المطبات والتطور العمراني

[Thamer_Qat]

(فعلا هذا الشي مضايق الناس وبلدنا صارت بلد المطبات العشوائيةولاتنطبق عليها المواصفات والمقاييس, علشان صار حادث او حادثين او واحد معتوه يسرع عند بيتي اقوم احط مطبات واعطل خلق الله واكسر سياراتهم؟!!! طيب خلهم يحطون مطبات على الطرق السريعه لأن الناس مشوته وتصير حوادث ووفيات....)

بقلم: ناصر صالح محمد حمزة الكواري
تاريخ نشر الخبر: الإثنين 23/05/2011

النص
الى الأخ الفاضل سعادة وزير البلدية والتخطيط العمراني الشيخ عبدالرحمن بن خليفة آل ثاني الموقر
سلام وتحية عطرة..
لقد أبهجتني طلتكم على صفحات جريدة الراية المحترمة بتاريخ ٩-٥-٢٠١١م، وقد سعدت كثيراً بتصريحاتكم الإيجابية وبطريقة طرحكم وشرحكم للمشاريع ولا يدل ذلك إلا على أنك الرجل المناسب في المكان المناسب.

سعادة الوزير إنه لاشك أنك من أصحاب الأيادي البناءة في هذا الوطن المعطاء حيث يطمح كثير من الناس في الخارج بالعيش على أرض دولتنا الحبيبة قطر، وكما يوجد في الوطن الكبير من يعمِّر ويظهر الوطن بشكل عمراني متطور وحديث، إلا أن هناك من يقوم ببعض الأعمال غير النظامية.
فلقد سعى في انتشار المطبات في كل مكان كل من أعضاء المجلس البلدي وإدارة المرور ووضعها غير الطبيعي الذي يدل على وضعها دون أي دراسة وهذا يثبت ما قاله لي أحد الأصدقاء وكان يعمل مهندساً في الطرق "المطبات حيلة من لا حيلة له".

فلقد أدت كثرة هذه المطبات في الشوارع إلى أن تكون إحدى سمات الدوحة وهذا متعارض مع التطور العمراني والفكري الذي نعيشه في دولة قطر ونظراً لأنني من المعارضين لهذه المطبات فإنني أطلب من سعادتك إزالتها من الشوارع ويكون الطريق مسلكاً للجميع دون أي أفضلية لشخص دون آخر دون أي وجه حق، فلقد جرت العادة أن يذهب أي شخص للمرور ويحصل على ترخيص وضع مطبات أمام بيته وكأنه حق مكتسب له ،وإن آخر هذه المهازل وضع ثلاثة مطبات في أحد الشوارع الرئيسية السريعة أمام بيت الشيخ ابن محمود. وإذا كان هذا الطريق فيه خطأ هندسي بالإمكان إصلاحه دون إلحاق الضرر بالسيارات والأرواح

في دولة مثل دولة قطر تحترم فيها آدمية الأشخاص يجب عدم وضع مطبات صناعية في الطرق والاكتفاء بالإشارات التي تؤمن السلامة المرورية وتحديد السرعة وحالة الطريق.

وإنني على يقين بأن معظم السائقين سوف يلتزمون بذلك، وفي حالة عدم الالتزام على شرطة المرور مخالفة المخالفين فقط وليس معاقبة جميع مستخدمي الطريق بلا سبب.

وإنني على يقين أنك ستأخذ هذا الطلب بعين الاعتبار.
وفقكم الله وحفظكم لهذا الوطن المعطاء
ولكم مني جزيل الشكر والامتنان

[R 7 A L]

صراحة فية بعض المطبات ( قلة حيا )
لامن حيث المكان
ولامن حيث اللون
ولا من حيث الحجم

حتى الفور ويل مايعديها الا بمعجزة

[المتحدث الرسمي]

.


في مطبات اذا ما شفتها :eek5:

الموتر بكبره يبيله تبديل



يازين مطبات البحرين حتى لو تعدي عليها على السنه بدون ماتدوس بريك ما تتخضخض

ياريت يطبقونها عندنا

[راعي ال VXR]

سعات مطبات مب مصبوغه وظلمه وددب الا وانت عديتها
لكن المشكله فجائه تكتشف المطبه والتواير الاماميه على المطبه ونت تمسك بريك قوي.. هذا يأثر على الموتر من الرودات والخ ..

[MAZEN37]

.


في مطبات اذا ما شفتها :eek5:

الموتر بكبره يبيله تبديل



يازين مطبات البحرين حتى لو تعدي عليها على السنه بدون ماتدوس بريك ما تتخضخض

ياريت يطبقونها عندنا
كلامك 100 بالميه صح
انا كنت استمتع بالطلوع على مطبات البحرين
ودايما افكر بمطباتنا انها انتقام
امس طلعت على مطبه مسويين فوقها مطبه تخيل والله العظيم

[بوخالد911]

هلا


هناك مطبات وجودها ضروري
للحد من الحوادث

وهناك مطبات يجب أن يُعاد دهانها وطلائها تارة أخرى ؛ لتكون واضحة للسائقين



تحياتي قبل الاصطدام في المطباتي :)

[meeemz]

بالمره يشيلون الله يعزكم البواليع والله جنها مطب

[السهم الشمالي]

إخواني الأفاضل
عندي مداخلة بسيطة
أنا بيتي على ثلاث شوارع والمسجد القريب منا يصير شمالينا وبينا وبينه شارع طويل طبعا خذنا تصريح من المرور ووضعنا مطبات على حسابنا الشخصي جاري هو نفسه نسيبي ورجال كبير ويستخدم عصى تساعدة على المشي والتوازن وهو جزاه الله خير محافظ على الصلوات في المسجد ، أقسم بالله بدون مبالغة مع وجود المطبات نضطر بعض الأحيان ندخل في الشارع على شان الناس توقف حتى نمر وحنا رايحين للمسجد وللأسف في بعض السائقين يمشي ويمر على المطبتين بسرعة تزيد على الستين بدون أن يخفف السرعة ، وشي ثاني عيالي الله يحفظهم ويحفظ عيالكم يروحون معاي المسجد بعض الأحيان وأحيانا إذا ماكون موجود يروحون بروحهم ، ومرة من المرات خذت ولدي الصغير معاي المسجد وماسكه من يده وكان فيه زول كأنه مناحس توه بيدوس المطبة الأولى وأثناء عبوري للشارع داس على المطبة بسرعة ومر من جنبي قلت حاسب جزاك الله خير معاي طفل صغير يعني يشوفني قاطع الشارع ولا أهتم ورد علي بكل وقاحة وقال بلهجته مادا شارع ياخي .
حطوا نفسكم مكاني وش الحل والأخ ناصر يقول (( في دولة مثل دولة قطر تحترم فيها آدمية الأشخاص يجب عدم وضع مطبات صناعية في الطرق والاكتفاء بالإشارات التي تؤمن السلامة المرورية وتحديد السرعة وحالة الطريق ، وإنني على يقين بأن معظم السائقين سوف يلتزمون بذلك، وفي حالة عدم الالتزام على شرطة المرور مخالفة المخالفين فقط وليس معاقبة جميع مستخدمي الطريق بلا سبب))
، بعدين شلون أضبط السرعة على الطريق وهل تبيني أقدم تضحية بحد من عيالي ولا بنفسي على شان المرور ياخذ إجراء ، وأنا أقول الوقاية خير من العلاج طبعا ومش مع الكل البعض للأسف .
والله اللي يشوف الناس وشلون تمر على ذاك الشارع بيقول أن كلام ناصر غير منطقي وللأسف أغلب اللي يمرون مسرعين من الأجانب .
وفي قلة قليلة فقط هم يوقفون بمحظ إرادتهم حتى نقطع الشارع .

[Thamer_Qat]

شالمشكله اذا طلع قرار من فوق بأزالة جميع المطبات في الدولة وعمل حملة اعلامية في وسائل الأعلام ولوحات الشوارع ان مخالفة السرعه في الأماكن السكنية واللي ازيل منها المطبات ثلاث اضعاف المخالفات اللي في الشوارع الرئيسيه وتصل للسجن وسحب السيارة لمدة سنه واكثر والتسفير للسائق الاجنبي المتهور

وخلهم يطبقونها عدل وشوف النتيجه وبلا مطبات وقرف

[السهم الشمالي]

أخي الكريم
بلادنا للأسف بلاد القرارات
النظافة
المرور
البلدية
البيئة
الخ .....ألخ.
وين اللي ينفذ
غرامة رمي المخلفات من السيارة
غرامة البصق
وين اللي يطبق لازلت إلى الآن اشوف كثير من الناس يرمي مخلفات مثل الزقاير والقراطيس والفاين من السيارة وقدام الناس ولازلت اشوف الأسويين يفتح باب السيارة ويبصق الله يعزكم جميعا قدام الناس ولازلت اشوف الناس تتكلم في الجوال بدون سماعة ولازلت اشوف التجاوزات يمين ويسار .

أخي الكريم خلك واقعي ولما يسن قانون ويرصد له ناس تحاسب المخالفين بعدين يصير خير .
وباقولك قصة .
في أوائل الثمانينات صديقي يعد علي سالفة كان في لندن ورمى قرطاس علوج صغير أمسكوه راحت وحدة من الحريم اللي معاهم كبيرة شوي قالت هي اللي رامية القرطاس وكانت أدفعت غرامة وسووا لها سالفة .

[boamir]

شووف يالغاالي شوارع قطر يبيلها واايد اشياء تتعدل فيها
من ناحية الحفر والترقيعه بعد يعني بالبدايه الموتر يطيح داخل الحفره بعد مايرقعونها تكون طالعه من الشارع كأنها مطبه يعني بتكسر موترك بتكسره مافي فايده

ثانيا المطبات في أماكن ضروري تكون موجوده قدام مدرسه وبعض الفرجان إلي شوارعها شوي زحمه
وقدام بعض البيوت إلي تطل عالشارع على طول<<صعبه عالواحد كل مايبي يطلع ولا العالم زحمه والمواتر طيران من جدامه على الأقل مطبه تخليهم يخففون وفي نفس الوقت تعطيه فرصه يطلع

ولازم تكون مصبوغه وفي علامة تحذر والله بعض المطبات كللش ماتشوفها وكبييره قسم بالله اتذكر مره طيرت موتري على سنة 140 من مطبه كللش مايبين شي
ولا بعض المطبات نصها طاالع فووق ونصها ناازل

والشوارع إلي كله صبيات ومسوينها اي كلام والله زحمممه عليهاا
ويلومونا لاخذنا فورويل شلون تبي الصالون يمشي بهالأمااكن
انا ماأقول غير الله يعين إلي عنده سبورت حده الكورنيش بس مافي مكان يمشي فييه

شوارع الدوحه سيييييييئه جدا جدا ولااازم يشوفون لها حل الصراحه
خصوصا داخل الفرجان

[الجاهر]

كل واحد يخطط على كيفه كل تاجر وكل واحد واصل يسوي اي شي عادي بلا تخطيط بلا خرابيط

[تحداني]

شوارع قطر ما اعرف تصميمها بريطاني ولا امريكي ولا برتغالي .. ولا ايش
عشوائيه .. تفريعات مالها اي داعي ..وآآه على المطبات .. ما خلت شي صاحي
لا في الاعضاء الانسانيه ولا حتى في السياره والحوادث
صار المطب انتحار للسياره ..يمكن قلل من نسبه الوفيات
لكن زاد من خراب السيارات


يعني انه يبون يسون تنظيم ودوله تعرف معنى القياده
والشوارع مايحتاي


مشكله

جملكم الله برضى الرحمن

[بن رومي]

كان في الشارع اللي قدام بيتي 8 مطبات

و الحمد لله الحين توالدو وسارو 10

كل ببن مطبه و مطبة مطبة

من غير مبالغة

مع العلم ان طول الشارع يمكن ٨٠٠ متر فقط

بن رومي

[La Bella]

ولا الثلاث مطبات الي حاطينها بالشارع الجديد وأنت رايح أشارات السودان
وشوارع العزيزية أستانسنا عدلو الشوارع بعد يومين صفو لك 60 الف مطبه

[Thamer_Qat]

كان في اللي قدام بيتي 8 مطبات

و الحمد لله الحين توالدو وسارو 10

كل ببن مطبه و مطبة مطبة

من غير مبالغة

بن رومي


كنك تقصد السيليه الجديده اللي مدخلها ومخرجها واحد وكله مطبات مع انها منطقه سكنيه كبيرة جدا وفيها بنيان كثيف

الله يعين سكانها اعتقد كارهينها من بعدها ومن مطباتها ومدخلها الوحيداللي مليان مطبات كبيره

واعتقد دور عضو المجلس البلدي عن هالمنطقه ضروري في تنظيم شوارعها ومطباتها

[بن رومي]

كنك تقصد السيليه الجديده اللي مدخلها ومخرجها واحد وكله مطبات مع انها منطقه سكنيه كبيرة جدا وفيها بنيان كثيف

الله يعين سكانها اعتقد كارهينها من بعدها ومن مطباتها ومدخلها الوحيداللي مليان مطبات كبيره

واعتقد دور عضو المجلس البلدي عن هالمنطقه ضروري في تنظيم شوارعها ومطباتها

الله يعينهم اهل السيلية

سلاااااامتك انا مب من اهلها

بن رومي

[بومحمد911]

بعض المطبات ضرورية لكبح جماح المتهوريييييييين

وماتشوفون شر

[آلملآزم]

http://www.drishtna.com/Resorce/Gallery_Images/54_%D8%AE%D9%84%D9%81%D9%83%20%D9%85%D8%B7%D8%A8%D 8%A7%D8%AA.jpg

المطبات الصناعيه أمر لابد منه
ولكن لابد أن تكون خاضعه لمقاييس ومعاييرمعينه
وتكون ملونه بالوان واضحه تمكن السائق من رؤيتها بمسافه كافيه وأن لاتكون كما نراها في بعض الأحياء بارتفاعات متفاوته وبنفس لون الشارع وكأنها مصيده لمرتادي الطريق

[فتى الجود]

نعم بعض الاماكن
تحتاج وبعضها مايحتاج

خصوصاً:


لما يجونك بعض السائقيين المستهترين ويمشيك
في حى سكنى أكثر من 70
اعتقد لهذي الحلات المطبات افضل شي

[boamir]

ولا الثلاث مطبات الي حاطينها بالشارع الجديد وأنت رايح أشارات السودان
وشوارع العزيزية أستانسنا عدلو الشوارع بعد يومين صفو لك 60 الف مطبه

بالنسبه لإشارات السودان الصراحه انا مؤيد لها
وانا امر عليها يوميا والعالم جايين من الخط السريع ومحد يخفف حق إلي يبي يطلع من اللفه
وفي مجلس مدخله عالشارع بالضبط<<كنت بادعم واحد قبل لايحطون المطبات وهو طالع من هالمجلس
وبعدين لفة السودان والمسجد يعين منااسبه حق هالشارع وملونه وعريضه ماتخرب السياره وايد
<<< في هالحالات تنفع المطبات

بس المشكله في اأمااكن ثانيه كللش مالها دااعي والمطبات مرتفعه واايد ومب ملونه
وتسبب زحمممه مالها دااعي كللش