استقــــــــــــــدام الخادمــــــــــــــة ب 9 آلاف ريـــــــــــــــــال

[ابوسعود]

كتبت - إيناس شري:
تصاعدت خلال الفترة الماضية أزمة
هروب الخادمات وارتفاع أسعار الاستقدام
والتي وصلت إلى ٩ آلاف ريال. قام عدد كبير
من المواطنين بتحرير محاضر بهروب
الخادمات والسائقين لإخلاء مسؤوليتهم
وإثبات حقوقهم، فيما انتشرت في الملاحق
الإعلانية بالصحف إعلانات هروب
الخادمات. وأكد المواطنون أن القانون الحالي
لا يوفر الحماية للكفلاء ضد هروب العمالة

المصدر : الرايه

[فابريغاس]

نهاجر مثلا ؟

[ابوسعود]

نهاجر مثلا ؟

:con2::con2::con2::con2::con2:

وين نهاجر ؟؟؟؟؟؟؟

[ROSE]

http://www.raya.com/Comics/%D9%85%D8%AD%D9%85%D8%AF-%D9%81%D9%8A-18-05-2011.jpg

[ابوسعود]

شكراااااااااااا على الاضافه اخت روز

اناسمعت ان في السعوديه جلب الخادمه يكلف 8 و9 الاف

بس الراتب 400و500

اعتقد الحين تعتبر 9000 رقم قياسي اغلى دوله خليجيه
في جلب الايدي العامله
ياسعار اصعدي

[راسي براسك]

عسى ما شر 9 ؟
وواجد عليهم !
على وشو 9 ؟
لاأتيكيت ولا لغه ولا أي شي
لاتقولون لي خبره وماخبره
5 وواجد بعد عليهم

[mannoo66]

كللن بيزيد راتبه ودولته بتضمن حقوقه الا القطري

[jeep-srt8]

كان الله في عونكم

[التايه]

انا عندي سؤال؟

اي واحد يبي يشتغل في اي دولة يجي ببلاش وحتى التذكرة عليه الا الخدامة تدفع 9000 وتقعد

تنتظرين شهر او شهرين او ثلاث شهور وفي الاخير لما تجي وتكمل 3 شهور ويوم واحد تقول ما بي

اشتغل !!!!!!!!!

وتدفع لها التذكرة بعد وتروح . وتقعد ادور على وحدة ثانية ونفس المواااال للأسف.


طيب ليش ما نقاطع هذه الجنسية ويفتحون لنا الهندية والأثيوبية.


طيب وين حق الكفيل؟والمصايف اللي صرفها تروح .... منثورا.

والله حرااااااااااااااااااام

[حسن]

احسن حل انا نعود انفسنا على عدم الاعتماد علا الخدم

[بوحارب]

الظاهر بيوصل اليوم اللي لازم تسحب سلفه عشان تجيب خدامة

[مضاربه]

وصل 9800 في بعض المكاتب خبره عتيج الي كتب 9000 والله نهبه

[بوسعيد2]

الحمدلله على كل حال

[فيزيائية]

خادمتي عرضت عليها 1000 ريال اذا راحت ورجعت
قالت فيه وحدة بريطانية بتدفع 1800 اذا اشتغلت عندها
قلت لها انا قطرية وماقدر ادفع لج اللي بتدفعه !!!
والحين مين راتبه اعلى في العالم القطري او الاجنبي الي عايش في قطر ؟

[P!nk@P!nk]

فيزيائيه

خدامتج وين عرفت هالبريطانيه? ?:omg:

[ابوسعود]

الظاهر بيوصل اليوم اللي لازم تسحب سلفه عشان تجيب خدامة

والله مانستبعد نبي علاوه بدل خدامه 5000 ريال وسلفة خدامه 20000

[ابوسعود]

وصل 9800 في بعض المكاتب خبره عتيج الي كتب 9000 والله نهبه

بورصـــــــــــــــــــة الخدم

[ابوسعود]

خادمتي عرضت عليها 1000 ريال اذا راحت ورجعت
قالت فيه وحدة بريطانية بتدفع 1800 اذا اشتغلت عندها
قلت لها انا قطرية وماقدر ادفع لج اللي بتدفعه !!!
والحين مين راتبه اعلى في العالم القطري او الاجنبي الي عايش في قطر ؟


الخدامه تبي راتب وتبي جوال واجازه اسبوعيه ونهاية خدمه وتذاكر
لا وفي الاخير ياتشرد او تطلب السفر

[الجوهرة الثمينة]

مانقدر نعيش بدونهم

هذي أزمتنا وهم عارفين نقطة ضعفنا

[أخت الغالي]

لاويليت 9000 الاف صافي

كل مكتب وسعره 9الاف ومئتين

واللي 9 الاف و500

الله المستعاان راتب الشهر كله علييهم

[لمعة الالماس]

ليش مافي جهة تحط قوانيين

ياليت حماية المستهلك والدولة تحط قانون يحمي الكفيل من ارتفاع اسعارهم وشرود الخدم !!!

[ابو علاوي]

اقسم بالله انني من سنة وللحين خسرت حوالي 50 الف ريال تقريباً عالخدم

تجي الخدامة تشتغل 3 اشهر وتضربلها اقامة وبعدين تقلك ابي ارجع المكتب وكل وحدة عندها عذر شكل
ولما ترجع للمكتب يقولك شسويلك مدة الضمان خلصت..
والخدامة الفلبينية بالذات دائماً تلجأ لسفارتها اللي تاخذلها كل حقوقها وتتنصل من العقد اللي موقعة عليه الخدامة بنفسها والسفارة

واخر شي تروح فلوسك وتحجز لها تكت وتسفرها وانت تضحك وترجع للمعاناة من جديد

[al-sadd]

بس ركزو معاي شوي
وشوفو من المستفيد الاول والاخير من كل هذا!

[عيون الدوحة]

الي محتاج خدامة من الفلبين يراسلني وأسعار خاصة جداً لأعضاء المنتدى

[eve ~]

خبر سار للبعض

ترى فتحوا فيز الهنديات

الخبر اكيد من اسبوع كنت في مكتب خدم وراووني طلبات هنديات

[صوت الضمير]

بدون مكتب خدم...عندك خدامه عندكم امينه

قلها تعرفين احد من جماعتك يبي يشتغل..عاد انت قلها لو جات الخدامه راح اعطيك الف لك

والف للتذكرتها ..ترسل لك صورة الجواز..وبس ترسل لها الفيزه بالبريد

كم خسرت الفين

أبداع

[كازانوفا]

الظاهر بيوصل اليوم اللي لازم تسحب سلفه عشان تجيب خدامة

هاليوم وصل وخلصنااااا :nice:وحولنا على السلفيه اللى بعدهاا يا بوحارب :anger1:

[راسي براسك]

أنزين أبي أفهم شغله وحده بس !
المسنات سيدات الشؤون الأجتماعيه
اللي يجيهم راتب 2250 في الشهر شلون بتجيب لها خدامه ؟؟!!

[.:: القيصر ::.]

بدون مكتب خدم...عندك خدامه عندكم امينه

قلها تعرفين احد من جماعتك يبي يشتغل..عاد انت قلها لو جات الخدامه راح اعطيك الف لك

والف للتذكرتها ..ترسل لك صورة الجواز..وبس ترسل لها الفيزه بالبريد

كم خسرت الفين

أبداع

السلام عليكم

وهذا النظام المتبع عندنا :nice:

واذا اي احد انصاد انه سرق شيء

على طول وهي واقفه بنفس لبسها بالجلابيه و الحجاب

تركب السيارة وجوازها جاهز

ويتم الحجز لها و تسليمها للامن عشان ماتطلع من المطار وتنتظر الطيارة عاد

هي و حظها تنتظر من ساعه لين 24 ساعه :victory:


مع التحية :

القيصر

[Doha Sun]

من بيعوضني هالــ 9000 اذا شردت الخدامة..

[ثابت]

بس ركزو معاي شوي
وشوفو من المستفيد الاول والاخير من كل هذا!

انا اشهد انك صاج اخوي للاسف هذي الحقيقة الي يجهلها الكثير :(

الحل انة يكون هناك عقود اتفاقية توضح حقوق الطرفين تحفظ حق المستقدم والخادم هرمنا من الخدم والمكاتب هرمنا صرنا اهرمات

[qzero555]

اخوي عيون الدوحة انا ابغي خدامة فلبينه شلون اتواصل معاك

[دااانة قطر]

خبر سار للبعض

ترى فتحوا فيز الهنديات

الخبر اكيد من اسبوع كنت في مكتب خدم وراووني طلبات هنديات



ٌ R U Sure??!! :nice:

[saryalia4u]

والله انا آجيب من مكتب في اندونيسيا ب 5500 ريال
لكن هالمره طلبت لصديقتي آشوفهم زيدوا السعر ل 6000 ريال
بس ارررحم

[chillis]

9 الاف واخرتها حراميه او تسوي سحر :( طيب ولو طلعت مهب زينه وشردت شنو التعويض للمواطن

[شيط ويط]

ان شاء الله يوصل مليون ريال .. عشان محد يستقدم خادمات والحريم يقعدون في بيوتهم يجابلون عيالهم وشؤون البيت .. وتصلح احوال المجتمع والأسرة :)

[The Watcher]

هذا لأنكم ماتعرفون الدولة وين متوجهة

لو احد قرأ استراتيجية قطر
وحدة من اهدافهم هو خفض عدد الخادمات الى النصف خلال 5 سنوات

[ثابت]

هذا لأنكم ماتعرفون الدولة وين متوجهة

لو احد قرأ استراتيجية قطر
وحدة من اهدافهم هو خفض عدد الخادمات الى النصف خلال 5 سنوات

هو حلو انة يقلون لنة ما وراهم الا المشاكل خاصة مشكلة لي امس مادري قبلة في بن محمود زين نخف منهم المفروض كل بيت بس خدامة وحدة اعرف بيت الخدمات فية اكثر من اهل البيت !!!!!!! ومرة وحدة جدامي في سباير تمشي وراها ثلاث خدمات ومعها ولدين !!!!!!!! النوعية هذي المفروض block يعطونهم بس خدامة