اذا انتهى جوازي وانا في امريكا وش الطريقة

[R 7 A L]

السلام عليكم ورحمة الله وبركاتة



ياجماعة عندي استفسار

جوازي بينتهي بعد كم يوم وانا في امريكا
وش الطريقة والسواه

[ummalaz]

اخوي نحن هنا في قطر لكن مو قطريين اذا انتهت جوازاتنا بتتجدد عادي في سفارة
بلدنا واتوقع نفس الشئ ممكن تجدد في سفارة قطر باامريكا

[naklan]

هلا باخوي r 7 a l
اخوي اقرب سفاره قطريه لك يجددونه
او يدزونه لك للدوحه للتجديد

[الزجاجي]

انت من اي ولايه؟
وايش اقرب سفاره او قنصليه قطريه عندك؟

اهم شي لا ترمي الجواز القديم لانه فيه الفيزا الامريكيه

[@north_star@]

يتجدد عن طريق اقرب سفارة قطرية وعقب التجديد ترفق القديم بالجديد علشان الفيزا موجوده على الجواز القديم مثل ما قالوا الاخوان

[R 7 A L]

مشكورين وماقصرتوا

خاطبت السفارة وقالوا قبل لاينتهي صور ودزة لنا

شكراً جزيلاً

[مرتبش]

اخبر انه عادي ترجع الدوحة وجوازك منتهي
صار لي هالشي وكلمت السفارة وطرشت لهم الجواز ورجعوه بدون تجديد قالو توكل على الله نو بروبلم

[بصمة قطرية]

مثل ما قالوا لك يتجدد عن طريق السفارة بكل سهولة
وممكن يتمدد لتاريخ معين لين تستلم الجديد
ويتم نقل الفيزا من القديم للجديد

[R 7 A L]

اخبر انه عادي ترجع الدوحة وجوازك منتهي
صار لي هالشي وكلمت السفارة وطرشت لهم الجواز ورجعوه بدون تجديد قالو توكل على الله نو بروبلم


صج اذا كذا خلاص مو لازم اجددة

[R 7 A L]

مثل ما قالوا لك يتجدد عن طريق السفارة بكل سهولة
وممكن يتمدد لتاريخ معين لين تستلم الجديد
ويتم نقل الفيزا من القديم للجديد


اذا فية تمديد شي طيب

على الاقل مانتوهق في الصور