طلق مرتك ولا تزعل خدامتك ... !!! أين الحل

[البارح]

العنوان غريب وما الغريب الا الشيطان
درت كل محلات الخدم ادور على طلبات خدامات مسلمات
المحلات كلها فاضية يكشون ذبان لا طلبات ولا شغل ولا عمل
كل هذى قلنا معليش نستحمل وننتظر لعل وعسى بعض المحلات تجيب طلبات عن قريب
قال لي راعي المحل ولكن الاسعار اختلفت !! قلت اشلون كم صارت يعني
قال الخدامه الاندونيسيه نجيبها بتسعه الاف ونص و ومعاشها 900 ريال
وقال الفلبينيه معاشها 1200 ريال
وهنيه نطق شيبه في المحل كان جالس وقال لي : اسمعني عدل يا بوك " طلق مرتك ولا تزعل خدامتك "
قلت له بس ليش جذيه يا بوي !! قال هذي هي المصيبه
اذا كنت تبي تلبس ملابس نظيفه وتاكل ريوق وغده وعشه وتنام على فراش نظيف لا تزعل الخدامه
والا انك تتزوج خدامه وانت الربحان على المدى البعيد .. :eek5:
ظهرت من المحل وانه زعلان :weeping:

وين ادارة الاستقدام او وزارة العمل عن هذى الموضوع
هناك حلول كثيره لتسهيل امور المكاتب منها يخلون المكتب يجيب عدة خدم موجوديين
جاهزيين لنقل الكفاله يعني تقابلهم وتقبلهم في نفس الوقت
وليش ما يسمحون للخدامه للي تبي تجي على كفاله شخص اخر في خلال ست شهور او اكثر وما في داعي للسنتيين
يا جماعة الخير ما يصير جذيه نبي حل للموضوع الخدامه صارت عملة نادره
الظاهر اني باعمل بنصحية الشيبة وبلا خرابيط :shy:

[التيما]

اخوي احنا فبيت هلي نجيب خداماتنا من غير مكتب .. وبالكثير تذكرة اياب بس ونتفق مع مكتب في البلد الثاني نتعامل معاهم خاص عادي .. ارخص من المكاتب

[شيط ويط]

يارجال خيره .. وش لك في الخدامه .. ماوراهم الا المشاكل وعوار الراس ..

[البارح]

اخوي احنا فبيت هلي نجيب خداماتنا من غير مكتب .. وبالكثير تذكرة اياب بس ونتفق مع مكتب في البلد الثاني نتعامل معاهم خاص عادي .. ارخص من المكاتب




صج سمعت ناس يسون نفس الطريقه بس انا ما اعرف حق هذه الطرق او الحركات
انا ادفع للمكتب وتوكل على الله
بس الظاهر اني با سوي نفس طريقتك ونا اخوك
مشكور على النصيحه

[البارح]

يارجال خيره .. وش لك في الخدامه .. ماوراهم الا المشاكل وعوار الراس ..



يه يه اسمعوا اخوي شيط ويط شيقول
ما سمعت الشيبه شيقول
اذا تبي تاكل ريوق وغده وعشه لا تزعل الخدامه
الظاهر تبي تذبحني يوع :con2:

[شيط ويط]

يه يه اسمعوا اخوي شيط ويط شيقول
ما سمعت الشيبه شيقول
اذا تبي تاكل ريوق وغده وعشه لا تزعل الخدامه
الظاهر تبي تذبحني يوع :con2:


الله يعينك :rolleyes2:

[المتضرعه لله]

الصراحه مشكلة مكاتب الخدم والاسعار يبي لها وقفه رجل حازم يحل المشكله ماهي حاله
من سبعه الاف وصلن الاندونيسيات الى تسعة الاف وزياده

ليمتى هالحال لميتى وياليت تجي خادمه حليوه الا تجي حالتها حاله

ياليت القى خادمه وتاخذ راتب مثل ماقال تسع ميه بس تكون تبرد القلب


شر لابد منه

[كحيلان قطر]

انا استغرب من جيل هالوقت ( شباب وبنات ) قبل العرس بثلاث شهور الحبيب جاب الخدامه وطرشها للعروس !

ليش ؟

قال اتعلم عند اهلها !!!

ياخي توكم ماصخنتو وتبون خدامه تخدمكم ؟ لا بعد وساكن عند هله ؟؟؟

من أولها سرت قيد ؟ والبايره تدور راحتها ؟؟؟ تنقش أظافرها ( إيه اقصدكم يالبنات )

والحين اتشكوون من المكاتب والعيب فيكم !!!!!

ياحيف على رجال ونسوان راحت !!!!!!!!!!!!!!!!!!!!!

[ثابت]

يعني لو نفكر فيها الواحد على الاقل يدفع للحرمة لما يبي يتزوج اقل شي 200 الف :eek5: وخساير توصل ال 500 الف crazy وفي الاخير شنو الفايدة يمكن حتى ما تجيب عيال ولا تسوي شي
:omg:
والخدامة لو وصلت بتوصل 8000 حدها :nice: وبتشيل كل شي فوق راسها حتى عيالك هي بتربيهم والله انا اشوف الخسارة المبالغ الي تندفع لزوجة لكن الخدامة تستاهل اكثر

وبصراحة تميت افكر بكلام ابوك الله يطول بعمرة " طلق مرتك ولا تزعل خدامتك " وبالفعل صج والله انة صاج والعلم عند الله

[MAZEN37]

انا عندي فكره
ممكن الدوله تسوي سكن للخادمات ويكون شركه حكوميه مساهمه
ويجيبون فيه اعداد كبيره من الخدامات وتكون هذه الشركه متعاقده مع المدارس والمستشفيات واي مكان حكومي او غير حكومي للتنظيفات
وبنفس الوقت يكون في قسم للمواطنين يختاروون الخدامه وهي بلبلد
ويدفعون رسوم اقل من استغلال المكاتب الحاليه
طبعا بيدفع رسوم عاديه لانه الدوله هي الي بتجيبهم بكميات كبيره من بلادهم
والاسعار بتكون اقل بكثير وبتكون رسميه ومحدده وحتى بعقود تأجير
في هالحاله هم شغالين باي حال لا الحكومه تخسر ولا المواطن متلته مع المكاتب .

[Doha Sun]

لا حول ولا قوة الابالله العلي العظيم ..
في وحدة قبل عرسها اشرطت على اهل زوجها تبي دريول بس !!!!!
طلعت داهية تفكر لبعيد بعد سنة جاتها السيارة والخدامة والسكن ضامنتهم لانها قاعدة عندهم

[بن رومي]

لا حول ولا قوة الابالله العلي العظيم ..
في وحدة قبل عرسها اشرطت على اهل زوجها تبي دريول بس !!!!!
طلعت داهية تفكر لبعيد بعد سنة جاتها السيارة والخدامة والسكن ضامنتهم لانها قاعدة عندهم

السيارة 100000
الخدامه 8000 و راتبها 750
والدريول راتبة 1000
مصاريف السيارة بالقليل 700 في الشهر
غير اقامات الخدم واكلهم وغيرة

واخرتها الريال يرجع البيت ولا يلقاها فالبيت
الا مول والا بيت اهلها والا صالون والا عيادة

(( البعض ))

الله المستعان


بن رومي

[الدمعه]

الله يهديهم بعض الحريم هذا حالهم ..

انا تعجبت من وحده يوم خطبها واحد من قرايبي قبل العرس الخدامه واصله :omg:

وساكنه في ملحق غرفتين وصاله .. شلون ترتاحين الخدامه مجابلتج توج

ارتاحي واستانسي ..ولين جات سيرت علينا .. الخدامه تشل شنطتها وشنطه الياهل

والياهل :omg:

من ناحيه ثانيه ..

الخدم محتاجينهم صراحه البيوت مب مثل قبل اللي يقولون ياحيف على النسوان ..

قبل اهلنا ساكنين في خيام يشيلون الحصير ينفضونه وانتهت المهمه ..

واصلا ماجبناهم الاعقب ماجاتنا العيال والله بفكنا منهم ..

مب احين كل شي يبي مسح فوق وتحت لو بتكلم عن شغل البيت مومخلص ..

لحد اللحين ماعجبني طباخ ولاخدامه وايد عليهم يسوون الشاي الصبح والنجتس

بالليل ولو كنت طالعه مشوار المسا مليون بالميه يكون عشا عيالي ياشوربه

يااندومي .. شي ماياخذ خمس دقايق شغل .. امس رايحه العياده مع ابو العيال ..

الظاهر الخدامه تحسبني اتسيح بطلعاتي .. مطرشة بنتي تتصل بتجيبون عشا معاكم :omg:

اقول له شفيهم العيال .. يقول المعزبه تقول بتجيبون عشا معاكم ..:rolleyes2:

قلت عشان تعرف بس ..

وكل كلمه قالو انتو معتمدين عالخدم .. وقسم بالله صادتني امراض عصبيه بسبه

هالخدم والكلام اللي ينقط علي بسبتهم .. :anger1:

[ضوى]

الله يهديهم بعض الحريم هذا حالهم ..

انا تعجبت من وحده يوم خطبها واحد من قرايبي قبل العرس الخدامه واصله :omg:

وساكنه في ملحق غرفتين وصاله .. شلون ترتاحين الخدامه مجابلتج توج

ارتاحي واستانسي ..ولين جات سيرت علينا .. الخدامه تشل شنطتها وشنطه الياهل

والياهل :omg:

من ناحيه ثانيه ..

الخدم محتاجينهم صراحه البيوت مب مثل قبل اللي يقولون ياحيف على النسوان ..

قبل اهلنا ساكنين في خيام يشيلون الحصير ينفضونه وانتهت المهمه ..

واصلا ماجبناهم الاعقب ماجاتنا العيال والله بفكنا منهم ..

مب احين كل شي يبي مسح فوق وتحت لو بتكلم عن شغل البيت مومخلص ..

لحد اللحين ماعجبني طباخ ولاخدامه وايد عليهم يسوون الشاي الصبح والنجتس

بالليل ولو كنت طالعه مشوار المسا مليون بالميه يكون عشا عيالي ياشوربه

يااندومي .. شي ماياخذ خمس دقايق شغل .. امس رايحه العياده مع ابو العيال ..

الظاهر الخدامه تحسبني اتسيح بطلعاتي .. مطرشة بنتي تتصل بتجيبون عشا معاكم :omg:

اقول له شفيهم العيال .. يقول المعزبه تقول بتجيبون عشا معاكم ..:rolleyes2:

قلت عشان تعرف بس ..

وكل كلمه قالو انتو معتمدين عالخدم .. وقسم بالله صادتني امراض عصبيه بسبه

هالخدم والكلام اللي ينقط علي بسبتهم .. :anger1:


:):):):):):):)



يا ويله ان قط علي كلمة او نص كلمة ، هو اللي بغاهم مب انا ولازم يتحمل غثاهم والا لو هي رادة علي مابيهم ولا يسعدني وجودهم ببيتي الله يفكنا منهم

[بوخالد911]

الله يعيينا بس


للعلم راتب الاندونيسية 730 ريالا قطريا = 200$

[بوحارب]

حسبي الله على كل مسؤول راضي بالمهزلة هذي

[دااانة قطر]

الصراحه مشكلة مكاتب الخدم والاسعار يبي لها وقفه رجل حازم يحل المشكله ماهي حاله
من سبعه الاف وصلن الاندونيسيات الى تسعة الاف وزياده

ليمتى هالحال لميتى وياليت تجي خادمه حليوه الا تجي حالتها حاله

ياليت القى خادمه وتاخذ راتب مثل ماقال تسع ميه بس تكون تبرد القلب


شر لابد منه


لأن النااس تتذمر وتدفع


لكن لو شاافوا العكس بيرجعون مثل كاانوا

اخر شغااله جبتها كاانت سيلاانيه ودفعت فيها 3300 في مكتب الورد في 2005 على ما اظنومن اللي شفته منهم خلااصا هونت ماجيب خدم

3 شهور اوكي وبعدها يستلعنون
مانبيهم

[R 7 A L]

مع اني متزوج من 10 سنوات ولا مرة في حياتي جبت خدامة او دريول

الا أن الواقـــع
وظروف بعض الأســـــر تحتاج لوجودهم

[Rider]

ان شاء الله بتنفرج يقولون الخدامات ياخافون يجون الخليج بعد الاحداث الاخيرة لي قاعده تصير بتدأ من البحرين واخرها سوريا

[qatarya-vip]

ايش فيها احيانا نحتاج لخدامة مااعتقد فيها شيء لو الزوج حب يريح زوجته ويجيب لها وحدة تساعدها أمور البيت ومااعتقد ان فيها منكر او عيب او غلط

واغلب الأزواج الان من غير ماتفرض عليه البنت الخدامة هو بنفسه يجيبها لأنه صار امر واقع ومو عيب وولا غلط وبالنسبة للسايق الزوج مشغول اغلب الاوقات ومو كل الأزواج يرضون زوجاتهم يسوقون فمو عيب لو ريحها ووفر لها السايق يعني

المشكلة مو بالخدامة وولا الدريول المشكلة بمكاتب الخدم وهذا الجشع اللي صاير يعني الفلبينية معاشها من 700 صار 730 والان اشوفكم تقولون 1200 !!!!!!!!!!!!!!!! مبلغ مبالغ فيه وايد واتمنى انها تطلع اشاعه ومايكون صحيح

والاندونيسية من 700 الى 900 !!!!! ليش كل هذا

هنا المشكلة الاسعار

[meme~qatar]

اللي عنده خدامة ياليت يقولي لاني محتاجة وحدة ثانية


والله يسامح مكاتب الخدم لعوزونا

[BIG-VEGA]

اذا المواطن العادي صار عنده خدامه وثنتين وثلاث .....

اشلون العالم بيفرقون بينكم وبين الهوامير والـ...

[البارح]

الصراحه مشكلة مكاتب الخدم والاسعار يبي لها وقفه رجل حازم يحل المشكله ماهي حاله
من سبعه الاف وصلن الاندونيسيات الى تسعة الاف وزياده

ليمتى هالحال لميتى وياليت تجي خادمه حليوه الا تجي حالتها حاله

ياليت القى خادمه وتاخذ راتب مثل ماقال تسع ميه بس تكون تبرد القلب

شر لابد منه



المشاكل ما تيجي الا من محلات الخدم
بس ما ابي خدامه حليوه :secret:

[البارح]

انا استغرب من جيل هالوقت ( شباب وبنات ) قبل العرس بثلاث شهور الحبيب جاب الخدامه وطرشها للعروس !

ليش ؟

قال اتعلم عند اهلها !!!

ياخي توكم ماصخنتو وتبون خدامه تخدمكم ؟ لا بعد وساكن عند هله ؟؟؟

من أولها سرت قيد ؟ والبايره تدور راحتها ؟؟؟ تنقش أظافرها ( إيه اقصدكم يالبنات )

والحين اتشكوون من المكاتب والعيب فيكم !!!!!

ياحيف على رجال ونسوان راحت !!!!!!!!!!!!!!!!!!!!!



وصلت لهذه الدرجه