ايهم افضل fj أو نيسان باثفايندر أو برادو كهدية نجاح ..

[^امـ نواري^]

السلام عليكم ورحمة الله وبركاته ..

بغيت رايكم يا أهل السوق في هدية نجاح من الثانوية العامة ..

FJ Cruiser 2011

Nissan pathfinder 2011

Toyota Prado 2011‏

والولد قطري :secret: ويبغي يكشخ
والميزانية في حدود 120 الف ..


عطوني رايكم ومشورتكم في
مزايا هالسيارات المذكورة وعيوبها ..
وإذا عندكم راي ثاني لا تبخلون به علينا ..

[الخفي]

الباثفاندر حلوه وهي موجوده عند بيت اخووي

واستعملتها فتره بس احس انها ماتصلح حق شاب لانها عائليه

والبرادو حلوه وفي كل المواصفات اللي تصلح للشاب خاصه انها قريبه

من الاندكروزر وشكلها مناسب لشاب

اما الاف جي فلا انصح به للشاب لانه سياره سريعه وخفيفه وينخاف على الشاب

اللي توه سايق من هالسياره

في النهايه ليش ماتاخذون له لاندكروزر مستعمل بحدود فلوس الوالد

ولا تنسين انتي استشرتي لاتنسين الاهم من الاستشاره وهو الاستخاره

[بوسيف الهاجري]

اف جي
السيارات الثانيه ما تصلح للشباب

[السد]

برادو افضل
في البيعة والف واحد بياخذ السيارة عندما يبغي يبيعها

[nagano]

للشباب fj اتوقع هي الانسب

[المجروح81]

اتوقع الاف جي
مناسبه للشباب

[qatar1989]

الاف جي اكيييييد

[راعي الدتسن]

ما يحتاج اف جي وبس..
واهم شي الاستخاره

[EJ-RAM-QTR]

Fj موتر شبابي

[AL3NA]

اف جي شبابي صح معا الشباب اللي قالو هالكلمه بس الــ ف جي سياره خطيره جداً لانها سريعه وخفيفه

انا اقول والله اعلم لو تفكرين اختي في سياره ثانيه افضل لان كل السيارات المذكوره وحده خطيره والباقيه اشوفها عائليه

فيه سياره في حدود المبلغ وهي الجي بتحصلين 2009 /2010 في هالحدود واحد من الربع ماخذ 2009 بـ 105000 وبالتوفيق والله يكفيه شر السياره

[ضحية البورصة]

استخير ،،،،،، وبالتوفيق ،،،، ونصيحه عن السرعه

[علي عليوه]

الاف جي ممتاز لشاب بعمره ,, لكن مثل اللي يقول يا ولد خذ هالسيارة وترى منت مسؤول عن أهلك

لا تودي ولا تجيب لأن سيارتك ما تشيل غير نفر معاك

المفروض تختارون سيارة تمشي على الخطين ,, شبابية وتشيل أهله وتخدمهم

نفس الموضوع وعلى السريع <<<<

عندي طالب في الابتدائي وسألته وش راح ينجحك أبوك [ طبعا هو من سكان البادية ]

قال : بينجحني عنز !!

الله يمسيك بالخير يا شباب بن برجس ,,,

[اذكر الله]

بالنسبة للسيارت المعروضة

اكيد اف جي

عقبها في المرتبة الثانية البرادوا الجديد صراحه حلو انا مجرب مالت رفيجي 4 سلندر عزم وقوة ( كيف 6 سلندر)

اما البانفندر كلش سويلها دليت خرابات ولعوزة النيسان << عن تجربة زميل لي ايضا

هذا رأيي

والله يوفقكم

[حليتان*]

اممم
الافجي احسن شي

واذا 120 تقدرون تاخذون له جي مستعمل

او جمس سيرا من الوكاله

ويعطيكم خيرها ويكفيكم شرها مقدماً

[باسكن روبنز]

بصراحه ولا موتر من هذول ينفعووون ،

وبالذات الاف جي صار بنووتي ومال زلمات ،

في مواتر سبورتيه ثانيه في بالي بس خطره وايد ومابي شي بذمتي ،

واذا تحبين ولدج لاتفكرين في الكروزر ترا السيفتي معدوم فيه لو تاخذين له شي الماني مستعمل بحدود ميزانيتج ،

وأرشح لج المرسدس افضل قطع غياره رخيصه مقارنة بالبي ام ومايخترب بسرعه ،

مبروك النجاح والله يوفقه ان شالله ،

[^امـ نواري^]

والله فيكم الخير ..
كل الشكر لاخواني :
الخفي
بوسيف الهاجري
السد
nagano
المجروح81
qatar1989
راعي الدتسن
EJ-RAM-QTR
AL3NA
ضحية البورصة
علي عليوه
اذكر الله
amaf535
باسكن روبنز

ماقصرتوا والله على الكلام الطيب وعلى الردود والمشاركات والنصايح اللي طالعة من القلب

والاكيد ان احنا بنستخير قبل مانشتري السيارة
بس حبيت اعرف رايكم ومشورتكم وتجاربكم مع السيارات ..

وآنا اكيد ابغي السيارة له ولنا .. يعني يشيل هله
والاكيد ابغيها سيفتي ..

[^امـ نواري^]

الله يكفيه شر السيياير ان شاء الله
يعني ..
نشيل Fj من اللسته دام انها خطره وخفيفه ..
ونشيل النيسان دام انها مش أوكي

ها شرايكم ..


عيل شاللي بقى ..
البرادو
جي مستعمل
جمس سيرا !!



اخوي باسكن روبنز .. اي نوع من المرسيدس ينفع وبحدود ميزانيتنا ؟ ..

وتشكرون جميعا والله يوفق الجميع ان شاءالله

[الوسيط العقاري]

FJ Cruiser 2011

[يراعٌ فراتي]

انا عندي اف جي وسيارة عملية شبابية وتنفع للي توه متزوج
بس سيارة مغامرات وسرعة وينخاف منها اذا ركبها واحد توه متعلم السواقة
انصحك تشترين له جي 2009 او جي اكس 2008
لان 120 اتوقع بالرحة تحصلين فيهم هالموترين

[المفترس]

Fj

بالتوفيق :)

[علي عليوه]

أم نواري
لا إله إلا الله , ما شاء الله حولك وحواليك
بسم الله الذي لا يضر مع اسمه شئ وهو السميع العليم
الله يفتح لك بابا من الرزق يكون لك عونا على طاعة الله , وعونا لبنيك على البر بك في حياتك وبعد مماتك
- بعد عمر طويل عامر بالطاعات والعمل الصالح -
يشهد الله ما ذكرت ذاك آنف الذكر إلا تذكيراُ بنعم الله عبر باب الطرفة
ويبدو أني أخطأت الرمية عفا الله عني
وأرجو منك السماح بارك الله لك في مالك وبنيك

[ابو مشعل]

البرادو ما ينفع لشاب
ولا الباثفندر
هذي مواتر عائلية اختي ..

الـ fj الوحيده اللي تناسبه من السيارات اللي حطيتيهم :)

[ابو مشعل]

تتمه للرد بالاعلى
اذا بتاخذيله موتر امريكي يكون افضل
خصوصا من ناحيه صلابه البدي عشان لو لا سمح الله صار حادث
عندج الجمس سيرا والشفر سلفرادو
واذا بتجيبين له سبورت عندج الموستنغ 2010

الميزانيه حلوه وفي وايد خيارات متاحه امامج
الله يرزقج ويزيدج من خيره
ويحفظ لج ولدج
تحياتي

[الزجاجي]

هذا الموضوع ذكرني بالوالد الله يحفظه يوم شرا لي سياره بعد تخرجي من الثانويه ب 5 أشهر
قالي استعمل سياره البيت لما تتعلم وبعدين بشتريلك سياره من الوكاله :)

الله يحفظ لكم الولد ويجعله بار لاهله

رايي يعتمد على شخصيه .. ليش ما فكرتي بالصالون ؟
اذا هو انسان هادي وماله بالبر وطلعات الشباب والرحلات انصحج بالصالون .. اما اذا كنتي بمفكره بالمستقبل او سياره عائليه عليج بسياره كبيره .. Fj حلوه لكن يعيبها انها باب ونص

بالتوفيق

[Alpinestars]

السلام عليكم

اسمحلي ابدي رأيي ولا سياره تصلح من اللي ذكرتيها
وانا اضم صوتي للاخ اللي فوق اذا عندكم سياره في البيت زياده خلي الولد يتعلم عليها 6 شهور و 8 شهور
ماانصح بشراء سياره جديده لشخص توه يتعلم القياده واول سياره في حياته
لان اي شخص توه يسوق تكون في طاقه ودفاااشه في سواقة السياره الاولى
هذي من واقع تجربه انا وغيري

بعد السنه بتغير تفكير الولد وتقدرون تحدون له سياره في وقتها

فمان لله ..

[qatare999]

اف جي اكيد والاستخاره اهم

[al saad]

Fj وبس

[الـقـاسـي]

مثل ماقالوا الاخوان خلوه يتعلم شوي في البدايه لان الواحد اول مايسوق لازم تكون فيه طفاقه شوي وحب سرعه وتجربه كل شي في السياره ..
خلوه على الاقل لين نهايه السنه يطقطق في اي سياره عندكم وبعدين شوفوا له جي اكس سواء 2009 ولا 2010 بتحصلونه وقتها بنفس الميزانيه اللي محددينها ..
المواتر الباقيه زينه لكن ترا مافيه شي يتحمل نفس الاندكروزر

[G0LD]

الله يوفقكم بما فيه الخير

طالما حطيتي خيارات الاحسن fj لاني استعملتها فتره

ولكن انصح لو تاخذون لاندكرورز جي اكس بالميزانيه الموجوده منها تصلح له ك استعمال

وتصلح كذلك للعائله - يعني سياره تتحمل وجميله وعمليه وحتى بوقت البيع مراح تخسرون من سعرها

مستقبلا ان شاء الله -

اتمنى لكم التوفيق والله يحفظكم

[قنـاص]

ولا سياره تنفع اخذيله جي او جي اكس 2008 او 2009 احسلكم

[هاوي911]

Fj سياره حلوه

[motor]

اف جي احسن واحلى واقوى فالبر والطعوس

[:.. سيف ..:]

الاف جي طبعا

[mr_qtr]

FJ Cruiser 2011

او اذا يصير تزيدون الميزانيه شوي

تاخذون له

LandCruiser G Standard

وبالتوفيق

[باسكن روبنز]

C Class ،

شبابي وشكله حلـو سبورتي وملموم ع بعضـه ،

كل ماخذتي الفل أوبشن كل ماكان أحسن ويفضل تاخذين من 2009 وطالع وبتلاقين بأسعار ممتازه ،

واسألي عن السيرفز وقطع الغيار بالأول وخاصة الاشياء الاستهلاكيه ،

حطي أعلان بالوسيط كـ مطلوب ومري على وكالة المرسدس المسترجعين صوب أشارات مشيريب وبنفس الوقت خذي لفه على موقع قطر سيل ،

وبالتوفيـق أن شالله يا أم نواري ،

[khalid 88]

بسم الله الرحمن الرحيم

من منطلق شبابي وعاقل :shy::victory:


بنظرب قبل ما ابدى :secret:

اختي

السيارات المطروحه الانسب بينهم هي الاف جي لعدة اسباب

وبخصوص ماذكروه الشباب عن الجي والجي اكس 2008 و2009 هي الانسب بلا شك وراح يستاانس اكثر


وبخصوص ماقالوه عن السيرا والسيلفرادو صحيح سعره في متناول ميزانيتج لكن كبدايه حرام الموتر كبير عليه نوعا ما الا اذا باب واحد وهذا من كلامج ماراح يناسبكم

باسكن روبنز يفكر صح لانه المرسيدس c class و ؤ200 وطالع موتر صغير وحلو وكشخه وقطع غياره معقووله وسعره مايطيح كثير


احم احم

شباب اسمحولي بتفلسف شووي

اختي انصحج في عدة مواتر في ميزانيتج مع ذكر الاسباب

جي استاندر ممتاز من كل النواحي الشبابيه سعره فيه وقطع غياره رخيصه

جي اكس ممتاز من كل النواحي الشبابيه و العائليه سعره فيه قطع غياره رخيصه

C Class ممتاز بس صالون وسعره شوي يطيح وقطع غياره معقوله :victory:


وراح اضيفلج


لكزس es 350 ممتاز بس صالون وسعره فيه وقطع غياره بين الرخيص والمعقول جمس اكاديا سعره رخيص وومتاز سعره شوي يطيح وقطع غياره بلاااش ويناسب الشباب (( بس اسألي عنه اكثر مع انه رووعه ))

انتي في حسبة اختي وهو في حسبة اخوي الصغير


هذا اللي قدرت افيدكم فيه ويعتمد كل هذا مع شخصية الولد

وكل السيارات مهما امتلكت من انظمة سيفتي تعتبر 0 % اذا هو مش مباااالي

والحافظ الله

[بازار]

اف جي

وتوكل على الله

[دااانة قطر]

مااشوف الاف جي سريعه عندي من 2009