(((((((((((((( استشارة قانونية )))))))))))))))

[رنج برتقالي]

شخباركم ياشباب فيه موضوع لواحد من ربعي وحب اني اطرحه علشان ياخذ برايكم فيه


موضوعه انه عنده قرض من بنك الاهلي واقساطه عاليه جداً وهو خذ القرض لظروف
المهم اخذ عليه قرض بنك التنمية وزاد عليه القسط يعني التنمية 3700 وقرضه 7900 شهري المهم الرجال فنش من عمله والتحق بعمل اخر بس راتبه ضعيف ومايقدر يغطي الاقساط واحتياجاته الاسرية وتم يدفع حق البنك مبلغ اقل من القسط تقريبا يدفع 3000 بس بدل ال 7900 بعد مافتح حساب في بنك اسلامي اخر . والحين البنك يتصل فيه من فتره لفتره ويبي يرفع عليه قضيه وهو متوهق وموب عارف شيسوي والمشكله انه يدرس برا ويروح وقت الامتحانات وخايف يصكونه بمنع سفر ويتوهق مايقدر يسافر .

والحين مب عارف هو يخليهم يرفعون عليه قضيه والا شنو الاجراءات الي راح تكون ياليت اذا حد عنده حل او ينصحه يقول
وجزاكم الله كل خير ...

[كبريت]

والله ياخوي موضوعك فيه مني الكثير حوالي٩٠٪
انتظر رد الاخوان القانونيين

[قلم ساخن]

في برنامج وطني الحبيب تكلموا عن القضايا اللي ترفعها البنوك على العملاء بنفس حالتك

قال المحامي لاتخافون من القضية لانها اصلا مو من مصلحة البنك توصل للمحكمة وهو يتصل فيك دايما عشان يخوفك

خل الاجراءات عادي تمشي بالمحكمة وماراح تدفع غير اللي تقدر علية والامور بتطول وايد

لكن موضوع منع السفر اعتقد بتسبب لك مشكلة خصوصا انك محتاج تسافر برى للدراسة

بس اللي اعرفة (ممكن حد يكفلك بالمحكمة وليس البنك وتشيل عنك منع السفر)

[رنج برتقالي]

مشكور ياخوي قلم ساخن وعسى الله يعطيك العافيه على هالاجابه الطيبه وبوصل لرفيقي ردك وانتظر بقيه اراء الاخوان وعسى الله يكون بعونك اخوي كبريت .

[كبريت]

الله يكون في عون الشعب القطري

[المريش]

الشيخ

اولا اسأل الله ان يفرج عليه وان يجعل نيته بدخول الاسلامي انه تاب من التعامل الربوي

واكد لك ما دامه يدفع شهريا جزء من القسط ما يقدرون يحولونها المحكمة

لانه ما زال يدفع ولم ينقطع

والكلام هذا ما خذه اخوي من واحد يشتغل في بنك لانه كان عنده نفس الظرف

مدامه يدفع ولو جزء منه

اخوي على هالحال من اكثر من سنه

اخوي في بنك إسلامي فما في تراكمات

أخاف ان البنك الربوي يلعب به في الربا
بس تتاكد افضل

[حسن]

القرض من وجه نظري يعتبر دين وفي حال عدم استطاعت المدين الاتزام بالسداد او الوفاء بالدين او تعسره يطلب من القاضي انه يمنحه نظره ميسره فالقاضي له سلطه تقديريه في الموضوع هذا حسب ماعرفه في القانون من معلومات قديمه

[رنج برتقالي]

شاكر للجميع مرورهم الطيب وعسى الله يعطيكم الصحه والعافيه على الكلام الطيب ومشكورين