افيدونا بمعلومات عن اختبارات المدارس المستقلة

[شموع قطريه]

السلام عليكم ..

بغيت استفسر عن اختبارات اخر العام للمدارس المستقلة هل هي شاملة مناهج الفصلين ولا بس الفصل الثاني .. يعني عيالنا يدرسون من كتب الفصل الثاني ولا من كتب الفصلين الاول والثاني .. الصراحه جننوني عيالي كل يوم يقولون لي كلام غير وانا احترت ..
وبخصوص الاختبارات الوطنيه هل هي مهمه ولا بس كلام وهالتهويل كله علشان يخوفون الطلاب علشان يدرسون المعايير ويجيبون علامات مرتفعه علشان يبينون للناس ان طلاب المستقله محققين المعايير في الدراسة وبالغصب بيطلعون ان نظام المستقله ناجح ..

نبي افادتكم مع الشكر ..

[واقعية]

السلام عليكم و رحمة الله

حضور الاختبار اجباري للنجاح و تفادي الدور الثاني

المنهج شامل الفصلين الاول والثاني

يعني مثل الثانوية العامة قبل بس للطلاب من الرابع الى الثانوي

بالنسبة للدرجات فهي 30% تضاف الى درجة الطالب الكلية من المدرسة

يتم ادخال الدرجات ع النحو التالي:

درجة الطالب =

70% درجات من المدرسة = الاختبارات و اعمال السنة

+

30% الاختبارات الوطنية ( الدرجة التي يتحصل عليها الطالب في الاختبارات )

و يشترط لنجاح الطالب حصوله على ما لايقل عة 50% من الدرجة الكليه للمادة

وهي للمواد = الشرعية - العربي - الرياضيات - العلوم و الانجليزي

الله يرحمنا برحمته

تحياتي
واقعية

[mrs.spoon]

اللي اعرفه يمكن مب كل المدارس تطبقة ان الامتحانات النهائية بس الفصل الثاني والجزء اللي ماامتحنوا فيه في امتحان منتصف الفصل الثاني يعني نصف كتاب الفصل الدراسي الثاني بس ما ادري اذا كل المدارس تطبق هذي الطريقة، بس عقب مايخلصون الامتحان بيجيهم ع طول الاختبارات الوطنية بتاريخ ١٢-٦ واللي تشمل كتاب الفصل الول والثاني لا وازيدك من الشعر بيت فيه دروس ماخذوها لانه مدارس الفوج السابع مطبقة ٧٠٪ من الماعيير والاختبارات الوطنية تشمل ١٠٠٪ من المعايير. وممكن تنزلين الاختبارات من موقع المجلس الاعلى وكان الله في عونا وعون الطلاب.

[مدرسة]

عزيزتي الأخت واقعية شرحت لج بخصوص الاختبارات الوطنية شرح وافي و ما قصرت . طبعا نلاحظ ان الاختبارات الوطنية لها طريقتها الخاصة و تركز على معايير المناهج و كل مدرسة تسوي كتيب اسئلة تحاكي اسئلة المجلس الأعلى في الاختبارات الوطنية.....و على موقع المجلس الاعلى فيه نماذج للاختبارت بعد...و طبيعة الاختبار ما يكون طويل بس الاسئلة مو مباشرة و تحتاج مهارات التفكير العليا من الطالب؟

مع التأكيد على ان الاختبارات الوطنية عليها درجات السنة مو مجرد يشوفون مستوى الطلاب مثل كل سنة

درجة الطالب بتكون 70% على الامتحان التجميعي و 30% على الاختبار الوطني

الامتحان التجميعي هو امتحان اخر الفصل و طبعا كل مدرسة لها نظام...بعض المدارس كل فصل لهم امتحانين و بعضهم في الفصل 3 امتحانات ...المهم ان الاخير يسمونه تجميعي و فيه يختبر الطالب في ما درسه خلال الفصل الثاني كله .

[شموع قطريه]

مشكورين وماقصرتوا والله يعين عيالنا الطلبه على الاختبارات ..

[بوخالد911]

مشكورين للافادة

[vip-30003]

السلام عليكم

١- اختبارات طلاب الصف ١٢ طبعا بكره ٢٩ / ٥
عليه ٧٠ ٪ وطبعا ٣٠ ٪ الطالب اختبرها بكل المواد شامل الفصلين الاول والثاني
ومافي اختبارات وطنيه لهم فقط اختبار الشهادة

٢- اختبارات الصف ١٠ و ١١ بيكون ١٢ / ٦ الاختبارات الوطنيه
عليه ٣٠٪ وطبعا الاختبارات السابقة واعمال السنه والبحوث عليها ٧٠ ٪

والاختبارات الوطنيه بكل المواد ماعدى مادة الاجتماعيات بس بيكون للمادة اختبار ب ٣٠٪

[alrheeb2020]

ماقدر ازييد عالاخوان ماقصروا الله يجزاهم خير ,,

لكن الغريب انهم كانوا متخبطين فالقرار لين نص السنه واكثر يمكن ,,

يحسبون درجات الاختبارات الوطنيه ولا لا ,, تموا مترددين لين مافات الفوت ,, !!

الله يرحم التربيه والتعليم بس ,, ويفكنه من المجلس الاعلى اللي مخليين العالم فيران تجارب

[Om Majed]

وبس ... عيالنا فيران تجارب كل ماطرى لهم شي طبقوه عليهم
حرام عليهم الى قاعدين يسوونه فينا طول السنه امتحانات طويله وقصيرة ماارتحنا ولاارتاحوا عيالنا
وش هالمخ الي بيحفظ كتب الفصل الاول والثاني !!
انتوا حطوا مدرسات ومدرسين عدلين وبعدين طالبوهم بتطبيق المعايير ..
الله يسامح الى كان السبب في بهدلة هالجيل ..

[ام جابر 1]

اي والله الله يسامح اللي بهدل عيالنا وبهدلنا معاهم
ماعندهم خطه ثابته يمشون عليها كل ماخطر على بالهم شي طبقوه
ويلغون القديم

[umabdulla77]

حسبي الله ونعم الوكيل

الطالب مايصدق يخلص اختبارات ويرتاح من عناء السنة كلها الا تطبيقات والا امتحانات وفالاخير غاثينهم بالاختبارات الوطنية واللي زاد الطين بله تعالوا درسوا من مناهج الفصلين الاول والثاني ( اولادي اللي بالمستقلة يعانون من قلب ولايعة جبدهم مع انهم ماشاء الله من المتفوقين بس خلاص وصلوا حدهم من هالتخبط ) بعكس بنتي اللي في خاصة ماتعاني كثرهم وعلى هذا كله كل شي موضح شاللي خذته واللي بتاخذه لو عندي امكانية ادخلهم كلهم خاصة دخلتهم والحمدلله على كل حال اسسهم بخاص وبعدين انقلهم حكومة وربي يعين هالاجيال والاجيال القادمة عالتعليم عندنا

[المخباط]

ماقصروا الاعضاء
الامتحانات الوطنية 30%(الفصل الاول + الفصل الثاني) في جميع المواد ما عدا الاجتماعيات للصفوف من الرابع وفوق بتاريخ (12-6-2011)
امتحان المدرسة النهائي 70%(الفصل الثاني فقط)(خلال شهر مايو )على حسب جدول المدرسة
مجموعها 100%
للطالب الذي لم يحقق النجاح50% دور ثاني على شرط الا تتجاوز ال4 مواد (للرابع وما فوق)
بالتوفيق لطلابنا والله يعينا على التدريس:)

[ضوى]

الله يعني طلابنا

[التيما]

بس لو اعرف شنو الهدف من هالاختبارات الوطنية بهالنسبة 30% من درجة الفصلين ؟؟
انتوا يا مجلس أعلى سوو امتحانات نهاية الفصل الأول والثاني عادي مب مشكلة وقسموا المعايير إلى قسمين قسم للفصل الأول وقسم للثاني وفكوا الطلاب .. لكن جايين الحين تبون الطلاب يقدمون امتحان في معايير الفصل الأول ؟ عسى ماشر ؟
اللي وصلني من المجلس الأعلى لمن سوو الاجتماع عشان توزيع الدرجات ان المدرسات قالوا ان كل مدارس الدوحة بترسب !! قال لهم ساعتها بنغير النظام .. يعني الموضوع لعبة وبتشوفون .. كل ماهنالك ان المجلس الأعلى شاف في الاختبارات السابقة عدم اهتمام من قبل الطلاب واكثرهم حتى مايقدمها .. وبالتالي قالوا نحطها درجات .. طيب حطوها بس مب لدرجة ان اللي مايجيب نص الدرجة راسب ؟؟؟ اعنبوا الا 30 % ..

طريقة سخيفة من المجلس الأعلى .. احسبوا على الامتحان 30 درجة وفكونا ..
واللي مايدرون به المجلس الأعلى ان المديرات طول اليوم على الكمبيوتر يرفعون من درجات طلابهم طول السنة عشان محد يسقط هههههههههههههه يعني حتى هالنتايج خربطيشن عشان ما تفشل مدارسهم ..

وبالذمة امتحانات وطنية كلها اختياري من متعدد ؟؟ وين صارت ؟؟ خلاص عيل احنا المفروض كمدرسين نسوي نفس الشي عشان نعود الطالب على هالنظام الماصخ .. امتحان وطني من 20 و 30 ورقة كلة اختياري من متعدد !!

اقول .. اللهم لا تبلينا .. اللي يتخذ هالقرارات اثبت بالدليل القاطع والبرهان الساطع انه فاشل تماما وما منه رجا .. ولو مكان المجلس الأعلى اطيره فورا ..

[ضوى]

بس لو اعرف شنو الهدف من هالاختبارات الوطنية بهالنسبة 30% من درجة الفصلين ؟؟
انتوا يا مجلس أعلى سوو امتحانات نهاية الفصل الأول والثاني عادي مب مشكلة وقسموا المعايير إلى قسمين قسم للفصل الأول وقسم للثاني وفكوا الطلاب .. لكن جايين الحين تبون الطلاب يقدمون امتحان في معايير الفصل الأول ؟ عسى ماشر ؟
اللي وصلني من المجلس الأعلى لمن سوو الاجتماع عشان توزيع الدرجات ان المدرسات قالوا ان كل مدارس الدوحة بترسب !! قال لهم ساعتها بنغير النظام .. يعني الموضوع لعبة وبتشوفون .. كل ماهنالك ان المجلس الأعلى شاف في الاختبارات السابقة عدم اهتمام من قبل الطلاب واكثرهم حتى مايقدمها .. وبالتالي قالوا نحطها درجات .. طيب حطوها بس مب لدرجة ان اللي مايجيب نص الدرجة راسب ؟؟؟ اعنبوا الا 30 % ..

طريقة سخيفة من المجلس الأعلى .. احسبوا على الامتحان 30 درجة وفكونا ..
واللي مايدرون به المجلس الأعلى ان المديرات طول اليوم على الكمبيوتر يرفعون من درجات طلابهم طول السنة عشان محد يسقط هههههههههههههه يعني حتى هالنتايج خربطيشن عشان ما تفشل مدارسهم ..

وبالذمة امتحانات وطنية كلها اختياري من متعدد ؟؟ وين صارت ؟؟ خلاص عيل احنا المفروض كمدرسين نسوي نفس الشي عشان نعود الطالب على هالنظام الماصخ .. امتحان وطني من 20 و 30 ورقة كلة اختياري من متعدد !!

اقول .. اللهم لا تبلينا .. اللي يتخذ هالقرارات اثبت بالدليل القاطع والبرهان الساطع انه فاشل تماما وما منه رجا .. ولو مكان المجلس الأعلى اطيره فورا ..



اللي اعرفه يالتميا انه لو جايب السبعين في المية كاملة ولو زادوه كثر مازادوه لازم ينجح في هالثلاثين والا بيقدم دور ثاني وبيكون 100% للمجلس الاعلى !! مدى صحة هالكلام؟

[شموع قطريه]

اشلون يرسبونهم وهم ماقالوا لهم ان المقرر في الاختبارات الوطنيه هو منهج الفصلين الاول والثاني الا توهم .. بعض الطلبه ماعندهم كتب الفصل الاول شيسوون من وين يجيبونها .. هذا ظلم كبير على الطلبه مساكين وخصوصا اللي في الابتدائيه بيبدون اختبارات نهاية الفصل يوم الخميس الجاي وعقب مايخلصون على طول بيمتحنون الاختبارات الوطنيه ويدرسون منهج الفصلين .. مب حرام عليهم ؟؟!! .. اتقوا الله في عيالنا يالمجلس الاعلى ..

[PARIS]

اليوم ولدنا جاي من المدرسه مقدم اول اختبار رياضيات في القسم العلمي ويقول الاسئله كانت تعجيزيه وفي طلاب اغمى عليهم وطالب قام يستفرغ والله حرام عليكم يالمجلس الاعلى الي تسونه في هالطلبة المساكين ليش هالاسئلة التعجيزيه ليش ماتسهلون على الطلبه مب كل الطلاب عباقرة ... لازم يكون في اسئلة تراعي جميع مستويات الذكاء ... فعلاحرام الولد شاطر ومسكين يدرس ومع ذلك راجع متحطم ويصيح من الامتحان الاسئلة مختلفة عن الي يدرسونه ليش ويش الهدف من سقوط اكبر عدد من الطلاب ولمصلحة من هذة السياسه .... والله ... حسبي الله ونعم الوكيل ... حسبي الله ونعم الوكيل .... مب كفايه الجامعة شروطها تعجيزيه .... حسبي الله على الظالمين

[umabdulla77]

حسبي الله ونعم الوكيل

[شموع قطريه]

اليوم ولدنا جاي من المدرسه مقدم اول اختبار رياضيات في القسم العلمي ويقول الاسئله كانت تعجيزيه وفي طلاب اغمى عليهم وطالب قام يستفرغ والله حرام عليكم يالمجلس الاعلى الي تسونه في هالطلبة المساكين ليش هالاسئلة التعجيزيه ليش ماتسهلون على الطلبه مب كل الطلاب عباقرة ... لازم يكون في اسئلة تراعي جميع مستويات الذكاء ... فعلاحرام الولد شاطر ومسكين يدرس ومع ذلك راجع متحطم ويصيح من الامتحان الاسئلة مختلفة عن الي يدرسونه ليش ويش الهدف من سقوط اكبر عدد من الطلاب ولمصلحة من هذة السياسه .... والله ... حسبي الله ونعم الوكيل ... حسبي الله ونعم الوكيل .... مب كفايه الجامعة شروطها تعجيزيه .... حسبي الله على الظالمين

الظاهر ان الجماعه عقب ماضمنوا ان عيال قطر انحرموا من الشهاده الجامعيه بسبب العراقيل اللي حطوها قالوا خل نكمل الخطه ونحرمهم من الشهاده ىالثانوية علشان يكون مستواهم بس اعدادي ..مساكين ياعيال قطر الله لكم ..

بخصوص الاختبارات الوطنية تم تدريب عيالنا على نماذج الاختبارات باللغه الانجليزيه واليوم قالوا لهم انهم غيروا وبتكون الاختبارات باللغه العربيه .. الصراحه شتتوا الطلاب مره بالانجليزي ومره بالعربي ولازم يدرسون من كتب الفصلين .. زين هم دارسين العلوم والرياضيات باللغه الانجليزيه شلون بيحلون الاسئله بالعربي ؟؟!!
نبي حد فاهم يفهمنا ..

[نورالهدى]

انا اللي سمعته إن الإمتحانات الخاصه بالتأسيسي هي كانت صعبه
أما العلمي كانت سطحيه ولا غبار عليها
خير إن شاء الله

[بوحارب]

واحد من ربعي يقول ندرس شي ويجينا شي ثاني :(