ارجو المساعدة

[tnt789]

السلام عليكم
انا الحين خلصت بناء البيت وسكرته وصبغته هل الحين اطلع ورقة اتمام بناء ولا ورقة من الكهرباء والماي؟
وشو الاجراء المطلوبة لاتمام البناء؟

[نيسان قديم]

اول شي منزل مبارك يالغالي وثاني شي الله يعينك على ورقة شهادة بناء روتين ممل عند البلديه

[tnt789]

ليش اخوي الورقة تاخذ وقت؟

[شموخ دائم]

,

,


مرحبا


منزل مبارك ان شاء الله

تقدر تجيب مفتش الكهرباء الان اول زياره تفتيش عام قبل شهاد ه اتمام بناء

لكن ما دام البيت منتهي والحمدالله

1- مر البلديه الي تابع لها بيتك يطلع معاك شخص ( تفتيش النظافه ) يتاكد من نظافه الموقع خارج البيت وخاصه الارصفه لازم ما يوجد فيها اي مخلفات للبناء من اخشاب ورمل وطابوق او بلاط مكسر وبعد ما يكتب ان الموقع نظيف

ممكن تخلص الاجراءات في نفس اليوم او ثاني يوم ( حسب البلديه الي تابع لها )
بعد النظافه

2- موعد ثاني مع مهندس من البلديه لمعاينه الارتداد ومطابقه الخريطه للتاكد عدم مخالفتك
شروط الارتدادات والمساحات
تاخذ معاك البطاقه الشخصيه

تطلع شهاده اتمام البناء خلال يومين ان شاء الله

3- تاخذ شهاده اتمام البناء وصوره من شهاده الضمان العازل وصوره من بطاقه الشخصيه
وتروح على كهرماء تفتح ملف وموعد يطلع مفتش يعاين البيت
اذا كل الامور طيبه بيكتب لك البيت مطابق للمواصفات الكهربائيه

4- موعد ثاني دفع رسوم البيت والعداد ( الساعه )



ملاحظه

نظافه المنطقه المحيطه بالبيت ضروري قبل التوجه الى البلديه
والكهربائي الي عندك من الضروري يعمل اختبار على الكهرباء من خلال
مكينه كهرباء ويجب تواجده اثناء التفتيش

,

,

اخوك


شموخ دائم