شسالفة النت اليوم ؟!

[محمد]

السلام عليكم ..

حبيت اسالكم هل النت طبيعي عندكم اليوم ؟ ملاحظ من الصبح يكون سريع و طبيعي و فجاة يفصل ويكون بطيء عاد قلت المنتدى اسرع من نطرة كيوتل خخخ

حاليا شابك من برودباند فودافون لان زهقني البرق صراحة :anger1:

[<اضرب واشرد>]

اممممممم كأنه الصبح كان يوقف فجأة بس أسوي ريفرش لين ماتفتح الصفحة مايطول يعني

وحاليا مافي شي

[محمد]

هذا الي صاير وياي سالفة الرفرش بين فترة وفترة

[سما الوطن]

والله نفس الملاحظه

كل شوي ابند الكمبيوتر وافتحه
افتكر من كمبيوتري

زهقني

[Mili]

عندي طبيعي

ساكن في جنوب دحيل

[sara jsm]

يس ,, في مشكلة بالنت ,,
من الصبح وهو متذبذب الارسال :o

[أبورودي]

نعم كيوتيل عندها مشكله من يومين ونشرت اعتذار بالجراير يوم الخميس
حاجه متعلقه بالسيرفرات العامله لديها

وللتاكد اذا كان الرواتر لديك متصل بالكهرباء لفتره طويله افصل عنه الكهرباء واتركه 10 ددقائق واعد تشغيله

[محمد]

يس ,, في مشكلة بالنت ,,
من الصبح وهو متذبذب الارسال :o

اعجبتني (متذبذب) :p

[محمد]

نعم كيوتيل عندها مشكله من يومين ونشرت اعتذار بالجراير يوم الخميس
حاجه متعلقه بالسيرفرات العامله لديها

وللتاكد اذا كان الرواتر لديك متصل بالكهرباء لفتره طويله افصل عنه الكهرباء واتركه 10 ددقائق واعد تشغيله

حبيب يابورودي نورت لموضوع :nice: فصل الراوتر عملته اكثر من 5 مرات يكون اوكي بالبدايةوبعدها ترجع المشكلة

ممكن رابط خبر كيوتل في الجريدة عشان نعرف نوع المشكلة *

[بن موسى]

النت مافيه شي شغال عادي

ويمكن على شان ماحد يغطي المظاهرات اللي سارت اليوم في عيادة الطب النفسي او ميدان الشحانية لسباق الهجن على حسب مراسل قناة الدنيا
الا يالربع ماقلتوا لي وين مجمع السيف من النادي الاهلي
حسبي الله عليك يابشار والله اني كنت مغتر فيك طلع القذافي واعلامة ارحم منك
هههههههههههههههههههههههههههههههههههههههههه

[شميرام]

هههههههه ذك اليوم قالو في خور العديد لا وفي قمع بعد شر البليه ما يضحك مع قناه دنيا
اما النت اي ملاحظته من يومين

[ZURICH]

واجهتني نفس المشكلة وحليتها بتحديث الجهاز
اشبك الواير لس بالكمبيوتر وحدث كل البيانات وبيكون ممتاز
ونصيحة جهاز كيوتل الابيض ماااااينفع عليك بجهاز ( linksys 160 n ) قوي والافضل 320 n

[محمد]

انا استخدم netgear الابيض وهو الافضل في وجهة نظري لكن انا اتوقع المشكلة من الشبكة مب من الراوتر

[ريميه]

طلعت المشكلة من كيوتل :(

وانا ماخليت شى ماسويته فى الجهاز

[abn qatar]

مع كيوتل لاتغمض عينك المصيبه من قبل ايام مصرحين في الجرايد بان سوف يقدمون سرعه

100 ميجا ويتفاخرون ان اول قطر اول دوله تقدم هذه السرعه بالوطن العربي وصرحو ان

تجربتها بتكون في معرض الاتصالات اللي انتهى امس المصيبه اللي هناك يشتكون من ضعف

الشبكه ماوصلت حتى 2 ميجا ربعنا ماعندها الا التفاخر والمهايط وهم خبر خير

[Al Capone]

مشكلة مؤقته كالعاده
تطوير من قدرات كيوتل في الأنترنت

[Mili]

انا استخدم netgear الابيض وهو الافضل في وجهة نظري لكن انا اتوقع المشكلة من الشبكة مب من الراوتر

حرام عليك

الابيض قديم b/g مايدعم لا a ولا n

[محمد]

حرام عليك

الابيض قديم b/g مايدعم لا a ولا n

نعم مب جديد صارله اكثر من ثلاث سنين وياي بالنسلة لل n مااحتاجه كون الاجهزة الباقي في البيت مركبين وصلة الفا لتقوية الارسال يعني ماعندي مشاكل بالتغطية :)

[بن موسى]

اخ محمد هذي الايام سؤ النية موجود بكثرة -- هل انت من المندسين -- :anger1:

موضوعك علية علامة استفهام كبيرة بالنسبة لواقع الاحداث:omen2:


دير بالك ترى عابر يفهمها قبل تطير

اما امنا العودة راعية اللون الاحمر فالله يجيرك ماتخليها ينبت لها ريش اصلآ تقصة اول باول

[السندان]

المشكله صار لها ثلاث ايام معاي .. فجاه مافي نت والراوتر مولع اخضر كل اللمبات (يعني مافيه شي)

اتصلت على كيوتل قلت لهم فيه شي هالايام في النت .. هههه قالوا لا كل شي تمام

علينا ياكيوتل

[meeemz]

انا من شهر اعاني مع البرود باند والثري جي ..ما يشتغلون في منطقتنا واول ما نطلع من الفريج يشتغل

[خــطــافــ]

اعتقد في تطوير للشبكه وإدخال تقنية الفايبر اوبتكس

[مهل]

بس النت ،، شوف الجمال ماتقدر تكمل مكالمه ١٠ دقايق و انت تمشي بالسياره و حتى لو واقف


المشكله ان كيوتل يشتغلون في الشبكات و يعدلون و يبدلون و يخربطون

ولا يقولون لك انت يالمستخدم .. حتى لو من باب احترام العميل

بعد فتره و بعد ماينتهي شي يطلع لك واحد ،، احنا سوينا تحديث و عدلنا و خربطنا

[بوخالد911]

يلله

نبي تعويض م كيوتل
من الاضرار اللي لحقت بنا
!!!!

[محمد]

ما زالت المشكله مستمرة والظاهر برودباند فودافون بينت فايدته !

[عيون الدوحة]

وانا كذالك أعاني من النت كل شوي ويفصل

[مستر بن]

السلام عليكم ..

حبيت اسالكم هل النت طبيعي عندكم اليوم ؟ ملاحظ من الصبح يكون سريع و طبيعي و فجاة يفصل ويكون بطيء عاد قلت المنتدى اسرع من نطرة كيوتل خخخ

حاليا شابك من برودباند فودافون لان زهقني البرق صراحة :anger1:



اذا انت ف العزيزية ’’

ايي لان النت اخترب فترة آآ الصبح بس اذا انت برااا الله يستر ’’

وف العزيزية اخترب عشان الحريقة آآ

[محمد]

النت من يومين ردت له نفس المشكلة !!

[ام السعف]

هو النت بس اللي فيه مشاكل ؟

شبكة الجوال مريضة وتعاني من نزلة حادة في الارسال
والنت مريض من فترة وبطيء
بقى شي واحد يفصلون خط تلفون البيت :(