المساعد الشخصي الرقمي

مشاهدة النسخة كاملة : اخوي ...,, وينك ...,, فقدتك ,,...


قطر love
22-05-2011, 11:16 AM
اخوي ...,, وينك ...,, فقدتك ,,...


السلام عليكم ورحمه الله وبركاته ...,,

صباحكم ومسائكم ورد ...,,

اكيد الكل يبي يعرف الموضوع :) تابعوا معاي الموضوع للاخر ...,,

الموضوع يتكلم عن الاخو الي ما ولدته امك اخو مب من لحمك ودمك

جاك من بعيد لا تعرفه ولا يعرفك وكان الله سبحانه اراد ان يعرفكم على بعض

كما يقول البعض احيانا يكون الغريب اقرب لك من القريب

اكيد الاكثريه لهم اصدقاء ولكنهم ليسوا بعاديين فهم مثل الاخوان قريبين لقلوبنا يهتمون لحالنا يخففون اوجاعنا والكثير من الامور بنعرفها داخل القصه ,,...
القصه تقول ...,,...

ابطال القصه اسماءهم وهميه

عبدالله , محمد ,,...

محمد يقول في خاطره : وينه عبود اليوم غريبه ما اتصل ولا طرش مسج
اتصله مايرد توه مطرش برودكاست على البلاك بيري غريبه بطرش له مسج وبشوف .

الرساله النصيه من محمد الى عبدالله

المسج : عبدالله . السلام عليكم . وينك اليوم ماترد علي ولا تتصل فيك شي

عبدالله : وعليكم السلام . هلا . لا ابد مشغول شويه ...,, انتهت الرساله

محمد ويقول لنفسه : اشفيه مب على عادته اول مره يكلمني بالطريقه ذي اكيد فيه شي او زعلان من شي غريبه برد اتصله ...,,,...
اتصال من محمد الى عبدالله : لا يوجد رد

محمد يتصل بك : لا يوجد رد ...,, عبدالله ساكت لا يحب الرد

محمد يتصل بك : لا يوجد رد ...,, عبدالله يقول : اووووه اشيبي ذي الحين برد عليه اشوف اش سالفته ...,, ورد عبدالله على الاتصال وبدا الحوار التالي :

محمد : عبود اشفيك ماترد اتصلك كذا مره

عبدالله : نعم اش تبي خير قول وخلصني

محمد وفي حاله الصدمه : عبدالله اشفيك عسى ماشر متضايق من شي فيك شي حد مضايقك

عبدالله : اوووهوو لا اشفيك ما تفهم ..؟!

محمد وجائته الصدمه والذهول من كلامه : انزين اشفيك مخيس النفس ممكن اعرف شلي مضايقك مب من عادتك تكلمني بالطريقه ذي
عبدالله : انت واتصالك الي مضايقيني ولا مب ممكن تعرف ليش ولا تسال عن السبب

محمد زادت تلك الصدمه وبدا بحاله الضيق وحس ب ان الدنيا من حوله تلتف وتدور وضاقت عليه دنياه ولكنه تماسك نفسه ليرضي عبدالله

محمد : عبدالله ممكن كلمه ...,,...!

عبدالله : قول ...!!!

محمد : انا اخوك يا عبدالله انا اخوك ليش زعلان علي اذا انا الغلطان قولي واعدل غلطتي بس انت لا تتضايق مني ما احب اشوفك متضايق ولا يهون علي

عبدالله بدا يستوعب الكلام الذي قال له محمد وبدا يفكر في القول الذي قاله وبدا يقول في نفسه : اي والله احنا اخوان شلي صار بينا مره وحده ليش انا تغيرت عليه اي اي صح صح امس الشباب كانوا يتكلمون عنه وانا تضايقت منه لانهم كانوا يقولون كلام عنه وعن افعاله وانا مادري عنها

بعد السكوت والتفكير عبدالله يرد على محمد

عبدالله : تدري ليش متضايق منك تدري ليش زعلان

محمد وكله رجاء وامل لمعرفه السبب : ليش قول وانا والله مستعد اراضيك ولا ابي اخسرك

عبدالله : امس كنت مع واحد وقالي تعرف فلان الفلاني الي هو انت وانا قلت له اي قال كذا وكذا وكذا وكذا صج هذا الكلام صج الي انقال ؟؟؟!

محمد والدمع على خده والضيق يزداد على قلبه : عبدالله اسمعني
انا وانت كم سنه مع بعض كل مكان مع بعض سوالف طلعات سفرات وين ما رحت عبدالله عبدالله عبدالله يعني انت بتصدق الكلام الي انقال انت تتوقعها مني انا :) اذا انا بسوي شي اكيد بقولك وانت اول واحد تعرف

عبدالله وفي حاله الحسره : ادري والله ادري بس الشيطان لعب في مخي وخلاني اسوي الي سويته والي كلمني عنك كان يحاول يفرقنا من بعض

احنا اخوان يا حمود لا تزعل علي انا غلطت في حقك وانا اسف وان شاء الله الي صار ما ينعاد وهذا وعد
محمد : قوم انت وخشمك قال انا اسف اقول احنا اخوان ترى ومابين الاخوان زعل افا عليك قوم قوم اقول بمر عليك نروح نغير جو

عبدالله وبعد الضيقه تحولت حالته الى الابتسامه : ههههههه ان شاء الله يا اخوي الحين بس العزيمه عليك

محمد وهو يضحك وبدا بالراحه : اووووك قوم انت بس تدري بقولك شي عبود

عبدالله : هلا امرني ؟!

محمد : ما يامر عليك ظالم (( فقدتك يا اخوي )) لا تعيد حركاتك مره ثاني لا اجي اضربك هههههههههه

عبدالله : حتى انا (( فقدتك )) وفي لحظه فكرت اني بخسرك يا اخوي

بس الحمدلله محد باذن الله يقدر يفرق القلوب

النهايه ...,,...
هذا ما حصل في القصه

وهذا ما حصل في الواقع الشخصيات في القصه خياليه

اما القصه فهي واقعيه مع تغير بسيط في الكلام و القصه

البعض يفهم تلك المحبه الاخويه لانه احس بها ف يكون ذلك الصديق من الاخ القريب يشاركنا في كل شي .. احزاننا قبل افراحنا .. ودموع حزننا قبل دموع فرحنا .. وضيقة قلوبنا قبل سعادتها .. مسيره حياتنا .. مشقه دربنا .. في امور كثيره تحصل في الدنيا لا تلاقي الا ذلك الاخ وغيره من الاخوان الذي رزقهم الله لك للتخفيف عنك

كلامي عن ذلك الشخص الغريب الذي ياتي من بعيد وفي يوم من الايام يكون احد اخوانك المقربين ...,,...

اما الاخوان من لحمي ودمي ف الحمدلله هم اخواني وهم اصدقائي وهم اهلي

فلا تخسر اخوك قبل صديقك لاتخسر رفيق دربك فهو شريكك في كل امور الدنيا وقف معك كما وقفت معه في امور كثيره

فلا تخسر من يحبك ويعزك بمجرد كلام من غريب يحاول التفرقه بينكم

دائما لا تتسرع في الحكم تاكد اولا ثم راضي من تحب لا تتسرع في احكامك

لا تتسرع في خساره اخوانك واحبتك ليس لديك غيرهم

انا اعدهم نعمه من الله فاذا خسرتهم لا عتقد اني سوف اجد مثلهم

بل احاول ان اكسب المزيد منهم ف انا في حاجه لهم وهم في حاجه لي فكلنا اخوان وقلوبنا مترابطه لا تفصل بينها الا وداع الدنيا واللقاء في الاخر


اسال الله ان يجمعني واياكم في جنات النعيم اجمعين يارب امين


القصه ليست منقول انما هي صفحه من صفحات حياتي

لربما البعض يستفيد

والسموحه على الاطاله وجزاكم الله خير




اخوكم في الله قطر love :)
chillis
22-05-2011, 11:20 AM
تسلم على القصه الحلوه واللي فيها عبره فعلا مرات صديق لك يكون اقرب من اخوك الي من امك وابوك
بو الجوري
22-05-2011, 11:23 AM
موضوع حلو أخوي :..:)

و الصراحه عبدالله غلطان :.. دامه عاد محمد أخوه :..
المفرووووض ما يرضى حد يتكلم من وراه :.. و المفروض يروح حق محمد ويقوله :.. السالفه كيت كيت :..
مب يســــــــــحب عليه مره وحده :..:tease:
برق لمع
22-05-2011, 11:25 AM
بس محمد طلع كفو
اخ وصديق للزمن وينحط على الجرح يبرا
missperfect
22-05-2011, 11:32 AM
الدنيا ما تسوى ان الواحد بس همه ان يفرق بين الاحباب وهذا حقد ونقص ومرض في الشخص الي يبي يدمر العلاقات بين الربع
مااقول الا الله يعينه على نفسه

يسلمووو ع القصه
هبوب الكوس
22-05-2011, 11:42 AM
قصة معبرة

ما أكثر الاصحاب حين تعدهم لـكنهـم فــي النائبــات قليــل
قطرية فذة
22-05-2011, 12:09 PM
دامه خويك يامحمد وتحبه خله يوم يومين وارجع له دام طريقته بالتعامل بهذه الطريقة
( الشيطان وقتها نافث نفثة) بيهدى دام النار توها مضطرمه

قلبك كبير والعشره تستاهل صبر توسع الطرف الثاني

بعدها تكلم معه

ثاني شي القلوب وماحوت فيها الكثير من التفاصيل

ومحمد له قلب ودود مكنون بالمحبه معترف بالسنين اللي طافت كلها وحاسبها رصيد ايجابي بحياته

وعبدالله ماحسب هذا كله ؛ تجول في خاطره الافكار في علاقاته مع الآخرين مو بس محمد ولا كان ثمن الوقت وثمن العشره ماكان شحن في قلبه من اول كلمه تنقال بالظهر عن محمد.

والشي الايجابي في محمد انه صمد في وجه الشيطان اللي نفث من بينهم وذكر عبدالله بحياتهم وعهدهم

مثل الطوفه اللي كانت كالغمام على عيون عبدالله

حتى بكلمتين طيبين من محمد كسر هذا الغمام كله.


محمد التصرف اللي تصرف به له درجه كبيره من الأخلاق

عن أبي الدرداء رضي الله عنه قال : قال رسول الله صلى الله عليه وسلم : ( أَلا أُخْبِرُكُمْ بِأَفْضَلَ مِنْ دَرَجَةِ الصِّيَامِ وَالصَّلاةِ وَالصَّدَقَةِ ؟ قَالُوا : بَلَى . قَالَ : صَلاحُ ذَاتِ الْبَيْنِ ، فَإِنَّ فَسَادَ ذَاتِ الْبَيْنِ هِيَ الْحَالِقَةُ ) قَالَ الترمذي : وَيُرْوَى عَنْ النَّبِيِّ صَلَّى اللَّهُ عَلَيْهِ وَسَلَّم أَنَّهُ قَالَ : ( هِيَ الْحَالِقَةُ . لا أَقُولُ تَحْلِقُ الشَّعَرَ ، وَلَكِنْ تَحْلِقُ الدِّينَ )

ثاني شي التصرف اللي تصرف فيه محمد حق عبدالله
نوع من التربيه حق عبدالله لكن تربيه محترمه برقي اخلاقي بحت واذا عبدالله لبيب تكفية الاشاره وبيستوعب خلق محمد ولاعاد يكررها

//

نعمل في الدنيا بأخلاقنا لا اخلاق الناس
مثل البستان اللي لامن هب الهوى فيه حمل مافيه من بذور ولقاح وورد لأرض ثانيه تنبت فيها من البستان زروع طيبه تصلح حياته اذا ماصلحت حياه غيره

ولأن يهدي الله بك رجلاً واحداً خيرٌ لك من حمر النعم


//

شكراً للقصه الجميلة
نفسي عزيزه
22-05-2011, 12:28 PM
موضووووووووووووعك حلو مثلك

مشكور اخوي وننتظر مواضيعك الحلوه
بوخالد911
22-05-2011, 12:42 PM
الله يجمعنا على خير
القيسي
22-05-2011, 12:49 PM
الله يديم المحبة بينكم
قطر love
22-05-2011, 01:27 PM
تسلم على القصه الحلوه واللي فيها عبره فعلا مرات صديق لك يكون اقرب من اخوك الي من امك وابوك

الله يسلمج

صح مرات الصديق يمكن اول مره يكون مجرد صديق بس مع مرور الوقت يكون قريب منك ويكون مثل اخوك


يعطيج العافيه
JN000N
22-05-2011, 01:47 PM
عورت قلبي القصه :(

شفيني صايره حساسه :omen2: :(

الله كريم بس.. واذا كان عبدالله طول المده يمثل الاخوه؟ ومحمد مسكين على نياته :(

يعطيك العافيه قطر لوف قصه معبره وحلوه

وين الماي المثلج مادري العصير ؟ :secret:
toomi9
22-05-2011, 01:58 PM
ايييـه والله صدقت
الله يديم المحبه والصداقه الاخويه يارب
مستر بن
22-05-2011, 02:13 PM
ايي والله ’’


انا تعرفت ع وااحد , ما كملنا سنة ’’

وكنت مع الربع ’’

ف كل ما يجينا المجلس ’’

او اشووفة ف اي مكاان ’’

اذا قعدت عنده يقول


اففففففففففففففففففففففف ’’


ويقووم ’’


مع الايام سفهت له ’’
من كم اسبووع اشوفه رجع وكل ما اقعد يجي يقعد جمبي ’’


استغربت ’’

قلت له ممكن سؤال ’’

قالي تفضل ’’

هو اردني ’’

قلت له شبلاك قبل كنت تسب وكل ما اقعد جمبك تقعد تتأفف ’’

وتطلع عني كلام وجي .,,


قالي لأن في واحد من ربعه ’’ قاله انا علي الانصاري ’’ يسبك جي ويطلع عنك كلام ’’

بس الحمد لله ’’ رجع والحين اكلمة ’’ عااادي ’’


وذاك اللي طلع عني كلام ما اشووفة ’’

واذا شفته ولا جني اعرفه ’’

والصرااحة موضووع ’’ رائع ’’

وانا ما احب اقرى ’’ بس قلت خلني ’’

اشوف الموضوع ’’


لان العنوان جذاب ’’

وتسلم يالغالي ’’
بصمة قطرية
22-05-2011, 02:25 PM
صيحتني القصة :weeping:
حسبي الله على هاللي يفرقون بين الناس ..
مادري شالمتعة اللي يحسون فيها لي فرقوا بين فلان وفلان
الله لا يحرمكم من بعض ..
هالسالفة صارت كثير ..
للأسف مرات في ناس تصدق وتخسر صداقة عمر
بسبب كلام الناس ..!!
اللي يقول لك فلان قال كذا وكذا تأكد انه يروح لغيرك ويتكلم عنك ..
مافيه خير اللي يتكلم عن غيره ..

سبحان الله مرات كثيرة الصديق يكون أقرب من الأخ
( رب أخٍ لك لم تلده أمك )

تسلم قطر love
على القصه الممتعة
والله يديم المعزو بينكم ..:)
قطر love
22-05-2011, 03:24 PM
موضوع حلو أخوي :..:)

و الصراحه عبدالله غلطان :.. دامه عاد محمد أخوه :..
المفرووووض ما يرضى حد يتكلم من وراه :.. و المفروض يروح حق محمد ويقوله :.. السالفه كيت كيت :..
مب يســــــــــحب عليه مره وحده :..:tease:




مرورك الاحلى خيو بوالجوري

عبدالله غلطان غلطان بس هو بعد عنده ضروف تحكمه

ولا تنسى القصه مب مكتوب فيها كل التفاصيل :)

لا ما سحب ههههه للحين موجود :)
قطر love
23-05-2011, 08:18 AM
بس محمد طلع كفو
اخ وصديق للزمن وينحط على الجرح يبرا

جزاك الله خير

والاخوان مهما اختلفوا مردهم بيرجعون حق بعض لانهم اخوان :)
قطر love
23-05-2011, 08:21 AM
الدنيا ما تسوى ان الواحد بس همه ان يفرق بين الاحباب وهذا حقد ونقص ومرض في الشخص الي يبي يدمر العلاقات بين الربع
مااقول الا الله يعينه على نفسه

يسلمووو ع القصه

والله هذي الدنيا فيها مشاكل وهموم وناس همهم تفريق الغير

وتفريق الاخوان حوله اي والله الله يعينه على نفسه لانه نفس مريضه

وقلب حاقد واسود


الله يسلمج :)
بـــــــنت النوخـّــــذه
23-05-2011, 09:11 AM
عورت قلبي القصه << اتقلد :p

يعني صراحه عبدالله ماعنده سالفه على طول قلب الوي الثاني اول ماسمع عن رفيجه كأنه مصدق فيه:(

ماحب هالنوعيه 00دامك عارفه اشله تتهرب منه ومخيس النفس00:omen2:


وبعدين يحليلهم الشباب والله كنت احسب سوالف القيل والقال محصوره بمجتمع الحريم طلعوا الشباب ادمر منهم ويزعلون بعد :rolleyes2:

عموما" قصه فيها عبره مهب فقط بالصداقه بل بحسن الظن لازم الشخص مايسلم اذنه لكل من هب ودب000

انا لو مكان عبدالله صراحه اوقف الواشي عند حده واترد علاقتي طبيعيه مع محمد ولاكنه صار شي 00ولا اقوله من قال فيه بس احاول انبهه بطريقه حلوه ماخليه يحقد على حد0


مشكلتنا كل شي انصدقه وانقط اذنا له

شرايكم بهذا المثل :

عدوك مو الى قال فيك عدوك من بلغك
مشكور

دمتم سالمين
:)
R 7 A L
23-05-2011, 09:12 AM
حتى على مستوى الدول تصير :secret:
قطر love
23-05-2011, 10:40 AM
قصة معبرة

ما أكثر الاصحاب حين تعدهم لـكنهـم فــي النائبــات قليــل


جزاك الله خير يا هبوب

وصدقت يا مكثر الاصدقاء بس يا قله الاخوان بينهم

:)
الحياة الخالدة
25-05-2011, 05:52 AM
قصـــــــة مؤثرة .. و الحمد لله ان نهايتها سعيدة ..

فيها الكثير من العبـــــر ..

لو كل واحد منا تفكر فيها ..

الصديق الحقيقي اللي قلبه عليك هالايام .. وين تلقاه ..

الصديق الحقيقي .. اللي ما يصدق فيك .. و اللي يعذرك و يعذرك و يعذرك مهما سويت و قلت .. وين تلقاه ..

الصديق اللي يعزك و يحبك محبة الأخ و أكثر .. وين تلقاه ..

و الله ان الواحد فينا لما تصك فيه الدنيا و يصغر العالم من حواليه ..
ان ما يطلعه من الحالة اللي هو فيها من عقب رحمة ربنا ..
إلا يد رفيجـــه اللي تمسح دمعته .. و ترسم الابتسامة على وجهه .. حتى لو ما كان له خلق يبتسم ..
كلمة وحدة منه ترفعك فوق .. و تغسل همومك و حزنك .. و تخليك تحمد الله مليون مرة انه أنعم عليك بوجود مثل هذا الشخص في حياتك ..

شكراً لك أخـــــوي قطر love
الله لا يحرمنا و لا يحرمك من هالنعمـــــة .. :omen2:
قطر love
25-05-2011, 09:07 AM
دامه خويك يامحمد وتحبه خله يوم يومين وارجع له دام طريقته بالتعامل بهذه الطريقة
( الشيطان وقتها نافث نفثة) بيهدى دام النار توها مضطرمه

قلبك كبير والعشره تستاهل صبر توسع الطرف الثاني

بعدها تكلم معه

ثاني شي القلوب وماحوت فيها الكثير من التفاصيل

ومحمد له قلب ودود مكنون بالمحبه معترف بالسنين اللي طافت كلها وحاسبها رصيد ايجابي بحياته

وعبدالله ماحسب هذا كله ؛ تجول في خاطره الافكار في علاقاته مع الآخرين مو بس محمد ولا كان ثمن الوقت وثمن العشره ماكان شحن في قلبه من اول كلمه تنقال بالظهر عن محمد.

والشي الايجابي في محمد انه صمد في وجه الشيطان اللي نفث من بينهم وذكر عبدالله بحياتهم وعهدهم

مثل الطوفه اللي كانت كالغمام على عيون عبدالله

حتى بكلمتين طيبين من محمد كسر هذا الغمام كله.


محمد التصرف اللي تصرف به له درجه كبيره من الأخلاق

عن أبي الدرداء رضي الله عنه قال : قال رسول الله صلى الله عليه وسلم : ( أَلا أُخْبِرُكُمْ بِأَفْضَلَ مِنْ دَرَجَةِ الصِّيَامِ وَالصَّلاةِ وَالصَّدَقَةِ ؟ قَالُوا : بَلَى . قَالَ : صَلاحُ ذَاتِ الْبَيْنِ ، فَإِنَّ فَسَادَ ذَاتِ الْبَيْنِ هِيَ الْحَالِقَةُ ) قَالَ الترمذي : وَيُرْوَى عَنْ النَّبِيِّ صَلَّى اللَّهُ عَلَيْهِ وَسَلَّم أَنَّهُ قَالَ : ( هِيَ الْحَالِقَةُ . لا أَقُولُ تَحْلِقُ الشَّعَرَ ، وَلَكِنْ تَحْلِقُ الدِّينَ )

ثاني شي التصرف اللي تصرف فيه محمد حق عبدالله
نوع من التربيه حق عبدالله لكن تربيه محترمه برقي اخلاقي بحت واذا عبدالله لبيب تكفية الاشاره وبيستوعب خلق محمد ولاعاد يكررها

//

نعمل في الدنيا بأخلاقنا لا اخلاق الناس
مثل البستان اللي لامن هب الهوى فيه حمل مافيه من بذور ولقاح وورد لأرض ثانيه تنبت فيها من البستان زروع طيبه تصلح حياته اذا ماصلحت حياه غيره

ولأن يهدي الله بك رجلاً واحداً خيرٌ لك من حمر النعم


//

شكراً للقصه الجميلة




الحمدلله عبدالله ومحمد للحين اخوان وباذن الله ما يفرقهم حد الا الله سبحانه

مرات البعض يكون على حسب الضروف ومشاغل الدنيا الضغط الكبير الي يحصل للواحد سواء في الدوام او البيت او او او وهو يحصل اقرب فرصه للتفريغ كل الشحنات ف ما يلاقي الا القريب منه ويتكون من وساوس الشيطان والعياذ بالله

كثر ما الواحد يقدر يحاول يمشي على سنن الرسول عليه الصلاه والسلام والصحابه رضوان الله عليهم


جزاج الله خير اختي قطريه على الكلام الطيب وجمعنا الله وياكم مع الرسول في جنات الخلد

جزاكم الله خير الله لا يفرقكم من قريب ولا حبيب
قطر love
25-05-2011, 09:08 AM
موضووووووووووووعك حلو مثلك

مشكور اخوي وننتظر مواضيعك الحلوه

جزاك الله خير اخوي نفسي عزيزه
توقيعك عجبني ههههههه

مرورك الاحلى والاروع :nice:
ابن الجزيره
25-05-2011, 09:11 AM
اخوي ...,, وينك ...,, فقدتك ,,...



اسال الله ان يجمعني واياكم في جنات النعيم اجمعين يارب امين


القصه ليست منقول انما هي صفحه من صفحات حياتي

لربما البعض يستفيد

والسموحه على الاطاله وجزاكم الله خير




اخوكم في الله قطر love :)


صاحبتني ياخــــــوي ماهـــو لوجــه الله العفاسى
صاحبتني ياخــــــوي ماهـــو لوجــه الله

الله علـــى الظالـــم والمظلــــــوم له الله
لصحبه عزة وقدر وأخلاص في العشرة

صاحبتني ياخــــــوي ماهـــو لوجــه الله
تظلــــــم صديقن صدق وياك كـــل عمــره

الله علـــى الظالـــم والمظلــــــوم لـــه الله
شلتك في عين الغلا من العسرى لليسرى

ما مـــره فيـــك أخطـــيت تذكــــر يا عبدالله
إلي شتراك بعمره هــــــــذا اهـــوو قــــدره

الله علــــى الظالـــــم والمظلــــوم لــــه الله
تشــــــرب غديـــــــــر المــــاي وأنا المـــره

هـــــذا المثـــــــل بالامس قالوه خلـــــق الله
جلد ماهو بجلدك علـــــــى الشــــوق جـــــره
الله علـــى الظالـــم والمظلــــــوم لــــــــه الله
أحمل في قلبـــــــي جرح مـــن عشــرة مـــره

طعنتـــــي بالغــــــدر أرحـــــــــم وخـــــاف الله
أنتــــه ايدك فــــــي الماي وانا علـــى الجمره


الله علــــى الظالـــــــــم والمظلــــوم لــــــه الله

ودمتم سالمين
قطر love
30-05-2011, 08:35 AM
الله يجمعنا على خير

امييييين يارب اجمعين




الله يديم المحبة بينكم

اجمعين يارب امييين
قطر love
30-05-2011, 08:36 AM
عورت قلبي القصه :(

شفيني صايره حساسه :omen2: :(

الله كريم بس.. واذا كان عبدالله طول المده يمثل الاخوه؟ ومحمد مسكين على نياته :(

يعطيك العافيه قطر لوف قصه معبره وحلوه

وين الماي المثلج مادري العصير ؟ :secret:




سلامه قلبج :)


ماتدرين بالضروف ممكن تخلي اي واحد يتاثر ب اي كلمه او فعل

الله يعافيج يارب

وجزاج الله خير


والماي المثلج والعصير في الثلاجه :secret:
قطر love
30-05-2011, 08:37 AM
ايييـه والله صدقت
الله يديم المحبه والصداقه الاخويه يارب

امييييييييييين يارب

جزاج الله خير
قطر love
30-05-2011, 08:39 AM
ايي والله ’’


انا تعرفت ع وااحد , ما كملنا سنة ’’

وكنت مع الربع ’’

ف كل ما يجينا المجلس ’’

او اشووفة ف اي مكاان ’’

اذا قعدت عنده يقول


اففففففففففففففففففففففف ’’


ويقووم ’’


مع الايام سفهت له ’’
من كم اسبووع اشوفه رجع وكل ما اقعد يجي يقعد جمبي ’’


استغربت ’’

قلت له ممكن سؤال ’’

قالي تفضل ’’

هو اردني ’’

قلت له شبلاك قبل كنت تسب وكل ما اقعد جمبك تقعد تتأفف ’’

وتطلع عني كلام وجي .,,


قالي لأن في واحد من ربعه ’’ قاله انا علي الانصاري ’’ يسبك جي ويطلع عنك كلام ’’

بس الحمد لله ’’ رجع والحين اكلمة ’’ عااادي ’’


وذاك اللي طلع عني كلام ما اشووفة ’’

واذا شفته ولا جني اعرفه ’’

والصرااحة موضووع ’’ رائع ’’

وانا ما احب اقرى ’’ بس قلت خلني ’’

اشوف الموضوع ’’


لان العنوان جذاب ’’

وتسلم يالغالي ’’



في وايدين الي كل همهم وحياتهم يفرقون بين الاخوان والناس اذا هو تعور من واحد خلاص يخلي كل الناس يكرهون بعض ويكرس حياته انه يفرق بين الكل اشاعه على ذي كلمه على ذلك هوشه مع هاي ويخلص الموضوع الله المستعان



شرفني مرورك بوحسن
قطر love
30-05-2011, 08:43 AM
صيحتني القصة :weeping:
حسبي الله على هاللي يفرقون بين الناس ..
مادري شالمتعة اللي يحسون فيها لي فرقوا بين فلان وفلان
الله لا يحرمكم من بعض ..
هالسالفة صارت كثير ..
للأسف مرات في ناس تصدق وتخسر صداقة عمر
بسبب كلام الناس ..!!
اللي يقول لك فلان قال كذا وكذا تأكد انه يروح لغيرك ويتكلم عنك ..
مافيه خير اللي يتكلم عن غيره ..

سبحان الله مرات كثيرة الصديق يكون أقرب من الأخ
( رب أخٍ لك لم تلده أمك )

تسلم قطر love
على القصه الممتعة
والله يديم المعزو بينكم ..:)




امييييين يارب ولا يفارقج قريب ولا حبيب يارب امين


الناس اجناس في منها الطيب والحبيب وفي منها الخبيث والضار يضر الاخرين

قال رسول الله – صلى الله عليه وسلم - : " إنما مثل الجليس الصالح والجليس السوء كحامل المسك ونافخ الكير فحامل
المسك أما أن يجذبك وإما أن تبتاع منه وإما أن تجد منه ريحاُ طيبة .. ونافخ الكير إما أن يحرق ثيابك وإما أن تجد منه ريحاً منتنة "
حديث صحيح - أخرجه مسلم فى مسنده - عن أبو موسى الأشعري

اكتفي بكلامج

سبحان الله مرات كثيرة الصديق يكون أقرب من الأخ
( رب أخٍ لك لم تلده أمك )


الله يسلمج وجزاج الله خير
قطر love
30-05-2011, 08:49 AM
عورت قلبي القصه << اتقلد :p

يعني صراحه عبدالله ماعنده سالفه على طول قلب الوي الثاني اول ماسمع عن رفيجه كأنه مصدق فيه:(

ماحب هالنوعيه 00دامك عارفه اشله تتهرب منه ومخيس النفس00:omen2:


وبعدين يحليلهم الشباب والله كنت احسب سوالف القيل والقال محصوره بمجتمع الحريم طلعوا الشباب ادمر منهم ويزعلون بعد :rolleyes2:

عموما" قصه فيها عبره مهب فقط بالصداقه بل بحسن الظن لازم الشخص مايسلم اذنه لكل من هب ودب000

انا لو مكان عبدالله صراحه اوقف الواشي عند حده واترد علاقتي طبيعيه مع محمد ولاكنه صار شي 00ولا اقوله من قال فيه بس احاول انبهه بطريقه حلوه ماخليه يحقد على حد0


مشكلتنا كل شي انصدقه وانقط اذنا له

شرايكم بهذا المثل :

عدوك مو الى قال فيك عدوك من بلغك
مشكور

دمتم سالمين
:)

ههههههههه

ما ندري عن ضروف عبدالله وضغوطاته يمكن ضغط الشغل ولا البيت تخلي الواحد مايكون له خلق شي وينطر اقل شي لتفريغ الضغط


هههههه في الشباب بعد الموضوع ما يقتصر على البنات بس


صح لسانج احسن الظن وتاكد من الكلام قبل ما تسوي شي وتندم علبه نتيجه التسرع

مشكلتنا ما نتاكد من شي على طول نبي ناخذ اجراء في الكلام كل همنا شلون نرد له الضربه


جزاج الله خير
:)
قطر love
30-05-2011, 08:50 AM
حتى على مستوى الدول تصير :secret:

انا ماقلت شي :secret:
مستثمر اول
30-05-2011, 08:54 AM
الله لايفرقكم انشاء الله
قطر love
30-05-2011, 09:01 AM
قصـــــــة مؤثرة .. و الحمد لله ان نهايتها سعيدة ..

الحمدلله كانت نهايه سعيده :)

فيها الكثير من العبـــــر ..

لو كل واحد منا تفكر فيها ..

العبر موجوده في كل مكان وزمان بس لازم الواحد يتعلم

الصديق الحقيقي اللي قلبه عليك هالايام .. وين تلقاه ..

الصديق الحقيقي .. اللي ما يصدق فيك .. و اللي يعذرك و يعذرك و يعذرك مهما سويت و قلت .. وين تلقاه ..

الصديق اللي يعزك و يحبك محبة الأخ و أكثر .. وين تلقاه ..


الصديق موجود والطيب موجود بس الثقه مب موجوده من كثر الحقد والحسد قلوب الناس ماتت :weeping:


و الله ان الواحد فينا لما تصك فيه الدنيا و يصغر العالم من حواليه ..
ان ما يطلعه من الحالة اللي هو فيها من عقب رحمة ربنا ..
إلا يد رفيجـــه اللي تمسح دمعته .. و ترسم الابتسامة على وجهه .. حتى لو ما كان له خلق يبتسم ..
كلمة وحدة منه ترفعك فوق .. و تغسل همومك و حزنك .. و تخليك تحمد الله مليون مرة انه أنعم عليك بوجود مثل هذا الشخص في حياتك ..

شكراً لك أخـــــوي قطر love
الله لا يحرمنا و لا يحرمك من هالنعمـــــة .. :omen2:


وقت الحزن والدمع تنمد لك يد الاخو الي وقف معاك مهما كانت دموعك كثيره ممكن كلمه وحده بس توقف دموعك وترسم الابتسامه على ويهك وتتغير حياتك بعد الحزن

نفس ما قلتي ممكن بكلمه وحده تغير الحال من الحزن الى الفرح دون الشعور بذلك

جزاج الله خير اختي

امييييييييين يارب ولا يحرمنا من كل غالي

ولا يحرمنا من الوالدين وجنات النعيم ياااااااارب ارزقنا الجنه واعلى درجاتها
قطر love
30-05-2011, 09:02 AM
صاحبتني ياخــــــوي ماهـــو لوجــه الله العفاسى
صاحبتني ياخــــــوي ماهـــو لوجــه الله

الله علـــى الظالـــم والمظلــــــوم له الله
لصحبه عزة وقدر وأخلاص في العشرة

صاحبتني ياخــــــوي ماهـــو لوجــه الله
تظلــــــم صديقن صدق وياك كـــل عمــره

الله علـــى الظالـــم والمظلــــــوم لـــه الله
شلتك في عين الغلا من العسرى لليسرى

ما مـــره فيـــك أخطـــيت تذكــــر يا عبدالله
إلي شتراك بعمره هــــــــذا اهـــوو قــــدره

الله علــــى الظالـــــم والمظلــــوم لــــه الله
تشــــــرب غديـــــــــر المــــاي وأنا المـــره

هـــــذا المثـــــــل بالامس قالوه خلـــــق الله
جلد ماهو بجلدك علـــــــى الشــــوق جـــــره
الله علـــى الظالـــم والمظلــــــوم لــــــــه الله
أحمل في قلبـــــــي جرح مـــن عشــرة مـــره

طعنتـــــي بالغــــــدر أرحـــــــــم وخـــــاف الله
أنتــــه ايدك فــــــي الماي وانا علـــى الجمره


الله علــــى الظالـــــــــم والمظلــــوم لــــــه الله

ودمتم سالمين



الله علـــى الظالـــم والمظلــــــوم له الله
لصحبه عزة وقدر وأخلاص في العشرة



صح الله لسانك

جزاك الله خير
قطر love
30-05-2011, 09:03 AM
الله لايفرقكم انشاء الله

امييييييين يارب جزاك الله خير
نفسي عزيزه
31-05-2011, 01:12 PM
http://t2.gstatic.com/images?q=tbn:ANd9GcQK9ALc-rtPsSgb-nMLjNM4g0lGsR5RKP5D6B-Cg2fNxHZAeS3J:2.bp.blogspot.com/_2exZWMiVTwU/SnjoCzD423I/AAAAAAAABH8/2VMUOTNPJEU/s320/%25D8%25A7%25D8%25B5%25D8%25AF%25D9%2582%25D8%25A7 %25D8%25A1.jpg
شبح الصمت
31-05-2011, 01:19 PM
آآآآآآي

:(

الله يرحمك ياخوي خالد المالكي ويغفر لك ويغمد روحـك الجنــه

لي جيت اذكرك هف صدري بذكراك
ولي جيت اناديك ضاق قلب خويــك

دنيا خذتك وتــــبي تمحــي ذكــراك
ربا غفور وجنـة يا عساها مثواك