شرقاوي ...شرقاوي..شرقاوي

[مهندس]

السلام عليكم....
أخي العزيز شرقاوي ...بودي أسألك سؤال بس أبغاك تجاوبني بكل صرااااحة لأننا ما تعودنا منك غير الصراحة .....

صدقني أنا ماسألت إلا عشان متأكد إنك قدها و كفؤ للسؤال ......

أخي العزيز لو كان عندك الإختيار بدخول أي سوق مالي خليجي في الوقت الراهن أي سوق بتدخل ؟؟!!!!!! بكككككككككل صراحة أرجوووووك ...
ماشاء الله عليك ..ما سألتك إلا أ نا عارفك... :shy:



و كل الشكر على بيت اللقب الي في توقيعك

القصيدة جدا عزيزة :)

[مهندس]

خليني أشاركك و أناقشك شوية .....

الي أنا أعرفة إنة السوق الكويتي هو الأفضل من ناحية الPE ratio و لكن مب عارف قوة الشركات الي هناك ...و لكن سوقنا الشركات فيه جدا قوية و مستقبلها جيدا باهر و مقبلة على زياداااات في رؤوس الأموال ....ولكن ماني عارف عن أسعارنا الحالية مقارنة مع الأسعار في الأسوق المجاورة ......على العموم أنا في إنتظار رد ....و للحوار بقية إنشاء الله :D

[شرقاوي]

اولا اشكرك اخي مهندس

على ثقتك الغالية رغم تواضع خبرتي .. بالنسبه

لـ أفضل سوق خليجي

"بإستثناءالسوق الكويتي"

لأنني لاأعلم عنه الشيء الكثير فـ أفضل سوق

حاليا

هو سوق الدوحة

والاسباب :

- مكرر ارباح الشركات لايزال مقنع مقارنة بباقي الاسواق

- الانظار بدأت تتجه الى سوق قطر وانا اعلم هذا الشيء

جيدا بحكم انني اعيش داخل اكبر بلد خليجي من حيث عدد

السكان وعدد المساهمين ..

يوميا اخوي مهندس يأتيني الكثير

من الإستفسارات عن كيفية الدخول الى السوق القطري وعن

جدوى الاستثمار هناك وصدقني ان الكثير منهم اقتنع بكلامي

وان شاء الله السوق مايخيب ظننا فيه

- مستقبل اقتصاد قطر ممتاز بإذن الله






============

خاص للمهندس

بيت الشعر اللي بالاسفل عزيز علينا كلنا

ورحم الله كاتبه.

[مهندس]

كل الشكر و التقدير لك شرقاوي على هذا الطرح الراقي :)



والله يرحم من كتب هذي الروعة في الإبداع

[شرقاوي]

حياك الله اخوي مهندس

بس حبيت اضيف نقطه

انا فعلا الان داخل بسوق الدوحة فقط

والاسبوع اللي فات كنت هناك

وعايشت الازدحام ...الوضع صعب

صراحه مافيه مواقف قريبه من المبنى

لازم يستعجلون بالمبنى الجديد


ولا على هالحال كل مره نبي ناخذ مخالفه مروريه :mad:

[عزيز]

الله يعينك اخوي شرقاوي

تبي اشيل لك المخالفه من المرور حاضرين اخوي ماطلبت شي والله ;)

ادري انه سوالفك كانت مع اخوي المهندس بس ممكن اتداخل شوي؟؟

والله ودي احط مبلغ من المال في سوق دبي وخاصه في شركه اعمار واملاك تقدر تفيدني اخوي بالنصايح وانسب وقت للشراء وافضل سعر مناسب للشراء وتنصحني اخليه طويل ولا قصير الاجل

وآسف اخوي والله طولت عليك واذا تبي تتعرف عن اي خدمه في اي شركه في قطر فانا حاضر اخوي تقدر ترسلي رساله علي الخاص

تحياتي لك ولاخوي المهندس :)

[شرقاوي]

هلا اخوي عزيز

بالنسبه لسهم اعمار


يعتبر سهم من الطراز النادر

خاصة بعد

مااعلنت الشركه عن ارباحها الاخيره

الهائله ماشاء الله

وارتفع السهم بعدها 100% تقريبا

من 13 درهم الى 25

لكن الخوف الان ان كبار المحللين

يتوقعون تصحيح قوي للسوق

ولذلك عن نفسي افضل الانتظار

[عزيز]

صدقت اخووي

وهذي الي انا متخوف منه

بس بنفس الوقت خوفي يكمل مشوراه ويروح علي خخخخخخخخخخ

الله كريم والي ربك كاتبه لنا بيصير

تحياتي لك اخي الكريم علي الرد والنصيحه

ألف شكر أخوي :)