ياوزارة البلدية أوقفوا عمل صهاريج سقي الزرع ليلا ( حادث مروع )

[rashid-1]

الـــسلام عليكم

حادث مروع جدا بالقرب دوار المايل ( همر داخل في تنكر مياه ) كان واقف لسقي الزرع على جنبات الطريق والحادث يبدو وأنه مميت والله أعلم وهذا النوع ليس الأول ولا الأخر إن لم يكن هناك حل لعدم تكرار هذا النوع من الحوادث ونرجو من الجهه المسؤوله على الأقل وقف العمل خلال إجازة الأسبوع لأن بهذا اليومين أغلب الناس يخرجون فيه ويكون هناك ضغط على جميع المرافق والطرق

وشكرا

[القحطاني505]

نرجو من البلدية سرعة البتّ في هذا الأمر

[محمد]

في اختراع اسمه تنقيط او حتى رش

[بوحارب]

ما أدري لين متى ربعنا في البلدية بيستمرون على هالنظام الغبي :)

الله يستر على اللي مسوي الحادث

[نورالهدى]

لاحول ولا قوة إلا بالله العلي العظيم

إيش لون الهمر

روعتني

[HADi]

الله يستر على صاحب الهمر

شفت الحادث وصراحه فعلاً لابد من وضع حل

[HADi]

لاحول ولا قوة إلا بالله العلي العظيم

إيش لون الهمر

روعتني


اعتقد احمر

[بصمة قطرية]

لا اله الا الله

[الموضوعي]

على حسب كلام الربع موظفي البلدية ان الوزارة تركت مهامها وتفرغت للتضيق على الموظفين ووقف علاوتهم وهذي علامات الفشل من قبل قيادات الوزارة

[fahadq]

ايوة الهمر احمر

[مهل]

لا حول ولا قوه الا بالله


سؤال .. هل الدناكر تابعه للبلديه او لوره دناكر ؟

و اذا بالوره من المستفيد ؟ و من هو صاحب المصلحه في استمرار هذا الخطر العظيم في شوارعنا !!!!


قمه التخلف طريقه سقايه الزراعه بهذه الدناكر ... افضل يكون الشارع يكون بدون زراعه ولا يكون شارع مزروع و يسقى بدناكر الماي

[ممنوع اللمس]

انا اعرف راعي الهمر وقاعد اتصله من متى مقفل الله يستر :(

[ALRAYYAN]

والله شفت الموتر محذوف على يمين الشارع قبل الدوار المايل بنص كيلو تقريبا من حوالي ساعه وانا راجع البيت

همر احمر .. توقعت انه منقلب على اللي شفته

لا حول ولا قوة الا بالله

[al-obaidly]

انا حاولت مره ادخل الدنكر ولا هناك مافيا يعني لازم واسطه بالعربي (انا ولد عمي !!!!!!!!!!!!!!!!!!!!!!!!! )ولافلوسها حلوه ومعروفه الحركه سجل الملكيات بأسامي مختلفه ولاحد بيدري

[ALRAYYAN]

انا حاولت مره ادخل الدنكر ولا هناك مافيا يعني لازم واسطه بالعربي (انا ولد عمي !!!!!!!!!!!!!!!!!!!!!!!!! )ولافلوسها حلوه ومعروفه الحركه سجل الملكيات بأسامي مختلفه ولاحد بيدري

احنا في وادي وانت في وادي الله يرضى عليك

احنا نفكر في الارواح اللي تروح بسبب هالنظام المتخلف وفي اخونا راعي الهمر اللي صار عليه الحادث عسى الله ينجيه

وانت يالشيخ قاعد تحسبها من نواحي ماديه :secret:

[ممنوع اللمس]

برد لكم خبر ان شاء الله لو حد رد من اخوانه
الله يستر بس
كانه حي جعل ربي يشافيه
وكانه ميت..وليلة الجمـعه عسى الله يتجاوز عنه عذاب القبر

[ارستقراطي]

قبل عدة سنوات وفي التسعينات كنت اعمل في النجده وصلنا بلاغ بحادث الساعه تقريبا 7 صباحا
وصلنا للموقع وجدنا سياره صالون تحت ( دنكر ) او ( تنكر ) أو (سيارة مياه للري ) ووسط ضباب لاترى من خلاله سـوى من عشره متر !
اخرجنا الشخص لايصاله للمستشفى ولفض انفاسه الأخيره بعد أسعافه بخمس دقائق
قرأت مؤخرا أن الري للزراعه ليلا أفضل منه نهارا وذلك بسبب تبخره نهارا
وأعتقد ان وزارة البلديه أخذت بهذه المقوله وأعتمدت سيارات بعض الأشخاص المهمين لكي لاينقطع رزقهم:secret:
وتناست ( التنقيط ) وهي افضل وسيله حتى من ( الرش) و.. أوفر
ولكن بما أن هناك ( ورّه وهناك مستفيدين فلا بأس ) :(

[كاتم الاسرار]

والله نفس المكان دوار المايل قبل المغاسل والمطاعم جدام عيني حادث عراوي دعم سيارة البلديه ماادري لين متى

[R 7 A L]

الى اعرفهم شخصياً وتوفى من حوادث الصهاريج
3 الله يرحمهم

الخلل مو من البلدية
الخلل من إدارة المرور

[عذاري قطر 2011]

طمونناا على الي سوا الحادث عساه بخير

[حسن]

الى اعرفهم شخصياً وتوفى من حوادث الصهاريج
3 الله يرحمهم

الخلل مو من البلدية
الخلل من إدارة المرور

الخلل في البلديه الى لين الحين وخنا نشوف طريقه الري كانه احنا لازلنا في عصر السبعينات واستغربمن الميزانيه الضخمه كل سنه للبلديه ومشاريعا

[rashid-1]

شكرا للردود وأتمنى من ردودكم توصل لوزير البلدية لإتخاذ مايلزم

[مهل]

قرأت مؤخرا أن الري للزراعه ليلا أفضل منه نهارا وذلك بسبب تبخره نهارا
وأعتقد ان وزارة البلديه أخذت بهذه المقوله وأعتمدت سيارات بعض الأشخاص المهمين لكي لاينقطع رزقهم:secret:
وتناست ( التنقيط ) وهي افضل وسيله حتى من ( الرش) و.. أوفر
ولكن بما أن هناك ( ورّه وهناك مستفيدين فلا بأس ) :(

هذا البلا ... والله بدون حوادث قبل فتره مار في شارع و تفاجئت بالدنكر و قعدت افكر ،،، احنا في سنه 2011 و الفلوس من كثرها صارت تنوزع معونات و مساعدات للدول وش السبب الي يخلي ربعنا لين اليوم يعتمدون على دناكر توقف في وسط الشارع و في المسار السريع و تسقي الزراعه ؟ شيء يتضارب مع العقل و المنطق اذا ماقارنا التطور العمراني و الطرق الحديثه جدا في الانشاأت و البنيه التحتيه .

يامسؤولين ارواح الناس مش لعبه و الي يتوفى ترى غالي عند اهله

[jeep-srt8]

ايه والله شفت الحادث امس مروووووووووووع

وبصراحة مايندري عن راعي الموتر لانه الحادث من جهته والله يشفيه ان عاش والله يرحمه ان توفى

بس الواضح جداً جداً انه حادث سرعة

والبلديه ذول ياللــــــــه يبيلهم جــــــــــــلد ياكثر هالحوااااااااااااادث ولايتعلمون

[ذيب ازغوى]

لا اله الا الله محمد رسول الله

[بوخالد911]

الله يحفظنا

[fahadq]

على فكرة مافى زراعة ما بين الشارعين يعنى التنكر ما كان يسقى الزرع اليوم انا شيكت

[جمال اليافعي]

من دقايق كنت انا وكامري رايحين فيها , الله ستر اني انا وراعي الكامري خفينا قبل لا تصير كارثة .

سيارة تابعه للبلدية الي ينظفون الشوارع صاف بوسط الشارع ويرشون ماي على الارض ممكن زيت ولا حادث صار .

المصيبة انهم واقفين بعد طلعة النفق الي يودي صوب اشارة الغرافة .

مستحيل تشوفون الشاحنة وانتوا طالعين من النفق على سرعة 80 بس الله ستر .

[االشامخ]

الله يشفيه انكان حي ويغفر له ان كان حي

[فتى الجود]

على حسب كلام الربع موظفي البلدية ان الوزارة تركت مهامها وتفرغت للتضيق على الموظفين ووقف علاوتهم وهذي علامات الفشل من قبل قيادات الوزارة




للاسف انى ابلغلك ان

اغلب الوزارات بالدولة شغاله بنفس هذه المنظومة

[Rider]

فعلا الشارع مافيه شجر وانا شفت الهمر يعني الدنكر واقف في الشارع ليش

[الفورتك]

اول شي ياليت حد يمنا على الرجال ..

وثانيا الحل سهل ياجماعه يطول لوحات تحذيريه قبل الدنكر ب ٥٠٠ متر ..

مثلا يعني تكون سياره تابعه للبلديه علها رماق ولا من اللوحات اللي فيها شاشات علشان تنبه السواق ..

وبعدين لازم يشوفون حل مع الدناكر .. يقولون افصل وقت للري في الليل ..طيب غيرو لون الدناكر خلوها بيض ولاصفر ..علشان تبين ... لان اللون الحال عشبي غامق وهاللون مايبين فالليل

[بنت الأجوادQ]

الشاحنات في الشارع يخوفون

[ملك المشاعر]

راعي الهمر كان في العنايه امس وعنده كسوور

والدنكر كان يسقي الحشيش وليتاته والدنجر شغال وليتات الشارع

راعي الهمر شكله كان مشغول في شى لانه ضرب الدنكر بدون ما يضرب بريك والمسارات على اليمين كانت فاضيه

[ممنوع اللمس]

انا اعرف ارجال شخصيا
الرجال فالعنايه المركزه وعنده نزيف خطير فالمخ وكسور
دعواتكم له والله يقومه بالسلامه ياااااارب ويرجعه للاهله سالم غانم

[الـخـالـدي]

انا اعرف ارجال شخصيا
الرجال فالعنايه المركزه وعنده نزيف خطير فالمخ وكسور
دعواتكم له والله يقومه بالسلامه ياااااارب ويرجعه للاهله سالم غانم

الله يشفيه ويقومه بالسلامه

اخوي تقدر تفيدنا بالأسم .. لأني مشبه عليه ؟

[شبح الصمت]

الله يستر عليه وصلني على البي بي وسمعت الاسعاف

لا حول ولا قوة الا بالله

بس ياخوك يا هل ترى لو الشخص إلتـزم في السرعه المحددة راح يحصل له هالشيء !!

ونقطة ثانية اتمنى أتمنى أنه ينعمل هالشيء ترى ما يكلف الدولة شيء ...



أنـــتبه أمامك رأي للزرع ,, أمامك تعديل طرقات ,, أمامك .. الخ :anger1:


أشارة ضوئية تثبت وتشتغل في أوقات الليل يعني الي يعدي الدوار تكون هالاشارة شغاله أنهم يسقون أو شيسون أو أي شيء تعديلات ..

ياخي شيء بيوعي العالم وفي نفس الوقت بيقلل من مخاطر الحوادث ..

الله يستر علينا يارب

[ممنوع اللمس]

الرجال اسمه ابراهيم

ثانيا هالسيارات حتى الدنجر اللي فيها ما يبين وانارة الشوارع مو واضحه 100%
انا قبل فتره دخلت بشاحنه كانت تعدل انارة الشوارع السياره تكنسلت والحمد لله انا سلمت وفالحديد

[النائب]

ما أدري لين متى ربعنا في البلدية بيستمرون على هالنظام الغبي :)

الله يستر على اللي مسوي الحادث


علشان تدري إن المصالح الخاصة تطقى على المصالح العامة سواء للفرد او للدولة

هذا مثال لأصحاب أهل التناكر إللي أكثرهم شغالين في نفس الوزارة

[كازانوفا]

لا حول ولاقوة الا بالله
ربي يشفيه ان شالله ويرد بيته عاجل غير اجل