المساعد الشخصي الرقمي

مشاهدة النسخة كاملة : ×x× حالات الربو ×x×


شبح الصمت
19-05-2011, 01:20 PM
http://kuwaitallergy.com/Asthma%20Arabic_files/droppedImage.jpg



"‏اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً”

أخواني بختصر لكم الموضوع ,,

حالات الربو ,,,

المريض بالربو ما هو العلاج للكحـه في هذا الجو لا تقولون دوء وخرابيط الي عنده طب شعبي يدلنا عليـه الله يجزاكم خير ,,,

كحه تؤدي إلى ضيق في التنفس ,, ومن ثم إلى طوارئ حمد لوضع الاوكسجين :weeping:

العسل والزنجبيــل
حبة البركة السوده
المسمار الاسود

بس ملاحظتي الي فيه حكه وهالحكه اهي السبب الرئيسي مع ( البلغم ) أعزكم الله

وعباره عن كحه جافه نفس شيء قاعد يدغدغ البلعوم :weeping:


أبي أعرف أبرة الربو هل أحد جربها وهل صدق تخليك ما تجيك الضيقه لفترة ما بين 3 - 6 شهور !!

دعواتكم

http://www.ikhwanonline.com/data/2003/8/31/kcl-islam.jpg
chillis
19-05-2011, 01:22 PM
في مستشفى ينقاله مستشفى علاج متخصصين لضيق النفس والربو جربه
شبح الصمت
19-05-2011, 01:27 PM
في مستشفى ينقاله مستشفى علاج متخصصين لضيق النفس والربو جربه


وين اي صوب
كازانوفا
19-05-2011, 01:31 PM
حكه وهالحكه اهي السبب الرئيسي مع ( البلغم ) أعزكم الله

وعباره عن حكه جافه نفس شيء قاعد يدغدغ البلعوم


اخي الكريم تقصد كحه ؟؟؟
مهل
19-05-2011, 01:33 PM
ماعليك شر ان شاءالله

اخوي تقدر تشتري جهاز الاكسجين نفس الي في المستشفى و نفس المحاليل .. جهاز صغير نوعا ما و المحاليل في الصيدليه . اخذه و خله في البيت و اذا حسيت ان الوضع يحتاج استحدم الجهاز .
و ماعليك شر
شبح الصمت
19-05-2011, 01:35 PM
حكه وهالحكه اهي السبب الرئيسي مع ( البلغم ) أعزكم الله

وعباره عن حكه جافه نفس شيء قاعد يدغدغ البلعوم


اخي الكريم تقصد كحه ؟؟؟

كحه

:secret:
محمد الجفيري
19-05-2011, 01:35 PM
الله يساااعدك اخوي بالفعل هالجووو والرمل والمكيفاات ويا حر

كلهاااا تسبب الربوو

وللعلم يمكن الاغلب عندهم ربوا بس ما ينتبهوون

لا حول ولا قوة الا بالله

بشيك كتاب عندي وبرد لك خبر .

بالتوفيق.
شبح الصمت
19-05-2011, 01:36 PM
ماعليك شر ان شاءالله

اخوي تقدر تشتري جهاز الاكسجين نفس الي في المستشفى و نفس المحاليل .. جهاز صغير نوعا ما و المحاليل في الصيدليه . اخذه و خله في البيت و اذا حسيت ان الوضع يحتاج استحدم الجهاز .
و ماعليك شر



الشر ما يجيك وإلا تواجه

الحمد لله الاوكسجين مب كل وقت إلا في حالات الضرورة بس الكحه ياخي مشكلة بس ودي اعرف عن الابره الي يقولون عنها مالت الحساسيه هل اهي زينه ولا لا ,,

ارحم الله والديكم
شبح الصمت
19-05-2011, 01:37 PM
الله يساااعدك اخوي بالفعل هالجووو والرمل والمكيفاات ويا حر

كلهاااا تسبب الربوو

وللعلم يمكن الاغلب عندهم ربوا بس ما ينتبهوون

لا حول ولا قوة الا بالله

بشيك كتاب عندي وبرد لك خبر .

بالتوفيق.


صدقت الجو وعوامل الطبيعة وغيرها وغيرها

الله المستعان يالغالي

ارحم الله والديك
راعي ال VXR
19-05-2011, 01:46 PM
الجو متعب هالايام وخاصة للمدخنين كله تشفط غبار لكن الحبه السوده جربتها احس بعدها اني بخير شوي
شبح الصمت
19-05-2011, 01:49 PM
الجو متعب هالايام وخاصة للمدخنين كله تشفط غبار لكن الحبه السوده جربتها احس بعدها اني بخير شوي


ما عليـك شر ياخوك

زيت الحبه السوده تقصد الشيخ ولا غيره !!
Mili
19-05-2011, 01:52 PM
http://advairdiskus250.fortunecity.com/images/symbicort_320mcg.jpg

لو تاخذه بانتظام وبالجرعه الي يحددها لك الدكتور (320,160) بتصير احسن بوايد ان شالله.
شبح الصمت
19-05-2011, 01:54 PM
http://advairdiskus250.fortunecity.com/images/symbicort_320mcg.jpg

لو تاخذه بانتظام وبالجرعه الي يحددها لك الدكتور (320,160) بتصير احسن بوايد ان شالله.



شنو ذي ومن وين اخذه بوصفه والا عن طريق الصيدلية

وشاكر لك ردك
Mili
19-05-2011, 02:00 PM
شنو ذي ومن وين اخذه بوصفه والا عن طريق الصيدلية

وشاكر لك ردك

انا اخذه من الدكتور ويعتبر كعالج

ماعندك دكتور ربو في مستشفى حمد؟

بس اعتقد ينباع في الصيدليات بس مابتعرف شقد تاخذ وكم قوته
بولينجر
19-05-2011, 02:03 PM
الله يشافي مرضاكم ومرضانا ومرضى المسلمين.....

اخوي بالنسبة لمريض الربو اهم نقطة في تفادي اي ازمة ضيق تنفس هي الانتظام على العلاج..... العلاج لازم يكون مدى الحياة..... وغالبا هو بخاخ ياخذه المريض بانتظام كل 12 ساعة يعني مرة الصبح ومرة المساء....... وهو علاج فعال لمرضى الربو اذا انتظموا عليه.... كذلك الرياضة تساعد على تحسين وظائف الرئة والتنفس الاعمق..... اما العلاجات الشعبية والعشبية والمتداولة بدون وصفات طبية قد تؤدي الى اضرار عكسية وزيادة الازمة..... بالذات اللي يتدخن بالحبة السودا وغيرها ترى تزيد الضيق وماتخفف الازمة.....
بالنسبة لجهاز الاكسجين اللي يحطون معاه فنتولين للاستنشاق قد تكون له اثار جانبية في حال عدم الاهتمام وزيادة الجرعة المحددة..... خصوصا انه سائل فيجب الدقة... والا ممكن يعاني المريض من سرعة نبضات القلب بقوة بعد زيادة الجرعة....... وغيرها من الاثار الجانبية..... مع تحري الدقة يمكن استخدام الجهاز بكل امان...... والله يشافي الجميع.....
شبح الصمت
19-05-2011, 02:04 PM
انا اخذه من الدكتور ويعتبر كعالج

ماعندك دكتور ربو في مستشفى حمد؟

بس اعتقد ينباع في الصيدليات بس مابتعرف شقد تاخذ وكم قوته



الاستشاري محمد المري

واشلون معاك هل نفعك وايد وهل انفخك خلك تمتـن !!

لانه في نسبة كرتزون أتوقع تنفخ الشخص وتسبب له كثرته الرعشه في الجسم
بولينجر
19-05-2011, 02:04 PM
http://advairdiskus250.fortunecity.com/images/symbicort_320mcg.jpg

لو تاخذه بانتظام وبالجرعه الي يحددها لك الدكتور (320,160) بتصير احسن بوايد ان شالله.
على فكرة الصورة لاتظهر ويظهر فقط عنوان الموقع المستضيف وهو fortunecity.com
شبح الصمت
19-05-2011, 02:05 PM
الله يشافي مرضاكم ومرضانا ومرضى المسلمين.....

اخوي بالنسبة لمريض الربو اهم نقطة في تفادي اي ازمة ضيق تنفس هي الانتظام على العلاج..... العلاج لازم يكون مدى الحياة..... وغالبا هو بخاخ ياخذه المريض بانتظام كل 12 ساعة يعني مرة الصبح ومرة المساء....... وهو علاج فعال لمرضى الربو اذا انتظموا عليه.... كذلك الرياضة تساعد على تحسين وظائف الرئة والتنفس الاعمق..... اما العلاجات الشعبية والعشبية والمتداولة بدون وصفات طبية قد تؤدي الى اضرار عكسية وزيادة الازمة..... بالذات اللي يتدخن بالحبة السودا وغيرها ترى تزيد الضيق وماتخفف الازمة.....
بالنسبة لجهاز الاكسجين اللي يحطون معاه فنتولين للاستنشاق قد تكون له اثار جانبية في حال عدم الاهتمام وزيادة الجرعة المحددة..... خصوصا انه سائل فيجب الدقة... والا ممكن يعاني المريض من سرعة نبضات القلب بقوة بعد زيادة الجرعة....... وغيرها من الاثار الجانبية..... مع تحري الدقة يمكن استخدام الجهاز بكل امان...... والله يشافي الجميع.....



الله يجزاك خير

اخذه بس مب كل 12 ساعة

كل 6 ساعات :weeping:

واوقات يالغالي كل ساعتين اقولك احس نفسي ابخ وإلا ادري

ضربني وسواس الله يبعد عنكم

بخصوص الرياضة العب والحمد لله بس بعد تدخل ضمن المجهود الجسدي وبعد تحتاج إلى كم بخه قبل التمرين

البلا كله الله يبعد عنكم اهي الكحه الكحه اهي المشكلة
بولينجر
19-05-2011, 02:06 PM
الله يجزاك خير

اخذه بس مب كل 12 ساعة

كل 6 ساعات :weeping:

واوقات يالغالي كل ساعتين اقولك احس نفسي ابخ وإلا ادري

ضربني وسواس الله يبعد عنكم

بخصوص الرياضة العب والحمد لله بس بعد تدخل ضمن المجهود الجسدي وبعد تحتاج إلى كم بخه قبل التمرين

البلا كله الله يبعد عنكم اهي الكحه الكحه اهي المشكلة
وشو اسم العلاج اللي تاخذه اخوي؟
شبح الصمت
19-05-2011, 02:10 PM
وشو اسم العلاج اللي تاخذه اخوي؟



اخذ البخاخ العادي

ventolin
لعبة الزرقه مب البنيه


وكنت اخذ المدور بـ 100 حبه اطق وتكسر وشفط
الحال مايساعد
19-05-2011, 02:13 PM
كان عندي الربو من زماااااان مع بلغم شديد لدرجة لا أستطيع فيها التنفس
وبعد الإطلاع على كتاب عن الطب الشعبي الحمد لله تحسنت من غير أدوية ولا شي
بس مادري الطريقة تنفع معك ولا لأ لأني انا ماكنت أستخدم اكسجين ولا شي ، يمكن لحقت على نفسي من بدري!
بونو
19-05-2011, 02:13 PM
والله ياخوي بنتي عندها نفس المشاكل .... وجزاه الله خير الدكتور الشيخ فادنا بعد الله سبحانه وتعالى....
مكانه بعد محل غاية الأحلام في السد .... معافى
Mili
19-05-2011, 02:13 PM
الاستشاري محمد المري

واشلون معاك هل نفعك وايد وهل انفخك خلك تمتـن !!

لانه في نسبة كرتزون أتوقع تنفخ الشخص وتسبب له كثرته الرعشه في الجسم

الحمد لله، احسن بوايد.

وما أثر على شكلي كلش.
خليفـة
19-05-2011, 02:16 PM
في البداية ما عليكم شر ان شاء الله
بقول لك بعض الوسائل الي تخفف متاعب الربوا عن المريض ان شاء الله
وذلك من واقع تجربتي الشخصية .. حيث انني احمل هذا المرض منذ اكثر من 30 عام
ولكن الحمدلله رب العالمين .. من شاف مرض غيره هان عليه مرضه

اولا : ابتعد عن كل انواع الروائح التالية :
- حشيش الملاعب والمتنزهات
- الورود والزهور والمشموم
-الغبار والأتربة وخصوصا مثل هالجوا الحالي
- العطور المركزة والبخور والعود
- دخان السجائر والشيشة

ثانيا : ابتعد عن الأكلات التالية :
- البيض
- الموز
-الوجبات الي فيها نسبة عاليه من الدهون

ثالثا : حافظ على المواظبة على التالي :
- استخدام بخاخ الفنتولين مرتين الى ثلاث مرات يوميا
-استبدل الأبر بحبوب الكورتيزون لان تأثيرها السلبي اقل تأثير
- أكثر من أكل العسل الطبيعي
- اعمل لنفسك حمام بخار بشكل يومي قبل النوم واستنشق البخار

رابعا : ابتعد عن الظروف النفسية التالية :
- لا ترهق نفسك
- لا تسمح للزعل والضيق ان يسيطر عليك
- لا تعرض نفسك لأي حاله من حالات القهر والحزن
- أعط نفسك حقها من الراحة والاسترخاء
- لا تضحك بشكل هستيري

بالنسبة لأبرة الربوا ( الكورتيزون ) :
لا انصح فيها أبدا
مضاعفاتها السلبية كثيرة وسيئة
ومنها تزايد نبضات القلب .. ورعشان في كف اليدين .. واحساس بالتعب وبعض الدوار احيانا
كما ان بعض الدراسات اشارت ان كثرة استخدامها قد تسبب تشوها خلقية للجنين في بطن الأم

طبق الأربع بنود المذكورة اعلاه اخوي
وبتدعي لي من قلبك ان شاء الله

خليفــة

:)
شبح الصمت
19-05-2011, 02:17 PM
كان عندي الربو من زماااااان مع بلغم شديد لدرجة لا أستطيع فيها التنفس
وبعد الإطلاع على كتاب عن الطب الشعبي الحمد لله تحسنت من غير أدوية ولا شي
بس مادري الطريقة تنفع معك ولا لأ لأني انا ماكنت أستخدم اكسجين ولا شي ، يمكن لحقت على نفسي من بدري!

الف حمد لله على سلامتك
فيدنا فيه الله يجزاك خير وشو الطب الشعبي
ارحم الله والديك


والله ياخوي بنتي عندها نفس المشاكل .... وجزاه الله خير الدكتور الشيخ فادنا بعد الله سبحانه وتعالى....
مكانه بعد محل غاية الأحلام في السد .... معافى

الله يشفيها ويعافيها يارب ويحفظها لكم
وشهي الافادة اختي ممكن توضحينها لي
والله يجزاج خير




الحمد لله، احسن بوايد.

وما أثر على شكلي كلش.

الحمد لله حتى انا ما أثر بس ينفخ البطن احس لانه كثر البخاخ ينفخ البطن

والله يشفيكم ويعافيكم
شبح الصمت
19-05-2011, 02:19 PM
في البداية ما عليكم شر ان شاء الله
بقول لك بعض الوسائل الي تخفف متاعب الربوا عن المريض ان شاء الله
وذلك من واقع تجربتي الشخصية .. حيث انني احمل هذا المرض منذ اكثر من 30 عام
ولكن الحمدلله رب العالمين .. من شاف مرض غيره هان عليه مرضه

اولا : ابتعد عن كل انواع الروائح التالية :
- حشيش الملاعب والمتنزهات
- الورود والزهور والمشموم
-الغبار والأتربة وخصوصا مثل هالجوا الحالي
- العطور المركزة والبخور والعود
- دخان السجائر والشيشة

ثانيا : ابتعد عن الأكلات التالية :
- البيض
- الموز
- الوجبات الي فيها نسبة عاليه من الدهون
ثالثا : حافظ على المواظبة على التالي :
- استخدام بخاخ الفنتولين مرتين الى ثلاث مرات يوميا
-استبدل الأبر بحبوب الكورتيزون لان تأثيرها السلبي اقل تأثير
- أكثر من أكل العسل الطبيعي
- اعمل لنفسك حمام بخار بشكل يومي قبل النوم واستنشق البخار

رابعا : ابتعد عن الظروف النفسية التالية :
- لا ترهق نفسك
- لا تسمح للزعل والضيق ان يسيطر عليك
- لا تعرض نفسك لأي حاله من حالات القهر والحزن
- أعط نفسك حقها من الراحة والاسترخاء
- لا تضحك بشكل هستيري

طبق الأربع بنود المذكورة اعلاه اخوي
وبتدعي لي من قلبك ان شاء الله

خليفــة

:)




الشر ما يجيك يا اخوي

بس وين هذولي اخليهم

الحافظ رب العالمين
chillis
19-05-2011, 02:19 PM
وين اي صوب

تعرف السنتر وراه قاعدين
بولينجر
19-05-2011, 02:20 PM
اخذ البخاخ العادي

ventolin
لعبة الزرقه مب البنيه


وكنت اخذ المدور بـ 100 حبه اطق وتكسر وشفط
اخوي الفنتولين فقط لوقت الازمة..... اما العلاج اليومي يكون البخاخ المدور البنفسجي او بخاخ يشبهه نفس الوظيفة طويل وتفر قاعدته وتكسر وتشفط....... هذا كل 12 ساعة وهو يمنع حدوث الازمات باذن الله.....

شوف اخوي تقدر تروح لاي دكتور انت تبيه..... سواء خاص او حكومي.... انصح بالدكتور هشام عبدالستار في حمد ود. خالد الشيخ عيادة خاصة..... الاثنين ممتازين ماعليهم كلام..... المهم لما يعطيك الدكتور علاج لازم تلتزم فيه..... حتى لو كان فيه كورتزون ترى ما يمتن لانه بجرعة ضئيلة جدا لا تؤثر ولاتمتن وهذا كلام اطباء..... عكس المنتشر بين الناس..... والاطباء اكيد ابخص......

اما الفنتولين فقط في وقت الازمة لاغير..... ولازم تاخذ وصفة من الدكتور بالضبط شلون ومتى تاخذه.... كذلك خل الدكتور يعلمك شلون بالضبط تشفط الدوا اليومي.... لان طريقة الشفط لازم بافراغ الصدر من الهواء بهدوء ثم تفر الدوا وتكسر الحبة وتشفط بهدوء وببطء مب بسرعة لان مالها مفعول بعدين.....
نقطة ثانية لو كنت تدخن او تتعرض للدخان ترى يزيد الازمة وما يساعد في العلاج بسرعة....... حاول تتجنبه قدر الامكان..... وفي بعد اختبار للحساسية يسوونه لك على الجلد يعرفون وشو المواد اللي تهيج عندك الازمة وتسبب لك ضيق تنفس..... مثل الغبار والموكيت وبعض الاطعمة..... بالتالي تتجنبها وماتصير لك اي ازمة باذن الله......
بويعقوب
19-05-2011, 02:20 PM
في البداية ما عليكم شر ان شاء الله
بقول لك بعض الوسائل الي تخفف متاعب الربوا عن المريض ان شاء الله
وذلك من واقع تجربتي الشخصية .. حيث انني احمل هذا المرض منذ اكثر من 30 عام
ولكن الحمدلله رب العالمين .. من شاف مرض غيره هان عليه مرضه

اولا : ابتعد عن كل انواع الروائح التالية :
- حشيش الملاعب والمتنزهات
- الورود والزهور والمشموم
-الغبار والأتربة وخصوصا مثل هالجوا الحالي
- العطور المركزة والبخور والعود
- دخان السجائر والشيشة

ثانيا : ابتعد عن الأكلات التالية :
- البيض
- الموز
- الوجبات الي فيها نسبة عاليه من الدهون
ثالثا : حافظ على المواظبة على التالي :
- استخدام بخاخ الفنتولين مرتين الى ثلاث مرات يوميا
-استبدل الأبر بحبوب الكورتيزون لان تأثيرها السلبي اقل تأثير
- أكثر من أكل العسل الطبيعي
- اعمل لنفسك حمام بخار بشكل يومي قبل النوم واستنشق البخار

رابعا : ابتعد عن الظروف النفسية التالية :
- لا ترهق نفسك
- لا تسمح للزعل والضيق ان يسيطر عليك
- لا تعرض نفسك لأي حاله من حالات القهر والحزن
- أعط نفسك حقها من الراحة والاسترخاء
- لا تضحك بشكل هستيري

بالنسبة لأبرة الربوا ( الكورتيزون ) :
لا انصح فيها أبدا
مضاعفاتها السلبية كثيرة وسيئة
ومنها تزايد نبضات القلب .. ورعشان في كف اليدين .. واحساس بالتعب وبعض الدوار احيانا
كما ان بعض الدراسات اشارت ان كثرة استخدامها قد تسبب تشوها خلقية للجنين في بطن الأم

طبق الأربع بنود المذكورة اعلاه اخوي
وبتدعي لي من قلبك ان شاء الله

خليفــة

:)


الله يعطيك العافيه على هالمعلومات

اهم شئ الراحه النفسيه :nice:
هبوب الكوس
19-05-2011, 02:24 PM
وين اي صوب

وش السالفه شبح :telephone:

خبرني اذا فهمت شيء :(
jeep-srt8
19-05-2011, 02:28 PM
اخوي انا بين فترة وفتة تيجيني اعراض مثل الي قلتها

وامس بدت تيجيني ضيييييييييق بالنفس لاحول ولا قوة الا بالله

بس يوم اشرب بابونج والله ارتاااااااح جرب وادعيلي
شبح الصمت
19-05-2011, 02:35 PM
تعرف السنتر وراه قاعدين


اي اختي اعرفه

الله يجزاج خير






وش السالفه شبح :telephone:

خبرني اذا فهمت شيء :(

هي تقصد يمكن المكان الي فيه الدكتوره شيء



اخوي انا بين فترة وفتة تيجيني اعراض مثل الي قلتها

وامس بدت تيجيني ضيييييييييق بالنفس لاحول ولا قوة الا بالله

بس يوم اشرب بابونج والله ارتاااااااح جرب وادعيلي



الله يشفيك ويعافيك ويبعد عنك المرض يارب
بابونج شنو قصدك الزعتر !!
jeep-srt8
19-05-2011, 02:54 PM
اي اختي اعرفه

الله يجزاج خير



هي تقصد يمكن المكان الي فيه الدكتوره شيء






الله يشفيك ويعافيك ويبعد عنك المرض يارب
بابونج شنو قصدك الزعتر !!

لا ياغالي

غشبة البابونج

http://imagecache.te3p.com/imgcache/82e26e6e1bbfeeb21e795601f2b5af3b.jpg

http://www.mamajans.com/catalog/images/herbs%20035.jpg

متوفرة في الميرة وكارفور

جيبها واغلي ماي ساخن

وحط ملعقتين بابونج

وبالشفا
مهل
19-05-2011, 04:42 PM
الشر ما يجيك وإلا تواجه

الحمد لله الاوكسجين مب كل وقت إلا في حالات الضرورة بس الكحه ياخي مشكلة بس ودي اعرف عن الابره الي يقولون عنها مالت الحساسيه هل اهي زينه ولا لا ,,

ارحم الله والديكم

والله ماعندي علم عن الابره ... بس اخوي ترى اللبان ممتاز جدا للكحه و الصدر
تنقعه في قلاص ماي من الليل و الصبح تشربه على الريق و تستمر عليه فتره و بتلاحظ تحسن كبير ان شاءالله
مريديان
19-05-2011, 08:58 PM
اخوي شبح الصمت ماعليك شر ان شاء الله,,

د.خالد الشيخ عن تجربة ممتاز ,,ويعالج من الحساسية الربوية,,الحمدالله..بس اهم شي الانتظام لفترة طويلة على البخاخ..

ومثل ماقال اخوي مهل اللبان المنقع بماي دافي واايد زين للكحة..وربي يشفيك..
strong pilot
19-05-2011, 09:10 PM
"‏اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً”
آمـــــــــــــــــــــــين

ياخوي انا استانس اذا شفت لك موضوع ولا رد على اي موضوع
أرز الويه على طول:tease:
نفسي عزيزه
19-05-2011, 09:59 PM
الله يشفيك ويبعد عنك المرض بعد المشرق والمغرب
أحاول
19-05-2011, 11:07 PM
لابد من علاج بكورسات علاجت عند دكتور هشام بمستشفى حمد وايد زين علاجه وعند المختار خبير الاعشاب في سوق واقف يعطيك لبان مر وكركم ذكر وبيقول لك الطريقه تشرب فنجال مرة في اليوم ثلاث ايام وبتنسى ان فيك كحه بس ا لكركم الذكر الي فيه ضغط ما ياخذة المختار بيشرح لك وما تشوف شر ان شاء الله
المريش
19-05-2011, 11:36 PM
ترا ما سوى ربو لعيالنا الأ مستشفياتنا الحكومية

ويقولك معظم أطفال قطر يعانون الربو، وهذا ما قالوه عن ولدي الصغير

وبعد ما وديته دكتور خاص

لا ربو ولا يحزنون

وما يحتاج أطول عليكم بتجاربي مع المستشفيات الحكومية
بو منيرة
19-05-2011, 11:54 PM
ترا ما سوى ربو لعيالنا الأ مستشفياتنا الحكومية

ويقولك معظم أطفال قطر يعانون الربو، وهذا ما قالوه عن ولدي الصغير

وبعد ما وديته دكتور خاص

لا ربو ولا يحزنون

وما يحتاج أطول عليكم بتجاربي مع المستشفيات الحكومية


اخوي ... ترى صحيح معظم اطفال قطر يعانون من حساسية الصدر ... والحساسية مب مزمنة يعني ما تقدر تقول عليه ربو ... اذا كبر الطفل مناعته تقدر تقاوم الحساسية ... تقدر تتخيل شكبر الحويصلات الي في رئة الطفل ومع الغبار هالايام شي طبيعي انها تسبب له مشاكل فالصدر

انا عيالي كلهم لازم يمرون بهالمرحلة لين يصير عمرهم 3 سنوات بعدين الحمدلله يتحسنون وما يحتاجون البخاخ


اخوي شبح الصمت ... أسأل الله العظيم رب العرش العظيم ان يشفيك

جربت العلاج بالقران؟
Miss Merna
20-05-2011, 12:10 AM
الله يشفيك اذا لقيت علاج قولي عندي بنتي عمرها اربع سنين نفس الشي كل فترة تجيها الأزمة وعلاجها بالمكينة حقت الأوكسجين وبخاخ اسمه سورتيد
شبح الصمت
20-05-2011, 10:10 PM
اخوي الفنتولين فقط لوقت الازمة..... اما العلاج اليومي يكون البخاخ المدور البنفسجي او بخاخ يشبهه نفس الوظيفة طويل وتفر قاعدته وتكسر وتشفط....... هذا كل 12 ساعة وهو يمنع حدوث الازمات باذن الله.....

شوف اخوي تقدر تروح لاي دكتور انت تبيه..... سواء خاص او حكومي.... انصح بالدكتور هشام عبدالستار في حمد ود. خالد الشيخ عيادة خاصة..... الاثنين ممتازين ماعليهم كلام..... المهم لما يعطيك الدكتور علاج لازم تلتزم فيه..... حتى لو كان فيه كورتزون ترى ما يمتن لانه بجرعة ضئيلة جدا لا تؤثر ولاتمتن وهذا كلام اطباء..... عكس المنتشر بين الناس..... والاطباء اكيد ابخص......

اما الفنتولين فقط في وقت الازمة لاغير..... ولازم تاخذ وصفة من الدكتور بالضبط شلون ومتى تاخذه.... كذلك خل الدكتور يعلمك شلون بالضبط تشفط الدوا اليومي.... لان طريقة الشفط لازم بافراغ الصدر من الهواء بهدوء ثم تفر الدوا وتكسر الحبة وتشفط بهدوء وببطء مب بسرعة لان مالها مفعول بعدين.....
نقطة ثانية لو كنت تدخن او تتعرض للدخان ترى يزيد الازمة وما يساعد في العلاج بسرعة....... حاول تتجنبه قدر الامكان..... وفي بعد اختبار للحساسية يسوونه لك على الجلد يعرفون وشو المواد اللي تهيج عندك الازمة وتسبب لك ضيق تنفس..... مثل الغبار والموكيت وبعض الاطعمة..... بالتالي تتجنبها وماتصير لك اي ازمة باذن الله......

الله يجزاك خير على المعلومات الطيبه
ارحم الله والديك
وبخصوص البخاج المدور فادني وايد بس ياخي المشكلة الكحه والبلغم اهنيه المشكلة


لا ياغالي

غشبة البابونج

http://imagecache.te3p.com/imgcache/82e26e6e1bbfeeb21e795601f2b5af3b.jpg

http://www.mamajans.com/catalog/images/herbs%20035.jpg

متوفرة في الميرة وكارفور

جيبها واغلي ماي ساخن

وحط ملعقتين بابونج

وبالشفا

أي عرفتها الله يجزاك الف خير
بمر اخذها




والله ماعندي علم عن الابره ... بس اخوي ترى اللبان ممتاز جدا للكحه و الصدر
تنقعه في قلاص ماي من الليل و الصبح تشربه على الريق و تستمر عليه فتره و بتلاحظ تحسن كبير ان شاءالله


الله يجزاكم الف خير


اخوي شبح الصمت ماعليك شر ان شاء الله,,

د.خالد الشيخ عن تجربة ممتاز ,,ويعالج من الحساسية الربوية,,الحمدالله..بس اهم شي الانتظام لفترة طويلة على البخاخ..

ومثل ماقال اخوي مهل اللبان المنقع بماي دافي واايد زين للكحة..وربي يشفيك..

ولا تواجه ياخوك
وارحم الله والديك
ولتجربة رحت للدكتور خالد الشيخ وماشاء الله عليه عرف وشخص حالتي وقالي عندي الربو وانسداد في القصبات الهوائية
وعقب صار موعدي كله مع الاستشاري محمد المري وهو واجد زين


"‏اللهم رب الناس، أذهب البأس، واشف، أنت الشافي لا شفاء إلا شفاؤك، شفاءً لا يغادر سقماً”
آمـــــــــــــــــــــــين

ياخوي انا استانس اذا شفت لك موضوع ولا رد على اي موضوع
أرز الويه على طول:tease:


الله يجزاك الف خير
ارحم الله والديك ونستانس بطلتك الطيبه ياخوي
لا تحرمنا منها


الله يشفيك ويبعد عنك المرض بعد المشرق والمغرب

اللهم آمين
الله يجزاك خير
الله يبعد عنكم المرض ويرزقكم جناته الفردوس


لابد من علاج بكورسات علاجت عند دكتور هشام بمستشفى حمد وايد زين علاجه وعند المختار خبير الاعشاب في سوق واقف يعطيك لبان مر وكركم ذكر وبيقول لك الطريقه تشرب فنجال مرة في اليوم ثلاث ايام وبتنسى ان فيك كحه بس ا لكركم الذكر الي فيه ضغط ما ياخذة المختار بيشرح لك وما تشوف شر ان شاء الله


انا اخذ المره المره وايد قويه واطلع البلغم وتهدي الصدر بس تلعوزني
الله يجزاك خير


ترا ما سوى ربو لعيالنا الأ مستشفياتنا الحكومية

ويقولك معظم أطفال قطر يعانون الربو، وهذا ما قالوه عن ولدي الصغير

وبعد ما وديته دكتور خاص

لا ربو ولا يحزنون

وما يحتاج أطول عليكم بتجاربي مع المستشفيات الحكومية


الاطفال الحين اغلبهم فيهم الحساسية او الربو
الله يشفيهم ويعافيهم يارب



الله يشفيك اذا لقيت علاج قولي عندي بنتي عمرها اربع سنين نفس الشي كل فترة تجيها الأزمة وعلاجها بالمكينة حقت الأوكسجين وبخاخ اسمه سورتيد

الله يشفي لج بنتج اختي ويبعد عنها المرض


بقولكم من واقع تجربة لبعض الافراد

في رجال معاي فالدوام يقولي اخوه كان فيه حالات الربو والرجال سافر لبنان وكان كل يوم يروح لمدة ساعة يستنشق الصنوبر ويقول الحمد لله

وفي علاج الحمامات الطبيعية الواحد يتسبح فيها

وفي بعد الي قالي اجيب لك ارنب واذبح الارنب واخلط دمها مع الحليب وعقب اكل الارنب ومن باب تجربة يحلف بنت اخته كان فيها ورااح منها المرض


في طريقة عشان تطلع الكحه والبلغم اعزكم الله

تغلون ماي وتحطون 3 ملاعق عسل وتحركونها داخل الغوري وعقب تصبونه في قلاص ماي وتشربونه 5 مرات في اليوم وراح يطلع كل شيء وهالشيء طبي وراح اجربه باذن الله

وعن الي قال احد يقرأ باذن الله هالشيء فكرت فيه

أمور وايد واقتراحات وايد

الحمد لله على كل حال