ابغي مساعدتكم

[سحايب]

اريد اسوي لي مشروووع وما عندي راس مال كبير واريدكم تفيدوووني؟؟؟

ممكن ولا مب ممكن

واذا في احد يسويلي دراسه جدوليه يفيدني

وانصحوني شو اسوي ؟؟

ارجو الرد

[bnb]

مغسلة ملابس ( دوبي) أو معصرة

[الغـــيور]

احلى فكره وناجحه على حسب نظري واقمت عليها دراسه مفصله

ومتأكد من نجاحها والباقي عليك المشروع هو محل تأجير دراجات بجميع الأحجام

مبلغ راس المال بسيط والدخل كبير اعطيك مثال سعر الرابتر مايقل عن 20000 ريال في السزوكي

وإيجارها بالساعه لا يقل عن 250 ريال وباليوم 600 ريال واخترت لك الرابتر لأنها أقل صيانه

والله اعلم والباقي عليك

[سلطان زماني]

سحايب

انا انصحج بخياطه والبظاعه من دبى

[سحايب]

تسلمون على المساعده

وعلى النصايح

بس اخوي الغيور هذي الفكره اللي قلتها ما تصلح اسويها لاني حرمه مب ر يال اريد مشروع حق حريم

[خالدالخالد]

سوي بطاطيل وبخور وبيعي حنا

[سحايب]

انا مب يالسه العب

وياليت يوم ترد ترد عدل

[الدم البنفسجي]

هلا والله أختي سحايب انا شوف تفتحين صالون نسائي فكره حلوه ومربحه

[قطري مغامر]

اختي سحايب دام ما عندج خلفية انصحج تخلين فلوسج بالبنك ابرك لج او انج تشاركين في محافظ استثمارية وذلك بعد ما يرجع بريق السوووووووووووووق

[سحايب]

الاسهم حطيت فيها وخسرت الملاايييين

والحين ما ودي اغامر اكثر من كذا

[الرسام القطري]

أختي العزيزة

أستطيع مساعدتك ... وتقدرين تسألين عني أنا دخل معاي شريك أحد أعضاء هذا المنتدى والنك للشخص هو (( البــــــــــــــــــــنز)) والحمد الله قدرت أني أفيده ومدخول حلو براس مال صغير ؟ في كثير مشاريع للبنات واذا تبين نصيحة افتحي محل في مكان راقي وجيبي جلابيات كويتية لأنه مش موجودة في الدوحة وعندي أسماء محلات في الكويت تقدرين تتصلين فيهم وتتفقين معاهم

أسعار الجلابيات الكويتية يبدأمن 600 ريال للجلابية ويصل الى 3000 ريال و4000 ريال

والمشروع مربح جداااا

وبالتوفيق لك إن شاء الله

[طاير]

هلا اختي سحايب
تقدرين تسوين اي محل وارخص محل الحين طبعا بدون مبالغه في ديكورات ولا اشياء محل الحنا وانتي اذا عندك وقت تقدرين تشرفين على العاملات وياكثرهم الحين بالدوحه ويمكن تسوين اعلان لهم وتدخلينهم معاك بنسبه مثل خمسين بالميه كذا واغلبهم سكنهم متوفر مع اهلهم او ازواجهم ويمكن نقل الكفاله على المحل او الإعاره
مجرد راي

[سحايب]

تسلمووووووون على هذه الاراء

والله اللي يكتب فيه خير ان شاء الله