وين وزارة الاقتصاد عن وكالات السيارات الاسعار كل يوم تزيد !!!!!!!!!؟

[مدحوب_ قطر]

وين وزارة الاقتصاد وين حماية المستهلك !
اسعار السيارات في الوكالات ترتفع كل موديل وكل دفعة سعرها يزيد ؟؟؟؟ !
السيارات اليابانية بسبب الزلزال وكالاتنا ترفع السعر على السيارات الموجودة في المخازن مع العلم انهم مستوردينها قبل الزلزال !!! وسعرها كان فرق 10 الاف اقل ليش رفع السعر 10 و15 الف ؟؟؟؟
وين دور حماية المستهلك وين اوامر سمو رئيس مجلس الوزراء بان على وكلاء السيارات تخفيض الاسعار وعدم الطمع والا الدولة سوف تفتح السوق للأستيراد وفتح وكالات اخرى تنافس ؟؟؟
الزبدة نبي تدخل من الحكومة اما انها تكون مع المواطن وتسعر السيارات لان السعر كل شهر وكل سنة يزيد لاند كروزر من 120 الف لين 280 الف خلال كم سنة يعني سنة 2022 ب550 الف :secret:

[R 7 A L]

اول خلهم يشيلون الاحتكار بعدين خلهم يراقبون الأسعار

[حيهور]

التجار هم نفسهم الدوله

[السيف5]

هي جات الزيادة بس في اسعار السيارات الزيادة صارت في كل شي

أمس في محطة التيسير أغير آيل حق السيارة لاحظت تغير السعر

وسألت العامل قالي من يومين تم رفع اسعار الآيل ----هل يقدر حد يكلمهم ؟

[La Bella]

زيادة الأنتاج = قل التكلفة
بس مع التيوتا صاير العكس

[سكرمر]

وزاره الاقتصاد مثل الطفل اليتيم

مره تنفصل عن الماليه وومره يرجعونها للماليه


هالشي معناته ان وزاره لاقتصاد موب مهمه بالنسبه للحكومه


لكن مهمه للمواطن

لانها هي حمايه المستهلك وهي اللى تتحكم بالتجار وبالبورصه


لكن مثل مقالوا الشباب اللى قبلى


المسئوليها كلهاا يتحملها مجلس الوزراء

عمــك اصمـخ

[فارس قطر333]

احنا طبعا سمعنا كلمه رئيس مجلس الوزراء بخصوص وكالات السيارات

لكن للاسف ما شفنا هذا في الواقع

[كرستال]

وزارة الاقتصاد والمالية ما لها خص بالموضوع

نرجو الدقه في الكتابة

الوزارة المسؤلة هي وزارة الاعمال والتجارة

[بن رومي]

وزارة الاقتصاد والمالية ما لها خص بالموضوع

نرجو الدقه في الكتابة

الوزارة المسؤلة هي وزارة الاعمال والتجارة

جزاك الله خير عالتوضيح

هذي او ذيك

نبي الإعتدال في البيع

لا نظلمهم ولا يظلمونا

بن رومي

[Qatar-Qa]

انا ابي اعرف لييييش مسوين احتكار لوكالات السيارات وكأن شركه السيارات شركتهم الشخصيه ؟؟؟؟
ليش مايسمحون لأكثر من وكيل في كل شركه سيارات ؟؟
أيش اللي يمنعهم من السماح لأكثر من وكيل في كل شركه سيارات ؟؟
ليش هالاحتكار؟؟
صارو يلعبون فيينا للعب بدون حسيب او رقيب
لين متى عااد ؟؟

[abn qatar]

عادي اخوي انت في قطر انتظر كم يوم بيطلع لك المطبلين مافي شي كل شي تمام

وسوف نتخذ القرار المناسب ولا نشوف شي مجرد تصريحات وكلام فاضي

البلد مافي احد يسمع ماشيه بالمزاج والاهواء

[كرستال]

السلام عليكم ورحمة الله

بن الرومي ... الله يجزيك بالمثل يخوي



الي يشتكي من غلاء السيارات .. ايش يجبره

خذ مستعمل ..

ليش نجبر نفسنا ان السيارة الفلانية هي المطلوبة والمرغوبة

ليش اعطي التاجر قوه واسلمه رقبتي اني محتاج سيارته وارغب بها لحد الموت

فيه بدل الوكاله 100
وبدل السيارة 1000
وفيه وكالات الدول المجاروة

بتقولون الضمان .. عادي.. استعمالك الزين للسيارة ما يجرك للخراب ان شاء الله

بس كون التاجر يشوف الناس دبيج على معرضه وكلن يسأل وكلن يتحلطم على الاسعار
ويدور خصم وكلم فلان وانطر الاستوك اذا فيه

هذا بيشجعه على الاستغلال والاستغلال والاستغلال

وبيقولك انت محتاجني .. رغم ان العكس هو الصحيح ، ان التاجر هو الي محتاج الزبون

بس من زود الثقة في ان المستهلك بيجيه بيجيه فليش يخفض


الله يكافينا شر الاحتكار

ويرزقنا الخير وين ما كان

[ثابت]

اخوي هي بس السيارات الي زادة اسعارها كل شي

بس اعتقد شركة تويوتا على ما سمعت ارتفعت اسعار سيارتها بسبب توقف مصانعها في اليابان والله اعلم