء الخادمة لاكمال الفترة او استرجاع المبلغ من المكتب نفسه
قاصين علينا

[super jet]

الأرتفاع اللي حاصل سببه الطلب الزايد من الدول الخليجيه. سألت سعودي عن اسعار الخدم عندهم
قال الاندونيسيه 10000 ريال لهذا السبب شي طبيعي ترتفع عندنا .

اما بخصوص السواقين انا انصح اللي بياخذ سواق يكون عنده رخصه سواقه خليجيه
حتى ما يدخله مدرسه سواقه ويخسر2500 وفي الاخير ما ينجح.
رحت شارع ال شافي ودرت على المكاتب وحصلت مكتب عنده سواقين رخص خليجيه وهذا عنوانه

الشبكه الدولية لجلب الايدي العامله شارع ال شافي
ت:44117702 ج:66200075

مادري ليش احس ان انت صاحب المكتب وتسوي دعايه لمكتبك لأن مشاركاتك كلها دعايه للمكتب فقط
انزين عندي لك شور ليش ماتكتب لنا اسعار الخديم بالتفصيل والضمانات اللي عندك ايكون احسن لك ولنا بدال عملية التسويق اللي مسويها بطريقة غير مباشره

[Rider]

انا اتوقع الارتفاع بسبب قرب شهر رمضان في هذا الفترة من كل سنة تشتعل مافيا الخادمات

[صمت 1]

اول الخدامه الاندونيسيه اول شهرين ما لها راتب لان المكتب الي في بلادها ياخذه منها مقدم الحين المكاتب قامت هي الي تعطيهم قبل ما يجونا خبركم المبلغ الي ياخذه المكتب مب شوي لازم بيوزع عليهم منه يعني اذا ارفضت الشغل بعد 3 شهور بعد بتكون كسبانه لانها خذت المبلغ من المكتب الي في بلادها وبعدين تذكره افري وراتب 3 شهور وبعدين ترجع بلاده معززه ومكرمه تعتبر نفسها سافرت سياحه ورجعت بالسلامه .
حسبي الله ونعم الوكيل

كلامك صحيح المستفيد الاكبر الخادمه الاندنسيه وللعلم الطلب كبيرعلى الخدمات الاندونسيات في السعوديه وهذا اللي رافع سعرهم وانا اتوقع يصل سعرهم الى 11الف ريال

[Qt.1]

ياجماعة الخير ليش ماتريحون راسكم , واتجيبون خادمه مثلا عن طريق خادمه قبليه , مثلا عندكم خدامه قديمه , عندكم مثلا خدامكم قرايبكم قديمه , اكيد في حد من اهلها يبي ايي ويشتغل , خلاص السالفه سهله اتكلمها واطرش لها الفيزا ومع سعر التذكره واسبوع وهي عندك , وانا سويت هالحركه والكلفه حتى ماطافت 3000 ريال , هذا مع كل شي .
اكيد في عندكم خدم في ناس من اهلهم يبون ايجون .

[nadeemy]

اشكر صاحب الموضوع ولكن اتمنى نناقش الموضوع من زاية ثانيه
ما مدى حاجة الاسر القطريه الى خادمة مقيمه في المنزل ؟
اعني هل كل الاسر محتاجه الى خادمه موجوده في البيت على طول 24 ساعه ؟
لماذا لا يتم استئجار خادمه تاتي الى المنزل ثلاثة ايام فقط في الاسبوع ولمدة ثمان ساعات في اليوم الواحد وكذلك الاستعانه بها في حال وجود مناسبه في البيت
تكلفه الخادمه المقيمه في البيت سنويا تتراوح بين 20000 الى 25000 في السنه بينما غير المقيمه تكلف تقريبا 12000 في السنه لو افترضنا استقدامها ثلاث ايام في الاسبوع طوال العام
ولي عوده

[nono80]

لاحول ولاقوة الابالله الله يعينا ويصبرنا

[بوحارب]

لو تناقشون من اليوم لين بكرة مابيتغير شي

اتوقع هالموضوع لازم تتدخل في الجهات المسؤولة عن الأستقدام او حماية المستهلك تسنع مكاتب الخدم
للحد من هالأسعار الخرافية