ياليت تشاركونا بخبراتكم

[مضارب دوسري]

السلام عليكم
اخواني بغيت استفسر عن موضوع مستغرب منه
رحت اتفق مع مقاول بشكل مبدئي قبل لا يشوف الخريطه
قالي انا متر العظم وبلاستر وعازل ب 920 ريال تقريبا
قلت له حلووو

بس قالي على حسب الخرسانه والحديد بعطيك الكلام النهائي يعني اذا الخرسانه زياده عن الحاجه معناه بيزيد السعر
ويعتمد على الاستشاري اللي يرسم

المهم بغيت اعرف الحين بيت مساحته 550 متر
كم لازم يكون حجم الخرسان اللي في اساسات البيت تقريبا ؟

[فريج النجادة]

البيت ليس مساحة فقظ

البيت خرسانة واعمدة وحديد

تشكيلة البيت تتحكم في الحديد والخرسانة والاعمدة

وعلى سبيل المثال ليس كل بيت مساحة 500 م

تكون الخرسانة والحديد واحدة

بل تعتمد على تصميم البيت في النهاية

والله يعين الجميع يارب

[محمد الجفيري]

بالتوفيييييييييييق اخوي الله يوفقك .

:)

[المقاول]

الاخ الدوسري
طبعا هو يحب يشوف التصميم هل يستهلك حديد وخرسانه زيادة ولا تصميم جيد ....بعض مكاتب التصميم بدل ما يحاول يحسب الكميات المطلوبة... يزود في الكميات وخلاص ويوفر على نفسة الوقت... لكن السعر لا بأس بة بشرط
1/يكون شركة معتمدة مش بك اب
2/عندة استعداد يعطيك شيك ضمان مقابل الدفعة ويودعة لدى المكتب الاستشاري الذي يمثلك.
3/ تحاول تعرف سمعته في السوق مع كذا واحد . من غير مايعرف انك بتسأل عنه.
4/يكون لة مقر معروف من زمان يعني مكتب..
ونتمنا لك التوفيق

[بن رومي]

كل ما وسعت في الغرف (( الصاله او المجلس او الغرف ))

زاد ة الخرسانه وزاد الحديد

وفي المبنى وزن ميت و وزن حي متغير

المسؤول الاول في كمية الخرسانة والحديد هو (( التصميم نفسه ))

و الثاني المصمم (( المكتب الاستشاري )) لازم يدرس الاوزان وتحمل البناية ١٠٠٪

مب شغلة كت كوبي

والله انا كنت مغتر في مكتب وكان مسويلي قواعد مترين في مترين وعشرين (( ونفذتها ))

وفي نهايت المشروع قعدت مع مهندس خبرة ودرسنا الاوزان والقواعد

وقالي حرااااااااااام على المهندس حاطلك قواعد اتشيل ٣ ادوار وازياده

نصيحة

(( حجم القواعد لا توضع الا بعد زيارة ميدانية للمكتب التصميم للموقع ))

والافضل عمل فحص للتربة

مثال قواعد الارض الصلبة ليسة كالارض العادية وليست كالصبخة
وهلم جره

ارجو ان اوصلت المعلومة بشكل صحيح

بن رومي

[بن غيث]

شوف يا الغالي
مع احترامي للجميع
احنا في قطر ليش نحفر اساس حوالي متر وستين سنتمتر .. وفي ناس تحفر اكثر من مترين واكثر بعد ..
وهني الحرامية .. عفوا اقصد المقاولين المحترمين يقولك لازم نحفر ونصب خرسانه والحديد سمكه كذا والعازل كذا ......الخ
لازم تعرف شغله واحده في البدايه
وهي طبيعه الارض الي تبني عليها ...
معظم ارض قطر ((( صخــــــــــــــــــريــــــــــــــــــــــة ))))))))))
يعني مش محتاج تحفر للاساس
تحفر بس للعمدان الي بتتثبت في الارض
وتصب عليها , هذه الحركه بتوفرك رقم ضخم جدا في البنيان ....
واذا ما فهمت قصدي .. ما الومك لانها شغله هندسيه شوي
ولازم اوضحلك اياها بالرسم علشان اتكون اوضح واسهلك
واي استفسارات ثانيه انا حاضر ..

[بن رومي]

شوف يا الغالي
مع احترامي للجميع
احنا في قطر ليش نحفر اساس حوالي متر وستين سنتمتر .. وفي ناس تحفر اكثر من مترين واكثر بعد ..
وهني الحرامية .. عفوا اقصد المقاولين المحترمين يقولك لازم نحفر ونصب خرسانه والحديد سمكه كذا والعازل كذا ......الخ
لازم تعرف شغله واحده في البدايه
وهي طبيعه الارض الي تبني عليها ...
معظم ارض قطر ((( صخــــــــــــــــــريــــــــــــــــــــــة ))))))))))
يعني مش محتاج تحفر للاساس
تحفر بس للعمدان الي بتتثبت في الارض
وتصب عليها , هذه الحركه بتوفرك رقم ضخم جدا في البنيان ....
واذا ما فهمت قصدي .. ما الومك لانها شغله هندسيه شوي
ولازم اوضحلك اياها بالرسم علشان اتكون اوضح واسهلك
واي استفسارات ثانيه انا حاضر ..

قصدك قواعد شريطية

تصلح حق بعض الفلل وبشروط


بس المشكله ان اللي بيبني و مقتنع على هذا النوع من الاساسات

وراه الاستشاري و مهندس البنك وغيره

ولا تنسى هذي معايير و مواصفات الحكومة

انا عن نفسي بسوي قواعد شريطية للبيت

اذا كانت الارض نفس ماتقول صخرية

وتقريبا التوفير يصل الى 30 الف

بن رومي

[مضارب دوسري]

يعطيكم العافيه يا اخوان

اخوي المقاول
بخصوص المقاول اللي ذكرته انا هو مقاول جيد جدا فالمنطقه اللي انا ساكن فيها وانا بصراحه حبيت اتفق معاه لانه هندي مش عربي
ولكن اذا انا بخليه يوقع على شيكات وما الى ذلك ف اكيد بيقول باختصار بلاها انه يشتغل عندي
بس اللي يحميني كشخص هو ان دفعات بنك التنميه تنزل بعد كل مرحله وبحط فالعقد الباطن اللي بينا شرط انه على كل يوم تاخير يكون عليه غرامات



اخوي بن غيث كلامك فوق التمام ولكن ياخوك اذا وراك مقاول واستشاري وبنك التنميه ماقدر اسوي نفس ماقلت ف صعب اخليهم يتفقون معاي على هالشي فالافضل اكمل معاهم ولكن بخلي المصمم يزور مكان البنيان ويشوف بنفسه كل حاجه

اخوي بن رومي كلامك سليم ويعطيك العافيه
وشاكر لكم مشاركتكم