استفسار : كـم اخذ معاي كاش لاأمـريكا

[مزعله النساء]

السلام عليكم ورحمه الله وبركاته

ممكن احـد الاعـضاء يفيدني كم المبلغ الكاش الي الشخص ياخذه معاها لما يروح امـريكا

لاني سمعت بس الف دولار

وشكرا

[مليت]

10,000 $ للشخص الواحد فقط
وايذا عائله كل له 10,000 $ حتى لو رضيع

ورحلة سعيده

[Bin Hood]

انزين مثال يا مليت

اذا ريال وزوجته وولده

اذا الريال عنده كاش 30 الف عنهم كلهم

والا لازم كل شخص 10 ؟؟

[مزعله النساء]

مشكور اخوي مليت

[Chambray]

انزين مثال يا مليت

اذا ريال وزوجته وولده

اذا الريال عنده كاش 30 الف عنهم كلهم

والا لازم كل شخص 10 ؟؟

10 آلاف ( دولار ) وليس ريال ..
يعني 36500 ريال لكل شخص ×3 اشخاص = 000ر110 ريال

[بوسعيد2]

خلي معاك بطاقات فيزا وماستر وكم بطاقة عاديه و ترجعي بالسلامه

[Bin Hood]

10 آلاف ( دولار ) وليس ريال ..
يعني 36500 ريال لكل شخص ×3 اشخاص = 000ر110 ريال

ريال = رجال = Man

:nice:

[Chambray]

ريال = رجال = man

:nice:

لوووووووووووووول

فهمتك
اي عادي
لانهم بيكونون معاه
مب كل واحد في طيارة :)

بس ليش كاش هلكثر ! وايد تراا
تخيل بس ينسرقون !! :(

[مزعله النساء]

مشكور اخوي Moyen Orient

[we-r-sawa]

البطاقات الائتمانية حاليا تحل محل الكاش على مستوى العالم وكفاية تودون كاش 3000 دولار كأقصى حد وذلك حسب مدة الرحلة وطبعا بأمريكا كل مكان تستخدم الفيزا أو الماستر أو الاميريكان اكسبرس واذا احتجتوا كاش زيادة يمكن السحب عن طريق بطاقة الatm وتروحون وترجعون بالسلامة

[مزعله النساء]

تسلم اخوي we-r-sawa على المساعده

[hnony]

زي ماقالوا الأخوان الأفضل ماتأخذون مبلغ كبير ..لأن هنا تصير سرقات خصوصاً بالمدن الكبيره

[we-r-sawa]

شدعوة ماطلبتي شي وتدللي يالغالية وأتمنى لك رحلة سعيدة الى أمريكا واذا كانت هذه أول مرة فتأكدي ان راح تنبسطين وايد والولايات الأمريكية فيها تنوع بمدنها ووسائل الترفيه فيها والحلو فيها ان الحياة فيها متواصلة وليست مثل أوروبا تموت الحياة فيها تقريبا بعد الساعة 7 مساء والشعب الأمريكي بشكل عام طيب واجتماعي غير منغلق

[مزعله النساء]

اي والله اخوي we-r-sawa اول مره اروح اهناك والصراحه الشي الي متخوفه منه هو المطارات
اخاف في معاملات مختلفه للعرب او تدقيق بزياده
بس هالشي الوحيد

وتسلم

[we-r-sawa]

أية الكرسي لها أسرار عجيبة فعليك بقراءتها قدر الامكان وبعدها تقولين اللهم بحق آية الكرسي ومافيها من الأسماء العظيمة أسألك اللهم أن تسخر لي عبادك وأن تعطيني خيرهم وتمنع عني شرهم ،وسورة يس وهي قلب القرآن فعليك بقراءتها وان شالله بردا وسلاما عليك وعلى من معك

[خالد الحمادي]

السلام عليكم

الشباب الي راحوا اخر فترة يقولون انه الحمدالله الوضع عادي في المطارات

[مزعله النساء]

مشكور اخوي we-r-sawa
جزاك الله الف خير على هالنصيحه

تسلم اخوي خالد الحمادي

[mrs.spoon]

مب كانه وايد١٠٠٠٠ $ ،انا اسمع امريكا رخيصة ومتاكده انها ارخص من الدوحه
ع العموم رحلة سعيدة .

[مزعله النساء]

تسلم اخويmrs.spoon

[الـقـاسـي]

لاتاخذين مبلغ كبير لان بتتوهقين فيه هناك وبتمين تحاتينه اذا كلش استخدمي الفيزا او البطاقات العاديه تمشي هنا ..

او خذي المبلغ اللي تبينه واول ماتوصلين هناك افتحي حساب في عشر دقايق تفتحين وتاخذين البطاقه اذا ماتبين تستخدمين بطاقه قطريه هناك ..