رجيم قبل الصيف

[alkuwari4u]

السلام عليكم

حبيت استفسر عن برامج الرجيم وشنو الاحسن وصج يضعف

انا الصراحة ابي اضعف قبل السفر شهر سبعة لان الفضايح كلها بتبين مع البدلات ههههههههههههه
انا رحت وسألت قالو لي في كذا نوع من المراكز

النوع الاول اللي اشترك معاهم ويجيبون لي الاكل البيت بس اسعارهم غالية ( بين 2500 الى 3500 حق الشهر ) مثل دايت سنتر وسليم اند لايت
النوع الثاني مراكز يعطوني برامج وانا امشي علية في البيت واسعارهم تقريبا 750 حق شهرين مثل بيرفكت ويت ودكتور نيوترشن

والثالث اللي سمعت عنه هو كامبريدج دايت اللي يبيعون عصاير وشوربات بس وتمشي عليهم واشتراكهم 200 ريال مدى العمر بس تشتري العصاير والشوربات بروحهم بسعر 15 ريال للوجبة

الحين السؤال شنو الاحسن فيهم وكم اضعف من كل برنامج واذا في اثار سلبية او لا

لحمله " خش كرشتك في سفرتك " هههههههههههههههه

[مشتاقة لقطر]

خوش حملة ..

سو رياضة هذا رايي

[الحال مايساعد]

والله ياخوك مافي غير الطبيعي
تاكل إللي تبيه ، وتمشى ساعة باليوم ولا خذها جري بالكورنيش
وإن كان لازم ، في موقع على النت بطرشه على الخاص ، برنامج غذائي متكامل
مايبيلك تدفع فلوس ولا شي بس انت تحاول تمشي عليه ، يعتمد اعتماد كللي على
الإمتناع عن جميع الأكل إللي يحتوي على سكر ، أول شهر بس راح تنزل حوالي
8 إلى 10 كيلو وإنت وشطارتك
أما بالنسبة "بيرفكت ويت" ربعي جربوه وبصراحة يمدحونه

[الألماسي]

مابي احطمك بس الله يهديك جاي قبل السفر بشهر و تبي تضعف . .!
انصحك بالـرياضه . . و خاصه رياضه " البطـن " ووخر عن شئ اسمه " عيوش " راح تلاحظ الفـرق اول 7

بالتوفيق

[: بوحمود :]

ماانصحك تظغط على نفسك لانك ماعندك وقت وراح تفقد سوائل واااايد من جسمك وهذا موب في صالحك

الا اذا بتسوي برنامج رياضي وحميه غذائيه متوازنه وكل مطروووود ملحوق

[alkuwari4u]

ان شاء الله الرياضة اكيد بنسويها بأذن الله

وانا جربت قبل اخفف اكلي وضعفنا شوية وجربت المراكز اللي توصل الاكل البيت وضعفت في حدود الاربعة كيلو في شهر , المشكلة ان احنا ما نصبر عن العيشة وما تحلى الرقده الا بعدها هههههههههههه

مركز كامبريدج قالوا لي تنول من 3 الى 5 كيلو في اسبوع وفي شهر بعض زباينهم نزلوا 12 كيلو بس ما اعرف احد مجربة من قبل لانه جديد في قطر

اما بيرفكت ويت اعرف ناس مجربينه من قبل ونزلوا 7 كيلو تقريبا في شهر

[alkuwari4u]

انا جربت الرجيم اللي في البيت ( اكل بس لحوم مشويه واشياء محدده ) بس المشكله حسيت بتعب كبير وحسيتة مو صحي

[alkuwari4u]

نبي نسمع تجارب الاعضاء مع مشكلة الشعب القطري الازلية ( الكرشة ) وشنو سوو وايش كانت النتايج

[بو منيرة]

اخوي اذا فيك شده ... في رجيم اسمه اتكن دايت بس لازم تعرفله عدل

تاكل الي تبي بس بشرط ... بدون نشويات يعني لا سكر ولا عيش ولا خبز حتى الفواكه ممنوعه لان فيها سكر

مثل ما تعرف السكر مب معقد واسهل شي بالنسبه للجسم لاستهلاك الطاقه .... بس احنا للاسف انمصخها بالسكريات ولا نحرق شي .... والزايد من السكر يتخزن على شكل شحوم ... وانت وحظك عاد وين يتراكم الدهن بعظهم فالرجول والاغلبيه فالبطن وبعضهم اماكن ثانيه

الخلاصه .... اذا منعت السكريات من جسمك الجسم راح يدور عن بديل للطاقة وبالتالي بيبدأ حرق الدهون المخزنة فيه خلال 24 ساعه ... وهذا الرجيم يساعد على هالشي

الاشياء الي ممكن تاكلها واجده ... جميع انواع اللحوم (لحم سمك دجاج) مشوي او مقلي .... خضار ... بيض ... طبعا تاكل لين تشبع مافي مشكله ... بس لازم اقل شي يوميا 12 قلاص ماي

اتمنالك التوفيق

[STAR]

يالمكرش(=

سو رياضة ساعة باليوم و3 مرات فالاسبوع سباحة وان شاء الله بتضعف.. مثل ماقالوا لك وخر عن العيووش..

وحاول تتعشى شي خفيف

[STAR]

اخوي اذا فيك شده ... في رجيم اسمه اتكن دايت بس لازم تعرفله عدل

تاكل الي تبي بس بشرط ... بدون نشويات يعني لا سكر ولا عيش ولا خبز حتى الفواكه ممنوعه لان فيها سكر

مثل ما تعرف السكر مب معقد واسهل شي بالنسبه للجسم لاستهلاك الطاقه .... بس احنا للاسف انمصخها بالسكريات ولا نحرق شي .... والزايد من السكر يتخزن على شكل شحوم ... وانت وحظك عاد وين يتراكم الدهن بعظهم فالرجول والاغلبيه فالبطن وبعضهم اماكن ثانيه

الخلاصه .... اذا منعت السكريات من جسمك الجسم راح يدور عن بديل للطاقة وبالتالي بيبدأ حرق الدهون المخزنة فيه خلال 24 ساعه ... وهذا الرجيم يساعد على هالشي

الاشياء الي ممكن تاكلها واجده ... جميع انواع اللحوم (لحم سمك دجاج) مشوي او مقلي .... خضار ... بيض ... طبعا تاكل لين تشبع مافي مشكله ... بس لازم اقل شي يوميا 12 قلاص ماي

اتمنالك التوفيق

= رجيم دشتي ....


ماحسه مفيد

[قطرية فذة]

برايي الشخصي اقرب مركز صحي عندهم اخصائي تغذيه

تشوف اللي يناسبك واللي مايناسبك بحسب احتياجات جسمك

ثاني شغله (( المشي يومياً )) أقل شي ساعه واذا اكثر بعد كثر خير الدنيا

زين تسوي

ثالث شغله اعمل لك نظام عقاب اذا زيدت كيله في الاكل خربت الرجيم على طول خذها رياضه احرق اللي كلته

؛

المعدل الطبيعي في الاسبوع خلال الرجيم في نزوله ينزل كيلو واحد

اهم شي رجيم صحي حتى لا تشحب ا لبشره ولا يتساقط الشعر ولا تكون هنالك مضاعفات جانبيه

شغله مهمه لازم اخذها بالحسبان

احياناً ياخذ الوزن وقت واقف على وزن معين ثم بتكثيف الجهد ينزل شوي شوي

لازم متابعه مع دكتور

وفقك الله

[alkuwari4u]

= رجيم دشتي ....


ماحسه مفيد

هذي اللي جربتة من قبل الصراحه نزلت بس ما كان صحي وسبب تعب كبير

الحين مشاكل الوزن لها اسبابها مو بس الاكل والقعده

انا زاد وزني 10 كيلو في سنة تقريبا بعد الوزن المثالي لان الحياة الحين مختلفة ,, الواحد ما يرجع من شغلة الا 5 المسا وما يمدية يسوي شي ابد
وبعد في حق عادات الاكل الغلط سبب كبير في ان الواحد يزيد وزنة

على العموم انا شكلي بأختار احد البرامج وبسوي ابديت اسبوعي بالنتايج :)

[Qatar-Qa]

اخوي انصحك في بيرفكت نيوترشن اللي جنمب دوار التلفزيون
انه الحين معاهم ومااشالله نتايجهم رووووعه
بس اهم شي في الموضوع (( الالتزام ))

[بو منيرة]

= رجيم دشتي ....


ماحسه مفيد


بالعكس مفيد جدا بعد ... بس يبيله الواحد يعرفله عدل

يعني اذا وقف الواحد عن النشويات وقعد ياكل لحوم بس شي طبيعي ان يقل عنده بعض العناصر الموجوده فالنشويات والفواكه مثل البوتاسيوم ... ونقص البوتاسيوم يسبب شد في العضل ... عشان جذيه لازم مع هالرجيم الواحد ياخذ حبوب ملتي فيتامينز لتعويض بعض الفيتامينات الي يفقدها... وطبعا كثرة اللحوك تعطي بروتين وحديد يعني الانسان ما يخسر العضل الي فيه بالعكس يزيد ... ولكن كثرة الحديد تسبب امساك عشان جذيه بعد لازم الواحد ياخذ اللياف مثل الخس وغيره .... واهم شي طبعا الماي اولا واخيرا

الرجيم مجرب من وايد ناس ... ونتيجتة سريعه ... انا جربته شهر نزلت 6 كيلو بس ما كان بيني وبين الوزن المثالي شي .... الي متين بزياده ينزل اكثر طبعا

[الرايــق]

كل اي شيءولا تحرم نفسك من اي شي ما عدا العشا يكون خفيف
حاول تكثر من شرب الماء غير البارد ايضا
والرياضة ساعة ونصف يوميا ...
وشوف النتيجة وبتدعيلي

[nadeemy]

اخوي اذا كنت انشاء الله ما تعاني من اي مرض مزمن اليك الاتي
تعرف لبن بو نص ريال ؟ وتعرف الشيبس ابو نص ريال او شيبس عمان اكيد تعرفهم
طبعا انسى شي اسمه فطور ما عدا الشاي او القهوه خلال هذا الشهر
الغداء : اربع قواطي لبن تصبهم في غرشه ماي صحه وتزيدها ماي مقدار قرشتين من الصغار وترجهم زين ما زين وهذا غداك
بتقوم العصر ميت من الجوع اكل سلطه قد ما تبغي وروح تمرن اما مشي او جري او سباحه
العشاء نفس الغداء لمده اسبوع
في نهاية الاسبوه اكسر الرجيم وتناول اي شي تشتهيه نفسك لمدة يومين واليوم الثالث ارجع على نفس الرجيم
جربه وشوف التغيير
رجيم رخيص وصحي وما منه خوف بس لا تزيد على الشهر

[تهامي باشا]

انا ضد التقيد ببرنامج ممل يحددلك اللي تسويه واللي ما تسويه طول الفترة لان مردك بتتملل وبترجع أخس من الاول، لكن في أشياء متفق عليها في أي برنامج دايت

لا مقليات ... لا غازيات ...
خفف من الدهون والسكريات ... خفف من المخبوزات والمعجنات ...

ساعة مشي 5 أو 6 مرات أسبوعياً مع ربط مشد حول البطن (اذا عندك دهون زايدة في بطنك) وشورت حارق للدهون (اذا افخاذك كبيرة بزيادة) واذا عندك دهون في صدرك في مشدات خاصة بالصدر

برنامج مجرب وراح تدعيلي

[fhd4]

أفضل ريجيم عبارة عن كلمتيــــــــن فقط ...


أكـــل أقــــل .... ورياضة أكثــــر ...

[الـخـالـدي]

انصحك تدخل حصص فتنس فسباير .. شغل جامد هناك مايلعبون ..

[Dana’1]

الي اقدر انصحك فية مهما اخترت اي نوع عليك بالماااء هوالسر ..رجيم من غير ماء مايبان بسرعة
على الاقل 7 كاسات مااء وبالتوفيق

[M!ss Vimto]

سليم اند لايت وباقي الراكز الصحيه = ممتازه لاكن ماينزل الوزن اكثر من 4 او 5 كيلو بالشهر مع المشي
دشتي واتكنز ورجيم بدون نشويات = سبب لي تساقط كبير في الشعر ونقص حديد في الفيتامينات لدرجه ان مانفعني غير ابر حتى الحبوب الفيتامينات مانفعت ( رأيي مانصحك فيه)
رجيم نايتروشن= ماجربته ب شفته على ناس وايد فرق معاهم ويعطونك اشياء مثلا شاي او شامبو اذا رجيمك ممكن يسبب تساقط يقولون لك كل شي وهو ارخصهم

كامبريدج دايت = اول مره اسمع عنه ابصراحه ماقدر افيدك فيه

[eXpert*]

كم وزنك !! وكم تبي تصير ؟

الموضوع كله كم سعره حرارية تحرق في اليوم .

أبعد عن العيش نهائياً ،، والاكل المقلي ،، ركز على المشوي بجميع أنواعة . واكل قد ما تبيّ . لا تشرب ماي خلال الوجبات ابداً لان يسبب لك التخمة ،، حاول تتناول الماي يا قبل الوجبة بنصف ساعه او بعدها بنصف ساعه .

أهم شي عدد السعرات الحرارية التي تحرق في اليوم .

سجل معاي بالنادي وعطني صلاحية ادربك وبتشوف الشغل عقب شهر :)

[eXpert*]

بما أن الباوند = 3500 سعرة حرارية
و الكيلو = 2.2 باوند

اذاً الكيلو الواحد = 7700 سعرة حرارية

يمعنى مبسط اذا تبي تنزل كيلو في اليوم لازم تحرق 7700 سعرة حرارة في اليوم الواحد. طبعاً إما عن طريق الرياضة تحرقهم أو رياضة وتقلل من السعرات الحرارية اللي تاكلها في اليوم الواحد .

للعلم : كيلو واحد يومياً خطر على الإنسان وعلى صحة قلبه .

[Dana’1]

للعلم : كيلو واحد يومياً خطر على الإنسان وعلى صحة قلبه .
خسارة والا اكتساب؟

[MAZEN37]

اخوي اذا كنت انشاء الله ما تعاني من اي مرض مزمن اليك الاتي
تعرف لبن بو نص ريال ؟ وتعرف الشيبس ابو نص ريال او شيبس عمان اكيد تعرفهم
طبعا انسى شي اسمه فطور ما عدا الشاي او القهوه خلال هذا الشهر
الغداء : اربع قواطي لبن تصبهم في غرشه ماي صحه وتزيدها ماي مقدار قرشتين من الصغار وترجهم زين ما زين وهذا غداك
بتقوم العصر ميت من الجوع اكل سلطه قد ما تبغي وروح تمرن اما مشي او جري او سباحه
العشاء نفس الغداء لمده اسبوع
في نهاية الاسبوه اكسر الرجيم وتناول اي شي تشتهيه نفسك لمدة يومين واليوم الثالث ارجع على نفس الرجيم
جربه وشوف التغيير
رجيم رخيص وصحي وما منه خوف بس لا تزيد على الشهر
هذا رجيم وله جحيم

[هبوب الكوس]

http://www.ra7a.net/vb/imgcache/35244.imgcache.jpg


الشباب كل يوم ضرب بالخمس ف لمجابيس :rolleyes2:

من يد الوالده ولا ام العيال

وين بتضعف وبتروح كرشتك وراك وراك

ولا اذا قلت لهم مخفف اليوم يزعلون عليك :(

[موجه بحر]

اخوي قبل هاي كله لازم تعرف شنو سبب الزياده الي عندك بمكانك تسوي فحص دم او تروح نيتروشن تسوي تست ب100 وعقب تسويلك رجيم بروحك او جدول

[eXpert*]

خسارة والا اكتساب؟

خسارة ،، غلط الواحد ينزل وزنه بسرعه لازم بالتدريج لين يتقبل الجسم .

[MAZEN37]

http://www.ra7a.net/vb/imgcache/35244.imgcache.jpg


الشباب كل يوم ضرب بالخمس ف لمجابيس :rolleyes2:

من يد الوالده ولا ام العيال

وين بتضعف وبتروح كرشتك وراك وراك

ولا اذا قلت لهم مخفف اليوم يزعلون عليك :(


هبوب انت محطم قلوب الامه
حرام عليك على هالصوره مووت وين عازمني اليوم هههه

[مساهم فنان]

تبي رجيم ريجيم بيرفكت دكتور نيوترشن ابحث في النت عن رجيمهم ... ترى هو نفسه اللي في المركز ... عن تجربة ... ووفر فلوسك .

[ام ناصر1]

توني من يومين سئلت اخصائيتين تغذية ....عن رجيم ...لبدءه بالصيف
الاولى قالت ...اقطعي النشويات ( سكرعيش وخبز ومعجنات وبيتزا وفطائر ...الخ ) لمدة شهر
وخلي اكلج مشاوي ومسلوق ....وسلطة وخضار ...والالبان خالية الدسم ...
واشربي شاي اخضر بعد الاكل بساعتين ....بشرط يكون خاص للسليم
وبتشوفين الفرق ...

الثانية ...
قالت اول شي تعودي على إنج تاكلين وتشربين الالبان والاجبان قليلة الدسم
تقللين العيش وتسوين كميته مساويه لسعرات الخبز ...80 كالوري
وهذا يساوي 75 جرام رز من 4-5 ملاعق ..
واذا ما قدرت تقلل العيش ..تزيده بس لحد 150 جرام
وما تبتدي فيه تاكل لك روتي اسمر قبل الاكل وبتحس بالشبع وبتقل الكمية التي تتناولها تلقائي
يوميا ساعة مشي ...أو كبداية 3-4 مرات بالاسبوع
والاكل يا اما مشاوي او مسلوق
وبشهر بتلاحظ الفرق ....

وحده اعرفها مسويه رجيم وتبدا يومها بعصير ليمون طازج ...
ومشاوي وفواكه وسلطات وخضار
ومشي كل 3-4 ايام ساعة ....واضعفت على قولتها بس كيلويين
في عشرة ايام
.......وبالتوفيق للجميع ...

[HiTec]

السلام عليكم

حبيت استفسر عن برامج الرجيم وشنو الاحسن وصج يضعف

انا الصراحة ابي اضعف قبل السفر شهر سبعة لان الفضايح كلها بتبين مع البدلات ههههههههههههه
انا رحت وسألت قالو لي في كذا نوع من المراكز

النوع الاول اللي اشترك معاهم ويجيبون لي الاكل البيت بس اسعارهم غالية ( بين 2500 الى 3500 حق الشهر ) مثل دايت سنتر وسليم اند لايت
النوع الثاني مراكز يعطوني برامج وانا امشي علية في البيت واسعارهم تقريبا 750 حق شهرين مثل بيرفكت ويت ودكتور نيوترشن

والثالث اللي سمعت عنه هو كامبريدج دايت اللي يبيعون عصاير وشوربات بس وتمشي عليهم واشتراكهم 200 ريال مدى العمر بس تشتري العصاير والشوربات بروحهم بسعر 15 ريال للوجبة

الحين السؤال شنو الاحسن فيهم وكم اضعف من كل برنامج واذا في اثار سلبية او لا

لحمله " خش كرشتك في سفرتك " هههههههههههههههه


الاحسن والارخص، تراجع اخصائي تغذية
تقدر تروح مستشفى حمد ... وان طال عليك او تحسه الموعد بعيد
روح العمادي
فيه هناك اخصائية تغذية

[intesar]

سليم اند لايت وباقي الراكز الصحيه = ممتازه لاكن ماينزل الوزن اكثر من 4 او 5 كيلو بالشهر مع المشي
دشتي واتكنز ورجيم بدون نشويات = سبب لي تساقط كبير في الشعر ونقص حديد في الفيتامينات لدرجه ان مانفعني غير ابر حتى الحبوب الفيتامينات مانفعت ( رأيي مانصحك فيه)
رجيم نايتروشن= ماجربته ب شفته على ناس وايد فرق معاهم ويعطونك اشياء مثلا شاي او شامبو اذا رجيمك ممكن يسبب تساقط يقولون لك كل شي وهو ارخصهم

كامبريدج دايت = اول مره اسمع عنه ابصراحه ماقدر افيدك فيه

رجيم العلب للبيت مثل دايت كافيه ولا دايت سنتر .. صح ينزل ٤ كيلو بالشهر بس هو ومتكامل ومتوازن .. أنصح فيه .. وبقوة
دشتي واتكنز هو رجيم كربوهيدرات .. ينزل بس معدوم الصحة .. يعني كل كربوهيدرات وابتعد عن النشويات مثل الخبز والباستا وهذي النشويات تعطيك طاقة .. يعني ما تنفع ..
رجيم دكتور نيوترسيشين .. هم ينزل بسرعة بس رجيم غذائي غير متوازن .. يعني رجيم بروتينات .. تقدر تسويه فترة بسيطة جدا مو أكثر لأنه رجيم غير متوازن غذائيا ..
كامبريدج .. سمعت عنه من قريب .. لكن اذا كان اعتماده بس على العصاير .. فابعد عنه كلش .. ما تضمن العصاير ايش يكون فيها .. يعني مركز يعتمد على الربح المادي .. هاي اذا بس عصاير ..

اذا بالبيت .. تريق وتغدا .. واذا تبي تتعشا خليها الساعة ٧ .. وبعدها لا تاكل شي .. مع الرياضة اليومية مدة ساعة .. ان شاء الله أمورك طيبة ..
دمتم بود ..

[alkuwari4u]

مشكورين على الردود والآراء الطيبة

أنا رحت حق كامبريدج دايت وجلست مع الدكتورة اللي عندهم وشرحت لي كل شي

قالت اللي الرجيم عبارة عن عصاير وشروبات وميلك شيك يجيبونه من بريطانيا ومجود في وايد اماكن في العالم

هذي العصائر والشوربات تحتوي على كل اللي يحتاجة الجسم من مواد غذائية وبروتينات وفيتامينات وما يخلي الجسم يحرق العضلات او يسبب نقص في المواد الغذائية

عندهم نظامين هناك الاول هو بس امشي على هذي الشوربات والعصاير وينزل في الاسبوع الاول 3-5 كيلو وفي الشهر تقريبا 10 كيلو وروتني واحد من زباينهم نزل 12 كيلو في الشهر الاول وواحد من زباينهم فيالامارات نزل 100 كيلو تقريبا في سنة
الثاني ممكن يدخل آكلات معينه في البرنامج وينزل تقريبا 1-3 كيلو في الاسبوع و 5-7 كيلو في شهر

البرنامج يعتمد على الماي والواحد لازم يشرب 3 لتر في اليوم معاه وجربت العصير اللي عندهم كان طعمه حلو الصراحه

الاشتراك طول العمر عندهم ب 200 ريال بس ( وااااااايد ارخص من اي مكان في قطر ) والحلو في الموضوع ان الاشتراك مرة وحده وفي المستقبل اذا تبي تبتدئ الرجيم بس تروح وتشتري اللي تبيه بدون اشتراك

أنا اشتركت معاهم وببتدي الرجيم ان شاء الله يوم الأحد وان شاء الله بخبركم بالنتائج الاسبوع الجاي عن نتايج الاسبوع الاول والي يبي مكانهم في شارع النصر جنب الصدف للهواتف على الجنب

*

[meeemz]

.. بيرفيكت ويت احسن واحد للكرشه بس متعب وممل ..ودايت سنتر بعد زين وصحي ويشبع واكلهم لذيذ مناسب للي ما يقدر يصمد للرجيمات الثانيه بس ما يضعف وايد لازم معاه رياضه ... وماجربت كامبريج بس ناويه اجرب .. اتمنى انه تكتب لنا عنه بعد ماتجربه ..بس سؤال وين مكانه ؟

[meeemz]

3 ليتراااااااااااااااااااااااااااااااات !!!!!!!!!!!!!!!!!!!!!! غير العصاير ؟!

[alkuwari4u]

مكانهم في شارع النصر جنب الصدف للهواتف واسم مركزهم غرين لايف

اي لازم ٣ لتر ماي اذا في النظام المكثف

[alkuwari4u]

ميمز عندهم موقع روحي غوغل واكتبي Cambridge diet وبتحصلينه فيه معلومات وايد عن النظام

[..er..]

بتابعكم من بعيد @@

[intesar]

مشكورين على الردود والآراء الطيبة

أنا رحت حق كامبريدج دايت وجلست مع الدكتورة اللي عندهم وشرحت لي كل شي

قالت اللي الرجيم عبارة عن عصاير وشروبات وميلك شيك يجيبونه من بريطانيا ومجود في وايد اماكن في العالم

هذي العصائر والشوربات تحتوي على كل اللي يحتاجة الجسم من مواد غذائية وبروتينات وفيتامينات وما يخلي الجسم يحرق العضلات او يسبب نقص في المواد الغذائية

عندهم نظامين هناك الاول هو بس امشي على هذي الشوربات والعصاير وينزل في الاسبوع الاول 3-5 كيلو وفي الشهر تقريبا 10 كيلو وروتني واحد من زباينهم نزل 12 كيلو في الشهر الاول وواحد من زباينهم فيالامارات نزل 100 كيلو تقريبا في سنة
الثاني ممكن يدخل آكلات معينه في البرنامج وينزل تقريبا 1-3 كيلو في الاسبوع و 5-7 كيلو في شهر

البرنامج يعتمد على الماي والواحد لازم يشرب 3 لتر في اليوم معاه وجربت العصير اللي عندهم كان طعمه حلو الصراحه

الاشتراك طول العمر عندهم ب 200 ريال بس ( وااااااايد ارخص من اي مكان في قطر ) والحلو في الموضوع ان الاشتراك مرة وحده وفي المستقبل اذا تبي تبتدئ الرجيم بس تروح وتشتري اللي تبيه بدون اشتراك

أنا اشتركت معاهم وببتدي الرجيم ان شاء الله يوم الأحد وان شاء الله بخبركم بالنتائج الاسبوع الجاي عن نتايج الاسبوع الاول والي يبي مكانهم في شارع النصر جنب الصدف للهواتف على الجنب

*


صح ٢٠٠ ريال كا شتراك بس ما حسبت العصاير والمواد اللي تاخذه منهم كم بيصير بالشهر .. احسبها وخبرني .. وهذه كلها مواد حافظة مو فريش .. حتى لو فيها مكملات .. ما في أحلى من الطازج .. النزول بسرعة حلو .. بس ايش الفايدة اذا من ما تركته زاد دبلات .. وأنا أعرف ناس سوته بفرنسا ما شفت أي فائدة تذكر ..
دمتم بود ..

[QAT2020]

3. حمية كامبردج (Cambridge Diet):
هي عبارة عن حمية تعتمد على 500 سعره حرارية في اليوم عن طريق استخدام وجبات تكميلية تحتوى على الحاجة اليومية من المعادن والفيتامينات. هي عبارة عن ثلاثة وجبات تكميلية يومية تؤخذ على شكل حساء أو حليب. كما يجب على المتبع لهذه الحمية شرب 2.25 لتر من الماء يومياً. بعد أربعة أسابيع من إتباع هذه الحمية يتم استبدال واحد من هذه الوجبات التكميلية بوجبة طبيعية مكونة من 400 سعره حرارية.
هذه الحمية تحتاج إلى قدرة عالية على التحمل كما أنها بطبيعتها مملة. يتم فقدان الوزن بشكل جيد لكن الجسم قد يخسر العضلات بدل الدهون والذي يعتبر خطر جداً فمثلاً قد يكون خسارة عضلات القلب مميتاً. كما أن هذه الحمية لا تقّوم العادات الغذائية السيئة ولا توفر مساعدة لمتبعها بعد انتهائها.

المرجع :
الدليل الشامل للتغذية السليمة
كل ما تحتاج معرفته من أجل أسلوب حياة صحي
من منظور طبي
تأليف
د. محمد العمر

[فاطمة علي]

احسن مركز نيو تشن ووووايد زين انا صار لي 3اسابيع نزلت 4 كيلو نصيحتي لكم عليكم بلماء 3لتر يومي جربت نفع معاي وايد الجدول وووايد اكل لدرجة ماقدر اكل كل الوجات يعني مافي جوع ابدا بعد اسبعين الكل الاحظ انا وايد استفدت

[alkuwari4u]

صح 200 ريال كا شتراك بس ما حسبت العصاير والمواد اللي تاخذه منهم كم بيصير بالشهر .. احسبها وخبرني .. وهذه كلها مواد حافظة مو فريش .. حتى لو فيها مكملات .. ما في أحلى من الطازج .. النزول بسرعة حلو .. بس ايش الفايدة اذا من ما تركته زاد دبلات .. وأنا أعرف ناس سوته بفرنسا ما شفت أي فائدة تذكر ..
دمتم بود ..

بعد هاي أنا ادفع على قد ما أخذ
أنا شريت حق اسبوع عشان أجربة ب 315
وسألتهم عن ما بعد الرجيم واذا بمتن بسرعه ولا لا قالت لي دكتورتهم ان في نظام ثاني ادخل فيه بروتين وعيش بطريقه خفيفه و تدريجيه عشان احافض على الوزن

وعن حرق العضلات قالت لي ان البرنامج ما يادي لحرق العضلات ولا تساقط الشعر نفس الرجيم اللي يعتمد على البروتينات لان يحتوي على كل المواد الغذائية اللي يحتاجها الجسم والله اعلم

قبل ما اشترك قالوا لي النظام صعب واذا ما فيني نيه اكمله لا اشترك ولا ادفع شي بس قررت اكمل واجرب اسبوع مو خسران شي *

[alkuwari4u]

السلام عليكم

بس حبيت اخبركم عن تجربتي مع الرجيم وشلون ماشية
اول شي بخصوص اذا كان الرجيم فيه ايه خطورة حصلت هذي المقالة عنه في جريدة التايمز البريطانية (المقالة) (http://women.timesonline.co.uk/tol/life_and_style/women/diet_and_fitness/article6295946.ece)

اول ثلاثة ايام صعبة شوي لان الجسم يفرغ السكر والماي في الخلايا وفي احساس بالجوع والتعب والصداع بعض الاحيان

انا الحين ماشي في اليوم الرابع من الرجيم ومافي اي احساس بالجوع والتعب بدا يروح ورجعت لنفس النشاط السابق

حاليا انا نزلت تقريبا 3 كيلو وان شاء الله بعطيكم ابديت قريب

[شـوق]

انا اشتركت ف كامبرج بس مو قادره اشرب ..
جيت ابي اشرب الكابشينو كان وايد ثقيل وماعجبني طعمه وجيت بشرب الشوربه ماعجبتني شربت قفشه بس ..
اليوم بديت ...
وتخيلي م الصبح على قفشتين كابشينو وقفشه شوربه

[حقيقه]

حمله " خش كرشتك في سفرتك " هههههههههههههههه


الصراحه اصعب نقطه في الرجيم هي شرب لتر الماي في اليوم

لكن مع الماي بتختفي الكرش يعني لازم يكون اجباري الشرب

ونتمنى الوصول للوزن المثالي :nice:

[روابي]

بذور الكتان تساعد على تخفيف الوزن

[المتضرعه لله]

تبي تضعف عدل خل منك الرز والمكرونيا والمشروبات الغازيه والفطاير والبتزا يعني شي به رز طحين ملح سكر غازيات حليب اتركه

خلك على كل ماهو خضره مسلوقه وحبة فاكهه كل يوم و200 جرام بروتين ومشي 45 دقيقه بسباير او السير الكهربائي او الكورنيش وراح ينزل وزنك اكيد

نترشن فضيع انصحك به

[اي شي]

الرياضة و المشي اهم الحل الاسرع

[M!ss Vimto]

السلام عليكم

بس حبيت اخبركم عن تجربتي مع الرجيم وشلون ماشية
اول شي بخصوص اذا كان الرجيم فيه ايه خطورة حصلت هذي المقالة عنه في جريدة التايمز البريطانية (المقالة) (http://women.timesonline.co.uk/tol/life_and_style/women/diet_and_fitness/article6295946.ece)

اول ثلاثة ايام صعبة شوي لان الجسم يفرغ السكر والماي في الخلايا وفي احساس بالجوع والتعب والصداع بعض الاحيان

انا الحين ماشي في اليوم الرابع من الرجيم ومافي اي احساس بالجوع والتعب بدا يروح ورجعت لنفس النشاط السابق

حاليا انا نزلت تقريبا 3 كيلو وان شاء الله بعطيكم ابديت قريب

متابعه :nice:

[alkuwari4u]

انا اشتركت ف كامبرج بس مو قادره اشرب ..
جيت ابي اشرب الكابشينو كان وايد ثقيل وماعجبني طعمه وجيت بشرب الشوربه ماعجبتني شربت قفشه بس ..
اليوم بديت ...
وتخيلي م الصبح على قفشتين كابشينو وقفشه شوربه

الشوربات ما اعجوني وايد بس في وحده شوي زينة

الميلك شيك الصراحة وايد حلو خصوصا لما تسوينة في الخلاط مع الثلج واذا كان ثقيل زيدي ماي

احلى شي عصير الشوكليت الجاهز ,, يشبع الواحد وطعمه حلو وما يبي له لا تحضير ولا شي ووايد سهل ان اخذه في الشغل ,, انا الحين تقريبا عايش علية كلا عصاير جاهزة

[becauzah]

يايبه لازم انت تغير طريقة حياتك لأنك اذا سويت رجيم راح ترجع متين مثل قبل و أخس بعد ، لازم تثقف نفسك و تعرف كم سعرة في كل شي تاكله ، مثلا تدري ان التفاحة الخضرا فيها 35 سعرة؟ و التفاحة الحمرا فيها 120 سعرة؟ و في المقابل وبر برجر كنج فيه 760 سعرة بدون طبعا البطاطس و البيبسي ، ولازم تعرف ان الخضار تقريبا معدومة السعرات فيعني كل منها قد ما تقدر و حاول ما تعدي 2000 سعرة في اليوم و امش للمسجد و صف سيارتك بعيد عن الأماكن الي بتروح لها عشان تجبر نفسك على المشي

[رايق البال]

الصراحه اخوي دخل مركز نيوترشن وخذ منهم الجدول وكل الاغراض المطلوبة ونزل خمسه كيلو في عشر ايام ..
انا انصح فيه للي يقدر يلتزم

[HiTec]

الاشتراك طول العمر عندهم ب 200 ريال بس ( وااااااايد ارخص من اي مكان في قطر ) والحلو في الموضوع ان الاشتراك مرة وحده وفي المستقبل اذا تبي تبتدئ الرجيم بس تروح وتشتري اللي تبيه بدون اشتراك

احتاج توضيح

يعني 200 رسو م تسجيل؟؟

وكم تكلفة المواد الي تشتريها؟؟ يعني بالشهر كم تكلفك ؟؟

[Doha Sun]

عندي ريجيم في الشهر 10كيلو ..
وانا مع حملة (من كرشته الناس حبيته )

[رحال]

عليك بالرياضة

[alkuwari4u]

السلام عليكم
نفس ما وعدتكم هذي الحين ابديت البرنامج
انا الحين في اليوم الثامن
الصراحة اول ثلاثة ايام هي المتعبة وايد
بس الحين تعودت علية وصار الموضوع سهل ومافي جوع
يمكن الصعوبة الوحيده هي الرغبة بالاكل مش عشان اني جوعان بس لاني اشتقت لالكل ( ياحبنا للاكل احنا ههههههه ) وخربت شووووووووووية بس ( لقمه هني وهناك )
الحين قست وزني انا نازل 5 ونص كيلو
عن الاشياء الحلوة انا تقريبا جربت كل شي عندهم وما قمت اخذ الا العصير الجاهز ويمكن حزات ميلك شيك
قررت استمر علية ان شاء الله شهر زياده تقريبا

[alkuwari4u]

الاشتراك طول العمر عندهم ب 200 ريال بس ( وااااااايد ارخص من اي مكان في قطر ) والحلو في الموضوع ان الاشتراك مرة وحده وفي المستقبل اذا تبي تبتدئ الرجيم بس تروح وتشتري اللي تبيه بدون اشتراك

احتاج توضيح

يعني 200 رسو م تسجيل؟؟

وكم تكلفة المواد الي تشتريها؟؟ يعني بالشهر كم تكلفك ؟؟

وعليكم السلام

200 ريال تدفعها للتسجيل والدخول عند الطبيبة والاستشارة ( وبعدين جميع الاستشارات مجانية )

عن الاكل عندهم الوجبة ب 15 ريال وانت تشتري كثر ما تبي منهم ,, انا شريت حق اسبوع مع اشتراك طلع لي 500 تقريبا ( نزلت في حدود 5 كيلو في اسبوع وانا قبل دفعت حق مراكز ثانية في حدود الثلاثة ونزلت تقريبا اربعه كيلو في شهر )

الحين رحت اشتر حق بعد اسبوع طلع لي في حدود 300

[ام الفهود]

بصراحه تشجعت اروح لمركز كامبيرج دايت وانا متابعة الموضوع بس بسال اخوي انت تسوي رياضة او تمشي والا بس الااعتماد عالرجيم فقط وموفق وان شاء الله توصل للوزن المطلوب

[تحداني]

اتنرفز من الرجيم في الصيف
يتعبني ويسبب لي ارهاق ازياده عن ارهاق الحر
وودي كله في آيس كريم وهو مليان سكر


احاول احب الصيف .. بس ما قدرت
وما ابي اكره الحميات الغذائية ابسبه الصيف

ما اعرف شاسوي

اشلون اكون صديقه هالفصل ؟؟

جملكم الله برضاه

[ام السعف]

اتنرفز من الرجيم في الصيف
يتعبني ويسبب لي ارهاق ازياده عن ارهاق الحر
وودي كله في آيس كريم وهو مليان سكر


احاول احب الصيف .. بس ما قدرت
وما ابي اكره الحميات الغذائية ابسبه الصيف

ما اعرف شاسوي

اشلون اكون صديقه هالفصل ؟؟

جملكم الله برضاه

أكلي اسكريم في الصيف وسويي رجيم في الشتا
وخالفي فيروز في حبيتك في الصيييف حبيتك في الشتي :shy:

[ام السعف]

أفضل ريجيم عبارة عن كلمتيــــــــن فقط ...


أكـــل أقــــل .... ورياضة أكثــــر ...



:nice:

اللي يصير عندنا أكل اكثر وأكثر وأكثر وحركة عدم :(

[تحداني]

أكلي اسكريم في الصيف وسويي رجيم في الشتا
وخالفي فيروز في حبيتك في الصيييف حبيتك في الشتي :shy:



حاضر من هالعين قبل هالعين
بس نخالف فيروز ما يصير حبيتك في كل الفصول مو بس في الصيف
ولا بس في الشتا



نوما هنيئا سيدتي الفاضله
جملك الله برضاه

[Abu Maher]

السلام عليكم

أخي الكريم أنا هاذا الرجيم جربتة بنفسي و أسمع مني لاتروح مراكز ولا تعور راسك

الصبح بيضة أو بيضيين بدون الصفار مع ملح خفيف وعصير برتقال والغدا أي شئ مشوي وفقط لا غير المشوي دجاج لحم سمك أي كمية و في الليل خضروات وسلطة وكل يوم ما لايقل عن ساعة ألى ساعة ونصف ما عدا يوم الجمعة عطي لنفسك راحة فقط تمارين للمعدة أو منطقة الكرش أول شهر بتنزل من 7 ألى 10 كيلو وهاذا هو الأسهل لأن الدهون الأحدث المتراكمة تكون سهلة التخلص وبعدين في الشهر الثاني وبالأخص الأسبوع الثاني والثالث بتحصل جسمك ماينزل ولا غرام مهما سويت والأسبوع الرابع تفقد 5 ألى 7 كيلو بغضون أسبوع صدقني والشهر الثالث بتحصل نفسك خلاص جسمك خفيف وسهل الأستجابة للرياضة وأي نوع من أنواع النشاط وبتنزل تقريبا 4 ألى 9 كيلو طبعا الشهر الثالث هو الأدق والأكثر أهمية أما تكمل وأما تتخلى عن البرنامج

أنا جربته كان وزني 115 كيلو وطولي 177 سم الحمدالله بعد أربع شهور وزني أصبح 86 كيلو وبوصل أن شاء الله ألى 75 كيلو ومع العلم أن أكلي هو نفس أول لازاد ولا نقص

نصيحة نصيحة نصيحة لك ولأي حد يقرأ الموضوع لا تأخذ الرجيم الكيميائي الذي يصاحبة الأدوية وهذا الكلام شوف عيني بيجيبلك تشوهات في الجلد وترهل ولو وقفته بزيد وزنك بسرعه جنونية وأكثر من الأول لا تستعجل وتتسرع عشان تنحف نفسك بسرعة

[بوسلمان 2010]

عليك باالعيش واللحم والهريس والثريد وصالونت لحم وخبز ايراني احسن شي حق الرجيم هذا الي وصى


الدكتور عليه حق الرجيم