تسجيل الدخول

مشاهدة النسخة كاملة : سؤال جزاه الله خير اللي بيرد علي


مستجدة
22-05-2011, 10:07 AM
بغيت اعرف المطلقه اللي بدون اولاد وعمرها تجاوز 35 سنه وغير موظفه
هل تمنحها الدوله أرض هبه .....؟
لان فيه وحده تسأل وسمعنا عن كم وحده جاتها منحه ارض هبه من الدوله
بس مانعرف وين فيه تقدم مع العلم هي راحت لتخطيط العمراني وقالوا لها مب عندنا هل الاسكان عندهم قسم يخص منح ارض هبه للمطلقه ....؟

جزاه الله خير اللي بساعدها لان بحثت في قوقل ومحاصلت اجابه فاللي يعرف او قط انتفع
بأرض هبه او يعرف احد ياريت يسأل ويدليها وين اتروح وشنو مطلوب وشنو الخطوات .
شموخ دائم
22-05-2011, 11:32 AM
,

,


مرحبا

الموضوع هذا عند الاسكان التابع للشؤون الاجتماعيه عند الوزير ناصر الحميدي
اعتقد بالضبط عند السيد عبدالله عجاج اذا ما تغيرت الامور
بس اعتقد القانون الان يعطونها بيت لها ( وللاخوات ) اذا عندها خوات
راح يكون لهم جميعا وليس لها وحدها

وهناك لجنه مشكله صار لها 6 شهور تدرس وضع هذه الفئه
وما زال الجميع ينتظر القرارات لهذه الفئه ان شاء الله قريب

لو تنتظر قرارات اللجنه راح يكون احسن
اتوقع بيكون شي يسعد هذه الفئه والله اعلم

والله يعين الجميع

,

,


اخوك

شموخ دائم
مستجدة
22-05-2011, 11:46 AM
جزاك الله خير اخوي

واتمنى هاللجنه تنظر في امور كثيره لان القانون الجديد احرم كثير من الاخوات

مثال المطلقه اللي عندها اولاد وسبق انتفعت بملحق في بيت ابوها عباره عن غرفه وحمام القانون الجديد احرمها الانتفاع ببيت ذو الحاجه بحجه انه سبق لها الانتفاع بملحق ...!!!
سبحان الله وهل الغرفه كالبيت خاصه للام اللي عندها اكثر من اربع عيال

كذالك الاخوات المطلقات والارامل والعوانس اللي تجاوز عمرهم 35 سنه احرمهم القانون من الانتفاع بسكن
بحجه انهم مع اهلهم واحرمهم كذالك من الملاحق لان هالقانون انلغلى خلاص طيب اللي مثل هالحالات وين يرحون ....؟

كذالك المطلقه من اجنبي وتعمل ايضا احرمها من الانتفاع بالسكن



اشياء كثير بصراحه يبي لها تعديل وياريت هاللجنه فعلا يكون قلبها على ابناء وبنات قطر
ويحلون لنا هالمشكلات وهالثغرات في قانون الاسكان الجديد
شموخ دائم
22-05-2011, 12:36 PM
,

,


مرحبا

اختي الكريمه

الموضوع ليس حرمان المطلقه ولكن للموضوع جوانب اجتماعيه اخرى
هي المعضله الرئيسيه بالموضوع

( الدوله لا تشجع خروج البنت في منزل لوحدها بعيد عن اهلها )

الموضوع هذا له جوانب اخرى

هذه هي المشكله الكبيره وتشكلت اللجنه لحل هذه المعضله

ولذلك العمر كان شي اساسي

والله يوفق الجميع وتنحل هذه المشكله وتحصل على سكن محافظ يكفل لها حياه كريمه

مع اولادها


,

,


اخوك

شموخ دائم
مستجدة
22-05-2011, 12:55 PM
ومب سالفه خروج البنت نحن نتكلم على مطلقه عندها خمس عيال وبنات الى متى وهي عاله على اهلها
بناتها وعيالها بحاجه للخصوصيه واستقرار
بيت الاهل دائما مايتجاوز اربع غرف وماشاءالله الاسر كبيره والاخوان متزوجين وساكين مع اهلهم

هاذي مب من حقها سكن ؟

المرأة اللي تجاوز عمرها 38 سنه ماتزوجت مب من حقها سكن حتى لو ملحق في سطح بيت اهلها

مب القصد خروج البنت بو 19 ولا 22 نحن نتكلم على فئات احرمهم القانون من مميزات تستحقها


الله كريم ان شاءالله يعدلون هالنقاط ويرحيون الناس والله الاجارات غاليه الله يعين الاخوات عليها
catqat
22-05-2011, 02:18 PM
ايوة يعطون .. روحي الإسكان ..... وعبي طلب ومعاه صورة الجواز او البطاقة الشخصية ويبون مرفق من المحكمة ان الوحدة ماتملك ارض ثانية من الدولة
بوسعيد2
22-05-2011, 11:49 PM
ايوة يعطون .. روحي الإسكان ..... وعبي طلب ومعاه صورة الجواز او البطاقة الشخصية ويبون مرفق من المحكمة ان الوحدة ماتملك ارض ثانية من الدولة

صحيح كلام الاخوان
مستجدة
25-05-2011, 12:10 AM
ايوة يعطون .. روحي الإسكان ..... وعبي طلب ومعاه صورة الجواز او البطاقة الشخصية ويبون مرفق من المحكمة ان الوحدة ماتملك ارض ثانية من الدولة


اكيد يعطون القطريه المطلقه اللي ماعندها عيال وعمرها فوق 35 سنه ارض هبه منحه من سمو الامير ....؟
لان سبق وقدمت على سكن ذو الحاجه ورفضوا طلبها لان ساكنه مع ابوها :(