استفسار عن مدرسة قطر التقنية الثانوية

[المقدام]

بغيت استفسر عن مدرسة قطر التقنية الثانوية

اشلون نظامها وشهادة المدرسة

[أبوزينة]

بغيت استفسر عن مدرسة قطر التقنية الثانوية

اشلون نظامها وشهادة المدرسة

اخي الكريم شيك موقعهم الالكتروني وفالك طيب

http://www.qitsqatar.com/index.php?lang=ar

www.qitsqatar.com

اخوك محمد

[Ţĥę őήę]

انا العام تخرجت من هالمدرسه

اذا بغيت تستفسر عن شي كلمني

[الوان]

مدرسة جيدة ,, نفس نظام المدارس المستقلة .. ما عدا انهم ما يدرسون احياء و لا اجتماعيات ,, و هي تابعة لمؤسسة البترول ,, يعني المدير يتم تعيينه من عندهم .

[al saad]

اول مره اسمع عن المدرسه هل حد جرب ولا عنده حد فيها يفيدنا عشان ابي اغير مدرسه ولدي وهل هم تحت قطر للبترول يعني بعد التدريس توظيف

[al saad]

انا العام تخرجت من هالمدرسه

اذا بغيت تستفسر عن شي كلمني

ممكن تفيدنا عن طريقه التدريس بالعربي ولا الانجليزي والرسوم وهل في تدريب بعدالتخرج في البترول ولا التوظيف
*

[الوان]

التدريس بالأنجليزي للرياضيات و المواد العلمية و التقنية ،،، عندهم تخصصات من الثاني ثانوي للمواد التقنية و عندهم ورش عملية مثل : خراطة ، لحام و غيره,,,, اهي بديل مدرسة الصناعة القديمة اذا تعرفونها ..
المدرسة تعطي الطالب مكافأه شهرية : 1000 اول , 2000 ثاني , 3000 ثالث

[منارة الدوحة]

ولدي في اول ثانوي ممكن يكمل عندهم من الثاني

[مـــفاهــيم]

انا ولله الحمد تم تسجيل ولدي فيها الآن لأنه يرغب يكون مهندس بترول

وجزاك الله على هالسؤال انا فعلا مثلك ارغب في مزيد من المعلومات عنها

[مـــفاهــيم]

ولدي في اول ثانوي ممكن يكمل عندهم من الثاني

ولد اخوي نفس ولدك ويرغب ينقل ابنه لهذه المدرسة وسوف يراجعهم يوم الأحد

على الرغم انني سمعت انهم لايقبلون الا اول ثانوي فقط، بس بدون تاكيد

[الوان]

ولدي في اول ثانوي ممكن يكمل عندهم من الثاني

اذا في شاغر مفروض يقبلونه و خصوصا اذا كان تابع لمنطقة المدرسة ،،
مدير المدرسة رجال خير و يحب الخير للقطريين,, و انشالله اذا كلمتوه مب مقصر ,,

[al saad]

بس السؤال كم الرسوم الدراسه ولا مجانيه؟

[الوان]

بس السؤال كم الرسوم الدراسه ولا مجانيه؟

مدرسة التقنية مدرسة حكومية ما فيها رسوم بالعكس اهم اللي يدفعون مكافآت للطلاب ,, لأن الظاهر يبون يرغبونهم و بدل الشغل في الورش لأنها متعبة و فيها خطورة حقيقية على المراهق ... و المدرسة بعد فيها نجاح و رسوب للطلاب .

[al saad]

مدرسة التقنية مدرسة حكومية ما فيها رسوم بالعكس اهم اللي يدفعون مكافآت للطلاب ,, لأن الظاهر يبون يرغبونهم و بدل الشغل في الورش لأنها متعبة و فيها خطورة حقيقية على المراهق ... و المدرسة بعد فيها نجاح و رسوب للطلاب .

مشكور الشيخ والله يخلي الحكومه مش امقصره....
بسجل ولدي فيها وانشالله يطلع مهندس ولا فني بترول

[البارح]

رحت اسجل اخوي يوم الخميس
قالوا قفلنا التسجيل :weeping:

[برق الجنوب]

السلام عليكم ورحمة الله بخصوص السؤال عن مدرسة قطر التقنية هي مدرسة تابعة لدولة

أي بدون رسوم ودارتها تابعة للبترول وللعلم ولدي أخر سنه أنشالله ولا يقبلون الا يكون من

أول سنه أول ثانوي يعني يكون مخلص أعدادي ويسجل عندهم يعني أذكان يدرس في مدرسة

ثانوي لا يقبلونه وللعلم اول ثانوي يصرف له راتب 1000 ريال ثاني 2000ريال ثالث 3000

ريال والمستقبل لهم انشالله بامؤسسة البترول وهي تقنيه يعني كهرباء مكانيكاء هندسة

وحاسوب ومحاسبة هذا حد علمي باالتخصصات ويمكن لطالب يحدد تخصصة من ثاني ثانوي

ويمكن له التغير المجال في النصف الاول من ثاني أعدادي وباالتوفيق للجميع وللعلم يوجد

شخص فاضل جدآآآ وهو ألانصاري جزاه الله خير في مايقدمة

[Ţĥę őήę]

ممكن تفيدنا عن طريقه التدريس بالعربي ولا الانجليزي والرسوم وهل في تدريب بعدالتخرج في البترول ولا التوظيف
*

التدريس بالانجليزي حق كل المواد مآعدا اللغه العربيه و التربيه الاسلاميه

في تدريب بعد ماتخلص ف الاطلنطي تدرس لغه اول شي بعدين تكمل على اللي درسته ف التخصص ( العمليات الصناعيه او الكهربا ..... الخ ) و تتوظف بعدها ف المصنع

[طرفه]

ولدي في اول ثانوي ولم يتخصص بعد
التخصص التقني يبدء من الثاني ثانوي

[حيهور]

احسن مدرسة في قطر

وانصح الكل ارسال أبنائهم للمدرسة


مستقبل وكسب خبرة في مجال الصناعة

[الوان]

بشرونا .. الأخوان اللي اسئلوا .. عسى سجلتوا عيالكم ...