محتاج ظروري شركة للعازل

[قطري مميز]

السلام عليكم

الي يعرف شركة ممتازه وسعرها معقول للعازل يليت مايبخل علي .

وتحياااااااااااااااتي للجميع

[شموخ دائم]

,


,


مرحبا


شركه المسند للعوازل

شغلهم ممتاز وعن تجربه فوق ال 30 فيلا متعامل معاهم
لهم مكتب بالمرخيه قريب من مكتبه ابن القيم
الدور الاول فوق

ولا تنسى تحتفظ بالضمان راح تحتاجه للكهرباء واتمام البناء

بالتوفيق لك

,

,

اخوك


شموخ دائم

[almaf1a]

يا اخوان متى تكون مرحلة العازل

[شموخ دائم]

,

,


مرحبا


عاده يكون بعد البلاستر وتنظيف السطح
وعمل طبقه خفيفه بلاستر بميول الى ناحيه التصريف
وما تنسى عمل القواعد للمكيفات وخزان الماء بالسطح حتى يجي العازل حولها
وقبل تركيب الجبس طبعا
وداخل البيت للحمامات العلويه قبل السيراميك


ملاحظه

الرجاء ما تخلي تبع الدش الستالايت يثبت الاريل ويحفر بالدريل في السطح
بسهوله راح يثقب العازل شفت المشكله كثير تتكرر علينا
الاحسن يثبت على الحائط العلوي للسطح او يعمل له قاعده حديد ويحط عليها اي ثقل بدون حفر



,

,

اخوك


شموخ دائم

[almaf1a]

الف شكر شموخ دائم

[ZURICH]

شكراً شموخ لتوضيحك لأكثر الامور وبالفعل عوازل المسند من أفضل العوازل
سؤال لو تكرمت سيدي الكريم
هل السباك يستخدم الدريل في حفر السطح لتثبيت بايبات المياة
وان كلامك ردك بنعم .. بيكون الحفر قبل تركيب العوازل !!
لكن انا شفت سطوح لفلل خالصة وجميع البايبات مثبتة بمسامير على السطح المجهز بالعازل ..
وضح لنا هذي النقطة بارك الله فيك
على طاري القبة الزجاجية .. زين إنك لحقت علي :nice:

:)

[شموخ دائم]

,

,


مرحبا

اخوي حوران منور الموضوع ولايهون الجميع
:)
متابع معاك ان شاء الله وكلنا حاضرين لك

بالنسبه للسباك هو بالفعل يستخدم الدريل احيانا لتثبيت البيبات
واحيانا لتركيب الاكسسوارات في الحمامات من مرايا ومقابض ... الخ
وياما بيب راح في ذمتهم
ههههه

السباك الزين يعرف ايش قاعد يعمل وخاصه اذا هو متابع البيت من البدايه
والاحسن يمدد البيبات تمشي مع الحوائط للسطح وليس على السطح نفسه

في السطح توضع طبقه اسمنت سماكه 10 سم فوق العازل
والسباك عاده يستخدم تثبيت البيبات بالكليبات ويحفر بحدود 5 سم لتثبيت براغي الصغيره
لذلك ما يعمل اي مشكله بالسطح


,

,

اخوك


شموخ دائم

[قطري مميز]

يعطيك العافيه شموخ مشكور وماقصرت

[أم شيوخ]

شركة المسند بدون تفكير

[aaziem]

يوجد شركة تقوم باعمال العازل + ضمان ١٠ سنوات بسعر معقول مع عمل طبقة الاسكريد للتواصل راسلني عل الخاص

[مضارب دوسري]

مرحبا اخوي شموخ
وباقي الاخوان

اخوي شموخ في طريقه للبايبات السباك اشوفها في بعض البيوت وهي ان السباك يختار اماكن فوق السطح على ان يكون السباك يختار بعض الاماكن ويضع البناي في الاماكن اللي يريدها سباك في كل مكان طابوق ويضربها بلاستر وعقب السباك يقدر يحفر بالدريل فوق هذي الطابوقه

هل هذي الطريقه جيده ؟