افيدونا بتجاربكم مع أفضل مكاتب تصميم الخرايط [الأرشيف]

مشاهدة النسخة كاملة : افيدونا بتجاربكم مع أفضل مكاتب تصميم الخرايط

ام خويلد

27-05-2011, 02:18 PM

السلام عليكم ورحمه الله وبركاته

اخواني واخواتي الاعزاء الرجاء التكرم بعرض تجاربكم مع مكاتب تصميم خرائط البيت؟
من خلال جوده شغله؟وسعرة؟

AL-ANSARI

27-05-2011, 09:28 PM

جعله منزل مبارك ان شاءالله اختي انا عن تجربة افضل المركز القطري للاستشارات الهندسية .

.Q a T a R.

27-05-2011, 10:15 PM

وعليكم السلام

اختي عليج بالبيت القطري للاستشارات الهندسيه مري عليهم

وبالنسبه للاسعار انا اشوف اسعارهم معقوله واي استفسار انا حاضر

ام خويلد

28-05-2011, 12:37 PM

شكرا أخواني على الرد.
وبالنسبه للمركز القطري،والبيت القطري.
هل تعاملتوا معاهم؟ومع اي مهندس تعاملتوا؟

ام خويلد

28-05-2011, 02:05 PM

اخواني واخواتي نبقي التفاعل في المشاركه عشان الكل يستفيد
قال الرسول صل الله عليه وسلم"لايؤمن أحدكم حتى يحب لاخاه مايحبه لنفسه"

بوخالد911

28-05-2011, 04:02 PM

شعاع

والله يوفقكم

جربتهم

Qt.1

28-05-2011, 05:43 PM

جربت البيت القطري واسعارهم مبالغ فيها بشكل كبير , والشباب ماقصرو طلعو عيوب وايد في الخريطه الااولى وغير عن السعر الي مبالغ فيه , وحاليا انا مع العلي للاستشارات الهندسيه وبكره باستلم خريطتي , هذا كل الي اعرفه .

ام خويلد

28-05-2011, 08:52 PM

مشكور اخوي وماقصرت.
شلون عن تصاميم العلي حلوة؟
وكم اسعارهم؟

مرتبش

28-05-2011, 09:18 PM

سؤال جميل

لاني في هذي المرحلة حاليا..
حد سمع عن مكتب الربوة.. واحد يمدح فيه ولما شفت بيته ما فهمته حسيت انه غريب..
الاستشاري في العادة يسوي اللي انت تبيه بدون مناقشة ولا يتحاور وينصح ويقول لك هذي الفكرة ماتنفع وهذي احسن

والاسعار كيف من تجاربكم

يعطيكم العافية

Qt.1

28-05-2011, 11:33 PM

مشكور اخوي وماقصرت.
شلون عن تصاميم العلي حلوة؟
وكم اسعارهم؟

انا تقريبا مسوي نفس الخريطه الي سويتها قبل وبتحصلينها في موضوع في القسم , لكني عدلت عليها وايد , واسعارهم متفاوته على حسب الي تبينه لكنها في حدود المعقول .

ام خويلد

29-05-2011, 10:08 AM

مشكور اخوي وماقصرت على المساعده

.Q a T a R.

30-05-2011, 04:59 PM

شكرا أخواني على الرد.
وبالنسبه للمركز القطري،والبيت القطري.
هل تعاملتوا معاهم؟ومع اي مهندس تعاملتوا؟

اختي بالنسبه للبيت القطري فيه مهندس فلبيني اعتقد اسمه ري

واستقرب من اخوي الي يقول اسعارهم غاليه اعتقد خرايط البيت تكلفج عندهم من 15 الى 17 الف واعتقد هذا السعر معقول وتعاملهم جدا ممتاز
وباالنسبه للاسعار انا رحت استكش وقالي من 27 الى 30 الف ريال
والبيت القطر يعملج 3d للخرايط هذا الي عندي واي استفسار انا حاضر

ام خويلد

30-05-2011, 07:06 PM

Qt.1

30-05-2011, 11:52 PM

اختي بالنسبه للبيت القطري فيه مهندس فلبيني اعتقد اسمه ري

واستقرب من اخوي الي يقول اسعارهم غاليه اعتقد خرايط البيت تكلفج عندهم من 15 الى 17 الف واعتقد هذا السعر معقول وتعاملهم جدا ممتاز
وباالنسبه للاسعار انا رحت استكش وقالي من 27 الى 30 الف ريال
والبيت القطر يعملج 3d للخرايط هذا الي عندي واي استفسار انا حاضر

انا الخريطه الي امسويها تدري كم قالي !! قالي 30 الف تخيل , خريطه عاديه 5 غرف نوم وملحق عادي وبينت هاوس بثلاثين الف , وعقب طق ومطاقق ومكاسر قالي خلاص بنزل لك 8 الالاف , يعني صارت الخريطه بـ 22 الف !! ليش انا مسوي قصر , تراها فيلا !!

وين مب غالي الله ايهداك في مكاتب اتسوي خرايط حتى على 40 الف بعد بس معناتها اني ادفع هالمبلغ لخريطه !!

Qt.1

30-05-2011, 11:54 PM

ام خويلد روحي مكتب العلي للاستشارات الهندسيه وبتدعين لي :)

almaf1a

31-05-2011, 08:42 AM

سعر الخريطه 10 الاف وواجد عليها بعد
كل الي يسويه الاستشاري يعطيك خرايط جاهزه وتختار منها وتعدل فيها
شغل 5 دقايق
استغرب الاسعار المبالغ فيها
لو السالفه كذا الواحد يفتح له مكتب فيه كمبيوترين ويقدم استقالته من شغاله ابرك

العامرري

31-05-2011, 08:48 AM

انا بعد ابي ابلش بالخريطه

بس عطونا الافكار اللي نتفاداها في تصميم الفلل

*.*

ورقــة أمــل

31-05-2011, 08:54 AM

سمعت عن المها للاسشتارات الهندسية في النصرر

ومصمم حق كذا شخص اعرفهم التصاميم وايد حلووة واعتقد الاسعار معقولة

نور الحور

01-06-2011, 10:49 AM

أم خويلد نصيحة خلي اللي يصمم لج المخطط هو نفس المكتب اللي بيصمم لج التصميم الداخلي والديكور .. وإذا ما لقيتي أسعار مناسبة ممكن تتعاونين مع مصمم داخلي وتعرضين عليه المخطط ويعدل لج عليه ..

موفقة إن شاء الله :)

مضارب دوسري

01-06-2011, 11:09 AM

انا مع الاندلس للاستشارات الهندسيه في العزيزيه
بصراحه تعامله فوق الممتاز
وبيسوي لي الخريطه ب 7000 ريال
والخريطه انا اللي محدد في المساحات وموزعها من نفسي
يعني مب كوبي بيست

(عبدالله)

01-06-2011, 12:05 PM

مرحبا أخوي مضارب دوسري

الحمدلله انك حصلت على خريطة جيدة

أنا راجعت هالمكتب وحددت للمهندس كل احتياجاتي

كمعاملة... فوق الممتاز... لكن كشغل ما عجبني...

قال لي الخريطة ما بين 8000 إلى 12000 ريال... لكني ما تعاقدت معاه ورحت سكتش

سكتش خرايطهم غالية.. لكن شغلهم نظيف من حيث جودة التصميم وابتكار أفكار جديدة والمتابعة

والله يوفقك ويوفق الجميع

انا مع الاندلس للاستشارات الهندسيه في العزيزيه
بصراحه تعامله فوق الممتاز
وبيسوي لي الخريطه ب 7000 ريال
والخريطه انا اللي محدد في المساحات وموزعها من نفسي
يعني مب كوبي بيست

مضارب دوسري

01-06-2011, 12:19 PM

هلا اخوي عبدالله

اخوي بخصوص سكيتش اسعار غاليه ولكن على الفاضي
خصوصا اذا واحد بيبني على بنك التنميه
اي تصميم بيكون عليه مبلغ اضافي
الواحد يسوي له بيت بحدود ال550 متر بنيان
كثر الاقواس او التصاميم فالنهايه بتنقلب على صاحب البيت لان ياخذ له مساحه كبيره
خصوصا الاقواس علاوة عن ارتفاع التكلفه
ف انا خذيت موقف اسوي بيت مربع واستغل المساحات فالاخير طلعت باربع غرف فالدور الاول مساحاتهم بين ال 4 ونص في 5 و 5 وفي 5 ونص
والماستر 5 في 10

والبنت هاوس سويته غرفه 5 في 6 بحمامها الله يكرمك

والدور الارضي سويت فيه غرفه سادسه 5 في 5 ونص
والصالات والمجلس مفتوحين بمسحاة تقريبا فوق ال110 متر

ام خويلد

01-06-2011, 05:21 PM

يعطيكم العافيه على التفاعل والتعاون

.Q a T a R.

03-06-2011, 02:31 PM

انا الخريطه الي امسويها تدري كم قالي !! قالي 30 الف تخيل , خريطه عاديه 5 غرف نوم وملحق عادي وبينت هاوس بثلاثين الف , وعقب طق ومطاقق ومكاسر قالي خلاص بنزل لك 8 الالاف , يعني صارت الخريطه بـ 22 الف !! ليش انا مسوي قصر , تراها فيلا !!

وين مب غالي الله ايهداك في مكاتب اتسوي خرايط حتى على 40 الف بعد بس معناتها اني ادفع هالمبلغ لخريطه !!

هلا اخوي بالنسبه للسعر

اعتقد انه زايده عليك ليش مادري وتصميمك هذا من الاساس انا شايفه عند واحد من الربع من نفس المكتب وعتقد 15000 الف سواله الخرايط
يعني هو ماتعب نفسه نفس خريطه الرجال عمل كوبي بست وعطاك الخرايط

على العموم الله يوفقك وهنيك بالبيت ان شاء الله

ام خويلد

09-06-2011, 09:35 AM

بإنتظار منكم مزيداً من المشاركات

ام خويلد

18-06-2011, 12:28 PM

؟؟؟؟؟؟؟؟؟؟؟؟؟؟؟؟؟؟؟؟؟