المساعد الشخصي الرقمي

مشاهدة النسخة كاملة : اول صوره لخريطة البيت , اخواني رايكم مهم @@@


Qt.1
22-05-2011, 03:52 PM
هذي اول خريطه للبيت واي تعديل اخواني او اي ملاحظه انا بانتظاركم ..

http://www.m5zn.com/uploads/2011/5/22/photo/0522110505182se24hvqc2kuhlcyj.jpg (http://create-avatar.m5zn.com/)





http://www.m5zn.com/uploads/2011/5/22/photo/052211050518yuphojy.jpg (http://create-avatar.m5zn.com/)
ZURICH
22-05-2011, 04:11 PM
الله يجعلة بيت مبارك باهلة

تصميم جميل و قريب جداً من منزل اخوي

شغلك حلو ووضع دورة مياة خاصة لكل غرفة مهم جدااا

بعض الغرف مساحتها صغيرة شوي .. حاول تزيد المساحة ( وسع انت المستفيد )

دير بالك على مساحة الممرات الداخلية للفيلا

وحاول يااخي الكريم في تصميمك ان يكون الحمام فوق الحمام ( قدر المستطاع )

وملاحظات تصاميم الفلل كثيرة واتمنى الجميع يفيدونك

كل التوفيق لك *
Qt.1
22-05-2011, 04:16 PM
الله يجعلة بيت مبارك باهلة

تصميم جميل و قريب جداً من منزل اخوي

شغلك حلو ووضع دورة مياة خاصة لكل غرفة مهم جدااا

بعض الغرف مساحتها صغيرة شوي .. حاول تزيد المساحة ( وسع انت المستفيد )

دير بالك على مساحة الممرات الداخلية للفيلا

وحاول يااخي الكريم في تصميمك ان يكون الحمام فوق الحمام ( قدر المستطاع )

وملاحظات تصاميم الفلل كثيرة واتمنى الجميع يفيدونك

كل التوفيق لك *

الله يرحم لي والديك , بالنسبه للحمامات اعزك الله واعز القارئ , تقريبا الحمامات فوق بعض , اما بالنسبه لمساحة الغرف اهي نوعا ما جيده لكن اذا في امكانية تكبيرها اشوي ليش لا .
La Bella
22-05-2011, 04:18 PM
غرفة الكوي لو تبعدها عن المطبخ
ريحة الطباخ بتعلق بالثياب
Qt.1
22-05-2011, 04:23 PM
غرفة الكوي لو تبعدها عن المطبخ
ريحة الطباخ بتعلق بالثياب

فعلا ملاحظه مهمه , مشكوره على مروج اختي.
barod
22-05-2011, 10:19 PM
تصميم جميل بس لو تحط بدال البانيو بالحمامات الله يعزك شاورات اتوقع افضل لانها عمليه اكثر والله يبارك لك في المنزل
بوفصول
22-05-2011, 10:29 PM
خريطة حلوة ماشاء الله

كنسل حمام الغرفة الارضية ، وخل الخارجي

الملحق ، لو اتسوي غرفتين و بينهم حمام ،طبعا اتكنسل غرفة الاوتي، وباب الاستور خله على برع .. وكذلك غرفة الغسيل

بالتوفيق
Qt.1
22-05-2011, 10:37 PM
تصميم جميل بس لو تحط بدال البانيو بالحمامات الله يعزك شاورات اتوقع افضل لانها عمليه اكثر والله يبارك لك في المنزل

شكرا لمرورك اخي الكريم , والخريطه هذه تقريبيه للحمامات اعزك الله , بمعنى ليس من الضروره وضع البانيو :)
mr_qtr
22-05-2011, 10:38 PM
حلوو ماشاءالله تبارك الرحمن

الله يبارك لك ان شاءالله والاخوان ماقصروا بالملاحظات

ملاحظتي نفس ملاحظة اخوي حوران

كبر الغرف :)

وبالتوفيق ان شاءالله
ام رويشد
22-05-2011, 10:39 PM
حلووه بس الدرج احس مكانه غلط مايبين لاتسوي نفس غلطتنا ماكتشفت ان الدرج شكله مهم في البيت الا عقب ماستوى
Qt.1
22-05-2011, 10:40 PM
خريطة حلوة ماشاء الله

كنسل حمام الغرفة الارضية ، وخل الخارجي

الملحق ، لو اتسوي غرفتين و بينهم حمام ،طبعا اتكنسل غرفة الاوتي، وباب الاستور خله على برع .. وكذلك غرفة الغسيل

بالتوفيق

ملاحظه طيبه اخوي وتسلم على النصيحه :)
فارس الكلمة
22-05-2011, 10:47 PM
كم مساحة بناء الدور الأرضي .. بدون الملاحق ..؟

هل حسبت تكلفة البناء و مدى توافر الميزانية المخصصة له ..؟

كم مساحة الأرض ..؟ ألف مبروك مقدماً ..
Qt.1
22-05-2011, 11:23 PM
خريطة حلوة ماشاء الله

كنسل حمام الغرفة الارضية ، وخل الخارجي

الملحق ، لو اتسوي غرفتين و بينهم حمام ،طبعا اتكنسل غرفة الاوتي، وباب الاستور خله على برع .. وكذلك غرفة الغسيل

بالتوفيق

تسلم اخوي على الملاحظه الطيبه
Qt.1
22-05-2011, 11:23 PM
حلوو ماشاءالله تبارك الرحمن

الله يبارك لك ان شاءالله والاخوان ماقصروا بالملاحظات

ملاحظتي نفس ملاحظة اخوي حوران

كبر الغرف :)

وبالتوفيق ان شاءالله

الله يرحم لي والديك , وبكره ان قالها الله بمر على الااستشاري وبشوف موضوع الغرف .
Qt.1
22-05-2011, 11:25 PM
حلووه بس الدرج احس مكانه غلط مايبين لاتسوي نفس غلطتنا ماكتشفت ان الدرج شكله مهم في البيت الا عقب ماستوى

هلا لااختي فعلا الدرج يعطي منظر حلو تسلمين على مرورج
Qt.1
22-05-2011, 11:29 PM
كم مساحة بناء الدور الأرضي .. بدون الملاحق ..؟

283.73
هل حسبت تكلفة البناء و مدى توافر الميزانية المخصصة له ..؟
للحين اخوي

كم مساحة الأرض ..؟ ألف مبروك مقدماً ..

مساحة الاارض 1174.80sqm
بوسعيد2
22-05-2011, 11:59 PM
مبروك أن شاء الله
almaf1a
23-05-2011, 08:46 AM
ماشاء الله ترتيب حلو جدا
احب اثني على المصمم لانه حدد اماكن الجلسه واسرة النوم (ولا يوجد شبابيك ورى اسرة النوم احسن شئ)
وهذا مهم جدا في توزيع المكيفات والسوكتات للكرباء وافضل انه يوزع مكيفاتك من اللحين

عندي استفسار بسيط
هل انت محتاج للباب الي يفتح على مغاسل المطعم من جهة الصالة
يعني المغاسل والحمام هذا الله يكرم السامع راح يخدمون الصالة(اهل البيت) والمجلس (الضيوف)
او الحمام الي عند المطبخ هو الي بيخدم الصاله ويكون للاستخدام اليومي
لاني احس ان ماله داعي ومسبب ضيق ومخرب المنظر
الاستور الخارجي الي بجنب الغرفه ليش فاتح من جهه مختلفه عن الباقي انت متعمد الشئ هذا


الله يباركلك فيه مقدما ويعيينك على البنيان
تصميم رائع جدا
مضارب دوسري
23-05-2011, 10:36 AM
السلام عليكم
ان شاء الله منزل مبارك اخوي قطر

اخوي نصيحتي ممكن تكون حسب وجهة نظري
ان تلغي الطوف فالدور الارضي واقصد فيها طوفة المجلس المواجهه للممر
عشان تستغل الممر اللي فالنص بين المجلس والصاله عشان يكون المكان كبير وتقدر تستغل الممر سواء من الديكور او منظر جمالي للبيت
انا عن نفسي ناوي اخليها الدور الارضي مفتوح كااااامل ماعدا غرفة الطعام وغرفة النوم
الامير
23-05-2011, 10:49 AM
جعله بيت مبارك
نصيحه لا تكبر الغرف وبذات غرفتك وانت فوق فقط 3 غرف لا كثر الغرف وصغرها وكبر غرفت الملابس
الامير
23-05-2011, 10:50 AM
اذا قدرت تحط بيسمت سو اكبر نصيحه ااقدمها لك
مضارب دوسري
23-05-2011, 10:51 AM
اخوي من خلال بعض ردودك
اشوف انك للحين ماعرفت سعر البناء كم بيكون عليك
وبصراحه هذا خطا كبير اخوي
اخوي يفضل تكون عارف ميزانيتك كم بتكون
ولازم تحط في بالك اذا كان اعتمادك على قرض التنميه يفضل تحط في بالك ان البيت عظم وبلاستر وعازل وكهربا وبايب فيتر يخلص لك كل اعمال الحمامات لازم هذا كله يكون ب 700 الف على اعلى تقدير
عشان يبقى لك ميزانية للتشطيب
انت تقول الدور الارضي 284 هذا يعني الفيلا كامله بدون ملاحق بتكون ب 568 متر يعني لو فرضنا مع الملاحق بتوصل 640 والمتر في حدود ال1100 ريال للمقاول هذا يعني 700 الف ريال عطم بس بدون بلاستر وبايب فيتر وكهربا وعازل وهذولي بروحهم يبيلهم 150 الف تقريبا
معناها لازم تعيد حساباتك اخوي الا اذا كان عندك مبلغ جيد يكون عندك غير قرض التنميه

انا اقول هالكلام اخوي عشان في وقت التشطيب ماتتوهق
واتمنى لك التوفيق
نصيحة اخيره حسب راي اغلب الناس التشطيب يساوي ثلاث ارباع سعر العظم مع كهربا وبايب فيتر وعازل وبلستر

يعني اذا طلع كله عليك ب 800 الف معناها التشطيب يحتاج 600 الف
هذا يعني يبيلك 200 الف ريال وطبعا على حسب نوع التشطيب
simsim1963
23-05-2011, 10:53 AM
مساحه الماستر كبيره مالك حاجه فيها . ليش ما تقسمها غرفتين 5 في 5 كل غرفه وتربط غرفه مع الغرفه الثانيه وبينهم الحمام أحسن للمستقبل بتحتاج لها .
مضارب دوسري
23-05-2011, 10:54 AM
القصد في جميع اعمال الحمامات هو تركيب البلاط يعني تركيب فقط
Qt.1
23-05-2011, 03:34 PM
ماشاء الله ترتيب حلو جدا
احب اثني على المصمم لانه حدد اماكن الجلسه واسرة النوم (ولا يوجد شبابيك ورى اسرة النوم احسن شئ)
وهذا مهم جدا في توزيع المكيفات والسوكتات للكرباء وافضل انه يوزع مكيفاتك من اللحين

عندي استفسار بسيط
هل انت محتاج للباب الي يفتح على مغاسل المطعم من جهة الصالة
يعني المغاسل والحمام هذا الله يكرم السامع راح يخدمون الصالة(اهل البيت) والمجلس (الضيوف)
او الحمام الي عند المطبخ هو الي بيخدم الصاله ويكون للاستخدام اليومي
لاني احس ان ماله داعي ومسبب ضيق ومخرب المنظر
الاستور الخارجي الي بجنب الغرفه ليش فاتح من جهه مختلفه عن الباقي انت متعمد الشئ هذا


الله يباركلك فيه مقدما ويعيينك على البنيان
تصميم رائع جدا

اشكرك اخوي على اهتمامك وملاحظتك , لا مهب بحاجه للباب ممكن الغيه , وباب الااستور فعلا ممكن ايكون مقابل البيت مهب المدخل.
Qt.1
23-05-2011, 03:36 PM
السلام عليكم
ان شاء الله منزل مبارك اخوي قطر

اخوي نصيحتي ممكن تكون حسب وجهة نظري
ان تلغي الطوف فالدور الارضي واقصد فيها طوفة المجلس المواجهه للممر
عشان تستغل الممر اللي فالنص بين المجلس والصاله عشان يكون المكان كبير وتقدر تستغل الممر سواء من الديكور او منظر جمالي للبيت
انا عن نفسي ناوي اخليها الدور الارضي مفتوح كااااامل ماعدا غرفة الطعام وغرفة النوم

تسلم على مرورك اخوي , لكن مايصير الغي الطوفه بهالطريقه مابيكون خصوصيه للمجلس , ولنفرض في نساء ضيوف بالمجلس لازم ايكون عندهم خصوصيه عن الصاله .
Qt.1
23-05-2011, 03:36 PM
جعله بيت مبارك
نصيحه لا تكبر الغرف وبذات غرفتك وانت فوق فقط 3 غرف لا كثر الغرف وصغرها وكبر غرفت الملابس

نصيحه مهمه شكرا للمرور الطيب.
Qt.1
23-05-2011, 03:39 PM
اخوي من خلال بعض ردودك
اشوف انك للحين ماعرفت سعر البناء كم بيكون عليك
وبصراحه هذا خطا كبير اخوي
اخوي يفضل تكون عارف ميزانيتك كم بتكون
ولازم تحط في بالك اذا كان اعتمادك على قرض التنميه يفضل تحط في بالك ان البيت عظم وبلاستر وعازل وكهربا وبايب فيتر يخلص لك كل اعمال الحمامات لازم هذا كله يكون ب 700 الف على اعلى تقدير
عشان يبقى لك ميزانية للتشطيب
انت تقول الدور الارضي 284 هذا يعني الفيلا كامله بدون ملاحق بتكون ب 568 متر يعني لو فرضنا مع الملاحق بتوصل 640 والمتر في حدود ال1100 ريال للمقاول هذا يعني 700 الف ريال عطم بس بدون بلاستر وبايب فيتر وكهربا وعازل وهذولي بروحهم يبيلهم 150 الف تقريبا
معناها لازم تعيد حساباتك اخوي الا اذا كان عندك مبلغ جيد يكون عندك غير قرض التنميه

انا اقول هالكلام اخوي عشان في وقت التشطيب ماتتوهق
واتمنى لك التوفيق
نصيحة اخيره حسب راي اغلب الناس التشطيب يساوي ثلاث ارباع سعر العظم مع كهربا وبايب فيتر وعازل وبلستر

يعني اذا طلع كله عليك ب 800 الف معناها التشطيب يحتاج 600 الف
هذا يعني يبيلك 200 الف ريال وطبعا على حسب نوع التشطيب

انا اخوي ناوي ابني عظم , وماتوقع اذا بنيت بـ 800 لازم اشطب بـ 600 , اخوي انا اكلمك من واقع واحد من الشباب بنى عظم بـ 800 والفلوس كفت والتشطيب كان حلو , واذا مثلا اقصرت الفلوس مافي مشكله ازيدها 100 والاا 200 , واسعدني مرورك يالغالي :)
Qt.1
23-05-2011, 03:40 PM
مساحه الماستر كبيره مالك حاجه فيها . ليش ما تقسمها غرفتين 5 في 5 كل غرفه وتربط غرفه مع الغرفه الثانيه وبينهم الحمام أحسن للمستقبل بتحتاج لها .

تسلم على نصيحتك اخوي .
مضارب دوسري
23-05-2011, 04:01 PM
انا اخوي ناوي ابني عظم , وماتوقع اذا بنيت بـ 800 لازم اشطب بـ 600 , اخوي انا اكلمك من واقع واحد من الشباب بنى عظم بـ 800 والفلوس كفت والتشطيب كان حلو , واذا مثلا اقصرت الفلوس مافي مشكله ازيدها 100 والاا 200 , واسعدني مرورك يالغالي :)

كلامك صحيح اخوي وانا نسيبي بنى عظم وبلاستر وعوازل ب 850 الف
ولكن من اكثر من سنه لحد الحين ماسكن بيته والسبب التشطيبات

الوقت يختلف مابين قبل والحين وانت شايف بعينك
حاول تسال وتستفسر اكثر بالموضوع
وانا ما اقولك هالكلام الا عشان ابي لك الخير ولا انا مالي في الموضوع اكثر من نصيحه
Qt.1
23-05-2011, 06:12 PM
كلامك صحيح اخوي وانا نسيبي بنى عظم وبلاستر وعوازل ب 850 الف
ولكن من اكثر من سنه لحد الحين ماسكن بيته والسبب التشطيبات

الوقت يختلف مابين قبل والحين وانت شايف بعينك
حاول تسال وتستفسر اكثر بالموضوع
وانا ما اقولك هالكلام الا عشان ابي لك الخير ولا انا مالي في الموضوع اكثر من نصيحه

مابه شك وانا اخوك وبيض الله وجهك
صمت 1
23-05-2011, 11:16 PM
تصميم جميل اخوي

عندي ملاحظه بخصوص الجلسه الدائريه مع غرفة النوم اللي فوقها

الشكل الدئري مصغر الجلسه والغرفه مدام انك في البدايه جرب تخلي الجلسه

والغرفه مربعه بتلاحظ بعد ذلك تغيير في المساحه
نور الحور
24-05-2011, 11:35 AM
الصور ما فتحت معاي إلا من على نت البي بي .. ما قدرت اشوفها عدل ..والدور الأرضي بس
لكن من اللي شفته أقدر أنصحك كم نصيحة .. ومعاها نصايح عامة ..
وأنت وطبيعة شخصيتك يمكن تكون مناسبة لك أو لا ..

*الدرج مكانه مخفي .. ممكن تفتح الجدار الفاصل بينه وبين المدخل .. أو تغير شكله أو مكانه ..

*الدور الأول يبيله تفتحه شوي .. ممكن تخلي المطبخ مفتوح مثلاً وتخليه للخفايف(الكلين كتشن) بس أما الديرتي كتشن تخليه ضمن الملاحق


*المجلس ممكن تفتح جزء من جداره وتخفي الباقي بالديكور .. وبهالطريقة بتحافظ على جمالية المكان وسعته وفي نفس الوقت خصوصيته .

*الصالة الأولى (الهول) ضايعة وصايره كأنها موزع كبير معالمه مو واضحه .. يبيلها تحديد وترتيب شوي عشان ترتيب الجلسة يكون حلو فيها .

**نصايح عامة :

*احرص على ان تخلي البيت مفتوح وشرح لأنه بينعكس على نفسيتك .. وإذا كنت تحب الصالات العلوية تكون مفتوحة على التحتية بعد حلو أو المدخل تحب تخليه دبل فوليوم بيعطيه فخامة ( يعني باب المدخل يكون كبير ممتد من الدور الأول للأرضي ..)

*أسس لبئر المصعد حتى لو ما احتجته حالياً

*الملاحق مو شرط تكون خارجية ممكن تخليها داخل البيت ومدمجة مع الفيلا أسهل وعملية أكثر

*باب غرفة الخدامة نصيحة خله لبرا .. أحسن وأكثر أماناً

*احرص على وجود بانتري أو مطبخ تحضيري صغير فوق يخدم الغرف

*ممكن تخلي كل غرفتين جناح .. يعني جناح البنات غرفتين وحمام أو اثنين وصالة صغيرة .

*الماستر احرص انها تكون واسعة ومريحة بكل ملحقاتها (الدرسنق والحمام وانت بكرامة)

*مغاسل المجلس ممكن تكون مفتوحة على غرفة الطعام ..

امممم .. ارتفاع الأسقف وايد مهم لجمالية البيت والديكور

*الغرفة في الدور الأرضي ممكن تخلي حمامها برا وقريب منها يخدم الغرفة والصالة في نفس الوقت .. إلا إذا تحب الخصوصية أو عندك ضيوف باستمرار ..

*الدرج احرص انه يكون مريح وواسع

*غرفة للغسيل وثانية للكوي يكونون جنب بعض ، وبعيد عن غرفة الخدامة (إذا كان بابها للداخل )

*خصص مساحة لمخزن صغير في المطبخ لتخزين المعلبات وغيرها من المواد ..
ومخزن ثاني لأغراض البيت ويكون واسع لأن أغراض البيت ما تخلص

هذا اللي تذكرته .. وإن طرا علي شي برد أكتبه

موفق أخوي وخذ وقتك ترى الخرايط مرحلة وايد مهمة وأساسية ..وعليها يعتمد البنيان كله ..وحاول إن قدرت يسويه أحد لك 3 دي .. عشان تقدر تتخيله وتشوف اللي مو عاجبك وتغيره ..
Qt.1
24-05-2011, 02:24 PM
الصور ما فتحت معاي إلا من على نت البي بي .. ما قدرت اشوفها عدل ..والدور الأرضي بس
لكن من اللي شفته أقدر أنصحك كم نصيحة .. ومعاها نصايح عامة ..
وأنت وطبيعة شخصيتك يمكن تكون مناسبة لك أو لا ..

*الدرج مكانه مخفي .. ممكن تفتح الجدار الفاصل بينه وبين المدخل .. أو تغير شكله أو مكانه ..

*الدور الأول يبيله تفتحه شوي .. ممكن تخلي المطبخ مفتوح مثلاً وتخليه للخفايف(الكلين كتشن) بس أما الديرتي كتشن تخليه ضمن الملاحق


*المجلس ممكن تفتح جزء من جداره وتخفي الباقي بالديكور .. وبهالطريقة بتحافظ على جمالية المكان وسعته وفي نفس الوقت خصوصيته .

*الصالة الأولى (الهول) ضايعة وصايره كأنها موزع كبير معالمه مو واضحه .. يبيلها تحديد وترتيب شوي عشان ترتيب الجلسة يكون حلو فيها .

**نصايح عامة :

*احرص على ان تخلي البيت مفتوح وشرح لأنه بينعكس على نفسيتك .. وإذا كنت تحب الصالات العلوية تكون مفتوحة على التحتية بعد حلو أو المدخل تحب تخليه دبل فوليوم بيعطيه فخامة ( يعني باب المدخل يكون كبير ممتد من الدور الأول للأرضي ..)

*أسس لبئر المصعد حتى لو ما احتجته حالياً

*الملاحق مو شرط تكون خارجية ممكن تخليها داخل البيت ومدمجة مع الفيلا أسهل وعملية أكثر

*باب غرفة الخدامة نصيحة خله لبرا .. أحسن وأكثر أماناً

*احرص على وجود بانتري أو مطبخ تحضيري صغير فوق يخدم الغرف

*ممكن تخلي كل غرفتين جناح .. يعني جناح البنات غرفتين وحمام أو اثنين وصالة صغيرة .

*الماستر احرص انها تكون واسعة ومريحة بكل ملحقاتها (الدرسنق والحمام وانت بكرامة)

*مغاسل المجلس ممكن تكون مفتوحة على غرفة الطعام ..

امممم .. ارتفاع الأسقف وايد مهم لجمالية البيت والديكور

*الغرفة في الدور الأرضي ممكن تخلي حمامها برا وقريب منها يخدم الغرفة والصالة في نفس الوقت .. إلا إذا تحب الخصوصية أو عندك ضيوف باستمرار ..

*الدرج احرص انه يكون مريح وواسع

*غرفة للغسيل وثانية للكوي يكونون جنب بعض ، وبعيد عن غرفة الخدامة (إذا كان بابها للداخل )

*خصص مساحة لمخزن صغير في المطبخ لتخزين المعلبات وغيرها من المواد ..
ومخزن ثاني لأغراض البيت ويكون واسع لأن أغراض البيت ما تخلص

هذا اللي تذكرته .. وإن طرا علي شي برد أكتبه

موفق أخوي وخذ وقتك ترى الخرايط مرحلة وايد مهمة وأساسية ..وعليها يعتمد البنيان كله ..وحاول إن قدرت يسويه أحد لك 3 دي .. عشان تقدر تتخيله وتشوف اللي مو عاجبك وتغيره ..

نصائح من ذهب الله يجزاك كل خير ياخوي , والخريطه تم تعديل الكثير فيها , ولراح اشوف التعديل يوم الاحد باذن الله :)
Qt.1
24-05-2011, 02:26 PM
تصميم جميل اخوي

عندي ملاحظه بخصوص الجلسه الدائريه مع غرفة النوم اللي فوقها

الشكل الدئري مصغر الجلسه والغرفه مدام انك في البدايه جرب تخلي الجلسه

والغرفه مربعه بتلاحظ بعد ذلك تغيير في المساحه

هلا اخوي احتمال اكنسل الشكل الدائري او اني اكبره , تسلم على مرورك الكريم :)
مهل
24-05-2011, 02:57 PM
السلام عليكم ورحمه الله و بركاته


بوعبدالله جعل ربي يبارك لك .. بيتك بيت ممتاز و تصميم قطري 100٪ :nice:

شخصيا عجبني البيت و يحتاج تعديلات بسيطه و نصايح الشباب فعلا من ذهب .. اهم شي يابوعبدالله تحط لنا الصور لتعديل الخريطه .. يمكن اخذ تصميمك و اسويه لانه متكامل الله يبارك لك :nice:

خذ مني التعديلات و تراني مابنيت ممكن يكون كلامي غير واقعي .

1- باب الاستور الخارجي خله مثل ماهو .. هذا لان الستور الي برى دايما بتخلي فيه اشياء ثقيله و بتنزلها من السياره و اتوقع باب البيت من صوب المخزن يعني السياره بتوقف عنده .. و اذا سويته من جهه البيت يمكن المسافه من البيت للملحق تحكمك في تدخيل بعض الاغراض الطويله .. من الحكمه تخليه فاتح على برى و نصيحه كبر في المخزن قد ماتقدر .

2- الصاله الي في الدور الارضي .. مضيعتني شوي .. احسها مساحه كبيره ولكن ماقدرت استغلها . يعني من جميع الجهات الاربع فيها اما باب اما مدخل اما درج .. (سؤال الي على اليمين و انت داخل من المدخل هل هو شباك ولا باب .. الي يطل على الحديقه في يمين حريطتك ؟)

3- ابي اشور عليك شور غريب شوي مادري تقبله ولا لاء :shy:
كلنا متزوجين و تعرف شنهو يعني ان الزوجه تحتاج حمام و غرفه ملابس خاصه فيها .. قشارهم و خرافيشهم واجد و احنا الرجال نسبح و نلبس في 10 دقايق و اغراضنا معروفه و سهله .
شوف طال عمرك نصيحتي الغريبه لك هي .. الحمام الي في الغرفه الماستر و الدرسنق ماله خله مثل ماهو .
روح للغرفه الدائريه .. و الغ الدرسنق الي فيها و اقلبه حمام خاص فيك و خل بابه يفتح على الدخله من الصاله العلويه .. و افتح باب الحمام مال الغرفه الدائريه على الغرفه من داخل .

هنا يكون للاخل حمامهم الخاص بغرفه ملابسهم و انت لك حمامك الي اعتقد ماتحتاج فيه الا لشاور و المرحاض اجلكم الله .
الفكره هذي في بالي اني اطبقها و نصحت اخوي فيها و اقتنع و عدل في تصميمه و ايضا صديق لي بنا و كنت قايل له هذي الفكره سابقا و اليوم قبل لايسكن يقولي لو الوقت يرجع كان سويت لي حمام خاص بدرسنق و للاهل حمام خاص بدرسنق .

ختاما الله يوفقك و يجعل بيتك باب سعاده عليك و على اسرتك .. بوعبدالله ولا تهون تراني مهتم بالتصميم ولا عليك امر وافنا بالتعديلات مصوره
khaldoon
24-05-2011, 04:26 PM
الف مبروك مقدما

بالنسبه للدور الارضي

المطبخ صغير ....شوف وين تقدر تحط كل الكهربائيات مع طاوله فيه و تعرف ايش اقصد

الحمام اللي بجانب المطبخ مفصول عن المغسله..بباب وحائط...ماله داعي الحائط و خليه مع الحمام لتكبيره

غرفة السفرة صغيره ...الكراسي لازم تكون 10 او 12 على الاكثر مب لغرفة تتسع ل 8 كراسي غير الخزانه و البوفيه

المجلس حلو و فيه خصوصيه

الدرج ما فيه ناحية جماليه

غرفة النوم لو اكبر يكون افضل

ال hall كبير و مؤثر في حجمه على كل الغرف اللي حوليه

الشافت اللي بالحمام بجانب البانيو خليه لبره و استفيد من مكانه كمان للجلوس او وضع ادوات الاستحمام
Qt.1
24-05-2011, 08:47 PM
السلام عليكم ورحمه الله و بركاته


بوعبدالله جعل ربي يبارك لك .. بيتك بيت ممتاز و تصميم قطري 100٪ :nice:

شخصيا عجبني البيت و يحتاج تعديلات بسيطه و نصايح الشباب فعلا من ذهب .. اهم شي يابوعبدالله تحط لنا الصور لتعديل الخريطه .. يمكن اخذ تصميمك و اسويه لانه متكامل الله يبارك لك :nice:

خذ مني التعديلات و تراني مابنيت ممكن يكون كلامي غير واقعي .

1- باب الاستور الخارجي خله مثل ماهو .. هذا لان الستور الي برى دايما بتخلي فيه اشياء ثقيله و بتنزلها من السياره و اتوقع باب البيت من صوب المخزن يعني السياره بتوقف عنده .. و اذا سويته من جهه البيت يمكن المسافه من البيت للملحق تحكمك في تدخيل بعض الاغراض الطويله .. من الحكمه تخليه فاتح على برى و نصيحه كبر في المخزن قد ماتقدر .

2- الصاله الي في الدور الارضي .. مضيعتني شوي .. احسها مساحه كبيره ولكن ماقدرت استغلها . يعني من جميع الجهات الاربع فيها اما باب اما مدخل اما درج .. (سؤال الي على اليمين و انت داخل من المدخل هل هو شباك ولا باب .. الي يطل على الحديقه في يمين حريطتك ؟)

3- ابي اشور عليك شور غريب شوي مادري تقبله ولا لاء :shy:
كلنا متزوجين و تعرف شنهو يعني ان الزوجه تحتاج حمام و غرفه ملابس خاصه فيها .. قشارهم و خرافيشهم واجد و احنا الرجال نسبح و نلبس في 10 دقايق و اغراضنا معروفه و سهله .
شوف طال عمرك نصيحتي الغريبه لك هي .. الحمام الي في الغرفه الماستر و الدرسنق ماله خله مثل ماهو .
روح للغرفه الدائريه .. و الغ الدرسنق الي فيها و اقلبه حمام خاص فيك و خل بابه يفتح على الدخله من الصاله العلويه .. و افتح باب الحمام مال الغرفه الدائريه على الغرفه من داخل .

هنا يكون للاخل حمامهم الخاص بغرفه ملابسهم و انت لك حمامك الي اعتقد ماتحتاج فيه الا لشاور و المرحاض اجلكم الله .
الفكره هذي في بالي اني اطبقها و نصحت اخوي فيها و اقتنع و عدل في تصميمه و ايضا صديق لي بنا و كنت قايل له هذي الفكره سابقا و اليوم قبل لايسكن يقولي لو الوقت يرجع كان سويت لي حمام خاص بدرسنق و للاهل حمام خاص بدرسنق .

ختاما الله يوفقك و يجعل بيتك باب سعاده عليك و على اسرتك .. بوعبدالله ولا تهون تراني مهتم بالتصميم ولا عليك امر وافنا بالتعديلات مصوره

تسلم اخوي على نصايحك والله يجزاك خير , وابشر ان قالها الله واستلمت الخريطه بعد التعديل براسلك :)
Qt.1
24-05-2011, 08:48 PM
الف مبروك مقدما

بالنسبه للدور الارضي

المطبخ صغير ....شوف وين تقدر تحط كل الكهربائيات مع طاوله فيه و تعرف ايش اقصد

الحمام اللي بجانب المطبخ مفصول عن المغسله..بباب وحائط...ماله داعي الحائط و خليه مع الحمام لتكبيره

غرفة السفرة صغيره ...الكراسي لازم تكون 10 او 12 على الاكثر مب لغرفة تتسع ل 8 كراسي غير الخزانه و البوفيه

المجلس حلو و فيه خصوصيه

الدرج ما فيه ناحية جماليه

غرفة النوم لو اكبر يكون افضل

ال hall كبير و مؤثر في حجمه على كل الغرف اللي حوليه

الشافت اللي بالحمام بجانب البانيو خليه لبره و استفيد من مكانه كمان للجلوس او وضع ادوات الاستحمام

تسلم ياخلدون وملاحظاتك في محلها :)
بوليد
24-05-2011, 10:38 PM
اشوف لو تكبر المجلس شوي وتوصلة لين باب الدخول
وتسويلة باب خاص فية فية افضل
حلات البيت بمجلسة
Qt.1
25-05-2011, 12:48 AM
اشوف لو تكبر المجلس شوي وتوصلة لين باب الدخول
وتسويلة باب خاص فية فية افضل
حلات البيت بمجلسة

تسلم اخوي , فعلا كلمت الاستشاري عن هالموضوع وكبرناه في الخريطه المعدله .
نور الحور
25-05-2011, 08:37 AM
السلام عليكم ورحمه الله و بركاته


بوعبدالله جعل ربي يبارك لك .. بيتك بيت ممتاز و تصميم قطري 100٪ :nice:

شخصيا عجبني البيت و يحتاج تعديلات بسيطه و نصايح الشباب فعلا من ذهب .. اهم شي يابوعبدالله تحط لنا الصور لتعديل الخريطه .. يمكن اخذ تصميمك و اسويه لانه متكامل الله يبارك لك :nice:

خذ مني التعديلات و تراني مابنيت ممكن يكون كلامي غير واقعي .

1- باب الاستور الخارجي خله مثل ماهو .. هذا لان الستور الي برى دايما بتخلي فيه اشياء ثقيله و بتنزلها من السياره و اتوقع باب البيت من صوب المخزن يعني السياره بتوقف عنده .. و اذا سويته من جهه البيت يمكن المسافه من البيت للملحق تحكمك في تدخيل بعض الاغراض الطويله .. من الحكمه تخليه فاتح على برى و نصيحه كبر في المخزن قد ماتقدر .

2- الصاله الي في الدور الارضي .. مضيعتني شوي .. احسها مساحه كبيره ولكن ماقدرت استغلها . يعني من جميع الجهات الاربع فيها اما باب اما مدخل اما درج .. (سؤال الي على اليمين و انت داخل من المدخل هل هو شباك ولا باب .. الي يطل على الحديقه في يمين حريطتك ؟)

3- ابي اشور عليك شور غريب شوي مادري تقبله ولا لاء :shy:
كلنا متزوجين و تعرف شنهو يعني ان الزوجه تحتاج حمام و غرفه ملابس خاصه فيها .. قشارهم و خرافيشهم واجد و احنا الرجال نسبح و نلبس في 10 دقايق و اغراضنا معروفه و سهله .
شوف طال عمرك نصيحتي الغريبه لك هي .. الحمام الي في الغرفه الماستر و الدرسنق ماله خله مثل ماهو .
روح للغرفه الدائريه .. و الغ الدرسنق الي فيها و اقلبه حمام خاص فيك و خل بابه يفتح على الدخله من الصاله العلويه .. و افتح باب الحمام مال الغرفه الدائريه على الغرفه من داخل .

هنا يكون للاخل حمامهم الخاص بغرفه ملابسهم و انت لك حمامك الي اعتقد ماتحتاج فيه الا لشاور و المرحاض اجلكم الله .
الفكره هذي في بالي اني اطبقها و نصحت اخوي فيها و اقتنع و عدل في تصميمه و ايضا صديق لي بنا و كنت قايل له هذي الفكره سابقا و اليوم قبل لايسكن يقولي لو الوقت يرجع كان سويت لي حمام خاص بدرسنق و للاهل حمام خاص بدرسنق .

ختاما الله يوفقك و يجعل بيتك باب سعاده عليك و على اسرتك .. بوعبدالله ولا تهون تراني مهتم بالتصميم ولا عليك امر وافنا بالتعديلات مصوره




أخوي مهل .. حبيت أضيف شوية أشياء على مقترحاتك ..

الستور الخارجي مثل ما تفضلت مهم وبنفس ما قلت لو كان مخصص بس للأغراض الثقيلة والخارجية .. مثل كراسي حديقة ، طاولات ..أغراض للسيارة ..الخ

لكن البيت يحتاج مخزن كبير ثاني .. يخزن فيه الملابس اللي في غير موسمها ، الملاحف والكفرات والبطانيات ، الأغراض اللي تنرفع لفترة مؤقته ، ويفضل هالمخزن يكون داخل البيت ويكون مكيف .


بالنسبة لفكرة تخصيص غرفة دريسنق وحمام خاص للأهل .. فكرة وايد حلوة وشفتها مطبقة، وأخوي مطبقها في بيته .. والأجانب وايد يسوون هالحركة ..

لكن عندي مقترح تسويه بطريقة أحسن ..
أشوف إنه مو حلوة يكون للريال حمام صغير بروحه << اسمح لي ضحكت على هالفكرة ...

الأولى تخلي الحمام الماستر مثل ماهو ويكون مخصص للزوجين .. لكن تخصص غرفة ثانية بحمام صغير مفتوحه على الماستر روم (نفس فكرة الغرفة المخصصة للبيبي اللي تكون مفتوحة على الغرفة) .. هذي الغرفة بتكون دريسنق روم + فيها تسريحة للميك أب والسشوار + حمام صغير وانت بكرامة لخدمة هالغرفة .. وممكن يتوفر في هالحمام شور صغير وغسالة ملابس للملابس الخاصة ..
وممكن تتحول هالغرفة في أي وقت لغرفة بيبي جديد .. أو غرفة لأي فرد من الأسرة .

يعني الفكرة باختصار إن الحمام الماستر للزوجين ، والدريسنق الملحق فيها للزوج ، وبيكون غرفة إضافية لدريسنق الزوجة بحمام يخدم الغرفة .<< إن شاء الله عرفت أشرح:rolleyes2:
HiTec
25-05-2011, 08:49 AM
الله يبارك لك فيه
بدوي
25-05-2011, 10:24 AM
هذي اول خريطه للبيت واي تعديل اخواني او اي ملاحظه انا بانتظاركم ..

http://www.m5zn.com/uploads/2011/5/22/photo/0522110505182se24hvqc2kuhlcyj.jpg (http://create-avatar.m5zn.com/)





http://www.m5zn.com/uploads/2011/5/22/photo/052211050518yuphojy.jpg (http://create-avatar.m5zn.com/)


نصييييييحة وشفتها في كذا بيت .. للأسف

وجود الحمام في الدور الأول فوق مدخل البيت الرئيسي بالدور الأرضي يشوه المنظر اولآ (الدريشة) + المروحة

ثانيآ .. اذا فيه تسريبات بتكون واضحة للكل لأنها في واجهة البيت .. نصيحة تغير مكان الحمام عالجنب اليمين افضل :victory:

ملاحظتي الثانية .. اعتقد انك ماسويت درج للسطح !!!!

نصيحة !! تراه مهم جدآ جدآ وبتحس فيها مع الوقت .. اذا فيه صيانة فوق او خلل في الخزان وحاب إطل على العمال

البنت هاوس .. انا اعتبره شي مهم

واحد من الشباب يقول ياليتني ارجع الزمن ورى واتلافى بعض الاخطاء وكان من ظمنها البنت هاوس ودرج السطح :nice:
بـن عدوان
25-05-2011, 10:29 AM
عقبال ما تشوفه مخلص ان شاءالله
khalid.qtr
25-05-2011, 12:28 PM
خارطة حلوه بس مثل آخر ملاحظه الحمام الله يعزكم في مدخل البيت تشوه المنظر
Qt.1
25-05-2011, 03:01 PM
نصييييييحة وشفتها في كذا بيت .. للأسف

وجود الحمام في الدور الأول فوق مدخل البيت الرئيسي بالدور الأرضي يشوه المنظر اولآ (الدريشة) + المروحة

ثانيآ .. اذا فيه تسريبات بتكون واضحة للكل لأنها في واجهة البيت .. نصيحة تغير مكان الحمام عالجنب اليمين افضل :victory:

ملاحظتي الثانية .. اعتقد انك ماسويت درج للسطح !!!!

نصيحة !! تراه مهم جدآ جدآ وبتحس فيها مع الوقت .. اذا فيه صيانة فوق او خلل في الخزان وحاب إطل على العمال

البنت هاوس .. انا اعتبره شي مهم

واحد من الشباب يقول ياليتني ارجع الزمن ورى واتلافى بعض الاخطاء وكان من ظمنها البنت هاوس ودرج السطح :nice:

تم تغيير مكان الحمام الله ايعزك في الخريطه المعدله , والبيت فيه درج للسطح وفيه بنت هاوس لكني ماصورت باقي الخريطه , والله يعطيك الف عافيه .
Qt.1
25-05-2011, 03:02 PM
عقبال ما تشوفه مخلص ان شاءالله

الله يرحم لي والديك
مهل
25-05-2011, 03:29 PM
يسمحلي Qt.1 ادردش مع الاخت في موضوعك للفائده








أخوي مهل .. حبيت أضيف شوية أشياء على مقترحاتك ..

الستور الخارجي مثل ما تفضلت مهم وبنفس ما قلت لو كان مخصص بس للأغراض الثقيلة والخارجية .. مثل كراسي حديقة ، طاولات ..أغراض للسيارة ..الخ

لكن البيت يحتاج مخزن كبير ثاني .. يخزن فيه الملابس اللي في غير موسمها ، الملاحف والكفرات والبطانيات ، الأغراض اللي تنرفع لفترة مؤقته ، ويفضل هالمخزن يكون داخل البيت ويكون مكيف .


بالنسبة لفكرة تخصيص غرفة دريسنق وحمام خاص للأهل .. فكرة وايد حلوة وشفتها مطبقة، وأخوي مطبقها في بيته .. والأجانب وايد يسوون هالحركة ..

لكن عندي مقترح تسويه بطريقة أحسن ..
أشوف إنه مو حلوة يكون للريال حمام صغير بروحه << اسمح لي ضحكت على هالفكرة ...

الأولى تخلي الحمام الماستر مثل ماهو ويكون مخصص للزوجين .. لكن تخصص غرفة ثانية بحمام صغير مفتوحه على الماستر روم (نفس فكرة الغرفة المخصصة للبيبي اللي تكون مفتوحة على الغرفة) .. هذي الغرفة بتكون دريسنق روم + فيها تسريحة للميك أب والسشوار + حمام صغير وانت بكرامة لخدمة هالغرفة .. وممكن يتوفر في هالحمام شور صغير وغسالة ملابس للملابس الخاصة ..
وممكن تتحول هالغرفة في أي وقت لغرفة بيبي جديد .. أو غرفة لأي فرد من الأسرة .

يعني الفكرة باختصار إن الحمام الماستر للزوجين ، والدريسنق الملحق فيها للزوج ، وبيكون غرفة إضافية لدريسنق الزوجة بحمام يخدم الغرفة .<< إن شاء الله عرفت أشرح:rolleyes2:

الشيخه انا و انتي متفقين على اهميه هذه الغرفه و هذا الحمام اجلكم الله و فكره المخزن الداخلي فعلا مهمه .

ليش تضحكين على موضوع ان الزوج يكون له حمام صغير .. انا شخصيا استخدم 3 اشياء في حمامي المستقل حاليا .. المرحاض و الشاور و المغسله و قدامها مرايه :nice: اذا بدلع نفسي زود ممكن احط كبت داخلي للفوط و البجامات و الملابس المشابهه .

احسن شي الرجل في حمام مستقل نهائيا و حمام المره يكون للمره و انتي ادرى بالاحتياجات الي تفضل المره تواجدها في حمامها و الي تفضل ان تخفيها اذا كان الزوج يستخدم هذا الحمام .
حتى لو بغى يطلعون الزوجين .. وكلن يبي يستخدم الحمام اما للسبوح او غيره .. ليش النطره .. كل واحد حمامه عنده احسن .
من الاخر خشرتكم محقى :tomato:

بخصوص المخزن .. من الاشياء المهمه جدا و يفضل تجهيزه برفوف حديد و مساحته تكون كبيره قدر الامكان .
أخت الكل
25-05-2011, 09:49 PM
جعله بيت مبارك
نصيحه لا تكبر الغرف وبذات غرفتك وانت فوق فقط 3 غرف لا كثر الغرف وصغرها وكبر غرفت الملابس

أحسنت النصيحة

الله يوفقك اخوي الخريطة ممتازة وملاحظتي مثل ملاحظة اخوي الامير خصوصا موضوع تكبير غرف الملابس .. الله يوفقك ولا يخسرك
بوخالد911
26-05-2011, 12:23 AM
هلا

بالنهاية هي أذواق
ولكن عن خريطة بيتي

الغرف اللي فوق :
5.5 × 5.5 غير غرفة الملابس وغير الحمام
الماستر : 5× 7.5

حجم الحمامات مناسبة جدا


ومثل ما قلت : هي مسألة أذواق
مووفقين
مهل
26-05-2011, 12:27 AM
هلا

بالنهاية هي أذواق
ولكن عن خريطة بيتي

الغرف اللي فوق :
5.5 × 5.5 غير غرفة الملابس وغير الحمام
الماستر : 5× 7.5

حجم الحمامات مناسبة جدا


ومثل ما قلت : هي مسألة أذواق
مووفقين

الله يتمم لك يابوخالد ويبارك لك.. اذا ماعندك مانع حط صوره خريطه بيتك او طرشها للاستفاده
Qt.1
26-05-2011, 01:49 AM
أحسنت النصيحة

الله يوفقك اخوي الخريطة ممتازة وملاحظتي مثل ملاحظة اخوي الامير خصوصا موضوع تكبير غرف الملابس .. الله يوفقك ولا يخسرك

الله يرحم والديج يابنت الحلال
Qt.1
26-05-2011, 01:51 AM
هلا

بالنهاية هي أذواق
ولكن عن خريطة بيتي

الغرف اللي فوق :
5.5 × 5.5 غير غرفة الملابس وغير الحمام
الماستر : 5× 7.5

حجم الحمامات مناسبة جدا


ومثل ما قلت : هي مسألة أذواق
مووفقين

هلا بوخالد صح اهي اذواق , الله يعطيك العافيه
وحش الصناعات
26-05-2011, 02:14 PM
الله يبارك بالبيت مقدماً ان شاء الله وعندي أكثر من ملاحظة بس يارت تحملنا شوي أما بالنسبة للتوزيع فهو رائع لكن يبيله شوية تضبيط .

الملاحظة الأولى: وهي عندي حل لتكبير الغرف بالدور الاول انت محتاج بالغرف العاديه شباك واحد فقط ، في هذي الحالة ممكن تضع الحمام الله يعزك وغرفة الملابس في نهاية الغرفة ،، اقصد الغرفتين الي فوق لان مدخل الغرفة على غرفة الملابس ما يحبذ فيفضل انك تخليهم بنفس الشكل وتضعهم على الجانب الآخر وبهذي الطريقة راح تستفيد من أكثر من شي اولاً الغرفة راحة تكبر معاك وثاني شي غرفة الملابس راح تكبر ورايح يكون شكلها احلى وجاي على حر ل بالانجليزي، هاي ملاحظتي بالنسبة لتوسعة الغرف.

أما الملاحظة الثانية: انا يكون المدخل بالنسبة للغرفتين جاي على شكل آرج وباب يمين وباب يسار حق الغرفتين ويكون لوبي بينهم...

الملاحظة الثالثة: بالنسبة لغرفة الماستر نصيحتي لك انك تصغر شوي من الغرفة وتكبر غرفة الملابس والحمام تعويضاً عن تصغير الغرفة وهني راح تكسب مساحة بغرفة الملابس والحمام ، وتقدر تقسم الحمام لقسمين بعد ،، لان بصراحة اشوف غرفة الماستر كبيرة ومالها داعي دام انه في غرفة ملابس يكفيك للغرفة النوم 7*5 الا إذا انت حاب ان الغرفة تكون كبيرة.

الملاحظة الرابعة: وهي مهمة واغلب الناس غافلة عنها وهي غرفة الكواي (الاوتي) الآن في احد الاشخاص قال انها غريبة من المطبخة والريحة تلزق وانا بصراحة معاه بالشيء هذا ، ولكن اذا بعدناه يعني ماراح نخدل من باب المطبخ الداخلي حق البيت وايام المطر كيف نتصرف وايام العج والهوى ووووغيرها من أمور ...؟ مش بس راح ندخل المطبخ الدخلي الا راح نمر على الصالة ونركب الدرج والله يعلم الثياب تلعوز وانت ماشي فيها وخبرك ثيابنا ما يحتاج بعد .. فيفضل ان تكون غرفة الغسيل تحت لكن الكوااااااي يكون في البنت هاوس افضل لان الغسيل عادة بالصبح وبعد ما ينتهي ناخذه بالسله فوق ويكون اخف علينا ، وفوق يتم الكواي ويكون اسهل حق الي يشيل الملابس ويدخلها الغرف (من وجهة نظري)

الملاحظة الخامسة: باب المجلس يفضل ان يكون منعزل ويكون خارج ، وتسكر الباب الداخلي والي يبي يدخل من البيت يدخل عن طريق المطعم ، وايضاً باب المغاسل الخاصة بالمطعم المطل على الصالة لو يتسكر أفضل.

ولا تنسى اخوي انك اذا غيرت اماكن الحمامات وغرفة الملابس الي بالطابق الفوقي تغير بعد الغرفة التحتية عشان تكون الحمامات فوق بعضهم ( معنى اليوم يقولون انه ماله تأثير اذا جه حمام فوق غرفة لان العوازل تضع دبل وغيره ...الخ ) وانا بصراحه اخالفهم الرأي.

الملاحظة السادسة: الباب الي على جنب البيت ماله داعي كلش ممكن تسكره وتستغله انه يكون صالة بشكل مرتب اكثر لان بصراحه الصالة عندك كبيره وضايعة وفيها أكثر من باب ولا تنسى ان المساحة الكبيرة تحتاج كمية كبيرة من الحديد خاصة انها مفتوحة ،، ولا تنسى شغلة مهمة وهي انك تضع أكثر من سنطوانة بالبيت على الاقل ثنتين أو ثلاث على اساس يوقفون المساحة الكبيرة.

الملاحظة السابعة: بالنسبة للغرفة الدائرية الي فوق لو تصغر من غرفة الملابس شوي والحمام بعد يكون أفضل عشان يكون اللوبي بين الغرفتين أوسع في حال انك صغرة من غرفة الملابس وكبرة حمام وغرفة ملابس الماستر (طبعاً التكبير على حساب الغرفة)

واخيراً بالنسبة للملاحق لا تنسى تضع قبل المطبخ او بعد غرفة صغيره مثلاُ 2*2 حق الغاز وحق غسيل الصحون الكبيرة ... ودام انت عامل مخزن بالمطخ حاول انك تخلي نصه من داخل والنص من الخارج بمعنى تكون في فتحة مثل فتحت الباب تضع فيها الغاز اي قبل المطبخ ويكون ايضاً حق الغسيل بنفس المكان لان الغاز ما ياخذ الا حجم بسيط.
وايضاً تكنسل غرفة الاوتي التحتية وتوفر على نفسك مساحة في البناء ، والحمام الخارجي تعمل بالطول وتقسمه قسمين قسم من داخل الغرفة تخليه شوي أكبر وقسم من الخارج بحيث يكون عندك حمامين في حالة جوكم ناس مع خدمهم وغيرها ما يقعدون يدشون حمام الخدم يكون في الحوش ويستغل من أكثر من شخص حتى حق خدم البيت نفسهم.

واسمحلي على الاطالة ،، وتحمل ملاحظاتي بدون زعل ..
Qt.1
26-05-2011, 04:39 PM
الله يبارك بالبيت مقدماً ان شاء الله وعندي أكثر من ملاحظة بس يارت تحملنا شوي أما بالنسبة للتوزيع فهو رائع لكن يبيله شوية تضبيط .

الملاحظة الأولى: وهي عندي حل لتكبير الغرف بالدور الاول انت محتاج بالغرف العاديه شباك واحد فقط ، في هذي الحالة ممكن تضع الحمام الله يعزك وغرفة الملابس في نهاية الغرفة ،، اقصد الغرفتين الي فوق لان مدخل الغرفة على غرفة الملابس ما يحبذ فيفضل انك تخليهم بنفس الشكل وتضعهم على الجانب الآخر وبهذي الطريقة راح تستفيد من أكثر من شي اولاً الغرفة راحة تكبر معاك وثاني شي غرفة الملابس راح تكبر ورايح يكون شكلها احلى وجاي على حر ل بالانجليزي، هاي ملاحظتي بالنسبة لتوسعة الغرف.

أما الملاحظة الثانية: انا يكون المدخل بالنسبة للغرفتين جاي على شكل آرج وباب يمين وباب يسار حق الغرفتين ويكون لوبي بينهم...

الملاحظة الثالثة: بالنسبة لغرفة الماستر نصيحتي لك انك تصغر شوي من الغرفة وتكبر غرفة الملابس والحمام تعويضاً عن تصغير الغرفة وهني راح تكسب مساحة بغرفة الملابس والحمام ، وتقدر تقسم الحمام لقسمين بعد ،، لان بصراحة اشوف غرفة الماستر كبيرة ومالها داعي دام انه في غرفة ملابس يكفيك للغرفة النوم 7*5 الا إذا انت حاب ان الغرفة تكون كبيرة.

الملاحظة الرابعة: وهي مهمة واغلب الناس غافلة عنها وهي غرفة الكواي (الاوتي) الآن في احد الاشخاص قال انها غريبة من المطبخة والريحة تلزق وانا بصراحة معاه بالشيء هذا ، ولكن اذا بعدناه يعني ماراح نخدل من باب المطبخ الداخلي حق البيت وايام المطر كيف نتصرف وايام العج والهوى ووووغيرها من أمور ...؟ مش بس راح ندخل المطبخ الدخلي الا راح نمر على الصالة ونركب الدرج والله يعلم الثياب تلعوز وانت ماشي فيها وخبرك ثيابنا ما يحتاج بعد .. فيفضل ان تكون غرفة الغسيل تحت لكن الكوااااااي يكون في البنت هاوس افضل لان الغسيل عادة بالصبح وبعد ما ينتهي ناخذه بالسله فوق ويكون اخف علينا ، وفوق يتم الكواي ويكون اسهل حق الي يشيل الملابس ويدخلها الغرف (من وجهة نظري)

الملاحظة الخامسة: باب المجلس يفضل ان يكون منعزل ويكون خارج ، وتسكر الباب الداخلي والي يبي يدخل من البيت يدخل عن طريق المطعم ، وايضاً باب المغاسل الخاصة بالمطعم المطل على الصالة لو يتسكر أفضل.

ولا تنسى اخوي انك اذا غيرت اماكن الحمامات وغرفة الملابس الي بالطابق الفوقي تغير بعد الغرفة التحتية عشان تكون الحمامات فوق بعضهم ( معنى اليوم يقولون انه ماله تأثير اذا جه حمام فوق غرفة لان العوازل تضع دبل وغيره ...الخ ) وانا بصراحه اخالفهم الرأي.

الملاحظة السادسة: الباب الي على جنب البيت ماله داعي كلش ممكن تسكره وتستغله انه يكون صالة بشكل مرتب اكثر لان بصراحه الصالة عندك كبيره وضايعة وفيها أكثر من باب ولا تنسى ان المساحة الكبيرة تحتاج كمية كبيرة من الحديد خاصة انها مفتوحة ،، ولا تنسى شغلة مهمة وهي انك تضع أكثر من سنطوانة بالبيت على الاقل ثنتين أو ثلاث على اساس يوقفون المساحة الكبيرة.

الملاحظة السابعة: بالنسبة للغرفة الدائرية الي فوق لو تصغر من غرفة الملابس شوي والحمام بعد يكون أفضل عشان يكون اللوبي بين الغرفتين أوسع في حال انك صغرة من غرفة الملابس وكبرة حمام وغرفة ملابس الماستر (طبعاً التكبير على حساب الغرفة)

واخيراً بالنسبة للملاحق لا تنسى تضع قبل المطبخ او بعد غرفة صغيره مثلاُ 2*2 حق الغاز وحق غسيل الصحون الكبيرة ... ودام انت عامل مخزن بالمطخ حاول انك تخلي نصه من داخل والنص من الخارج بمعنى تكون في فتحة مثل فتحت الباب تضع فيها الغاز اي قبل المطبخ ويكون ايضاً حق الغسيل بنفس المكان لان الغاز ما ياخذ الا حجم بسيط.
وايضاً تكنسل غرفة الاوتي التحتية وتوفر على نفسك مساحة في البناء ، والحمام الخارجي تعمل بالطول وتقسمه قسمين قسم من داخل الغرفة تخليه شوي أكبر وقسم من الخارج بحيث يكون عندك حمامين في حالة جوكم ناس مع خدمهم وغيرها ما يقعدون يدشون حمام الخدم يكون في الحوش ويستغل من أكثر من شخص حتى حق خدم البيت نفسهم.

واسمحلي على الاطالة ،، وتحمل ملاحظاتي بدون زعل ..

ماشاء الله عليك , انا تقريبا لحد الحين مسوي ملاحظاتك كلها ومعدل عليها , وابشرك تم تغيير الخريطه بنسبة 90 في الميه , وتعديل اغلب الااشياء الي ذكرتها , ماقصرت وبيض الله وجهك :)
بوحارب
27-05-2011, 02:45 AM
تصميم حلو

بالتوفيق يابوعبدالله :)
Qt.1
27-05-2011, 03:02 AM
تصميم حلو

بالتوفيق يابوعبدالله :)

جعل والديك الجنه يابوحارب , ومرورك الااحلى :)
ANONYMOUS
27-05-2011, 01:54 PM
اشكرك اخوي على اهتمامك وملاحظتك , لا مهب بحاجه للباب ممكن الغيه , وباب الااستور فعلا ممكن ايكون مقابل البيت مهب المدخل.



احتمال تكون الفكره من المخزن ان يستخدم ك غرفة سايق..

عشان كذا صاد
ام خويلد
27-05-2011, 02:06 PM
بسالك اخوي وين سويت الخريطه؟؟وشنهو اسم المهندس؟
Qt.1
27-05-2011, 03:27 PM
بسالك اخوي وين سويت الخريطه؟؟وشنهو اسم المهندس؟

مسويها عند البيت القطري , لكن مانصحج اتروحين لهم لان اسعارهم ضو !
..er..
27-05-2011, 03:57 PM
الربع ماقصروا كلهم كلن جاك ب اقتراحاته

وانا اللي بقوله جعله مسكن السعاده والهنا

وموفق بأذن الله

:)
Qt.1
27-05-2011, 05:40 PM
الربع ماقصروا كلهم كلن جاك ب اقتراحاته

وانا اللي بقوله جعله مسكن السعاده والهنا

وموفق بأذن الله

:)

الله يرحم لي والديك :)
Qt.1
27-05-2011, 05:41 PM
احتمال تكون الفكره من المخزن ان يستخدم ك غرفة سايق..

عشان كذا صاد

لا اخوي مافكر اسوي غرفه للسايق خاصه داخل البيت .
بو راشد 1
28-05-2011, 11:24 AM
اخوي

1) حمام الخدامه اللي في الملحق ما له دريشه.

2) اقترح ان تعمل مكان حق سلندر الغاز من بره (انا قرمت من الاستور) بارتفاع متر و عرض متر و نص و صار من داخل الاستور مثل دجه تحط عليها الاغراض.

جعله منزل مبارك ان شاء الله و الله يوفقك
almaf1a
29-05-2011, 08:57 AM
مسويها عند البيت القطري , لكن مانصحج اتروحين لهم لان اسعارهم ضو !

اخوي بكم سولك الخريطه؟
محمد الجفيري
29-05-2011, 09:17 AM
الله يوفقك اخوي يااا رب
بن غيث
29-05-2011, 11:36 AM
بالتوفيق