طلب خدمه من اخواني القطريين

[محتاج نصيحه]

مساء الخير على الجميع

يالغالين حبيت استفسر شنو احسن طريقه لشحن قطعه وزنها بحدود 10 كيلو جرام من قطر للسعوديه من ناحية السعر والجوده في التوصيل ؟

وياليت لو فيه ارقام للشركات المتخصصه للشحن

وشكرا

[ZURICH]

dhl

شارع سلوى

[فتى الجود]

ارامكس

وأرقامهم



Phone (Customer Service ): +974 (4) 4200100
Phone (Office): +974 (4) 4200111

اوقات الدوام: 09:00-18:00

[مساهم فنان]

dhl

شارع سلوى
الدي إتش إل غالي جدا ... أرخص منه يوبي إس وآرامكس
والأفضل البريد الممتاز أو البريد العادي ، بصراحة أرخص.

[D0ha]

في طريقة ثانية ارخص وأسهل,
اعتقد في سيارات تطلع من قطر وتعبر السعودية لين الأردن وسوريا...والأغلبية من الاخوان العرب
يمكن والله اعلم تكلفة نقل القطعة هاذي بغض النظر عن الوزن مايتعدى 200 او 300 ريال
ويمكن النقل الجماعي يقوم في الشحن بقيمة اعلى شوي- كونها شركة منتظمة
هذا والله اعلم

[بو منيرة]

البريد الممتاز عن تجربه .... سعر رخيص وجودة فالتوصيل

روح اي فرع من فروع البريد Qpost واستفسر

[AL_MUTAEM]

10 كيلو بيطلع عليك السعر غالي شوي لو عن طريق البريد بانواعه ..

اذا مافيه خوف من كسر وخلافه تقدر تتصل بالنقل الجماعي او احد التريلات اللي يطلعون من قطر للسعوديه ومكان تجمعه بالصناعيه واسعارهم بسيطه لانهم طالعين بالقطعه اللي معاك ولا بلياها بس الاهم بأي منطقه بالسعوديه .

[Dawn]

اذا التوصيل لدوله خليجيه انصحك بخليجي اكسبريس توصل في يومين وسعرها ارخص من الشركات اللي قالوها الاخوان اللي قبلي وهي خدمه تابعه للبريد الممتاز ... واذا مب مستعجل وتبي شي رخيص البريد الممتاز سعره رخيص وخدمتهم افضل بمليون مره من ارامكس وغيرهم .. مكانه مقابل محطة التيسير في المطار .. وبالتوفيق ان شا الله

[شيخ الديرة]

اذا التوصيل لدوله خليجيه انصحك بخليجي اكسبريس توصل في يومين وسعرها ارخص من الشركات اللي قالوها الاخوان اللي قبلي وهي خدمه تابعه للبريد الممتاز ... واذا مب مستعجل وتبي شي رخيص البريد الممتاز سعره رخيص وخدمتهم افضل بمليون مره من ارامكس وغيرهم .. مكانه مقابل محطة التيسير في المطار .. وبالتوفيق ان شا الله

فعلا هو هذا الأختيار الأفضل وللمزيد من المعلومات والأرقام والسعر شوف هذا الرابط

https://www.qpostapplications.com/gpc/gulfex_ar.htm

[Rashid554]

عن تجربة ..
جربت اثنين ( دي اتش ال ) و ( يو بي اس ) ولدول خارج قارة اسيا وجميعها وصلت بسلام وفيها خدمة التتبع

[مستثمر 999]

النقل الجماعي ارخص واضمن واسرع

[تغلبية]

البريد الممتاز عندنا ممتاز لكن في السعودية .. بهذلة على ما الواحد يستلم أغراضه

شركات الشحن الخاص أعلى قيمة لكن الخدمة أحسن

[محتاج نصيحه]

مشكورين الله يعطيكم العافيه والله انكم احرجتوني بطيبة قلوبكم
بس مو غريبه عليكم يا اهل قطر

تحياتي

[بوخالد911]

مووفقيين