شرايكم بالدكتور سعيد الكلداري ؟

[ابو مشعل]

السلام عليكم ..
حد من الاعضاء مسوي عملية عنده من قبل ؟
شرايكم فيه ؟

وشلون اقدر احجز عنده ؟
بمستشفى الرميله ..
يقولون كل عملياته ع الويتنغ ليست .. يعني ممكن احصل بعد سنه !

هل هالكلام صحيح ؟

وكم راح تكلف العمليه بالمجمل ؟

( تصحيح انحراف الانف )


طبعا المشاركه لاحد الاخوه لكن ماعنده عضويه بشبكه الاسهم

:telephone:

[بصمة قطرية]

أنا أسمع عن عيادته الخاصة ..
وبصراحة الكل يمدح فيه ..
دكتور ممتاز للعمليات التجميلية ..
ان شاء الله يفيدونك الأعضاء عن عيادته في رميلة ..
ما تشوفون شر ان شاء الله ~

[ابو مشعل]

اشكرج ع المرور والافاده اختي بصمه
والشر ما يجيج ..

كل الشكر :)

[تحداني]

امطيحين عنده " عمليات تجميل .. وتحسين .. وتعديل "
والمواعيد ابشهور طويله وقائمه الانتظار لها اول ومالها آخر
هذا الكلام صحيح



اشلون تحجز في الرميله ؟؟ هذا لازم اتكلمهم شخصيا
والعمليات التجميليه مكلفه .. عاد كم ؟؟ ممكن تتصل عيادته وتستفسر عن السعر


ما فدتك ابشي اعتذر :(


دكتور اثبت نفسه وجدارته " ممتاز "




جملك الله برضى الرحمن

[الخبير العقاري]

الجفيري أفضل دكتور قطري في هذا المجال

[فرقاك عيد]

افضل شئ يروح لعيادة الخاصه استشاااره اتوقع ب 300 ريال اذا عجبه السعر يسوي ماعجبه يسئل الدكتور اذا ممكن ياخذ موعد معاه بالرميله


ع فكره الدكتور جدا ذووووق انا رحت له عشان بشرتي لان قالو يعالج البشره ولما شافني قال ليش جايه قلت عشان بشرتي قال انا مو طبيب جلد روحي لدكتور جلد ماقدر افيدج وماخذا علي رياااال


بالشفاء ان شاء الله

[هجمة مرتدة]

الجفيري أفضل دكتور قطري في هذا المجال

صدقت !

ما شاء الله عليه حينما يأتي الأمر لدقة تشخيص حالات الأنف والأذن والحنجرة فلن تجد أفضل من الدكتور عبدالعزيز الجفيري في دولة قطر

إنحراف الأنف من أسهل العمليات بإذن الله وأنصحك بالذهاب لعيادة الجفيري في أبوهامور قبل إجرائها لأخذ استشارته والإطمئنان حول العملية

وماتشوف شر إن شاء الله