قرار نهائي ...........؟؟؟؟؟؟من يشاركني الرأي؟؟

[صوت الضمير]

سوق العمل عندنا مايبي جامعين ..

هل تتنازل عن الشهادة الجامعية ..

وتقدم على عمل بالشهادة الثانوية؟؟

رآئكم يهمني ..

من سبق له نفس التجربه ..

:con2:

أبداع

[Dawn]

انا سبقت لي التجربه
وما انصحج

وبالتوفيق ان شا الله

[بوخالد911]

لا


لا بد التمسك بالشهادة الجامعية

[محمد الجفيري]

اخذي بعثه دراسية احسن

[شميرام]

خذ جامعيه احسن تختصر لك الطريج خاصه في القطاع الحكومي

[طالب]

اكيييد سوق العمل يبي الجامعيين

المشكلة في بعض الجهات ما يبون الا الأجانب


والله حرام تقدمين على وظيفة مب قدرج
اكثري من الاستغفار وذكر الله
وان شاء الله تتوظفين باسرع وقت

[intesar]

أكيد الجامعية

[قطرية فذة]

اذا الحاجه دعتك تنازل

اذا غيرها لاتتنازل

[شميرام]

اذا كنت قطري بتوظف في قطاع حكومي مدني يعني في فرق كبير يعني بتوظف على درجه سابعه او سادسه حسب التخصص وبترقى كل ٣ سنين بينما الثانوي بتوظف على درجه تاسعه وترقيتك كل ٤ سنين ولاتنسى تقيم الأداء لا يقل عن جيد جداً عشان تترقى يمكن تطر كم شهر بتوظف على جامعيه احسن من تضيع السنين
وشو طبيعه شهادتك انتساب او عادي

[صوت الضمير]

أشكر جميع الاعضاء اللي شاركو بالموضوع

وبانتظار تفاعل أكبر...


اذا كنت قطري بتوظف في قطاع حكومي مدني يعني في فرق كبير يعني بتوظف على درجه سابعه او سادسه حسب التخصص وبترقى كل ٣ سنين بينما الثانوي بتوظف على درجه تاسعه وترقيتك كل ٤ سنين ولاتنسى تقيم الأداء لا يقل عن جيد جداً عشان تترقى يمكن تطر كم شهر بتوظف على جامعيه احسن من تضيع السنين
وشو طبيعه شهادتك انتساب او عادي

اخوي انا قطرية .. خريجة جامعة قطر كلية الآداب والعلوم بمعدل 2.77

قدمت وظائف لكن دون جدوى ... قلت اشوف آرائكم

لاني فكرت اتنازل عن الشهادة الجامعية .. لانه سهل قبول الثانوية بالتوظيف

وشكرا على معلوماتك جزاك الله خير

[FHN]

اكيد الشهادة الجامعية لاتتنازل عنها مهما كان

[V.I.P_QATAR]

اختي انا الحمدالله انتظرت 11 شهر ولكن حصلت الوظيفه اللي ابيها فا اكثري من الاستغفار ومن اجتهد حصل

[تغلبية]

^^^^

الله يجزاك خير على التذكير بأهمية الاستغفار ...

:



إن طاعك الزمان والا طيعه أختي

إن كنتي محتاجة للوظيفة .. تنازلي عن الجامعية واشتغلي بالثانوية

اثبتي كفائتج والفتي انتباه ررؤسائج بالعمل الدؤوب والمثابرة حتى يقنعهم أدائج باستحقاقج العمل على درجة كبار الموظفين

طالبي ولا تتواني باستحقاقج لهذي الدرجة


وممكن جداً تشتغلين بالثانوية وبنفس الوقت تقدمين على دراسة الماجستير بالجامعة -وقت جزئي

وبعدها تقفزين قفزة كبيرة تعوضج اللي فات كله .......................... ومن صبر قدر!


أهم شي على الاطلاق .. تصيدين رقم وظيفي وبعدين يحلها ربج وبالتوفيق إن شاءالله

[bittersweet]

شر البلية ما يضحك*..

[صوت الضمير]

الله يجزاكم خير ماقصرتوا على ردودكم

مشكورين جميعاً ..

وخاصة v.i.p_qatar ردك عطاني أمل بالحياة

تغلبية :الله يجزاك خير اختي .. ارتحت اشوي بعد ماقريت ردك

كنت متضايقه .. نفسيتي تعبت من قعدة البيت ..

راح اصلي الاستخارة واقدم على اللي فيه الخير


في انتظار آرائكم وتجاربكم

[صوت الضمير]

شر البلية ما يضحك*..

:rolleyes2: حاولت افهم الرد مافهمت علاقته بالموضوع

[STAR]

شنهي تخصصج؟! اذا مرغووب لا تتنازلين..

وحده من ربعي تخصصها رياضيات وكل ما تقدم محد يعطيها ويه..

ولما قدمت اوراقها ع اساس انها ثانوية نادوها..‏!!‏
وتوظفت ع اساس شهادتها ثانوية..‏!!‏

بس بصراحة انا مستحيل اتنازل عن شهادتي مهما كان التخصص

[bittersweet]

:rolleyes2: حاولت افهم الرد مافهمت علاقته بالموضوع

اللبيب بالاشارة يفهم

[بصمة قطرية]

حرااااااااام
بعد سنوات من الدراسة والتعب تتنازلين عن الشهادة الجامعية ..:(

[Dawn]

بعض الجهات صارت توقع (تعهد) انج ما تطالبين بوظيفه للجامعيين حتى لو كان فيه شاغر ... وسالفة امسكي رقم وظيفي هههه حسستني ان احنا للحين في التسعينات ايام الخير والبركه الحين الحكومه ما ترحب بذوي الشهادات في الوظايف وهذا يعتبر تلاعب وراح يجبرونج عالاستقاله لو طالبتي بتعديل الدرجه الوظيفيه . اما الشهادات العليا فما تنحسب لج زياده في الدرجه ولا زياده ماديه عدله فيها غير الدكتوراه ،، اما الماجستير مثلا 300 ريال والدبلوم العالي 50 ريال وطبعا يعتمد على الجهه اللي انتي رايحه لها لكن الاغلب هذا نظامهم .. لكن انصحج بالدراسات العليا للاستناره والثقافه الشخصيه اما من ناحيه وظيفيه لا ما راح تستفيدين شي ..

[النائب]

مرات أقعد مع نفسي وأقول لا يكون تعداد الشعب زاد وأنا مادري ...!

والله عيب مواطن أو مواطنة جامعية ماتحصل على وظيفة في بلادها ومازلنا نجلب المنكسره والنطيحة من جميع بلاد العالم دون إستثناء للعمل براتب يفوق راتب المواطن .

أنا اشوف حسب وجهة نظري إن كل مسؤول يقف في وجه مواطن او مواطنة جامعية وهو عنده الوظيفة المناسبة يحول للمحكمة الإدارية بعد ثبوت ذالك الشي .

[سراج الروح]

مريت بنفس التجربه

[الدمعه]

لا تتنازيلين يااختي ..

مب من صالحج ..حرام تعب السنين اللي فاتت يروح عالفاضي ..

اصبري الصبر زين ..

انا ندمانه اني ماكملت الجامعه وانتي تبين تستغنين عنها .. :(

عطيني اياها :shy:...

الله يرزقج بالوظيفه اللي يتمناها قلبج ..

[المتحدث الرسمي]

لا
طبعاً

مهما كان انا تعبت 5 سنين في الجامعه و مستحيل افرط فيها

[OREO]

سوق العمل عندنا مايبي جامعين ..

هل تتنازل عن الشهادة الجامعية ..

وتقدم على عمل بالشهادة الثانوية؟؟

رآئكم يهمني ..

من سبق له نفس التجربه ..

:con2:

أبداع

ذكرتني بالبحريني اللي علق شهادته الجامعيه على السيكل من كذا سنه ...

[صوت الضمير]

شنهي تخصصج؟! اذا مرغووب لا تتنازلين..

وحده من ربعي تخصصها رياضيات وكل ما تقدم محد يعطيها ويه..

ولما قدمت اوراقها ع اساس انها ثانوية نادوها..‏!!‏
وتوظفت ع اساس شهادتها ثانوية..‏!!‏

بس بصراحة انا مستحيل اتنازل عن شهادتي مهما كان التخصص

شكرا على مرورك اختي .. وعلى ذكر التجربه

وانا اعرف واجد تنازلوا عن الشهادة الجامعية واشتغلوا بالثانوية


حرااااااااام
بعد سنوات من الدراسة والتعب تتنازلين عن الشهادة الجامعية ..:(

الله كريم ياأختي .. الحمدلله اهم شي استفدت بالاربع سنوات ونص..
تعلمت الكثير من الجامعه ..
وتعلمت من الحياة الصبر والقناعة ..
على الاقل الراتب 7 الآف ارحم من لاشي..ويعينا في مصاريف الحياة


بعض الجهات صارت توقع (تعهد) انج ما تطالبين بوظيفه للجامعيين حتى لو كان فيه شاغر ... وسالفة امسكي رقم وظيفي هههه حسستني ان احنا للحين في التسعينات ايام الخير والبركه الحين الحكومه ما ترحب بذوي الشهادات في الوظايف وهذا يعتبر تلاعب وراح يجبرونج عالاستقاله لو طالبتي بتعديل الدرجه الوظيفيه . اما الشهادات العليا فما تنحسب لج زياده في الدرجه ولا زياده ماديه عدله فيها غير الدكتوراه ،، اما الماجستير مثلا 300 ريال والدبلوم العالي 50 ريال وطبعا يعتمد على الجهه اللي انتي رايحه لها لكن الاغلب هذا نظامهم .. لكن انصحج بالدراسات العليا للاستناره والثقافه الشخصيه اما من ناحيه وظيفيه لا ما راح تستفيدين شي ..

قولولي واجد اسوي هالحركة ..

وبالنسبه للدراسات العليا .. انا معدلي جيد مرتفع يوهلني للدراسات العليا

لكن المجال موب موجود بقطر.. والدراسه برا تبي لها مصاريف وبصراحه ماقدر على مصاريف الدراسه .. وبتبقى الدراسات العليا امنية .. بعد مااجمع مبلغ من العمل .. راح اقدم على هذه االخطوه..

مع انه البعثات موجوده لكن للبعض العرب بالساهل في اي دولة يبونها..

ونحن لنا الله .. واجمل شي انه نحن نتعب ونسعى للتحقيق اهدافنا بنفسنا ..
والرزق بيد رب العباد اللي ماينسى عباده



مرات أقعد مع نفسي وأقول لا يكون تعداد الشعب زاد وأنا مادري ...!

والله عيب مواطن أو مواطنة جامعية ماتحصل على وظيفة في بلادها ومازلنا نجلب المنكسره والنطيحة من جميع بلاد العالم دون إستثناء للعمل براتب يفوق راتب المواطن .

أنا اشوف حسب وجهة نظري إن كل مسؤول يقف في وجه مواطن او مواطنة جامعية وهو عنده الوظيفة المناسبة يحول للمحكمة الإدارية بعد ثبوت ذالك الشي .

الله كريم يااخوي النائب ..

الله يوفق جميع الخرجين سواء اللي معاهم الثانوية او الجامعه

اعرف الكثير منهم في البيت ..وكل ماسمعت وظائف شاغرة اقولهم ونرسل السيفي


مريت بنفس التجربه

اشكرك على مرورك العطر...وبالتوفيق ان شاء الله



لا تتنازيلين يااختي ..

مب من صالحج ..حرام تعب السنين اللي فاتت يروح عالفاضي ..

اصبري الصبر زين ..

انا ندمانه اني ماكملت الجامعه وانتي تبين تستغنين عنها .. :(

عطيني اياها :shy:...

الله يرزقج بالوظيفه اللي يتمناها قلبج ..

تفداك الشهادة اختي الدمعة ..

المعرض المهني كل مارحت مكان قالوا مانبي تخصصك ولانبي جامعة..
قررت احين انطر لين شهر 9 .. الحياة صعبه والمصاريف واجد
وابوي راتبه التقاعدي مايكفي شي.. كلن يدفع من صوب
وانا احس بشعور اني ثقيله مع انه موب من كثر طلابتي بس ودي اساعد
والله كريم ان شاء الله .. وانا اجزم انه غيرنا 80% من اهل قطرين يمرون بنفس التجربه..

الله يرزقنا من واسع فضله..






لا
طبعاً

اشكرك على مرورك العطر اخوي

مهما كان انا تعبت 5 سنين في الجامعه و مستحيل افرط فيها

الله كريم ياأخوي .. والله يوفقك ويوفق الجميع


ذكرتني بالبحريني اللي علق شهادته الجامعيه على السيكل من كذا سنه ...

:) كفو

انا بعلقها بصالة البيت ..عشان كل ماقعدت اشوفها
:eek5:

اشكركم جميعا على مروركم العطر

اتمنى تفاعل اكبر .. وذكر تجاربكم لعلي استفيد باذن الله ..

والله يوفق جميع العاطلين .. ويوفق جميع اللي حولهم بالظلم للتقاعد المبكر .. ويوفق جميع منهم بالبند المركزي .. ويوفق جميع منهم على رؤس عملهم..

ونصيحه نصيحه لاتعدمدون على راتب اخر الشهر.. حاولوا تسوون مشروع
لانه الوظيفه ليست مظمونه ..
أبداع

[Al-Kuwari]

راجعي الخاص اختي..