آليه نقل الاسهم

[راعي البورصه]

أيش الآليه لنقل اسهم من شخص الى آخر في شركه ناقلات او أي شركه أخرى مع العلم أن النقل لأقارب من الدرجه الأولى أي الأخ _الأخت _الزوج :deal: :deal:

[relaax]

اخوي .. اذا اتعرف حد تثق فيه في شركة الوساطة اللي اتعامل معها .. هو يقوم بعرض الاسهم اللي ترغب في تحويلها .. وبعدين يرجع يشتريها لك ... لازم اتكون عندك سيولة عشان تحطها في حسابك فالشركة .. عشان عملية البيع والشراء .. وفالنهاية المبلغ اللي دفعته في فالشراء بيرجع لك ...

[المراقب]

العملية سهلة جدا في إدارة الشؤون القانونية في السوق الطابق الأول,

يعطوك كل المعلومات.

[عليان]

الطابق الثاني , عفواً أخي

[راعي البورصه]

مــشــكــور اخــوي

[qshark]

ترو لهم الطابق الثاني ومعاك البطاقات الشخصية ، والمتنازل لازم يحضر شخصياً إلا إذا كان المتنازل إبنه أو إبنته وكانت دون 18 سنه ، يحتاج إذن قاضي القاصرين بالبيع والشراء لأبنائه .

[jajassim]

qshark

وماهي اجراءات لاخذ إذن قاضي القاصرين وشكرا

[qshark]

شلون اكتتبت لهم من البداية ، عالعموم تروح لهم ( مقرهم جنب وكالة الرنج - مبنى الفردان في السد - الباب من الخلف ) تروح أظن الدور الثالث ، بس لا تنسى تاخذ معاك صور جوازاتهم ، أو صور شهادات الميلاد اذا ما عندهم ، وبيعطونك طلب تعبيه وتدش على طول عالقاضي ويكتب الحكم ويدش الطباعة ، اذا رحت من صباح الله خير ، يمكن تخلص في نفس اليوم . بس نصيحة اتصل على ادارة التركات وشوؤن القاصرين قبل لأنهم كل شوي يغيرون الاجراءات !!!! أصلها سايبة على قولة المصريين !!!!!!!!!

[jajassim]

qshark

اشكرك على اهتمامكم ، بالنسبة للاكتتاب تقدمت بطلب اكتتاب للعيال في ( الوطني ) فقط طلبوا مني نسخة من البطاقة الشخصية و نسخة من شهادة الميلاد دون اى اجراءات أخرى
مع أطيب التحيات