رأي خريجي طلاب الشمال الآطلنطي

[A.S.A.M]

السلام عليكم

ابغي رأي خريجي كليه الشمال الاطلنطي فقط


هل استفدت من الاطلنطي
بعد العمل هل الاطلنطي فادتك في شغلك
هل تنصح حد يدخلها و لماذا
هل ندمت بعد التخرج على دخولك الاطلنطي


يريت محد يبخل في الرد على الموضوع لان ممكن باراءكم تتغير اشياء ثانيه

[Miss Merna]

انا دخلت الاطلنطي دبلوم فقط وانا من خرجي جامعه قطر الصراحة فرق شاسع تدريسهم خرابيط

[jwar7]

الكليه تجاريه
الامتحانات حق ناس وناس

[Mili]

انا دخلت الاطلنطي دبلوم فقط وانا من خرجي جامعه قطر الصراحة فرق شاسع تدريسهم خرابيط

الشمال الاطلنطي امتحاناتها خرابيط ولا جامعة قطر؟

الي فهمته الاطلنطي، يمكن لان نسبة المطلوبة للقبول بس النجاح يعني اكيد بتكون سهل.

[A.S.A.M]

شكرا لكم بس انا ابيكم لو سمحتوا تجاوبون على الاسأله لو سمحتوا

[ابوسعود]

السلام عليكم

ابغي رأي خريجي كليه الشمال الاطلنطي فقط


هل استفدت من الاطلنطي
بعد العمل هل الاطلنطي فادتك في شغلك
هل تنصح حد يدخلها و لماذا
هل ندمت بعد التخرج على دخولك الاطلنطي


يريت محد يبخل في الرد على الموضوع لان ممكن باراءكم تتغير اشياء ثانيه

ننظر رد ابوحروووووووووووب

[المحقق كونان]

هل استفدت من الاطلنطي

استفدت من بعض المواد و البعض الاخر ماستفدت منهم بس مجبور اخذهم :rolleyes2:

بعد العمل هل الاطلنطي فادتك في شغلك

ماعندي تعليق لاني ماشتغلت

هل تنصح حد يدخلها و لماذا

الي نسبته ضعيفه و مايقدر يدخل جامعة قطر او جامعات المدينة التعيميلة يدخل الاطلنطي بس بدون لاياخذ التأسيسي (انجليزي و رياضيات) لان التأسيسي ياخذ وقت بدل الواحد مايتخرج في سنتين .. يتخرج في 3 سنوات او اكثر .. مثل واحد من الشباب دخل الاطلنطي سنة 2005 و بيتخرج هالسنة 2011 و كل هالتأخير من التأسيسي .. لكن الي بيدخل التخصص على طول بيرتاح و بيتخرج في سنتين او 3 سنوات اذا كان دبلوم عالي

هل ندمت بعد التخرج على دخولك الاطلنطي

لا ماندمت بس ندمت اني دخلت التأسيسي :anger1:

و احلى شي .. كسبت معرفة ناس طيبة

[QtrGate]

هل استفدت من الاطلنطي

استفدت من بعض المواد و البعض الاخر ماستفدت منهم بس مجبور اخذهم :rolleyes2:

بعد العمل هل الاطلنطي فادتك في شغلك

ماعندي تعليق لاني ماشتغلت

هل تنصح حد يدخلها و لماذا

الي نسبته ضعيفه و مايقدر يدخل جامعة قطر او جامعات المدينة التعيميلة يدخل الاطلنطي بس بدون لاياخذ التأسيسي (انجليزي و رياضيات) لان التأسيسي ياخذ وقت بدل الواحد مايتخرج في سنتين .. يتخرج في 3 سنوات او اكثر .. مثل واحد من الشباب دخل الاطلنطي سنة 2005 و بيتخرج هالسنة 2011 و كل هالتأخير من التأسيسي .. لكن الي بيدخل التخصص على طول بيرتاح و بيتخرج في سنتين او 3 سنوات اذا كان دبلوم عالي

هل ندمت بعد التخرج على دخولك الاطلنطي

لا ماندمت بس ندمت اني دخلت التأسيسي :anger1:

و احلى شي .. كسبت معرفة ناس طيبة

نفس الشي
انا في التأسيسي

دراستهم حلوه وخفيفة واساتذة ممتازين
جربت اكثر من ثلاث مراكز للانجليزي وماستفدت الى اشوي

لاكن الاطلنطي يأسس ويطلعك شي عدل

اول كورس لي هناك

[ديمقراطي]

الله يسلمك الكليه اول ما فتحت كان تدريسها قوي لكن الان لا.

انا استفدت من الكليه فقط اني تعلمت مساوءها وعشان اتعلم اني انصح كل الناس مايدخلونها.

الكليه كشفت نفسها انها تجاريه بحته اذا دخلت تاسيسي انجليزي بتعب نفسك

انا خلصت منها وبعدين سافرت بريطانيا ودرست سنتين وخلصت بكالريويس شوف كم سنه لين خلصت دراسه
3 سنين في شمال الاطلنطي مع التاسيسي
سنه لين مارتبت امور البعثه الى بريطانيا
سنتين في بريطانيا

المجموع ست سنين وحصلت على البكالريوس

[Miss Merna]

الشمال الاطلنطي امتحاناتها خرابيط ولا جامعة قطر؟

الي فهمته الاطلنطي، يمكن لان نسبة المطلوبة للقبول بس النجاح يعني اكيد بتكون سهل.

انا اقصد كليه الاطلنطي تدريسهم خرابيط والطلاب الي فيها مايهتمون حق التدريس وايد لكن الشهادة تفيد اذا كان معاها شهادات ثانيه اقصد بكالوريوس انا عن نفسي لان تخصصي اداب وتربية شغلي ابتعثني هناك عشان اخذ دبلوم يعني فادني شي بسيط في شغلي

[المحقق كونان]

الكليه كشفت نفسها انها تجاريه بحته


اختلف معاك في هالنقطة

الرسوم الدراسية للكلية ارخص من المدارس الانجليزية الابتدائية

[محمد]

انا ولله الحمد من خريجي كلية الهندسة بجامعة قطر .. لكن ومن خلال الدوام عندنا و اماكن اخرى ايضا الاحظ ان خريجي الاطلنطي عليهم طلب كبير في سوق العمل و بصراحة انا مادري ليش سوق العمل صار يطلب الثانوي و الدبلوم اكثر من الجامعي شي ملاحظ بقوة صراحة ان خريجين الثانوي مع كم دورة او دبلوم سوقهم سريع و توظيفهم اكثر من الجامعيين


يمكن لان رواتبهم ارخص ولا ينخاف منهم من الي اعلى منهم :p

[محمد الجفيري]

انا من خريجين الدفعة الأولى كلية شمال الأطلنطي الكلية ممتازة والمعلومات الي فيها من الدرجة الأولى

لكن (مشكلتها دبلوم فقط) وانا الى اليوم مب قادر اترقى بسبب الدبلوم وناوي اعيد الدراسة ورحت قدمت في الهولندية الحين بعيد من اول لاني ما اقدر اسافر والمشكلة الوحيدة هي (الدبلوم)

انا درست في جامعة قطر دراستهم الله بالخير والمستوى التعليمي نازل انصحك تدرس ادارة في الاطلنطي وتكمل في جامعات تقبل تخصص الادارة او تروح لجامعة اصلا تعطيك باكاليريوس طبعا غير جامعة قهر

[طالب]

السلام عليكم

وعليكم السلام والرحمة



ابغي رأي خريجي كليه الشمال الاطلنطي فقط


هل استفدت من الاطلنطي

نعم.. اكتسبت مهارات في اكثر من مجال


بعد العمل هل الاطلنطي فادتك في شغلك

هل تنصح حد يدخلها و لماذا

اذا تبي تدخل فالبزنس، الحين المواد فالبزنس صارت اسهل بوايد من
السابق وماراح تستفيد وايد، إذا قارنتها بجامعة كارنيجي ميلون
بس اذا ناوي تروح هناك انصحك تاخذ دبلوم السنتين وعقب
تكمل في بريطانيا، لان في جامعات هناك يعطيك البكالوريوس
في سنة بعد ما تخلص السنتين من الأطلنطي

ونصيحة لوجه الله اذا تدخل البزنس ، ادرس بجهدك ولا تعتمد عالغش،
والمواد أصلا سهلة وما فيها عوار الراس نفس جامعات المدينة التعليمية،
واقولها لأن الكلية صارت مصخرة من قلب وفي وايد يبوقون الامتحانات
بلا حسيب ولا رقيب ولا ضمير!! (وهالكلام أحطه في ذمتي!!) بس اسأل
أي باكستاني قبل الإمتحان وهو بيطلع لك الامتحان بفلوس او ببلاش!!

والطامة الكبرى ان الشباب والبنات هناك الله يهديهم مستانسين على
هالوضع ،، ومايهمهم ان هاذي غش و حرااام وان اللي ينجح
بالغش وياخذ الشهادة بهالطريقة، ماراح يكسب بركة الله في دراسته
او درجاته ولا في شهادته ، "لأن ما بني على باطل فهو باطل"
والله يستر على الجميع


هل ندمت بعد التخرج على دخولك الاطلنطي

اممم لا والحمد لله، لان الحين أقدر أدرس سنة في بريطانيا وآخذ البكالوريوس


يريت محد يبخل في الرد على الموضوع لان ممكن باراءكم تتغير اشياء ثانيه

صل الاستخارة وتوكل على الله
والله يكتب لك اللي فيه الخير
والله يوفقك يوفق الجميع
والسلام عليكم

[Mili]

السلام عليكم

وعليكم السلام والرحمة



ابغي رأي خريجي كليه الشمال الاطلنطي فقط

هل استفدت من الاطلنطي

نعم.. اكتسبت مهارات في اكثر من مجال


بعد العمل هل الاطلنطي فادتك في شغلك

هل تنصح حد يدخلها و لماذا

اذا تبي تدخل فالبزنس، الحين المواد فالبزنس صارت اسهل بوايد من
السابق وماراح تستفيد وايد، إذا قارنتها بجامعة كارنيجي ميلون
بس اذا ناوي تروح هناك انصحك تاخذ دبلوم السنتين وعقب
تكمل في بريطانيا، لان في جامعات هناك يعطيك البكالوريوس
في سنة بعد ما تخلص السنتين من الأطلنطي

ونصيحة لوجه الله اذا تدخل البزنس ، ادرس بجهدك ولا تعتمد عالغش،
والمواد أصلا سهلة وما فيها عوار الراس نفس جامعات المدينة التعليمية،
واقولها لأن الكلية صارت مصخرة من قلب وفي وايد يبوقون الامتحانات
بلا حسيب ولا رقيب ولا ضمير!! (وهالكلام أحطه في ذمتي!!) بس اسأل
أي باكستاني قبل الإمتحان وهو بيطلع لك الامتحان بفلوس او ببلاش!!

والطامة الكبرى ان الشباب والبنات هناك الله يهديهم مستانسين على
هالوضع ،، ومايهمهم ان هاذي غش و حرااام وان اللي ينجح
بالغش وياخذ الشهادة بهالطريقة، ماراح يكسب بركة الله في دراسته
او درجاته ولا في شهادته ، "لأن ما بني على باطل فهو باطل"
والله يستر على الجميع


هل ندمت بعد التخرج على دخولك الاطلنطي

اممم لا والحمد لله، لان الحين أقدر أدرس سنة في بريطانيا وآخذ البكالوريوس


يريت محد يبخل في الرد على الموضوع لان ممكن باراءكم تتغير اشياء ثانيه
مافهمت عليك

تقصد جامعات المدينة التعليمية سهلة؟؟

Carnegie Mellon من اقوى الجامعات في العالم. يعني في حدود TOP 50

[طالب]

مافهمت عليك

تقصد جامعات المدينة التعليمية سهلة؟؟

carnegie mellon من اقوى الجامعات في العالم. يعني في حدود top 50

قصدي الدراسة في كارنيجي ميلون صعبة ولا يقارن بالنورث اتلانتك
:)

[bu 3li]

الكليه زينه وانا من خريجين الكليه .. لكن للاسف تعطي دبلوم بس والدبلوم مايأكل عيش
يعني اللي يقدر يدخل جامعه ( مب كليه ) يروح احسن له ويختصر على نفسه الطريج وياخذ بكلريوس
انصح فيها اذا الشخص حاب يكتسب لغه وله بارض يكمل بعدها سنه او سنتين حق البكلريوس

[بوحارب]

ننظر رد ابوحروووووووووووب

ههههههههههههههه بوحروب ودع الكلية مع مرتبة السقوط :nice:

ياخي عندنا مدرس فيزيا والله لازم يكون معاك مدرس ثاني عشان يفهمك بعده :)

الحمدلله افتكيت منها على خير:omen2:





السلام عليكم
وعليكم السلام

ابغي رأي خريجي كليه الشمال الاطلنطي فقط
انا مب خريج ولكن درست فيها 4 سنين والصراحة الواحد ممكن يستفيد من الكلية بنسبة 30% فقط بشكل عام

ياخي تخيل مدرس يعطيك امتحان وهو يدري انه الأمتحان متسرب او الأمتحان نفسه من 3 او 4 كورسات وماتغير!!!!!!!!


اكيد الثور بينجح في الماده هذي :secret:



هل استفدت من الاطلنطي
اي استفدت التمشي وتضييع وقت ولغة انجليزية خفيفه بس


بعد العمل هل الاطلنطي فادتك في شغلك
انا احمد ربي اني مطرود مب متخرج

لأني لو ارجع الشغل والمسؤول يقولي طبق اللي تعلمته بقوله ايس فيه :omg:




هل تنصح حد يدخلها و لماذا
والله انصح اخواني يشوفون لهم كلية فيها جدية شوي احسن من النورث

لأنه النورث لو تبي تنجح في مادة بدون ماتقدم الأمتحان تقدر بس لازم تحرك لسانك شوي:)

واحد من ربعي ناجح في الماث وهو ماحل الا كم من سؤال بس حتى هو مستغرب هههههه






هل ندمت بعد التخرج على دخولك الاطلنطي


للأسف انا مطرود مب خريج :tease:


يريت محد يبخل في الرد على الموضوع لان ممكن باراءكم تتغير اشياء ثانيه

واخيرا وليس اخرا طز في مدرس الفيزيا الفاشل والله لو يبيع فلافل شوي في حقه :(
اخوي ليش كاتب هالموضوع اكيد فيه شي :telephone:؟؟

[الجوكر90]

صل الاستخارة وتوكل على الله
والله يكتب لك اللي فيه الخير
والله يوفقك يوفق الجميع
والسلام عليكم

صحيح
الامتحان تشتريه ب3000

[الجوكر90]

السلام عليكم
الشيخ انا بقولك شي
مره سوو معاي مقابله فشركه
سالتهم وشو الاحسن جامعه قطر ولا النورث
قالوا لي النورث عشان اللغه


بس انا نصيحتي لك مالك شغل فاللغه
اللغه تقدر تكتسبها بسهوله
بس لاتدخل النورث
لو تقدر تدخل الهولنديه ابرك
لان النورث دوامهم كرف
احنا فالاسبوع ندرس بين 20 لين 32 ساعه
وجامعه قطر 18 ساعه بالكثير

وبعد ماتخلص من النورث دورلك جامعه فبريطانيا عشان تدرس سنه او سنه ونص يعني سالفه
ادرس فالهولنديه 4 سنين او 5 ابرك لك

والي يقول جامعه تجاريه
اخوي بقولك شي
فالكورس الواحد يعطون دس مس يعني فصل كورس كامل حق بين 50 طالب لين 100
وكل واحد اذا مبتعث من شركه ع كل واحد يدفعون 15 الف
بعقل في حد بيفرط فهل المبلغ
واذا داش ع حسابك ب10000
وحتى كورس الصيفي ابلاش ماياخذون منك شي
وين التجاره فهل

[A.S.A.M]

ههههههههههههههه بوحروب ودع الكلية مع مرتبة السقوط :nice:

ياخي عندنا مدرس فيزيا والله لازم يكون معاك مدرس ثاني عشان يفهمك بعده :)

الحمدلله افتكيت منها على خير:omen2:






واخيرا وليس اخرا طز في مدرس الفيزيا الفاشل والله لو يبيع فلافل شوي في حقه :(
اخوي ليش كاتب هالموضوع اكيد فيه شي :telephone:؟؟

والله اخوي هو في شي الصراحه ما اكذب عليك
مشكله صايره في الاطلنطي ان صارت جامعات ما تقبل شهادات الاطلنطي بسبب تدريس الاطلنطي

بعطيك مثال:
ماده المحاسبه رقم واحد لما تاخذها و تخلصها و تفتك منها و تروح الجامعه و تاخذ الثانيه بعض الطلاب يشوفون اشياء اول مره تمر عليهم فالحين لازم الاطلنطي تعدل من مستواها

هو بقولك الصراحه انا كنت طالب في الاطلنطي و الجامعه بعد التخرج مثل ما تقول سحبوا علي سيفون و سفهولي و قلت لهم ابي جامعه قالولي هاي مشكلتك

انا سمعت عن الشباب الي راحو برادفورد بس الجامعه زباااااااااااااله شهادتك مادري من وين تجي و قصه و كلها كلام فاضي و بعض الشركات حتى ما يعترفلك فيها بانها بكالوريس

انا قلت اكتب تقرير حق الجزم الله يكرمك الي في الاداره ان جامعتهم زباله و في تقرير انا مب منزله الا بعدين على النت فيه مثل ما تقول الطامه الكبرى للاطلنطي
و وعدت الاداره ان ما انزله في النت لين يشوفون معاي حل

[بوحارب]

اهااااا

الله يعينك اخوي

[abdo222]

السلام عليكم ،،، الشمال الاطلنطي للناس الي يشتغلون لهم فتره و يبون يطورون نفسهم شوي في الانجليزي والجريد،، مب للي توهم متخرجين من الثانويه لانها على الفاضي ،،

انا تخرجت منها هندسه في 4 سنين ،، وكملت في بريطانيا سنتين واخذت الباكرليوس ،، يعني 6 سنين لباكرليوس ،، باقي الشباب الي درس في جامعه تكساس او جامعه قطر او جامعات في مصر والاردن خلصوا قبلي واشتغلوا وانا توي متخرج من النورث ،،

بالنسبه للخبره ،، اهي الزين فيها ان معظم المواد عملي وتتعلم فيها انك تشتغل بيدك مب كله نظري نفس دراسه بريطانيا،،


هل استفدت من الاطلنطي
الصراحه استفدت لانه الحين شغلي فيه عملي وايد واشياء كثير استخدمتها ودرستها في النورث ما درستها في بريطانيا

بعد العمل هل الاطلنطي فادتك في شغلك
اي فادتني الصراحه (بس اشتغلت بعد تخرجي من بريطانيا) شهاده النورث بروحها ما تسوى شيء

هل تنصح حد يدخلها و لماذا
انصح في حاله انه ناوي 100٪ يكمل باكرليوس خاصه الحين في جامعات وايد متعاقده ويا النورث
وفي حاله انه ناوي يدرس في النورث ويشتغل بعدها اقوله لا طبعا ما انصحك لانه شهاده النورث بروحها جنها ثانويه ،، محد يقدر التعب حقها ،،

هل ندمت بعد التخرج على دخولك الاطلنطي
قعدت 8 اشهر ادور لي على شغل عدل ما حصلت لين قررت اكمل دراسه ،، ندمت اول ما تخرجت من النورث ،، الحين لا مب ندمان لاني كملت دراسه باكرليوس وفادتني دراسه النورث الحمدلله،،

بالتوفيق ،،

[M!ss Vimto]

انا خريجة الاطلنطي 2007انا مادري شلون الوضع الحين بس على ايامي الجامعه استفدت منها وايد والدراسه كانت حلوه وصعبه والمدرسين كانو كفىء طبعا على ايامي

هل استفدت من الاطلنطي
استفدت ولكن مانفعتني الشهاده

بعد العمل هل الاطلنطي فادتك في شغلك

لا كنت اتعامل مثل الي عنده ثانويه لكن انجليزيتي تطورت بشكل كبير

هل تنصح حد يدخلها و لماذا

لا انصح احد يدخلها لانها دبلوم لو كانت باكالوريوس ممكن. لان حرام تضييع السنين وسوق العمل في قطر لايعترف فيها كدبلوم انما كشهاده ثانويه ولكن لو في كندا مثلا ممكن الشخص يتوضف ويترقى عادي


هل ندمت بعد التخرج على دخولك الاطلنطي
ندمت على تضييع السنوات فيها لاني اطمح لشهاده باكالوريوس وكان ممكن ادخل جامعه اخرى واستفيد من الوقت واخذ شهادتي بـ 4 سنين انمما الحين بيكون مجموع دراستي بعد ما اكمل دراستي 6 الى 7 سنوات ولكن ما انكر اني استفدت منها كثير

[جوهرة قطر]

انا درست فيها 3 سنين وبعدها طلعت بكرامتي الصراحه الكليه صارت مسخره وتمشي على الفاضي وغش عيني عينك فى الامتحانات وصج كان فى طلاب يبوقون المتحان ويطبعونه ولا يوزعونه على الكلاس كله بعد