استفسار : تركيا والاماكن السياحيه فيها

[chillis]

السلام عليكم انا الصيف ناويه انشالله اروح تركيا وابي اعرف الاماكن السياحيه الحلوه الي تستاهل اني ازورها طبعا وجهتي اسطنبول ابي المناظق القريبه منها والاماكن السياحيه

[Dana’1]

وعليكم السلام
تركيا حلوة حتى لو تتمشين في شوارعها وعند بسفورها:)
اذا كنتي تحبين المتاحف وتاريخ الحضارة عليك بمنطقة أو ميدان السلطان أحد فيها المسجد الازرق ومقابلها آيا صوفيا و التوب كابي سراي<<متحف
وبالجنب من هذي المتاحف منطقة محمود باشا في بيازيت في هالمنطقة سووق كبيير مغطي شعبي اسمة الجراند بزار فية الذهب الأقمشة السيوف والمعادن وحتى الثريات والفوانيس والكثير الكثير ذاات الطابع الاسلامي العثماني وتقدرين تتنقلين بين المناطق بالترام او حتى مشي على الاقدام إذا كنتم من عشاق المشي
لكن انتبهو هالسوق مغطى مو واضح للعيان فلازم تسألون إذا وصلتو للمحمود باشا او البيازيت عم السوق بتشوفين زي النفق ضيق واذا دخلتي بتلاقين عالم وسعة! واذا في مجال راح أنزل بعض الصور
طبعا هالمكانين حلاتها بالصباح وتتغدون في المطاعم الي هناك في التوب كابي سراي في مطعم عالي يطل عالبحر لاباس فية وطبعا لا تنسون تطلبون اسكندر كباب هذي أشهر أكلة وحلوة تختلف من مطعم لمطعم من ناحية الطعم
ممم والبازيت وومنطقة "للي" جنب بعض نفس امتدار السلطان أحمد ومحمود باشا وفيهم محلات كثيير بس أغلبها بالجملة بكذا تقريبا انتهيتو من هالمنطقة

بس ما خلصتو من المتاحف والحضارة باقي لكم م زيارة قصر دولمة بهجة القصر العثماني مطل عالبسفور أنا مارحت لة

إذا تحبون البحر والجلسات الي فية عندك جلسات كثيرة من قهاوي ومطاعم واشوفهم ياكلون المحار مشوي أظن اسمة محار:) يشونة ويعصرون ليمووون وياكلونة ما فكرت أكلة كلش ماحب اليي فود حدي نوع نوعين سمك وريبان ولاهو دايم:)
كل هذا في منطقة ارتاكوي في مقاطعة بكتاش هي حلوة للوناسة مطلة عالبسفور وفيها الجامع الشهير جامع ارتاكوي وفيها رحلات بالعبارات تتمشين عالبسفور وتشوفين المناظر الحلوة والقصور الي عالمضيق"ماء وخضرة ووجة حسن":) ويمكن يصادف تشوفين عرسان يحتفلون على العبارات :)

وفية ملاهي بس كانت عادية اسمها لونا بارك الي باسطنبول عادية انا الي في مدينة بورصا أكبر وأحلى

عندك المولات أظن أكبرها جواهر بلازا ست ادوار وفيها ملاحي ودور مطاعم ودور مقاهي ودور تقريبا يكثر فية الجلديات من شنط وأخذية وانتي بكرامة يعني حلو فية كل شي

وفية مولات نسيت اساميهم حلوة بعد بحاول أخذ لفة بالنت يمكن أحد كاتبهم لان بعض الاسماء أتذكر تفاصيلها من النت بس كل المولات آظن اصغر من جواهر أكبر مول عندهم وعلى فكرة تقدرين تروحين لة بالميترو من ميترو التقسيم إلى منطقة شيشلي الي فيها المجمع والميترو ينزلك تحت المجمع وبسرعة
عندك منطقة ميدان التقسيم أسواق طول الشارع يمين ويسار ومطاعم وقهاوي وفنادق هذا الشارع زرتة مرة
والاورتاكوي أكثر من مرة:)

رحنا بورصا ما يميزها جبل اولداغ ما ادري انا شخصيا ما أحب المرتفعات حيل كل الي فية هالجبل منتزهات
ومطاعم للشوي تاخذين اللحم ويجهزون لك كل شي انتي بس تشوين وتاكلين وفية مراجيح وشوية العاب للأطفال للي يحب هالاشياء بينبسط إن شاءلله
وانتي نازلة من هالمنطقة فية قرية فيها شجرة معمرة الناستحب تتفرج عليها وتحتها مطعم أكثر شي شفتة فية صحون الفواكة إحنا ما جلسنا يدوب مرور بس
هذا الجبل تروحين لة بطريقتين يا أما التلفريك او السيارة وانا ما احب الارتفاعات حيل فباليالة رحت لة بالسيارة
ممم بعد فيها سوق الحرير هم يسمونة كذا هو شعبي فية الاقمشة وكل شي تقريبا واسعارهم حلوة
وجنب هالسوق فية مول هو حلو بعد
تقريبا هذا الي في بورصا يمكن الاخوان يفيدونك أكثر
إحنا قبل لا نروح بورصا كنا في يلوا تحديدا في ترمال وهي عبارة عن قرية فيها ينابيع حارة أهلها يحبونها ويظنون انها تشفي من الامراض خصوصا الجلدية او المعدة والجهاز الهضمي على ما أظن لانهم يشربونها كانها شاي
فيها مسبح لاطفال بيحبونه
وفيها مكان لسبوح العائلة بختصار الحماممات التركية بالينابيع الطبيعية الحارة
والمكان هدؤ وفية خليجين ماخذين راحتهم كانها ديرتهم :) وناسها قروين وطيبيين عالاخر وجية تضحك عكس اهل اسطنبول وفية محل يبيع فلافل أحلى فلافل:) اسالي عنة اذا رحتو إن شاءلله

هذا الي عندي الحين واذا تذكرت شي بقولك واذا عندك سؤال معين اقدر افيدك فية تفضلي
ورحلة موفقة يارب آمين

[chillis]

وعليكم السلام
تركيا حلوة حتى لو تتمشين في شوارعها وعند بسفورها:)
اذا كنتي تحبين المتاحف وتاريخ الحضارة عليك بمنطقة أو ميدان السلطان أحد فيها المسجد الازرق ومقابلها آيا صوفيا و التوب كابي سراي<<متحف
وبالجنب من هذي المتاحف منطقة محمود باشا في بيازيت في هالمنطقة سووق كبيير مغطي شعبي اسمة الجراند بزار فية الذهب الأقمشة السيوف والمعادن وحتى الثريات والفوانيس والكثير الكثير ذاات الطابع الاسلامي العثماني وتقدرين تتنقلين بين المناطق بالترام او حتى مشي على الاقدام إذا كنتم من عشاق المشي
لكن انتبهو هالسوق مغطى مو واضح للعيان فلازم تسألون إذا وصلتو للمحمود باشا او البيازيت عم السوق بتشوفين زي النفق ضيق واذا دخلتي بتلاقين عالم وسعة! واذا في مجال راح أنزل بعض الصور
طبعا هالمكانين حلاتها بالصباح وتتغدون في المطاعم الي هناك في التوب كابي سراي في مطعم عالي يطل عالبحر لاباس فية وطبعا لا تنسون تطلبون اسكندر كباب هذي أشهر أكلة وحلوة تختلف من مطعم لمطعم من ناحية الطعم
ممم والبازيت وومنطقة "للي" جنب بعض نفس امتدار السلطان أحمد ومحمود باشا وفيهم محلات كثيير بس أغلبها بالجملة بكذا تقريبا انتهيتو من هالمنطقة

بس ما خلصتو من المتاحف والحضارة باقي لكم م زيارة قصر دولمة بهجة القصر العثماني مطل عالبسفور أنا مارحت لة

إذا تحبون البحر والجلسات الي فية عندك جلسات كثيرة من قهاوي ومطاعم واشوفهم ياكلون المحار مشوي أظن اسمة محار:) يشونة ويعصرون ليمووون وياكلونة ما فكرت أكلة كلش ماحب اليي فود حدي نوع نوعين سمك وريبان ولاهو دايم:)
كل هذا في منطقة ارتاكوي في مقاطعة بكتاش هي حلوة للوناسة مطلة عالبسفور وفيها الجامع الشهير جامع ارتاكوي وفيها رحلات بالعبارات تتمشين عالبسفور وتشوفين المناظر الحلوة والقصور الي عالمضيق"ماء وخضرة ووجة حسن":) ويمكن يصادف تشوفين عرسان يحتفلون على العبارات :)

وفية ملاهي بس كانت عادية اسمها لونا بارك الي باسطنبول عادية انا الي في مدينة بورصا أكبر وأحلى

عندك المولات أظن أكبرها جواهر بلازا ست ادوار وفيها ملاحي ودور مطاعم ودور مقاهي ودور تقريبا يكثر فية الجلديات من شنط وأخذية وانتي بكرامة يعني حلو فية كل شي

وفية مولات نسيت اساميهم حلوة بعد بحاول أخذ لفة بالنت يمكن أحد كاتبهم لان بعض الاسماء أتذكر تفاصيلها من النت بس كل المولات آظن اصغر من جواهر أكبر مول عندهم وعلى فكرة تقدرين تروحين لة بالميترو من ميترو التقسيم إلى منطقة شيشلي الي فيها المجمع والميترو ينزلك تحت المجمع وبسرعة
عندك منطقة ميدان التقسيم أسواق طول الشارع يمين ويسار ومطاعم وقهاوي وفنادق هذا الشارع زرتة مرة
والاورتاكوي أكثر من مرة:)

رحنا بورصا ما يميزها جبل اولداغ ما ادري انا شخصيا ما أحب المرتفعات حيل كل الي فية هالجبل منتزهات
ومطاعم للشوي تاخذين اللحم ويجهزون لك كل شي انتي بس تشوين وتاكلين وفية مراجيح وشوية العاب للأطفال للي يحب هالاشياء بينبسط إن شاءلله
وانتي نازلة من هالمنطقة فية قرية فيها شجرة معمرة الناستحب تتفرج عليها وتحتها مطعم أكثر شي شفتة فية صحون الفواكة إحنا ما جلسنا يدوب مرور بس
هذا الجبل تروحين لة بطريقتين يا أما التلفريك او السيارة وانا ما احب الارتفاعات حيل فباليالة رحت لة بالسيارة
ممم بعد فيها سوق الحرير هم يسمونة كذا هو شعبي فية الاقمشة وكل شي تقريبا واسعارهم حلوة
وجنب هالسوق فية مول هو حلو بعد
تقريبا هذا الي في بورصا يمكن الاخوان يفيدونك أكثر
إحنا قبل لا نروح بورصا كنا في يلوا تحديدا في ترمال وهي عبارة عن قرية فيها ينابيع حارة أهلها يحبونها ويظنون انها تشفي من الامراض خصوصا الجلدية او المعدة والجهاز الهضمي على ما أظن لانهم يشربونها كانها شاي
فيها مسبح لاطفال بيحبونه
وفيها مكان لسبوح العائلة بختصار الحماممات التركية بالينابيع الطبيعية الحارة
والمكان هدؤ وفية خليجين ماخذين راحتهم كانها ديرتهم :) وناسها قروين وطيبيين عالاخر وجية تضحك عكس اهل اسطنبول وفية محل يبيع فلافل أحلى فلافل:) اسالي عنة اذا رحتو إن شاءلله

هذا الي عندي الحين واذا تذكرت شي بقولك واذا عندك سؤال معين اقدر افيدك فية تفضلي
ورحلة موفقة يارب آمين

تسلمين وما قصرتي :) وانتظر منج صور اذا ممكن

[VIP-QATAR]

تركيا حلوة وسياحية وجوها رهيب
وماشاء الله الاخت dior'1 ماقصرت قالت كل الامور المهمة
انا ممكن افيدج بارقام سواقين في اسطنبول ياخذون بين 120-150 دولار في الساعة
جربت اكثر من واحد واذا تبينهم بارسلهم لج على الخاص
ورحلة سعيدة

[(عبدالله)]

تقصد... ياخذون بين 120-150 دولار في اليوم



تركيا حلوة وسياحية وجوها رهيب
وماشاء الله الاخت dior'1 ماقصرت قالت كل الامور المهمة
انا ممكن افيدج بارقام سواقين في اسطنبول ياخذون بين 120-150 دولار في الساعة
جربت اكثر من واحد واذا تبينهم بارسلهم لج على الخاص
ورحلة سعيدة

[البدع]

اذا رايحة اسطنبوا فقط

فابشري بالملل والحر والنصابين ... وبترجعين تذمين تركا مثل غيريك

اذا طالعة برع اسطنبول الى (ازمير - بورصة - انتاليا - مدينة فان والبحيرة - شمال تركيا) فابشري بالبراد والوناسة

هذا والله اعلم

[VIP-QATAR]

تقصد... ياخذون بين 120-150 دولار في اليوم

اي:shy: صح في اليوم ويقصدون فيها تقريبا 8 ساعات
شكرا على التصحيح

[VIP-QATAR]

انا سمعت عن منطقة حلوة ويمدحونها جنها سويسرا اسمها اوزنقول بس مارحت لها لان ماكان عندي وقت http://www.abbasitour.com/content/galeri/img/71/556.jpg

[فيزيائية]

تركيا رائعه بعيد عن اسطنبول حيث الزحمة والنصب والمناظر الخادشة للحياء
هي غالية وتستحق من مناظر وجو وطعام
........ولكن وين الدول الرخيصة ؟؟؟

[فيزيائية]

اوزنغول في شمال تركيا زارتها اختي ..
تاخذين رحلة داخليه لمدة ساعة (ممكن الحجز من هنا)
الى مطار ترابزون ....
نهر واكواخ وطبيعة حلوة وايد عليها 4 ايام ....
وبالرغم انها قرية فوق الجبل وصغيرة الا انها غالية
وبارده اكثر من اي مكان في تركيا وممطرة في شهر 7

[chillis]

اذا رايحة اسطنبوا فقط

فابشري بالملل والحر والنصابين ... وبترجعين تذمين تركا مثل غيريك

اذا طالعة برع اسطنبول الى (ازمير - بورصة - انتاليا - مدينة فان والبحيرة - شمال تركيا) فابشري بالبراد والوناسة

هذا والله اعلم

بروح اسطنبول وحواليها

[chillis]

انا سمعت عن منطقة حلوة ويمدحونها جنها سويسرا اسمها اوزنقول بس مارحت لها لان ماكان عندي وقت http://www.abbasitour.com/content/galeri/img/71/556.jpg

رحلتي كلها عشر ايام والمنطقه هذي بالسياره شكثر تبعد

[تحداني]

منتدى المسافرون العرب
راح يغنيج عن اي استشاره .. المنتدى فيه معلومات خياليه
وصور واماكن ما تخطر على البال

جربيه ما راح تخسرين


اجازه سعيده وسفره موفقه يارب


جملك الله برضى الرحمن

[chillis]

منتدى المسافرون العرب
راح يغنيج عن اي استشاره .. المنتدى فيه معلومات خياليه
وصور واماكن ما تخطر على البال

جربيه ما راح تخسرين


اجازه سعيده وسفره موفقه يارب


جملك الله برضى الرحمن
تسلمين فديتج

[بوخالد911]

هلا

الله يعيينكم ع الغلاء والنصب

عموما
جربوا تروحون : يلوا
بورصة

أبانط

أوزنغول

[بوناصر 1]

بالتوفيق إنشاء الله ونصيحتي لجميع المسافرين بالتصفح على النت بمواقع البلد إلي تبغي أتزورها وأخذ فكرة عندها . لأني أستفدت وااااايد من التصفح على النت وأخذ معلومات عن الدول إلي بازورها . ولا أحد ينسى رقم هاتف سفارة دولة قطر في الدولة إلي بيسافرها ( الأحتياط واجب ) . والله يرد الجميع بالسلامة وهم مستانسين .

[فرحة الكواري]

بما انج ماتبين بعيد عن اسطنبل

انصحج وبشده على بحيرة ابانت .. تبعد عن اسطنبول 350 كيلو مسافة 4 ساعات وشوي

http://www.turlar.net/tatil_turlar/sayfa/bolge/abant/abant_turlar_2.jpg

http://3eyon3rabia.com/gallery/files/2/3/image00019_964739.jpg

http://3eyon3rabia.com/gallery/files/2/3/image00009_389574.jpg

والسكن في فندق تقسيم انترناشيونال ابانت بالاس 5 نجوم

http://3eyon3rabia.com/gallery/files/2/3/image00013_879218.jpg









وانصحج في بحيرة سبانجا بعد وايد حلوة وتصلح لها ليلة وحده وتبعد حوالي 150 كيلو عن اسطنبول

[ماجد البدر]

لو بتورحين الشمال التركي ممكن تنسقين من قطر على الطيران التركي تحجزين اسطنبول ثم طربزون وطربزون مدينة كبيره في الشمال حواليها اوزنجول وايدر و القرى الريفيه الجميله و سلطان مراد المسافة بينهم ماتزيد عن ساعة ولولصول الى طربزون بطيارة من اسطنبول تقريبا ساعة

انا رحت طربزون و اوزنجول بسيارة بس عندي فكره عن كثير من المناطق

http://www.qatarshares.com/vb/showthread.php?t=450165
سلطان مراد


http://www.qatarshares.com/vb/showthread.php?t=443028

http://www.qatarshares.com/vb/showthread.php?t=448978


http://www.qatarshares.com/vb/showthread.php?t=443940

[chillis]

تسلمون على النصايح

[بوناصر 1]

بالتوفيق

[NEMO]

انا هالشهر كنت في تركيا من تاريخ 12 حتى 18 مايو في اسطنبول واستانست وايد وايد الحمدالله.....سكنت في فندق الانتركونتيننتال في تقسيم قريب من شارع الاستقلال نروح له مشي وعندي صور وايد لوتبين برسلها لج على الايميل وفي دريول تعاملت معاه محترم(اجرنا منه سياره) ونفعنا وايد هناك لان ف تركيا مايعرفون انجليزي ولاعربي فهو كان ينزل معانا كل مكان ويترجم لنا ومايخلي حد ينصب علينا صراحه لو كنا بدون هالدريول كان ماعرفنا نروح اي مكان ...ورحنا بالعباره جزيره الاميرات الصبح استانسنا فيها وتغدينا ورجعنا العصر(في عبارات سريعه توصلج في 50دقيقه وفي عبارات عاديه توصلج بساعه ونص)عاد اليوم اللي رحنا فيه ماكان فيه عبارات سريعه رحنا بالعاديه بس كانت الرحله في قمة الروعه ....... ورحنا بحيره ابانط(تبعد ساعتين ونص من اسطنبول بالسياره) يوم واحد بتنا فيها جوها خيالي ووايد برد بس ماينقعد فيها اكثر من يوم .... اذا تبين الصور طرشي لي ايميلج وبرسلهم لج وبشرح لج كل الصور واذا رحلتج خلال هالشهور بعطيج ارقامي التركيه لانها تنقطع بعد 6 شهور
اختك نيموووووووووووووووووووو

[NEMO]

وبالنسبة لكرت الجوال من شركة (ترك سيل) وشغلت فيها خدمة البلاك بيري بس الخدمة عندهم اسبوعيه يعني كل اسبوع تجددين الاشتراك ...... وفي فتره معينه مسموح فيها ان الجوال اللي انتي جايبته معاج يشتغل في تركيا اعتقد 10 ايام او 40 يوم ماذكر لان واحد قالنا 10 وواحد ثاني قال 40 يوم وبعدها لازم تروحين تسجلين جوالج بأسمج ولاينقطع لان الجهاز مب من تركيا اما اذا شريتي جوال من تركيا عادي مايحتاج تسجيل (طريقة التسجيل سهله تودين الجهاز اللي انتي جايبته من قطر مع الشريحة لشركة الاتصالات مع جوازج ويسجلونه لج لان لو ماتسجل بينفصل التلفون ماراح يشتغغل لين ترجعين الدوحة....انا ماصادفتني هالمشكله لاني ماقعدت الا 7 ايام بس

[سراج الروح]

هلي رايحين اوزنقول فعلا جنة الله في ارضه وجوها جو سويسرا
اذا حابه عندي ارقام سواقين يعملون لج جدول سياحي لكن مانصحج في اسطنبول حاولي تطلعين خارج اسطنبول ( بورصه - يلوا - طرابيا - ترمل )

[NEMO]

هلي رايحين اوزنقول فعلا جنة الله في ارضه وجوها جو سويسرا
اذا حابه عندي ارقام سواقين يعملون لج جدول سياحي لكن مانصحج في اسطنبول حاولي تطلعين خارج اسطنبول ( بورصه - يلوا - طرابيا - ترمل )


تصدق السايق كان يحن علينا نروح بورصه بس ماكان في وقت لان الرحله كانت قصيره اسبوع واحد بس ...........ياليتني رحت

[بوسعيد2]

تروحين وترجعي بسلامه أن شاء الله وانا مع كلام اخي العزيز البدع

[chillis]

تسلمون كلكم :)

[ريحة الورد 1]

سافري برع اسطنبول اختي في مناطق وايد حلوة

[PPC-Q]

هل تركيا تصلح للاطفال ؟

بمعنى هل فيها اماكن ترفيه للاطفال ممكن يستانسون فيها

[بوحنان]

بقيت رقم سايق في تركيا يتكلم عربي ويكون امين

[Dana’1]

هل تركيا تصلح للاطفال ؟

بمعنى هل فيها اماكن ترفيه للاطفال ممكن يستانسون فيها
نعم إن كان حدائق وكورنيش
أو مدينة العاب في أغلب المجمعات بس الي متأكدة منة مجع جواهر..وفية ملاهي خارجية "لونا بارك"في فرعين باسطنبول وبورصة الي في مدينة بورصة أكبر وأحلى
وبنتي انبسطت فيها الحمدلله ومن فترة كانت تقول ابغى اروح تركيا :)

[محمد الجفيري]

بالتوفيق للجميع في اجازاااتهم

:)

[ام وجدان]

ابي رقم ادريول زين وامين لانه باروح اسطنبول اخر الشهر ظروري الله يخليكم

[we-r-sawa]

اذا ممكن تشوفين الي كتبته عن اسطنبول بشكل مفصل في موضوع( السياحة في تركيا ) وأكيد في معلومات قيمة راح تفيدك...راح أعطيك رقم سواق اسمه محمد تعاملنا معاه قبل سنتين ثقة وأيضا يمكنك التنسيق عن طريق الخطوط التركية وراح يرتبون لك البرنامج السياحي اللي بخاطرك وعالعموم هذا رقم السواق ويتكلم عربي وماتحتاجون لمترجم 00905357250320
ولكن أرجوك قراءة الموضوع عن السياحة في تركيا لأن حطيت معلومات قيمة وفيها بعض الارشادات المهمة ورحلة موفقة باذن الله

[we-r-sawa]

مرفق دليل لشركة سياحية في تركيا مع أهم المناطق السياحية