التعـليم عن بعـد والأنتسـاب ؟ إلى متى غير معترف فية ..

[أم غانم]

السَـلآم عَليكم ورحمـة الله ..


يَ هـلآ بكَم جَميع ..



وَدي أستفسَر عن نظَام " الأنتسَاب أو التعَليم عن بعـد " ..


هَل هـو معتمـد أم لآ ..؟ بعض الجهـات " ألوظيفية" سَواء قطاع خاص أو حكومي

تعتمـدة والبعض لآ ..


والمجـلس الآعلى قَرارات متخبطـة سَالتهم ..


قَال " ممكـن نصدق الشهـادة بشروط " الجامعة خليجية وغيرة من الكـلآم ..



ومعهـد التنمية الأدارية و ICT Qatar


معترفين فيـة ..



http://www.iad.gov.qa/arabic/index.php?option=com_content&task=view&id=25&Itemid=72




http://www.iad.gov.qa/arabic/index.php?option=com_content&task=view&id=217&Itemid=112




السٌؤال المهـم ..


إذا الواحد ودة يكمل تعليمة بهالنظام ؟ شيسوي بالضبط ..


نلجـآ للجامعـات الخليجية والآجنبية .. وناخذ الشهادات وعارفين إنها غير مصدقة


على كثر جامعاتنا في قطر مافية ولا جامعة تعتمد هالنظام ..


اللي عندة ظروف ومايقدر يكمل دراستة عن طريق " ألآنتظام" وظروف عملة ماتسمح


له ..



يستقيل مدة 4 أو 5 سنوات ويرجع مقر عملة ؟ " على سبيل المثـال"



ليش مافية أعتماد أو أعتراف من الدولة بهالنظام .. و ودي بسبب مقنع ؟



الجامعات الخليجية والآجنبية والعالمية معتمدة هالنوع ..


وعندنا :omen2:




موفقيـن

[R 7 A L]

اسئلة صعبة جداً

ما اعتقد احد يقدر يجاوب عليك

[المسك1969]

السلام عليكم
ما اعتقد معترف فيها.. والله اتمنى يعترفون فيها جان بقدم للدكتوراه
ان عرفتي شيء لا تبخلين على بالاجابه
جزاج الله خير

[فتى الجود]

السلام عليكم

لازم وقفه من ولاة الأمر بالبلاد

للتعليم :بشكل عام وسريع



ولا راح ننحدر اكثر في الحفره اللى احنا فيها

التعليم داخل البلد عفيسة
تجيب لهم تعليمك من يبرع ما يعترفون فيك
وان اشتغلت حولوك على البند المركزي

والله والواحد من وين بيلقها ؟؟؟

[قطرية فذة]

أختي انا ادرس عن بعد وادري انه مب معترف

اللي بخاطره العلم بيطلبه

يسر الله اموركم يارب

[captin]

التعليم في قطر خلال العشر سنوات الأخيرة
في كافة مراحلة إلى الهاوية والى مستقبل مظلم.

عودة إلى السؤال بخصوص نظام الدراسة المرنة او الإنتساب أو الدراسة
عن بعد أو التعلم الإلكتروني . جميع انواع هذه الدراسة غير متوفرة بالدولة
وغير معترف بها وغير معتمدة رغم التبجح الإعلامي المزيف بأننا رواد في التعليم لكن هذا الأمر مكشوف للجميع والحمدلله.

التعلم عن بعد نظام قديم جدا في الدول المتقدمة وهو مخصص لفئة الاشخاص الذين لايستطيعون الحضور الكلي للدراسة فبدأت الدراسة عن بعد بالمراسلة ثم بالبث الإذاعي ثم التلفزيوني ثم الإلكتروني إلى ان وصلت الأمور اليوم كما يعرف الجميع إلى التعليم الإلكتروني بإستخدام احدث التقنيات كما أن اعرق الجامعات في العالم في امريكا واوروبا اليوم لديها نظام التعلم الألكتروني نظام أساسي مصاحب لنظام التعلم بالتواجد المستمر الذي يتيح لطالبي العلم بمختلف فئاتهم العمرية فرصة الحصول على المؤهل العلمي وتطوير الذات لديهم, هذا بالإضافة إلى انواع الحضور الجزئي وهناك نوع مختلط الكتروني وحضور جزئي حسب ظروف الطالب وهناك برامج خاصة لفئة المدراء المشغولين يسمى busy managers programes
وغيرها من انواع الدراسة والتعلم.
وهذا الرابط به نبذه عن انواع التعلم عن بعد وتاريخه

http://helearning.wordpress.com/the-history-of-distance-learning/


السوأل إلى متى نتبجح بأننا رواد تطوير التعليم وفي مقدمة الأمم وغيرها من تخيلات الحمدلله انها مكشوفة ومعلومة للجميع ونحن للأسف في انحطاط ما بعده انحطاط وتأخر نحارب ونمنع العلم والتعلم بشتى الوسائل والعوائق والقوانين , لأن من يدير التعليم غير متعلم وغير مثقف وغير مطلع على مايدور من حوله في العالم المتقدم

[BoYousuf]

أسئلتك والله صعب الجواب عليها,, وكم نتمنى انه مسول ولا احد في مركز بالتعليم انه يجاوب علا هاي الاسئله

لنه والله وايد شباب راحو جامعات ولا ادرسو اب نفس الطريقه الي ڈكرتها ونهايتهم انه بلا اعتراف,, والواسطه تلعب دورها ويتعينوون

الله ايوفقك اخووي

[بوسعود]

متى تمد لنا يد المساعدة نحن القطرييييييين ؟
متى يوخذ بيدنا وتسهل امورنا ؟؟
حسبي الله على المجلس الاعلى للتعليم ونعم الوكيل

[ღLady Qtrღ]

لزم ينحط الشخص المناسب في المكان المناسب اول
هالمجلس الاعلى دمر شبابنا
حسبي الله عليهم وعلى كل من له يد في هتخبط

[koketa]

الدراسه عن بعد معترف فيها بشرط ان الجامعه تكون معتمده ومعترف فيها من المجلس الاعلى للتعليم

مثلا جامعه Liverpool و Queens university of Belfast و london university

تقدم برامج دراسه عن بعد وشهادتها معتمده لان الجامعه معترف فيها من المجلس الاعلى للتعليم

[أم غانم]

التعليم في قطر خلال العشر سنوات الأخيرة
في كافة مراحلة إلى الهاوية والى مستقبل مظلم.

عودة إلى السؤال بخصوص نظام الدراسة المرنة او الإنتساب أو الدراسة
عن بعد أو التعلم الإلكتروني . جميع انواع هذه الدراسة غير متوفرة بالدولة
وغير معترف بها وغير معتمدة رغم التبجح الإعلامي المزيف بأننا رواد في التعليم لكن هذا الأمر مكشوف للجميع والحمدلله.

التعلم عن بعد نظام قديم جدا في الدول المتقدمة وهو مخصص لفئة الاشخاص الذين لايستطيعون الحضور الكلي للدراسة فبدأت الدراسة عن بعد بالمراسلة ثم بالبث الإذاعي ثم التلفزيوني ثم الإلكتروني إلى ان وصلت الأمور اليوم كما يعرف الجميع إلى التعليم الإلكتروني بإستخدام احدث التقنيات كما أن اعرق الجامعات في العالم في امريكا واوروبا اليوم لديها نظام التعلم الألكتروني نظام أساسي مصاحب لنظام التعلم بالتواجد المستمر الذي يتيح لطالبي العلم بمختلف فئاتهم العمرية فرصة الحصول على المؤهل العلمي وتطوير الذات لديهم, هذا بالإضافة إلى انواع الحضور الجزئي وهناك نوع مختلط الكتروني وحضور جزئي حسب ظروف الطالب وهناك برامج خاصة لفئة المدراء المشغولين يسمى busy managers programes
وغيرها من انواع الدراسة والتعلم.
وهذا الرابط به نبذه عن انواع التعلم عن بعد وتاريخه

http://helearning.wordpress.com/the-history-of-distance-learning/


السوأل إلى متى نتبجح بأننا رواد تطوير التعليم وفي مقدمة الأمم وغيرها من تخيلات الحمدلله انها مكشوفة ومعلومة للجميع ونحن للأسف في انحطاط ما بعده انحطاط وتأخر نحارب ونمنع العلم والتعلم بشتى الوسائل والعوائق والقوانين , لأن من يدير التعليم غير متعلم وغير مثقف وغير مطلع على مايدور من حوله في العالم المتقدم




يَ هـلآ أخـوي ..


نفس الكَـلآم اللي ذكرته هو اللي في بالي من فترة ..


إحنا نتكلم بأسم التعليم وإحنا رواد فية ووغيرة لكن مانساعد ..


ونعترف بنظام تعليمي واحد هو " الأنتظام" دون ادنى مراعاة لباقي فئات المجتمع


وخاصة الموظفين ..؟ مايقدرون ينتظمون " صباحي" و ممكن يكون " مسائي"


متعب .. فـ نظام التعليم عن بعد أو الأنتساب مريح ..



أغلب جامعات قطر " أجنبية بريطانية وأمريكية" وفي مقر الجامعة الأم يستخدمون


هذا النوع من التعليم بس ليش عندنا يختلف الموضوع " الله أعلم" ..

[أم غانم]

اسئلة صعبة جداً

ما اعتقد احد يقدر يجاوب عليك




الأسئلة سهلة يا أخوي ويبيلها بس مراعاة ونظرة لجميع فئات المجتمع ..


بدل لآنصعب نسهل ..


موفق

[أم غانم]

السلام عليكم
ما اعتقد معترف فيها.. والله اتمنى يعترفون فيها جان بقدم للدكتوراه
ان عرفتي شيء لا تبخلين على بالاجابه
جزاج الله خير




وعليكم السلآم ورحمة الله ..


صح كلآمك " غير معترف" فيهـا ولكن في حال ختمت الشهادة من الخارجية


ومقر الجامعة في الدولة اللي درست فيها بإذن الله يتم الآعتراف ..


حتى لو كان الآعتراف في شغلك .. المهم يعترفون ..



أبسطها في حال جبت الشهادة حال تخرجك " الخارجية القطرية تختمها لك والسفارة القطرية


في الدولة اللي بها الجامعة اللي درست فيها"

[أم غانم]

السلام عليكم

لازم وقفه من ولاة الأمر بالبلاد

للتعليم :بشكل عام وسريع



ولا راح ننحدر اكثر في الحفره اللى احنا فيها

التعليم داخل البلد عفيسة
تجيب لهم تعليمك من يبرع ما يعترفون فيك
وان اشتغلت حولوك على البند المركزي

والله والواحد من وين بيلقها ؟؟؟




وعليكم السَلآم ورحمة الله ..


وهذا اللي أتمناه " وقفة جادة مع نظام التعليم عندنا" ..

أهم حاجة ي أخوي أنك تتعلم مايهم أعترفوا ولا لا ؟


" هذا مبدئي" ماقدر أتنازل عنة .. مهما كان نوع التعليم الآهم أني تعلمت


الله يعينا يارب

[أم غانم]

أختي انا ادرس عن بعد وادري انه مب معترف

اللي بخاطره العلم بيطلبه

يسر الله اموركم يارب



أختي إذا ماعليج أمر ممكن تفيديني بتجربتج " برسالة خاصة" عن نظام التعليم اللي تتبعينة هالوقت لآني أفكر فية بشكل جدي


وذلك بالآنتساب في أحد الجامعات الخليجية.. " حاولت أرسل لج برايفت بس مايصير؟




//

كلنا بخاطرنا والله،، وربي ييسر ويسهل


الله يوفقج يارب ويسهل دربج

[بداية مساهم]

ااااااااااااااااا

اخوي الكريم حاب اعرف اكثر عن هالاجراء بالتفصيل


واسمح لي صاحب الموضوع ع المداخله .



وعليكم السلآم ورحمة الله ..


صح كلآمك " غير معترف" فيهـا ولكن في حال ختمت الشهادة من الخارجية


ومقر الجامعة في الدولة اللي درست فيها بإذن الله يتم الآعتراف ..


حتى لو كان الآعتراف في شغلك .. المهم يعترفون ..


اخوي الكريم حاب اعرف اكثر عن هالاجراء بالتفصيل


واسمح لي صاحب الموضوع ع المداخله .

أبسطها في حال جبت الشهادة حال تخرجك " الخارجية القطرية تختمها لك والسفارة القطرية


في الدولة اللي بها الجامعة اللي درست فيها"

[المسك1969]

أختي إذا ماعليج أمر ممكن تفيديني بتجربتج " برسالة خاصة" عن نظام التعليم اللي تتبعينة هالوقت لآني أفكر فية بشكل جدي


وذلك بالآنتساب في أحد الجامعات الخليجية.. " حاولت أرسل لج برايفت بس مايصير؟




//

كلنا بخاطرنا والله،، وربي ييسر ويسهل


الله يوفقج يارب ويسهل دربج

ام غانم ربي يحفظج ان استخرتي واقدمتي على اكمال دراستج فاختاري جامعات اجنبيه افضل من الخليجيه لأن الحين في الشغل اللي عنده شهادة من جامعه امريكيه وااااو افضل من الجامعه العربيه ولو كانت الجامعه الامريكيه مالها الا سنوات في التدريس
جزاكم الله خيرا ووفق ربي الجميع للخير

[المسك1969]

وعليكم السَلآم ورحمة الله ..


وهذا اللي أتمناه " وقفة جادة مع نظام التعليم عندنا" ..

أهم حاجة ي أخوي أنك تتعلم مايهم أعترفوا ولا لا ؟


" هذا مبدئي" ماقدر أتنازل عنة .. مهما كان نوع التعليم الآهم أني تعلمت


الله يعينا يارب

لا أختي بالعكس الا يهمج انهم يعترفون تعرفين ليش؟؟ لأن باجر بترجعين للدوام بروح عاليه تبين تروينهم مهارتج وخبرتج... ولما يرفضون يخلونج تمارسين اللي تعلميته لأنه غير معترف فيه اهنيه بيبدأ القهر اسم الله عليج.. ولما ترفض ترقيتج ولما يعينون أعلى منج شخص مايستاهل فقط لانه حصل على شهادته وان كانت اقل من شهادتج من جامعه معترف فيها ...شنو بتكون ردة فعلج؟؟ نعم نحن نستفيد من الدراسه وندفع لها فلوس من جيبنا عشان نطور نفسنا بس احنا أخيه نعمل في مكان قد يقبل او لا يقبل بالشهاده فان قبل بها فهو مكسب لي ولهم .. وان لم يقبل بها فانا من سيخسر كل شيء... خسرت السنوات التي تعبت فيها ... خسرت عدم تقديمي لما ينفع مستقبلي... وخسرت عدم حصولي على اي حافز يرفع من معنويتي...
أتمنى لكِ التوفيق ولكن أسألي وتأكدي من الموضوع ثم استخيري وان ارتحتي توكلي على الله
جزاكم الله خيرا واعتذر عن الاطاله

[المسك1969]

الدراسه عن بعد معترف فيها بشرط ان الجامعه تكون معتمده ومعترف فيها من المجلس الاعلى للتعليم

مثلا جامعه liverpool و queens university of belfast و london university

تقدم برامج دراسه عن بعد وشهادتها معتمده لان الجامعه معترف فيها من المجلس الاعلى للتعليم

اسألي عن الجامعات اللي ذكرها كوكيتا وقولي لي عنها في رساله خاصه ... انا بعد يناسبني الدراسه عن بعد

[الشلال راشد]

حبايبي مداخله بسيطه ..

عن طلب توثيق الشهاده في المجلس الاعلى للتعليم

يطلب منك ورقه مستخرج من ادارة الجوازات والجنسيه .. خلال الـ 4 سنوات عدد سفراتك وكم المده اللي قضيتها

واللي اذكره بعد وسمعته انه لازم عدد ايام محدد تكون بالبلاد الللي تدرس فيها

يعني ببساطه شديده ... :::::::::::::::: تعقيييييييد قي تعقيــــد
زين سؤال اهم ...

المدينه التعليميه وعلى عدد الجامعات والكليات اللي فيها ليش .. مايسون فيه دراسه بدون انتظام والاختبارات بالمقر نفسه .. ومقابل سعر معين ..
ولا للحين نايمين على النظام الموازي :(

الله يكون بالعون

[أم غانم]

حبايبي مداخله بسيطه ..

عن طلب توثيق الشهاده في المجلس الاعلى للتعليم

يطلب منك ورقه مستخرج من ادارة الجوازات والجنسيه .. خلال الـ 4 سنوات عدد سفراتك وكم المده اللي قضيتها

واللي اذكره بعد وسمعته انه لازم عدد ايام محدد تكون بالبلاد الللي تدرس فيها

يعني ببساطه شديده ... :::::::::::::::: تعقيييييييد قي تعقيــــد
زين سؤال اهم ...

المدينه التعليميه وعلى عدد الجامعات والكليات اللي فيها ليش .. مايسون فيه دراسه بدون انتظام والاختبارات بالمقر نفسه .. ومقابل سعر معين ..
ولا للحين نايمين على النظام الموازي :(

الله يكون بالعون




قلتهـا يا أخـوي إن النظـام معقـد .. بس ودي أعرف ؟ الخارجية تصدق الشهادات


أي كانت ؟ لكن ليش التعقيد من المجلس الأعلى ؟ واللي بيسافر يمتحن ويرجع ؟


بيكون متواجد تقريباَ أسبوع أو أسبوعين ؟ ..لآ أكثر ..ليش الفلم هذا كله


الواحد يتعب وفالنهاية ولاشي ..



/


المدينة التعليمية مثل ماذكر في لقاء له سيف الحجري أنها وجدت لـ " صفوة الصفوة"


وأذا الواحد مهما كانت ظروفة ودة يتعلم يلجـأ لـ كلية المجتمع ؟


وهذي عليها علامة أستفهام كبيرة نتيجة الكلام اللي يطلع عنها ..

[موضي قطر]

اللي بيصير يا ام غانم اهل قطر اللي يبون يكملون بيكملون جامعة ومابعد الجامعة وبعدها بيطالبون بالمناصب
حزتها الأجانب بيتمون على الرف :anger1:

مايصيييييير يا ام غانم :(

[أم غانم]

اللي بيصير يا ام غانم اهل قطر اللي يبون يكملون بيكملون جامعة ومابعد الجامعة وبعدها بيطالبون بالمناصب
حزتها الأجانب بيتمون على الرف :anger1:

مايصيييييير يا ام غانم :(



والله ي موضي حرام اللي يصير ومب زين .. من كم يوم الصبح كنت في المجلس الأعلى


أكثر اللي جايين يصدقون شهاداتهم ويطلبونها للخارج مامر علي واحد أو وحدة وقال بدرس في

قطر مع إنهم يدرون الشهادات مب معترف فيها وغيرة ..


صدقيني أنا معاهم في اللي يسوونة بكرة بيجون بشهاداتهم وبيجبرونهم عليها ..

المفروض يسهلون التعليم ويراعون جميع فئات وظروف المجتمع ..




بسنا أجانب وبسهم مناصب .. خير لبلآد لـ هل لبلآد ..




الله يوفقنا وويوفق الجميع ي رب ..

[الشلال راشد]

قلتهـا يا أخـوي إن النظـام معقـد .. بس ودي أعرف ؟ الخارجية تصدق الشهادات

أي كانت ؟ لكن ليش التعقيد من المجلس الأعلى ؟ واللي بيسافر يمتحن ويرجع ؟

بيكون متواجد تقريباَ أسبوع أو أسبوعين ؟ ..لآ أكثر ..ليش الفلم هذا كله

الواحد يتعب وفالنهاية ولاشي ..


هلا وغلا مليون اختي ام غانم

اختي العزيزه

الخارجيه تصدق اي ورقه من جهه خارجيه ماعندها اي مشكله

والتصديق .. يبدا من الجامعه الخارجيه .. وبعدين وزارة الخارجيه لتلك الجامعه توقع على صحه الشهادة وصحه الختم
بعدها السفاره تختم على صحة توقيع وزارة الخارجيه والجامعه

وبعدين لنا تجيبنها لقطر تختم لج وزارة الخارجيه على صحة الختم وصحة الشهادة

لكن المشكله ..
ادارة التعليم ترفض تطلع وتصدق الشهاده بعد كل هالتصديقات الأ بعد طلبات تعجيزيه
وبالاخير ترفض .. ولما تنشبين لهم يقولون خلاص خلها وبنتصل فيك بعدين

ووانتظري لين يجي اسبوع فيه يوم اسم هاليوم هو بعدين :weeping::weeping::weeping:


/
المدينة التعليمية مثل ماذكر في لقاء له سيف الحجري أنها وجدت لـ " صفوة الصفوة"

وأذا الواحد مهما كانت ظروفة ودة يتعلم يلجـأ لـ كلية المجتمع ؟

وهذي عليها علامة أستفهام كبيرة نتيجة الكلام اللي يطلع عنها ..


اوكي صفوة الصفوة ؟؟؟ وينها هالصفوة ؟؟
على اي اساس يتم اختيارهم ؟؟

وليش مايكون فيها نظام الانتساب يعني انتساب بدون انتضام لهذه الجامعه والاختبارات من عندهم ..
يعني انا ماقدر اخلي الشغل ومعيشتي وادرس جامعه لظروفي وخاطري وانا اعمل اكمل جامعتي
ليش مايفتحون هالنضام ؟؟؟؟

ولكل مجتهد نصيب هالشغله مو صعبه ..

الأ صعبه ونص عند هيئه التعليم المعقده للآســـف ... :anger1::anger1:

[الشلال راشد]

اللي بيصير يا ام غانم اهل قطر اللي يبون يكملون بيكملون جامعة ومابعد الجامعة وبعدها بيطالبون بالمناصب
حزتها الأجانب بيتمون على الرف :anger1:

مايصيييييير يا ام غانم :(



اي والله صحيح ... هالفئه المسكينه مافكرنا فيهم :telephone::telephone:

بعدين من بيلاقون كفووو للدوام .... :weeping::weeping:

والله قطري يصير مدير .. :anger1: ابد ابد مو متخيلها ؟؟؟
يعني وزارة وادارات بدون اجنبي :discuss::discuss:
كيف تسير الحياه عندنا

والله من يوم شفت اكثر الوزارات والهيئات مدير التقطير اجنبي وانا غاسل ايدي بماي بحر
يعني الاجنبي هو اللي باله على عيال البلد واحياتي عليه :secret:

[أم غانم]

هلا وغلا مليون اختي ام غانم

اختي العزيزه

الخارجيه تصدق اي ورقه من جهه خارجيه ماعندها اي مشكله

والتصديق .. يبدا من الجامعه الخارجيه .. وبعدين وزارة الخارجيه لتلك الجامعه توقع على صحه الشهادة وصحه الختم
بعدها السفاره تختم على صحة توقيع وزارة الخارجيه والجامعه

وبعدين لنا تجيبنها لقطر تختم لج وزارة الخارجيه على صحة الختم وصحة الشهادة

لكن المشكله ..
ادارة التعليم ترفض تطلع وتصدق الشهاده بعد كل هالتصديقات الأ بعد طلبات تعجيزيه
وبالاخير ترفض .. ولما تنشبين لهم يقولون خلاص خلها وبنتصل فيك بعدين

ووانتظري لين يجي اسبوع فيه يوم اسم هاليوم هو بعدين :weeping::weeping::weeping:




اوكي صفوة الصفوة ؟؟؟ وينها هالصفوة ؟؟
على اي اساس يتم اختيارهم ؟؟

وليش مايكون فيها نظام الانتساب يعني انتساب بدون انتضام لهذه الجامعه والاختبارات من عندهم ..
يعني انا ماقدر اخلي الشغل ومعيشتي وادرس جامعه لظروفي وخاطري وانا اعمل اكمل جامعتي
ليش مايفتحون هالنضام ؟؟؟؟

ولكل مجتهد نصيب هالشغله مو صعبه ..

الأ صعبه ونص عند هيئه التعليم المعقده للآســـف ... :anger1::anger1:



يَـاهـلآ فيـك أخـوي رآشــد ..


طَالمـا الشهـادة مختومـة من الجـامعة و وزارة التعليم في الدولة اللي أخذت منها الشهـادة

والسفـارة والخـارجيـة ؟ خـلآص تعبتر شهـادة مصَدقة ؟ وصَحيحـة ..

وطـالمـا الجـامعة في تلك الدولة معتـرف فيهـا وحكـومية .. تعتبر شهـادة صحيحـة ؟


ليش التعقيـد في المجـلس الأعـلى ؟


مب مهـم نوع التعليـم أو الطريقة اللي أخـذت بهـا الشهـادة سواء إنتظـام


أو تعليم عن بعـد أو إنتسـاب .. الآهم إنها مصـدقة ؟ خلآص ينتهي الموضوع ؟


ليش رابطين راسهم بليـا ويـع ؟ ومسوين لهم فـلم مالة أول من تالي


غير هـذا نص أهالي قطـر ماخذين شهاداتهم من مصر ولبنان والبحرين والجامعة

العربية المفتوحة وغيرهـا ؟ ليش التعقيــد هـذا والرفض..


شكلي بديت أفهم ؟ هم سَووا المدينة التعليمية وإبتلشـوا فيهـا لآن نسبـة الطلبة الدارسين


محـدود ؟ فـ هم ؟ يبون يجبرون الغالبية يلتحقون بهالجـامعـات ؟


لآن من ضمن شروط المجلس الأعلى أنك تحصل على شهادة إما ببعثـة لـ

أمريكـا ، بريطـانيـا ، المدينة التعليمية .. وأستراليا ومادري وين بعد ؟


لكن الجامعات العربية اللي عليها أقبال من القطريين هذي مرفوضة عندهم ولآتتم

معادلة الشهادات لهـم ..



لآزم يكون فية مراعاة .. لآبناء المجتمع .. الطالب الموظف والطالب وغيرة


الرسول حثنـا على طلب العلم والسعي له في كل مكان ؟ ونشـرة بشتى الوسائل


ليش أحنا نحصرة على فئة دون أخرى ؟





//



صفوة الصفـوة يـ أخـوي ..


هذيـلآ اليهـال اللي في المستقلة اللي عقدوهم بالأمتحـانات وخلوهم يحكون الكتب حك ؟



:rolleyes2:



حتى اليهـال الحين ماعاد فيهم طفولة ؟ تلقاة طول يومة متعلق في هالكتاب

ولا اللأب توب وحاشرنا يبي أبحاث ؟ مادري بيدشون موسوعة غينيس ؟

ولآ بياخذون جائزة نوبل ؟ ولآ بيطلع لنا أينشتاين ؟ مادري والله ؟





//




تراك قلتها نظام الأنتساب وغيرة وغيرة ؟ يساعد الموظفين ..

هم من الآساس لآغينة ولآغين فكرة أي واحد يدرس بهالنظام ؟

وقالوا تبون ؟ مالكم إلا كلية المجتمع هذي اللي تحتها ألف خط وخط ..





الله يعينـا إن شاء الله