بونو
17-05-2011, 08:27 PM
مقال حسن الساعي.. بجريدة العرب
2011-05-17
كلمني أحد الإخوة قبل فترة وهو مهموم ومتضايق من موقف حصل لأحد أبنائه قبل عدة أيام عند محطة بترول على طريق سلوى.
وهذه هي الحكاية:
يقول بوعلي من يومين جاني ولدي سعد يسألني يباه وين المصنع؟
قلت له أي مصنع يا سعد؟
قال المصنع اللي تخابر
قلت له أي مصنع اللي اخابر شسالفة.
قالي يباه قبل شوي وانا واقف أصب بترول في المحطة ومعاي صديقي فجأة وقفت جدامي سيارة عليها أرقام خليجية وفيها شخصان نزل واحد والثاني تم جالس يطالعنا من بعيد بس شكله منحرج أو متردد أو فيه شي مهب طبيعي.
المهم يقول سعد (الله يحفظه من المصنع) وصل عندي الأخ وفتحت شباك السيارة وكل ما في بالي أنه يدور ع سكن أو مجمع أو شارع.
المهم
قالي السلام عليكم
وعليكم السلام
الأخ قطري
أي نعم قطري وأفتخر
ضحك وقالي والنعم والله بك
الله ينعم بحالك ما عليك زود
اؤمر يا الطيب
قالي ياخوي المصنع وين؟
قلت له المصنع!! أي مصنع
قاله المصنع المصنع!
قاله أي أي مصنع عاد لأنه فيه وايد مصانع عندنا وفي كذا مكان.
قال هاااا كذا مصنع!
ابغي الأقرب خبرك تونه واصلين وتعبانين
قلت له في ورانه (المنطقة الصناعية) وفيها وااااجد مصانع
قالي بعد سويتي منطقه حق هالمصانع والله كرماء انتوا
قلت له ياخوي شسالفة أي مصنع تبغي
قاله قطري وشاب ووسيم وما تعرف أي مصنع
قلت وايش دخل شاب ووسيم في السالفة
قاله اليوم خميس والليلة ليلة جمعة والمصنع بيشتغل عدل!!
قلت يا خوي أنا ما أدري إيش تقصد لكن عموما المصانع كلها ورانا في المنطقة الصناعية لف وارجع وربي يستر عليك وايسر دروبك.
يقولي بوسعد وصل ولدى البيت وهو يضحك ومستغرب وجلس عندي يسألني يباه وين المصنع لأن اليوم الخميس والليلة ليلة جمعة وبيشتغل عدل المصنع!!
استغربت من كلامه واستغربت من إلحاحه لمعرفة المصنع اللي يشتغل بس كل خميس.
قلت له والله يا سعد يا ولدي ما أدري شسالفة ومهب عارف إيش دخل الخميس في المصنع.
انتهى الحوار بين بوسعد وولده سعد (الله يحفظه من المصنع)
يقولي يا بوعلي قمت واتصلت لأحد الإخوة الأصدقاء أسأله عن المصنع اللي يشتغل ليلة الخميس بي
فضحك وقالي ما فهمت.
قلت لا بالله ما فهمت شسالفة.
قالي الإخوان يقصدون ( ).
أعوذ بالله من غضب الله متأكد يا خوي؟
قالي إي بالله متأكد روح طريق سلوى الخميس العصر وبتشوف ها الأشكال بتوقفك وبتسألك وين المصنع.
يقول رجعت البيت ودورت سعد
وناديته وقلت له شخبارك يا سعد
قالي أبد جالس أدور على النت على المصنع اللي يشتغل بس الخميس وفليل بعد.
فقلت له لا ادور ولا اتعب نفسك.
انس الموضوع ولا تشغل بالك فيه.
قالي يباه بس أنا عرفت إيش ها المصنع المقصود.
قلت خير يا ولدي
قالي مصنع دمار الشباب والأحلام صح.
قلت له كفوا يا ولدي صح
انتهى الحوار وانتهت المكالمة.
شي غريب عزيزي القارئ أن تكون سبب الزيارة لنا عشان المصنع لا لا نريد هذه الزيارة ولا نريد هذه الفكرة أن تؤخذ عنا.
المصنع المقصود لا وجود له في أرضنا.
المصنع المقصود يمكن بأرض أخرى.
أرضنا تربتها طيبة ونسقيها بوفائنا لها.
وما راح نسقيها ببقايا مصنعك اللي ادور عليه في المكان الغلط.
آخر وقفة
قطر تشتهر بالكثير من مقومات السياحة والتجارة والترفيه والتراث والأمن والأمان وهذا الأهم.
ونصيحة
روح مكان ثاني دور على مصنعك
2011-05-17
كلمني أحد الإخوة قبل فترة وهو مهموم ومتضايق من موقف حصل لأحد أبنائه قبل عدة أيام عند محطة بترول على طريق سلوى.
وهذه هي الحكاية:
يقول بوعلي من يومين جاني ولدي سعد يسألني يباه وين المصنع؟
قلت له أي مصنع يا سعد؟
قال المصنع اللي تخابر
قلت له أي مصنع اللي اخابر شسالفة.
قالي يباه قبل شوي وانا واقف أصب بترول في المحطة ومعاي صديقي فجأة وقفت جدامي سيارة عليها أرقام خليجية وفيها شخصان نزل واحد والثاني تم جالس يطالعنا من بعيد بس شكله منحرج أو متردد أو فيه شي مهب طبيعي.
المهم يقول سعد (الله يحفظه من المصنع) وصل عندي الأخ وفتحت شباك السيارة وكل ما في بالي أنه يدور ع سكن أو مجمع أو شارع.
المهم
قالي السلام عليكم
وعليكم السلام
الأخ قطري
أي نعم قطري وأفتخر
ضحك وقالي والنعم والله بك
الله ينعم بحالك ما عليك زود
اؤمر يا الطيب
قالي ياخوي المصنع وين؟
قلت له المصنع!! أي مصنع
قاله المصنع المصنع!
قاله أي أي مصنع عاد لأنه فيه وايد مصانع عندنا وفي كذا مكان.
قال هاااا كذا مصنع!
ابغي الأقرب خبرك تونه واصلين وتعبانين
قلت له في ورانه (المنطقة الصناعية) وفيها وااااجد مصانع
قالي بعد سويتي منطقه حق هالمصانع والله كرماء انتوا
قلت له ياخوي شسالفة أي مصنع تبغي
قاله قطري وشاب ووسيم وما تعرف أي مصنع
قلت وايش دخل شاب ووسيم في السالفة
قاله اليوم خميس والليلة ليلة جمعة والمصنع بيشتغل عدل!!
قلت يا خوي أنا ما أدري إيش تقصد لكن عموما المصانع كلها ورانا في المنطقة الصناعية لف وارجع وربي يستر عليك وايسر دروبك.
يقولي بوسعد وصل ولدى البيت وهو يضحك ومستغرب وجلس عندي يسألني يباه وين المصنع لأن اليوم الخميس والليلة ليلة جمعة وبيشتغل عدل المصنع!!
استغربت من كلامه واستغربت من إلحاحه لمعرفة المصنع اللي يشتغل بس كل خميس.
قلت له والله يا سعد يا ولدي ما أدري شسالفة ومهب عارف إيش دخل الخميس في المصنع.
انتهى الحوار بين بوسعد وولده سعد (الله يحفظه من المصنع)
يقولي يا بوعلي قمت واتصلت لأحد الإخوة الأصدقاء أسأله عن المصنع اللي يشتغل ليلة الخميس بي
فضحك وقالي ما فهمت.
قلت لا بالله ما فهمت شسالفة.
قالي الإخوان يقصدون ( ).
أعوذ بالله من غضب الله متأكد يا خوي؟
قالي إي بالله متأكد روح طريق سلوى الخميس العصر وبتشوف ها الأشكال بتوقفك وبتسألك وين المصنع.
يقول رجعت البيت ودورت سعد
وناديته وقلت له شخبارك يا سعد
قالي أبد جالس أدور على النت على المصنع اللي يشتغل بس الخميس وفليل بعد.
فقلت له لا ادور ولا اتعب نفسك.
انس الموضوع ولا تشغل بالك فيه.
قالي يباه بس أنا عرفت إيش ها المصنع المقصود.
قلت خير يا ولدي
قالي مصنع دمار الشباب والأحلام صح.
قلت له كفوا يا ولدي صح
انتهى الحوار وانتهت المكالمة.
شي غريب عزيزي القارئ أن تكون سبب الزيارة لنا عشان المصنع لا لا نريد هذه الزيارة ولا نريد هذه الفكرة أن تؤخذ عنا.
المصنع المقصود لا وجود له في أرضنا.
المصنع المقصود يمكن بأرض أخرى.
أرضنا تربتها طيبة ونسقيها بوفائنا لها.
وما راح نسقيها ببقايا مصنعك اللي ادور عليه في المكان الغلط.
آخر وقفة
قطر تشتهر بالكثير من مقومات السياحة والتجارة والترفيه والتراث والأمن والأمان وهذا الأهم.
ونصيحة
روح مكان ثاني دور على مصنعك