المساعد الشخصي الرقمي

مشاهدة النسخة كاملة : لجنة التعسف الإداري... ادارة العمل؟


جغرافي قطر
23-05-2011, 09:09 AM
السلام عليكم ورحمة الله وبركاته

اخواني انا سمعت انه في ادارة في وزارة العمل تختص بالفصل في المنازعات الي بين الموظفين في الدولة؟ هذا في حال اذا جهة العمل ما انصفت الموظف

انا مشكلتي ما زالت مستمرة مع هذا المدير الجائر والى الان لم يتحسن الوضع بل من اسوا لاسوا

وهذا رابط الموضوع مالي

http://www.qatarshares.com/vb/showthread.php?t=442747&highlight=%E3%CF%ED%D1%ED+%C7%E1%DA%D2%ED%D2

انا يا جماعه اداوم ايام الويكند وهو يرفض يعوضني بدالها لا بالعمل الاضافي ولا رصيد اجازات

شاسوي خلاص تعبت

والا لازم نشتكي في وطني الحبيب عشان تنحل مشكلتي؟
R 7 A L
23-05-2011, 09:22 AM
عليك بمكالمة وطني الحبيب وذكر أسمك كامل
هني بيعرفون انك صامل
بوخالد911
23-05-2011, 09:49 AM
الله يعيينكم

ووصلوا الموضوع الى hr
جغرافي قطر
23-05-2011, 11:01 AM
عليك بمكالمة وطني الحبيب وذكر أسمك كامل
هني بيعرفون انك صامل

هذا اللي بيصير انشالله
فتى الجود
23-05-2011, 04:13 PM
أخوى اذا انت في قطاع البنوك او قطاع التأمين
او اى شركة تابعه لقانون العمل 14 لسنة 2004م

قولي وممكن اساعدك

و أوصلك بالطريقة
تخلي وزارة العمل اشلون تاخذ حقك اذا لك حق بأذن الله

والله ينصرك
الخاتم
23-05-2011, 04:49 PM
أخوى اذا انت في قطاع البنوك او قطاع التأمين
او اى شركة تابعه لقانون العمل 14 لسنة 2004م

قولي وممكن اساعدك

و أوصلك بالطريقة
تخلي وزارة العمل اشلون تاخذ حقك اذا لك حق بأذن الله

والله ينصرك

كلامه ميه الميه لكن اذا انت في الحكومه ادارة العمل مالها دعوه او قطاع البترول حبيت اضيف على كلام اخوي فتى الجود واضيف انه قانون العمل عقيم جدا مايصلح للقطريين لانه في ثغرات

جدا مضره للقطري وهي في العقد المحدد المد وغير محدد المدة والله يعينك وحنا في الخدمه
Dawn
23-05-2011, 05:02 PM
جهز كتاب التظلم وحط مطالبك في نقاط موجزه في نهاية الرساله للمسؤول ( لا تحط اي الفاظ تسيء لشخصيه المدير حتى لا تعطيهم انطباع ان الموضوع شخصي )

بالنسبة لوزارة العمل لي تجربه ايجابيه معاها وهم ناس فعلا تحس قلوبهم على الموظف القطري ويوقفون مع الحق جزاهم الله خير ..

التقديم للشكوى ما يبيله شي مجرد تروح قسم ادارة العمل - في الصناعيه وهم راح يوجهونك على واحد من الكواري نسيت اسمه الاول وهو مختص بالفصل في منازعات الموظفين .. وبيطلبون منك تكتب الشكوى بشكل مختصر عندهم في فورما .... وبعدها يبدأ التحقيق ... التحقيق ما يطول الا اذا مديرك لعين ويماطل ... وياحبذا لو تدعم الشكوى بأوراق تثبت الضرر الواقع عليك من المدير .. وحط في بالك ان المدير راح يتصيد عليك الاخطاء اثناء التحقيق ( لاتخاف منه لان حبل الكذب قصير وهم يعرفون في ادارة العمل ان المدراء ما يسوون هالشي الا علشان يبرؤون نفسهم من التهم الموجهه لهم فيهاجمون الطرف المشتكي باي طريقه ) ... قول لنا شصار معاك ،،، انا اتوقع ينحل الموضوع باسبوع اذا عندك اوراق تثبت حضورك في الاوقات الغير رسميه للعمل تقدر تعتمد على سجل جهاز البصمه وهذا تاخذه من الموظف المسؤول،، ادارة العمل ممكن تطلبه لك من الاداره نفسها ،، بالتوفيق ان شا الله ..
بوسعيد2
23-05-2011, 05:18 PM
الله المستعان
جغرافي قطر
24-05-2011, 10:51 AM
مشكورين الاخوان الي ردوا

وحقي مثبت بالاوراق والوقائع كلها

ولا بد للحق ان يظهر