شلون جذيه؟

[مساهمة بسFresh]

:shy:
انا املاحظة دايما اذا كان في موضوع يعترض على شي الكل يدش ويعترض ويقول مب زين ومادري شنو انزين من عيل اللي يسوي هالشي بره؟
يعني مثلا البطولة مالت كاس العالم (ماعرف اصلا شنو اسمها:shy:)شفت ناس وايد يعترضون في المنتدى لكن في المسيرة الدوحة كلها طلعت :rolleyes2:واحنا نعرف ان المنتدى هذا هو نبض الشارع القطري
انا ماقول لاتستانسون (مع اني ماعرف شنو الوناسة في المسيرة لان كلها ازعاج وصوت السيارات يكون عالي وايد :shy:) بس اذا كان منتدانا الغالي فيه ناس من كل مكان وهو اكبر منتدى قطري والكل يعترظ من اللي يطلعون؟
وفي اشياء وايد بعد مثل الاختلاط في الشغل الكل هنيه معترض عليه بس بنات من اللي يشتغلون ومن وين:rolleyes2:
انا ماتهم حد انه يقول كلام غير عن اللي يسويه لان الله يدري بس باللي يسوونه الناس بس في المنتدى دايما الكل يعارض كل شي مب زين ومع هذا نلقى نص الدوحة تسويه
مادري شلون

[black@white]

يعترظ = يعترض
يعترظون =يعترضون
نبظ= نبض
يعارظ= يعارض

[الألماسي]

انا اقترح على اداره المنتدى الموقره إلغاء اللون الوردي لانه يبط العين

[الدمعه]

المسيره انا مارحتها ولاحد من بيتي راح ولا اي مسيره نروح لها ...

العمل والاختلاط مرفوض لهالسب انا مااشتغل واللحين حتى الاعمال الحره تركتها لان فيها اختلاط وقيل وقال ..

عبايات ملونه ومبهرجه الحمدلله ماالبس .. مجمعات بروحي مااروح .. ماعندي ليسن ..

وفي اشياء وايد اشوف اللي حوالي يسوونها ومستصغرين الموضوع بنظرهم وانا

عندي القناعه التامه ان هالشي مرفوض ..

وللعلم انا مب من المدينه الفاضله ولامث ماقلو بعض الخوات فاضيه لاشغله ولامشغله

وحاطه البنات ببالي ..

ومادري شلون اعطيج امثله زياده ... :victory:

[مساهمة بسFresh]

يعترظ = يعترض
يعترظون =يعترضون
نبظ= نبض
يعارظ= يعارض

صلحت الكلمات الغلط كلها :nice:
:)

[مساهمة بسFresh]

انا اقترح على اداره المنتدى الموقره إلغاء اللون الوردي لانه يبط العين

في قسم اقتراحات وشكاوي اخوي :)
وانت عضو مؤسس واعتقد تعرف هذا الشي :shy: مشكور على مرورك

[R 7 A L]

ومن قال لج احنا الى هني نمثل كافة الشعب القطري
!!!

[عيون الدوحة]

المسيره انا مارحتها ولاحد من بيتي راح ولا اي مسيره نروح لها ...

العمل والاختلاط مرفوض لهالسب انا مااشتغل واللحين حتى الاعمال الحره تركتها لان فيها اختلاط وقيل وقال ..

عبايات ملونه ومبهرجه الحمدلله ماالبس .. مجمعات بروحي مااروح .. ماعندي ليسن ..

وفي اشياء وايد اشوف اللي حوالي يسوونها ومستصغرين الموضوع بنظرهم وانا

عندي القناعه التامه ان هالشي مرفوض ..

وللعلم انا مب من المدينه الفاضله ولامث ماقلو بعض الخوات فاضيه لاشغله ولامشغله

وحاطه البنات ببالي ..

ومادري شلون اعطيج امثله زياده ... :victory:

:eek5: هي طلبت سيرتج الذاتية ؟؟

[قطرية ونص]

(ماتهم حد انه يقول كلام غير عن اللي يسويه لان الله يدري بس باللي يسوونه الناس بس في المنتدى دايما الكل يعارض كل شي مب زين ومع هذا نلقى نص الدوحة تسويه
مادري شلون)
مافهمت شي والله

[شبح الصمت]

يعني تقصدين اختي انه الناس تكلم اهنيه بالنفي والرفض وبرى عكس الشيء !!

[مساهمة بسFresh]

ومن قال لج انهم الى هني يمثلون كافة الشعب القطري
!!!

لا اخوي ماقلت جذيه انا :shy:
انا قلت هو نبض الشارع القطري
اسفة اذا فهمتني غلط

[الألماسي]

خاطري اشوف هـ النبض . .؟

[AbdullA-Qtr]

:shy:

[مساهمة بسFresh]

يعني تقصدين اختي انه الناس تكلم اهنيه بالنفي والرفض وبرى عكس الشيء !!

لا اخوي
انا اعتبر ان المنتدى هذا من اكبر المنتديات القطرية زين؟
وفيه ناس وايد يعني هو يمثل بنض الشارع
انا مستغربة ان الكل معترض هنيه وفي نفس الوقت الكل يايد بره
ويمكن بعد كلامك صح

[out]

كل شخص له حرية ابداء الرأي والاختلاف وارد بكل مكان وزمان

فيجب ان نتقبل حرية الرأي والرأي الاخر

تحياتي

[مساهمة بسFresh]

كل شخص له حرية ابداء الرأي والاختلاف وارد بكل مكان وزمان

فيجب ان نتقبل حرية الرأي والرأي الاخر

تحياتي

شكرا اخوي على مشاركتك ومحد قال عكس كلامك بس مجرد استغراب

[حليتان*]

عدد اعضاء المنتدى 37,891 !! وتقدرين تشيلين منهم 10000 ع الاقل مش قطرين

يبقى 27 الف ... هل الـ 27000 تمثل الشعب القطري كامل !!

ايه ونسيت ان اغلب الاعضاء كل واحد له معرفين وثلاث واربع وخمس :) وعليج الحسبه


وكل عضو معروف بالشي المعارض له

فلان معارض لـ سواقة الحريم
فلان معارض لـ المونديال
فلان معارض لـ المجلس الاعلى
فلان معارض لـ .....الخ




وانا مع الالماسي ههههههههه وجان زين يحطون معاه الفيس بو خدود حمره هههههههه (دعابه دعابه)

[دااانة قطر]

تنااقض في كل مكاان
بس مب شرط كل اللي موجودين في المنتدى ويشااركون يكونون عكس مانتي تشوفينهم

[out]

شكرا اخوي على مشاركتك ومحد قال عكس كلامك بس مجرد استغراب

ما غريب الا الشيطان :)

والعفو :nice:

[مساهمة بسFresh]

عدد اعضاء المنتدى 37,891 !! وتقدرين تشيلين منهم 10000 ع الاقل مش قطرين

يبقى 27 الف ... هل الـ 27000 تمثل الشعب القطري كامل !!

ايه ونسيت ان اغلب الاعضاء كل واحد له معرفين وثلاث واربع وخمس :) وعليج الحسبه


وكل عضو معروف بالشي المعارض له

فلان معارض لـ سواقة الحريم
فلان معارض لـ المونديال
فلان معارض لـ المجلس الاعلى
فلان معارض لـ .....الخ




وانا مع الالماسي ههههههههه وجان زين يحطون معاه الفيس بو خدود حمره هههههههه (دعابه دعابه)

والله ماجات على بالي هاذي الحسبة :shy:
مشاء الله عليك اخوي ومشكور
ويمكن بعد اللي يسوون نفسهم معترضين هم اجانب بس يعترضون جذيه
انا اقول يمكن لان الله اعلم

[مساهمة بسFresh]

تنااقض في كل مكاان
بس مب شرط كل اللي موجودين في المنتدى ويشااركون يكونون عكس مانتي تشوفينهم

اختي حرام عليج :weeping: والله مااتهمت حد انا قلت بس مستغربة :weeping:

[شبح الصمت]

لا اخوي
انا اعتبر ان المنتدى هذا من اكبر المنتديات القطرية زين؟
وفيه ناس وايد يعني هو يمثل بنض الشارع
انا مستغربة ان الكل معترض هنيه وفي نفس الوقت الكل يايد بره
ويمكن بعد كلامك صح



من قالج أختي أنه احنا نمثل نبض الشارع

إحنا الا اصابع تطبع وشفاه تتحرك فقط

اما نمثل الشارع لا ما اتوقع فئة قليلة احنا

[بوخالد911]

تنااااقض

[مساهمة بسFresh]

من قالج أختي أنه احنا نمثل نبض الشارع

إحنا الا اصابع تطبع وشفاه تتحرك فقط

اما نمثل الشارع لا ما اتوقع فئة قليلة احنا

بس اخوي انت شوف المشاركات كلها تقول ان هذا المنتدى هو نبض الشارع القطري ولاتنسى ان المنتدى هذا من اشهر المنتديات القطرية
ويمكن بعد اكون غلطانة :shy:

[ابو مشعل]

للاسف تم مسح ردي .. اتمنى انج قريتيه
مع التحية :)

[يحفظك ربي]

مسكينه كلتوها الطيبه تقصد فعلا في تناقض كبير في المنتدى وعقب نشوف نفس الشي بالخارج
هذا الشي اللي كانت تبي توصله بس يمكن ماعرفت
(ايضا مانقدر نعمّ لا على اللي في المنتدى ولا على اللي خارجه)

:nice:
Go ahead

:P

[مساهمة بسFresh]

للاسف تم مسح ردي .. اتمنى انج قريتيه
مع التحية :)

:rolleyes2: لا والله اخوي ماقريته :rolleyes2:
لكن الله يخليك اذا الرد يجرح حد ولا يخالف قوانين المنتدى ماله داعي وارجوك لاتزعل مني

[شبح الصمت]

بس اخوي انت شوف المشاركات كلها تقول ان هذا المنتدى هو نبض الشارع القطري ولاتنسى ان المنتدى هذا من اشهر المنتديات القطرية
ويمكن بعد اكون غلطانة :shy:



أختي بلا شك أنه منتدى الاسهم القطرية من اشهر المنتديات !!

وبدورنا أحنا نوصل الكلام الي يدور في المنتدى لخارج نطاق المنتدى وحصريته

يعني انا الحين جلست وشفت موضوع ورحت نقلته لخارج المنتدى وغيري انقله يعني احنا أداه ولكن لسنى نبض الشارع

لانه الشارع لو تكلم راح ينفجر من أشياء كثيرة

في الاشياء الايجابية وفي الاشياء السلبية واسمحي لي اشياء سلبية وايد في المنتدى ونقد ونقد بس يا هل ترى شفنا الاشياء الايجابية خارج المنتدى !!

[مساهمة بسFresh]

مسكينه كلتوها الطيبه تقصد فعلا في تناقض كبير في المنتدى وعقب نشوف نفس الشي بالخارج
هذا الشي اللي كانت تبي توصله بس يمكن ماعرفت
(ايضا مانقدر نعمّ لا على اللي في المنتدى ولا على اللي خارجه)

:nice:
Go ahead

:p

:):):) مشاركة حلوة اخوي ومشكور

[مساهمة بسFresh]

أختي بلا شك أنه منتدى الاسهم القطرية من اشهر المنتديات !!

وبدورنا أحنا نوصل الكلام الي يدور في المنتدى لخارج نطاق المنتدى وحصريته

يعني انا الحين جلست وشفت موضوع ورحت نقلته لخارج المنتدى وغيري انقله يعني احنا أداه ولكن لسنى نبض الشارع

لانه الشارع لو تكلم راح ينفجر من أشياء كثيرة

في الاشياء الايجابية وفي الاشياء السلبية واسمحي لي اشياء سلبية وايد في المنتدى ونقد ونقد بس يا هل ترى شفنا الاشياء الايجابية خارج المنتدى !!

والله مب عارفة شنو ارد اخوي
كلامك صحيح بس انا حاطة في بالي ان وايد وايد ناس قطريين ويانا في المنتدى واكثر من اي منتدى ثاني

[eXpert*]

يعني تقصدين اختي انه الناس تكلم اهنيه بالنفي والرفض وبرى عكس الشيء !!


كلامك زبدة الكلام ،، ويا كثرهم اللي يقولون ما لا يفعلون :)

[يحفظك ربي]

:):):) مشاركة حلوة اخوي ومشكور

اختج :shy:

حبيبتي :shy:

العفوو ولو

[موضي قطر]

:shy: الأخت مساهمة للي مافهموا موضوعها اعتقد انها تقيس بعض الأمور مثل الاختلاط وتشوف
نسبة لا بأس بها تشتغل في مكان مختلط .. وهي تتسائل عن التناقض في بعض الأمور انه ينادى بها وهي تفعل في الحياة اليومية .. اختي مساهمة هل هذا ماتقصدين ؟! :shy:

[غير البشر]

:shy:
يعني مثلا البطولة مالت كاس العالم (ماعرف اصلا شنو اسمها:shy:)شفت ناس وايد يعترضون في المنتدى لكن في المسيرة الدوحة كلها طلعت :rolleyes2:



اختي مب شرط
اذكر من زمان فريقنا فايز وطلعنا مسيره
الا كان في واحد مشتط ومعانا في المسيره وكان يستعرض

يقول ياالطيب من الي لعب ومن فاز وكم النتيجه ههههههههههههههههههه :rolleyes2:

[مساهمة بسFresh]

اختي مب شرط
اذكر من زمان فريقنا فايز وطلعنا مسيره
الا كان في واحد مشتط ومعانا في المسيره وكان يستعرض

يقول ياالطيب من الي لعب ومن فاز وكم النتيجه ههههههههههههههههههه :rolleyes2:

قصدك مع الخيل ياشقرة :)

[AbdullA-Qtr]

:shy: للأمانه قريت الموضوع وما استوعبت شي ..
لكن من خلال الردود فهمت الموضوع ..
انصحج اتسوين نموذج.. اتسجلين الاسماء واتسوين عليهم مراقبه ..في حياتهم الطبيعيه واتقررين اذا صدق انهم يقولون مالا يفعلون او العكس ..

[دااانة قطر]

اختي حرام عليج :weeping: والله مااتهمت حد انا قلت بس مستغربة :weeping:



والله ماقلت شي
هذا رد خااص فيني ردي عالموضوع لاني معااج مستغربه

[مساهمة بسFresh]

والله ماقلت شي
هذا رد خااص فيني ردي عالموضوع لاني معااج مستغربه

اها :victory:
اوكيه:)

[بـــــــنت النوخـّــــذه]

:shy:
يعني مثلا البطولة مالت كاس العالم (ماعرف اصلا شنو اسمها:shy:)شفت ناس وايد يعترضون في المنتدى لكن في المسيرة الدوحة كلها طلعت :rolleyes2:واحنا نعرف ان المنتدى هذا هو نبض الشارع القطري


اشوه الحمد الله قريت العباره 3 مرات توني فاهمتها حسبت مسويين بطّوله نفس الي لابستها على ويهي لكاس العالم 00شفت كلمت مالت قلت خلاص بطولتي باقو فكرتها
ف طلع ان المثال مضروب على بطولة كأس العالم 2022م

عموما" كلامها صح (نوعا" ما) وخلو البنيه اتعبر عن مشاعرها 000:p

[هبوب الكوس]

:shy: للأمانه قريت الموضوع وما استوعبت شي ..
لكن من خلال الردود فهمت الموضوع ..
انصحج اتسوين نموذج.. اتسجلين الاسماء واتسوين عليهم مراقبه ..في حياتهم الطبيعيه واتقررين اذا صدق انهم يقولون مالا يفعلون او العكس ..

يبيلة جهاز ماشل مال تتبع الطيور :nice:

وتركبه على كل عضو :rolleyes2:

[غير البشر]

قصدك مع الخيل ياشقرة :)


عليج نوور بعظهم جذي :nice:

[إينشتاين]

في هالموضوع انا معاج قلباً وقالباً ........

من زمان افكر في هالموضوع خصوصاً موضوع الإختلاط واشكال بنات هاليومين من مكياج وعبايات مخصرة وخرابيط ،،

الكل معترض عليها في المنتدى وفي المجالس وفي كل مكان...

عجل هذولا من هم اهله وبناته وخواته ؟؟؟؟

[مساهمة بسFresh]

اشوه الحمد الله قريت العباره 3 مرات توني فاهمتها حسبت مسويين بطّوله نفس الي لابستها على ويهي لكاس العالم 00شفت كلمت مالت قلت خلاص بطولتي باقو فكرتها
ف طلع ان المثال مضروب على بطولة كأس العالم 2022م

عموما" كلامها صح (نوعا" ما) وخلو البنيه اتعبر عن مشاعرها 000:p

:p:p:p

[ام علي1981]

يعني تقصدين اختي انه الناس تكلم اهنيه بالنفي والرفض وبرى عكس الشيء !!


خير الكلام ماقل ودل :victory::victory::victory::victory:

[دااانة قطر]

في هالموضوع انا معاج قلباً وقالباً ........

من زمان افكر في هالموضوع خصوصاً موضوع الإختلاط واشكال بنات هاليومين من مكياج وعبايات مخصرة وخرابيط ،،

الكل معترض عليها في المنتدى وفي المجالس وفي كل مكان...

عجل هذولا من هم اهله وبناته وخواته ؟؟؟؟



مدري هي بتعتبر غيبه او لا
بس اعرف وحده ماشاء الله في المنتدى راازينها مشرفه عالقسم الاسلااامي وتجيب موااضيع حلوة في الصلاااه وغيرها بس الصوره الرمزيه لها ( استغفر الله )
والصلاااه ماتعرفها وانوااع الميك اب والعبايات المخصره
الله يهديها ( عقب ما تكلمت فيها )
بس حبيت اوضح النقطه


اهلها
اولا الأم تقول خلها تكشخ حاالها حاال هالبناات حلاال عليهم وحراام عل غيرهم
والإخواان لا اسمع لا ارى لا اتكلم
ويقولون ليش محد يخطب بنااتنا





الله المستعاان

[AbdullA-Qtr]

يبيلة جهاز ماشل مال تتبع الطيور :nice:

وتركبه على كل عضو :rolleyes2:

ههههههههههههه شور طيب :shy:

[boamir]

المقصد بالنسبه حق إلي يدعون المثليه مثل موضوع اخونا قطر love سابقا بس الأخت ماعرفت تعبر عدل

وهالشي فعلا يحير ويقهر بنفس الوقت
يعني بعض الناس نشوفهم هني شي وفي الحقيقه شي ثااني
يعني يعرف الخطأ ويتكلم عنه ومايحب حد يسويه بس مايشوف عمره شقاعد يسوي ؟؟!!

الله يهدييهم بس

[نور الحور]

ما يسوى عليج ... كسرتي خاطري بصراحة .. استلموج عدل ..:(

الموضوع فكرته واضحه .. وأنا معاج أسأل نفسي أحياناً هالسؤال ..

ما شاء الله الكل مثاليين وعدلين وملتزمين وما يرضون بالغلط .. عيل اللي نشوفهم ونتعامل معاهم من ؟؟

أتوقع بعض الناس يحبون يكونون في السليم عن طريق (مع الخيل يا شقرا) .. أويقولون وشلنا في القيل والقال والشد والجذب مع عقليات مختلفة ..
بعضهم عندهم قناعات معينة بس ما يبون يدافعون عنها أو يبينونها عشان ما يتلقون هجوم أو لغاية ما في نفسهم (طيبة أو خبيثة) ...
وبعضهم يعرفون الصح ويأيدونه لكن ما يطبقونه ..(يقولون ما لا يفعلون) ..

الله يهدي الجميع ..ومشكورة على الموضوع..

[نور الحور]

مدري هي بتعتبر غيبه او لا
بس اعرف وحده ماشاء الله في المنتدى راازينها مشرفه عالقسم الاسلااامي وتجيب موااضيع حلوة في الصلاااه وغيرها بس الصوره الرمزيه لها ( استغفر الله )
والصلاااه ماتعرفها وانوااع الميك اب والعبايات المخصره
الله يهديها ( عقب ما تكلمت فيها )
بس حبيت اوضح النقطه


اهلها
اولا الأم تقول خلها تكشخ حاالها حاال هالبناات حلاال عليهم وحراام عل غيرهم
والإخواان لا اسمع لا ارى لا اتكلم
ويقولون ليش محد يخطب بنااتنا





الله المستعاان




الله يهديها ويغفر لها ..

أختي أنت اللحين بتشجعين الأعضاء على تتبع عورة مسلمة ..
انزين هي مشرفة على قسم إسلامي يعني مواضيع فيها خير ..

أسلوبها الخاص وحياتها الله يصلحهم .. ممكن تنصحينها .. بس هالطريقة بتشجع على سهولة التعرف عليها ..

الله يستر على الجميع .. وياليت أختي تسترين عليها ..

[راعي ال VXR]

الليل سكون والسكون راحه
والراحه اهم مايحرص عليه الانسان
والانسان سمي انسان لانه ينسى
والنسيان نعمه وهبها الله لهذا الانسان الضعيف
والضعف عكسه القوة
والقوة تتنوع وتتشكل ولكن اهمها قوة الاراده وقوة العزيمه
والعزيمه تختلف من شخص لآخر
فبعضنا يعزم على الرز وبعضنا يعزم على سندويش جبن
والجبن من اجود انواع النواشف ويستخرج الجبن من حليب العنز
والعنز = الماعز ولكن العنز مشتقه من عنزات جارتنا ام سليم
وام سليم من النساء
والنساء يحبون شيئين هما ... السوق والمكياج
والمكياج نعمه وهبها الله بشكل غير مباشر لرجالنا
ونسائنا في غاية الجمال ... "بعد المكياج" ... ...
والرجل هذا الكائن الحي الطيب الرحوم
وجاذبيته في قوة شخصيته
وشخصيته بالشماغ او الكاب او الطاقيه او الطربوش كل
واحده تختلف به ميوله
والميول عادةً ماتكون هلاليه
والهلال فاز على الاتحاد ثنين واحد
والواحد بعد الصفر
والصفر درجه مؤيه يتجمد عندها الماء
والماء سر الحياة
والحياة بدونك ياسيدتي سراب
والسراب عكس الحقيقه
والحقيقه انك ياسيدتي انتي الحقيقه .... بدون مكياج
مكياج العواطف هو تزوير العاطفه تجاه الرجل
والرجل يحب الصراحه كما المرأه

واليمين عكسه اليسار

واليسار عكسه اليمين

واليمين درب الغانمين

والغانمين هما انا وانتم والسنين

[مساهمة بسFresh]

في هالموضوع انا معاج قلباً وقالباً ........

من زمان افكر في هالموضوع خصوصاً موضوع الإختلاط واشكال بنات هاليومين من مكياج وعبايات مخصرة وخرابيط ،،

الكل معترض عليها في المنتدى وفي المجالس وفي كل مكان...

عجل هذولا من هم اهله وبناته وخواته ؟؟؟؟

وهذا مصدر الاستغراب :rolleyes2:

[محمد]

الرد بهالموضوع !!

http://qatarshares.com/vb/showthread.php?t=453834

[خليفـة]

فيه ناس تحب تمثل
تسوي نفسها شيء وفي الواقع هي شيء آخر

ولكن .. في النهاية
الطبع يغلب التطبُع

خليفــة
:)

[catqat]

الموضوع ومافيه انه العالم تحب تتكلم عن كل شي ،، هو صح راح يقولون غلط ،، هو غلط راح يقولون صح ،، لكن الواقع نفسه نفسه مايتغير... صدق من قال خالف تعرف:omen2:

[موظف بالبورصه]

الموضوع ومافيه ان المنتدى لايمثل الشارع القطري بالكامل !!

يمكن نقول ربعه .. فشريحه كبيره تتواجد خارج المنتدى ...

واذا نجي على هالربع تحصلين فيهم متناقضين كلامهم فالمنتدى انتقاد في مواضيع كثيره ..

وفالخارج هم ماينتقدونه فالمنتدى :)

[الدمعه]

:eek5: هي طلبت سيرتج الذاتية ؟؟

توني اعرف ان السيره الذاتيه تنكتب بهالطريقه ..شكلك ماتعرف شلون تكتبها :eek5:

انا رديت هالرد يااخ .. مب عشان ياناس شوفوني ماهمني حد .. وانا مادست لك على طرف ..

اللي يهمني ان كل ماردينا على موضوع يخص البنات او الدين اوالعادات والتقاليد صرنا

احنا مع الخيل ياشقرا (ياشقله ).. او احنا اللي مانغلط بالعكس مافي انسان مايغلط بس

الاهم اللي يصلح غلطه .. في النهايه صرت ماارد على مواضيع وايد لان في ناس تافهه

تترصد للكلمه وماتحسب لكلامها قبل لاتحطه ..:anger1:

مشكوره عالموضوع .. وانا امثل نفسي ..

[مشتاقة لقطر]

الليل سكون والسكون راحه
والراحه اهم مايحرص عليه الانسان
والانسان سمي انسان لانه ينسى
والنسيان نعمه وهبها الله لهذا الانسان الضعيف
والضعف عكسه القوة
والقوة تتنوع وتتشكل ولكن اهمها قوة الاراده وقوة العزيمه
والعزيمه تختلف من شخص لآخر
فبعضنا يعزم على الرز وبعضنا يعزم على سندويش جبن
والجبن من اجود انواع النواشف ويستخرج الجبن من حليب العنز
والعنز = الماعز ولكن العنز مشتقه من عنزات جارتنا ام سليم
وام سليم من النساء
والنساء يحبون شيئين هما ... السوق والمكياج
والمكياج نعمه وهبها الله بشكل غير مباشر لرجالنا
ونسائنا في غاية الجمال ... "بعد المكياج" ... ...
والرجل هذا الكائن الحي الطيب الرحوم
وجاذبيته في قوة شخصيته
وشخصيته بالشماغ او الكاب او الطاقيه او الطربوش كل
واحده تختلف به ميوله
والميول عادةً ماتكون هلاليه
والهلال فاز على الاتحاد ثنين واحد
والواحد بعد الصفر
والصفر درجه مؤيه يتجمد عندها الماء
والماء سر الحياة
والحياة بدونك ياسيدتي سراب
والسراب عكس الحقيقه
والحقيقه انك ياسيدتي انتي الحقيقه .... بدون مكياج
مكياج العواطف هو تزوير العاطفه تجاه الرجل
والرجل يحب الصراحه كما المرأه

واليمين عكسه اليسار

واليسار عكسه اليمين

واليمين درب الغانمين

والغانمين هما انا وانتم والسنين

ههههه من وين طالع ؟؟هالرد

[الدمعه]

ههههه من وين طالع ؟؟هالرد

ههههه انا ضعت في الرد ههههههه

[Miss]

فيه ناس رااافضين اشياء معينه لكن يجبروون على فعلها ..

يعني مثلا الشغل المختلط مرفووض تماما .. لكن تجبرها الظروف .. مثلا ابوها شيبه ويا دوب معاش التقاعد وامها عيوز يالله يالله تمشي .. والشغل الحين تحصلينه بالتفق على قولتهم ..

الله لا يحوجنا لاأشياء لسنا راضين عنهاا

[ANONYMOUS]

خاطري اشوف هـ النبض . .؟

تفضل ياعيوني :p

http://drsvenkatesan.files.wordpress.com/2011/05/heart_beating.gif?w=260&h=260


اما بخصوص الموضوع


اكثر المواضيع مشاركاتها بسيطه

40 او 60 او 100 رد

100 رد = 100 شخص ماتمثل كل شرائح المجتمع .. يمكن تمثل المعارضين فقط..

في الشبكه 37 الف عضو

لو كلهم يشاركون.. بتتضح لج الرؤيه

[مساهمة بسFresh]

الرد بهالموضوع !!

http://qatarshares.com/vb/showthread.php?t=453834

شكرا على الموضوع اللي حطيته :nice:

[مساهمة بسFresh]

فيه ناس رااافضين اشياء معينه لكن يجبروون على فعلها ..

يعني مثلا الشغل المختلط مرفووض تماما .. لكن تجبرها الظروف .. مثلا ابوها شيبه ويا دوب معاش التقاعد وامها عيوز يالله يالله تمشي .. والشغل الحين تحصلينه بالتفق على قولتهم ..

الله لا يحوجنا لاأشياء لسنا راضين عنهاا

هلا حبيبتي
انزين اللي ينجبر على شي لازم يقول في كل مناسبة انه معارض ومايذكر انه انجبر؟

[سونيتا]

اتوقع الاشخاص اللي ذكرتيهم معهم انفصام في الشخصيه وياكثرهم هالايام

[هدى السليطي]

ههههههههه
والله كلامج معقول يا سونيتا
يقلون احنا مانسوي
وهم في المقدمه ويسووون كل شي

[مساهمة بسFresh]

اتوقع الاشخاص اللي ذكرتيهم معهم انفصام في الشخصيه وياكثرهم هالايام

يمكن :)

[المثابر]

:shy:


المسيرة مب مقياس كلش

أضرب مثال

في الأندية لما يفوز فريق بكأس وخلنا نقول العربي فاز :shy:

أكيد جماهير العربي بيطلعون في مسيرة وبيترسون كورنيش الدوحة :shy:

هذا ما يعني أن في قطر مافي الرياني والسداوي .. إلخ



والشيء الثاني الي ذكرتيه عن شغل الحريم في الأماكن المختلطة

لو فرضنا أن كل الحريم الي يشتغلون هناك قطريات

بنحصل أن الي قاعدات في بيوتهم أكثر بوايد

والي مثل الأخت " الدمعة " الحمد لله وايد

[الجوكر90]

السلام عليكم
اول شي احب اقول ان المنتدى مايمثل الا جزء بسيط من المجتمع
لان عددنا 300 اللف تقريبا
وهني 37 الف يعني11% من المحتمع
خل نقول 10000 مب قطريين
و10000 تاجر ماله خص فهل المواضيع
باقي 17 الف
في منهم بس يقرى
وفي منهم عنده اكثر من نك
وفي منهم يدخل الالعاب والتسليه والرياضه
وفي منهم بس مسجل من زمان ومايدري عن المنتدى شي
يعني صاروا اقل من 5% من الشعب

المهم ندخل فالموضوع
بقولج الشيخه في ناس يسون الغلط ويعرفون انه غلط بس يقعدون فالمنتدى لا ولا ولا
واعرفهم شخصيا واتابع ردودهم فالمنتدى فرق كبير
بس هم يقولون جي عشان يمكن بعدين اي حد من المنتدى يعرف انه فلان يطيح من عينه
او انه ماله خلق الاعضاء

يعني مثال
تحصلين واحد يتكلم عن شات قطر وقيمزر والفيس بوك
تحصلينه سب فيهم بس فليل قاعد يسولف ويلعب

يعني من برع هالله الله
ومن داخل يعلم الله

وفي نقطه مهمه
ان فالموضوع الواحد تحصلين 100 رد يس الاعضاء الي ردوا 14 شخص
يعني كل واحد يرد اكثر من رد

[نتفـه]

بسألج سؤال ,, اذا مثلا عرفتي السبب شنو بيصير ؟؟ بتقدرين تغيرين الاشياء الله ما تعجبج ف الكل وتصلحينهم ؟؟؟ الطبع يغلب التطبع .. ومعروف ان ((اذا بليتم فاستتروا)) تبينهم يغلطون ويجاهرون باخطائهم مثلا !!!! الغلط شين ولكن المجاهره بالغلط والمعصيه مثلا طامه كبرى .. خليهم يسكتون ولا يقولون احنا نسوي وشنو يعني وعادي .. لان الكل بيستلمهم اولا وثانيا ممكن احد يقلدهم ما تدرين ..
ما نقول الا الله يهدينا ويهدي الجميع ان شاء الله لان محد معصوم من الاخطاء ,,

[سما الوطن]

أوافق من قال أن المنتدى لا يمثل الشارع القطري ولا اراء الشارع القطري
الاخوه هنا مجموعه لها أرائها ..واراء متقاربه الأراء نوعاً ما ..ولكنها لا اظنها تمثل راي الأغلبيه والله اعلم

وشي اخر قد يكون السبب ( لقله جداً ) ... هو القناع الذي يجب أن يلبسه البعض ( القله جداً ).. يحب أن يظهر بشخصيه فاضله دائما ..مثاليه ....لأسباب لا تخفي على اي حد

والأن وما ادري مدى صحه شعوري ... احس بعد الاحداث الأخيره البعض يعترض على ما لا يريد الأعتراض عليه ولا هو مقتنع به ..وذلك لأغراض بنفسه ..لزرع الفتنه ...خاصه بعض ما اصحبت قطر مستهدف .... انا لا اتهم اي احد من الاعضاء لا سمح الله ..ولا اتكلم عن الواضيع التي تناقش السلبيات في قطر ...ولكن اتكلم بشكل عام هنا بالمنتدى او بالمحطات الفضائيه .. غالبا هم اصلا غير قطرين ..ينتحلون اسماء ونك نيم قطري ....

[<اضرب واشرد>]

السلام عليكم

- موضوعج واضح أختي.

- المنتدى - بحكم كونه مختص بالأسهم والتجارة - يتميز بكبر سن أعضاءه ( مب مراهقين يعني ويهال مثل باقي المنتديات ) ، لذلك فمستوى فمواضيعه وأعضاءه أعلى من باقي المنتديات.

- تقولون عدد الأعضاء المسجلين 37 قولوا اللي يشاركون في مواضيع القسم العام مثلا 2000 منهم ، هذا العدد ( 2000 ) يمثل عيّنة للمجتمع القطري ، يعني لو 1700 من هالـ 2000 اعترضوا على موضوع وجاء 300 وافقوا على الموضوع .. نقدر نقول أن أغلب الشعب القطري معترض.

- حتى لو وافق 170 واعترض 20 نقدر نقول أن غالبية الشعب القطري معترض.

- المؤسسات اللي تعمل احصائيات وغيرها ماتسوي مقابلة مع كل الشعب ! لكن تاخذ عينة بسيطة ، مثلا من قطر يسألون 100 شخص فقط ، ويختارونهم بعناية بحيث يكونون من كافة الأطياف ، وبعد ذلك يحطون هامش للخطأ ( مثلا 66 شخص موافق والباقي معترض : يقولون 66% من الشعب القطري موافق مع هامش خطأ يُقَّدر بـ ( -+ 4% ) وهذا معناه أن النسبة الصحيحة ممكن تكون بين 62% و 70%.

نرجع للمنتدى :


- كثير من المواضيع العامة لا يستطيع الأفراد الاعتراض عليها إلا خلف حجاب ( خلف نك نيم ومنتدى مثلا أو في المجالس الشخصية ) ، مثال على ذلك كاس العالم ! ، لا يستطيع المعترضون القيام بمسيرة ( مثلا ) معارضة لكاس العالم ! فإذا خرج الآلاف لمسيرة مؤيدة لا نستطيع القول أنه لا يوجد معارضون ، بل يوجد لكنهم لا يستطيعون ابداء اعتراضهم بصورة علنية ( في الجرايد مثلا والتلفزيونات أو المسيرات إلخ ).

- هناك بعض الأمور التي يعترض عليها أغلب المجتمع لكن تُفرض عليهم فمع الوقت بعض المعترضون يتنازلون عن مبادئهم ( للأسف ) بسبب الاغراءات والدنيا ، على سبيل المثال : الاختلاط ، الكثير من الآباء والأمهات والبنات والشباب يعترضون عليه ، لكن هناك بعض المعترضين سمحوا لبناتهم بالاختلاط بعد أن سُدت في وجوههم الأعمال ، أو أنهم أرادوا لابنتهم دراسة في جامعة خارج الدولة أو أو .. ( الاغراءات جعلتهم يتنازلون عن موقفهم للأسف ) ، ولعلهم يتنازلون عن حسرة في البداية لكن في النهاية يتعودون على الغلط ، فكثرة المساس تميت الاحساس.

- الأمور في المجتمع تتغير بسلاسة وشكل غير محسوس ، لا تتغير بشكل مفاجئ وصادم ، على سبيل المثال العبايات ولبس النساء : العري والسفور يأتي بشكل تدريجي على مر عدة سنين ، أولا ( يطلعون القذلة ) ، بعد سنة اللي ينتقدونهم يسوون مثلهم ( شجعوهم على المعصية والتقليد ) ، وبعد سنتين يخصرون العباية ، وبعد ثلاث سنين ( التخصير يدخل في منافسة شديدة ) وتزيد حدته ! ، وبعد ثلاث سنين وحده ( تعبانه ) تفتح عبايتها وتطلع الجينز وتمشي في المجمعات ، وبعدين كذا بنت تقلدها ، إلى أن تنتشر ، وإلى أن ينتقدها البعض .. ثم يقلدوهم ! ، وبعد ماطلعوا الجينز .................. ( إلخ إلخ إلخ ) ، وإلى أن يأتي زمان ( أسأل الله أن لا أراه ) تُخلع فيه العباءة تماما ونشاهد بناتنا مثل بنات ( بعض الدول الخليجية ) ، أو الشامية والعربية !!!!

نعم هكذا الأمور تتغير بسلاسة ، حتى المشركين لم يعبدوا الأوثان فجأة ، أولا مات صالحوا القوم ، وبعدها بنوا لهم مجسمات ( تماثيل ) ليتذكروهم ، وبعد عدة أجيال أصبحت هذي التماثيل تُعظم ( يمسحون الغبار عنها إلخ ) ، وبعد عدة أجيال أصبحوا يعبدونها من دون الله !!!!

وهكذا اللغات ، اللهجات العربية لم تظهر من اللغة العربية فجأة ، بل ظهرت على مدار قرون ، شيئا فشيئا.



- نقطة أخرى ، وهي أنه في المنتدى يتجنب من يعمل الخطأ على ذكر ذلك ، مثال : موضوع يتكلم عن لبس بعض البنات أو الاختلاط إلخ إلخ ، تجد كل الردود معترضة ! لأن من ابتلى بهذا الشيء سواء كانت فتاة أو كان أخ لفتاة ، لا يفضح نفسه ! ، ولا يستطيع أن يعارض لأنه مقتنع أن هذا الشيء خطأ ! فيكتفي بالصمت والقراءة ، وربما يعارض من باب أن هذا هو مبدئي وايماني لكن لا تسألوني عن فعلي.





وآسف على الاطالة والله يستر علينا

[STAR]

والله انا وحدة من اللي استانسوا ع استضافة كأس العالم.. لكن بعد الغلاء اللي قاعد يصير
واهمال الدولة لهموم المواطنين واهتمامها بالرياضة والمشاريع الرياضية .. بصراحة تضايقت ع فوزنا ..

[Qatar-Qa]

اعتقد الاخت في هالموضوع تقصد بعض الناس الله يهديها اللي تنكر الشي وهي اول من يسويه

[® قطر ®]

اختي الكريمه كم شخص من ربعج رافض المدارس المستغله بس قاعد يدرس عياله فيها. تدرين ليش ؟
لانه شي مفرووووض عليه

[ابو علاوي]

شلون جذيه او ليش هيك او لماذا؟\

احيي صاحبة الموضوع

لان الكثيرين بالمنتدى يظهرون مثاليتهم هنا
ويسوون اشياء عكس اللي يكتبونها تماماً
خارج المنتدى


شكراً

[® قطر ®]

شلون جذيه او ليش هيك او لماذا؟\

احيي صاحبة الموضوع

لان الكثيرين بالمنتدى يظهرون مثاليتهم هنا
ويسوون اشياء عكس اللي يكتبونها تماماً
خارج المنتدى


شكراً

كل(ن) يرى الناس بعين طبعه ومايصير تحط في ذمتك وشعرفك انت بالناس بره المنتدى

[CH Engineer]

يالغاليه ارجعي للموضوع
وشوفي كم واحد رفض كأس العالم؟ 99؟ 150؟
وكم واحد كان مع 50؟ 70 ؟

وكم واحد كان في المسيرة 2000؟ 3000؟
نصهم رايحين للوناسه وتغيير الجو

ويظل الاغلبية بلا رأي

[ابو علاوي]

كل(ن) يرى الناس بعين طبعه ومايصير تحط في ذمتك وشعرفك انت بالناس بره المنتدى

هههههههه
انا ماقلت الكل قلت الكثيرين
وماحط احد بذمتي
وبعدين انا اعرف كثيررررررر من الاعضاء بره المنتدى :):)
شكراً لمساهمتك رقم 9

[® قطر ®]

هههههههه
انا ماقلت الكل قلت الكثيرين
وماحط احد بذمتي
وبعدين انا اعرف كثيررررررر من الاعضاء بره المنتدى :):)
شكراً لمساهمتك رقم 9

حتى مشاركاتنا قاعدين تحسبونها علينا :omen2:

[النائب]

اعتقد أكثر المبسوطين على الموضوع هم الأجانب وليس القطريين علشان يحصلون وظائف ويستفيدون منه .

يعني الكثير من إللي في المسيره ليس من أبناء ولا بنات الوطن .

هذا للعلم ...............

[® قطر ®]

اعتقد أكثر المبسوطين على الموضوع هم الأجانب وليس القطريين علشان يحصلون وظائف ويستفيدون منه .

يعني الكثير من إللي في المسيره ليس من أبناء ولا بنات الوطن .

هذا للعلم ...............

ارحم الله والديك

[مساهمة بسFresh]

اعتقد أكثر المبسوطين على الموضوع هم الأجانب وليس القطريين علشان يحصلون وظائف ويستفيدون منه .

يعني الكثير من إللي في المسيره ليس من أبناء ولا بنات الوطن .

هذا للعلم ...............

:rolleyes2:

[مساهمة بسFresh]

اختي الكريمه كم شخص من ربعج رافض المدارس المستغله بس قاعد يدرس عياله فيها. تدرين ليش ؟
لانه شي مفرووووض عليه

والله يمكن كلامك يكون صح بعد :shy: