الغرافة يستغني رسميا عن يونس محمود

[خــطــافــ]

الغرافة يستغني رسميا عن يونس محمود



الدوحة- اعلن الغرافة، وصيف بطل الدوري القطري لكرة القدم، يوم السبت رسميا استغناءه عن المهاجم الدولي العراقي يونس محمود هداف البطولة هذا الموسم برصيد 15 هدفا.


وابلغ المسؤولون في النادي اللاعب الذي انضم الى صفوف الفريق عام 2006 واحرز معه عدة القاب محلية، بعدم الرغبة بالتجديد له موسما اضافيا، وهو كان وعد في الفترة الاخيرة بتمديد عقده.


ويونس محمود (28 عاما) من ابرز المهاجمين الذين مروا على الغرافة والدوري القطري حيث بدأ عام 2004 مع الخور وقاده الى اهم واكبر انجازاته حتى الان وهو الفوز ببطولة كأس ولي العهد عام 2005 بتسجيله هدفين في مرمى الغرافة بالذات.


وانتقل يونس الى الغرافة عام 2006 وحقق لقب هداف الدوري فى اول موسم برصيد 19 هدفا، وساهم فى فوز فريقه ببطولة الدوري 3 مرات (2008 و2009 و2010) وكأس الامير (2009) وكأس ولي العهد مرتين (2009 و2010)، وبلوغه ربع نهائي دوري ابطال اسيا الموسم الماضي، اضافة الى لقب هداف الدوري 3 مرات (2006 و2010 و2011).



استاد الدوحة نت

[ولد الرسلان]

ماعليه خوف الغرافه

يجيب طوايف يونس

[ANONYMOUS]

شخصيا .. لا اعرف اي اسم من لعيبة الغرافه إلا يونس محمود و جالييليو مادري شسمه هالاشقر

واثنينهم بيروحون


من بتم عيل
؟

[ولد الرسلان]

افااااا يااخوي بس هاي اللعيبه اللي تعرفهم


هم اللي اخسروه الفهود... والغرافه ماعليه خوف ان شاء الله

[La Bella]

بالتوفيق للغرافة وليونس

[خــطــافــ]

جاليليو اخبره مال الأواني المستطرقة ايام الثانوية

اعتقد المحترف الآسيوي القادم للغرافة هو الكويتي بدر المطوع

[BoYousuf]

انا من جه الدوري القطري وانا مب عاجبني معه انه يتله اسنين امبدع !!!

والغرافه فريق كبير,, وما استغنو عنه الا لمصلحه النادي
اداره محنكه نتمنالهم كل التوفيق

[£عبدالعزيز£]

حلو لما تسلم الادارة كل شي للمدرب ميتسو

عشان هو يسوي فالفريق كل اللي يبيه بدون ما حد يتدخل في شغله

بغض النظر عن انه احنا مع او ضد استمرار يونس

والله يوفقه في محطته القادمة

[إعلامي قطر]

..

أرى ملامح نكسة السد 2007 تلوح بالأفق !!

فريقنا كامل وكان محتاج شوية تدعيمات 2 أو 3 لعيبه محليين..

ومحترف سوبر بدال ديانيه وآخر بدال جونينهو..

يونس محمود رغم التحفظات على سلوكه ومزاجيته وتصرفاته الطفوليه
لكن يبقى رقم صعب وشبه مستحيل يجيبون بديل له بنفس الكفاءه حاليا !!

وعمره حالياً 28 يعني عصارة خبرته راح تظهر بالملعب بالسنين القادمه..

وميتسو فاشل جداً ولايثق إلا ب11 لاعب والدكه عنده ماتسوى ريال
ومثل ما دمر سعود فتح راح يدمر فريقنا بالفتره الجايه وهالشي
متأكد منه 100% لمعرفتي لهذا المدرب الفاشل عن قرب..

وبالنسبه لكانوتيه فمن وجهة نظر متواضعه أشوفه راح يفشل فشل ذريع
معنا لأنه ثقيل وستايل لعبه مع أشبيليه مايناسبنا ومحتاج أجنحه تخدم
عليه طول الوقت مب مثل يونس إللي شغال سبرنتات طول المباراه !!

ورادوي الهلال لاعب قذر وشرس ودموي ولا أتمنى وجوده..

وبدر المطوع يمكن هو الأنسب كبديل لكليمي وديانيه..

هذا آخر ما وصلني وأتمنى من الغرافه وإدارته حسن الأختيار
ولو إن إللي واصلني غير ذلك للأسف لأن الموضوع صار
فيه مزاجيه ووعود وثقه عمياء في غير محلها !!

الله يستر من إللي جاي..

..

[بوحارب]

شخصيا .. لا اعرف اي اسم من لعيبة الغرافه إلا يونس محمود و جالييليو مادري شسمه هالاشقر

واثنينهم بيروحون


من بتم عيل
؟

معليش بنطرش لك لستته اللعيبة المرة الجاية :tease:

[£عبدالعزيز£]

اخوي اعلامي قطري اتفق معاك في بعض الجزئيات واختلف معاك في جزئيات اخرى

فاسمحلي اعلق على ردك




أرى ملامح نكسة السد 2007 تلوح بالأفق !!

حتى انا فالبداية كنت احس انه بيصير فينا نفس السد 2007

او بالاصح 2008 .. لكن عقبها حسيت بالفرق الكبير بين موقفنا الحالي

وموقف السد في ذيج السنة



فريقنا كامل وكان محتاج شوية تدعيمات 2 أو 3 لعيبه محليين..

ومحترف سوبر بدال ديانيه وآخر بدال جونينهو..

يونس محمود رغم التحفظات على سلوكه ومزاجيته وتصرفاته الطفوليه
لكن يبقى رقم صعب وشبه مستحيل يجيبون بديل له بنفس الكفاءه حاليا !!

وعمره حالياً 28 يعني عصارة خبرته راح تظهر بالملعب بالسنين القادمه..


اتفق معاك في انه يونس يقدر يقدم لنا الكثير

وانه مهما كانت سلبياته راح يفيد الفريق

لكن هذا هو عالم الاحتراف .. ودامنك تعاقدت مع مدرب

خله يسوي اللي يبيه .. وحاسبه عقب ما تشوف نتيجة شغله

لكن لو مثلا الادارة رفضت طلب المدرب بيكون خرق واضح لشؤون ميتسو الفنية

نفس ما كان يصير له فالمنتخب !!




وميتسو فاشل جداً ولايثق إلا ب11 لاعب والدكه عنده ماتسوى ريال
ومثل ما دمر سعود فتح راح يدمر فريقنا بالفتره الجايه وهالشي
متأكد منه 100% لمعرفتي لهذا المدرب الفاشل عن قرب..


ما انكر ان ميتسو دمر سعود فتح نفس ما تقول

لكن بعد يمكن في خفايا احنا ما نعرفها

وليش دايما احنا نشوف الجانب السلبي ونخلي الايجابي ؟

نعم هو دمر سعود فتح

لكنه طلع لنا بلال محمد ومصطفى عبدي وعطاهم الثقة .. وتعاقد مع ديساييه

عشان يمدهم بخبرته خلال موسم 2005

..

ولا تنسى ان العمود الفقري لخط وسط الغرافة حاليا كان بلمسة من ميتسو

اللي جاب لنا انس مبارك من فرنسا والعساس من الشارقة الاماراتي موسم 2005

ونفس ما انت شايف ما شاء الله عليهم مبدعين مع الفريق للحين




وبالنسبه لكانوتيه فمن وجهة نظر متواضعه أشوفه راح يفشل فشل ذريع
معنا لأنه ثقيل وستايل لعبه مع أشبيليه مايناسبنا ومحتاج أجنحه تخدم
عليه طول الوقت مب مثل يونس إللي شغال سبرنتات طول المباراه !!


الشيخ حمد بن ثامر رئيس النادي نفى خبر التعاقد مع كانوتيه

والله اعلم شبيسوون

لانه من قبل الادارة نفت التقاعد مع ميتسو .. وايضا نفت الاستغناء عن يونس

وميتسو صرح بانه يحتاج ديانيه فالموسم الجاي

والواقع كان عكس ذلك

بس الجديد هالمرة هو ان الشيخ حمد بن ثامر بنفسه مصرح واعتقد انه

صريح مع الجمهور وصعب يقول كلام لمجرد التمويه




ورادوي الهلال لاعب قذر وشرس ودموي ولا أتمنى وجوده..

مافي اي شي رسمي يثبت ان الغرافة ناوي يتعاقد مع رادوي

الا لو عندك الخبر اليقين

وانا اتفق معاك في انه لاعب خبير في الحصول على الكروت الملونة وما نبيه


وبدر المطوع يمكن هو الأنسب كبديل لكليمي وديانيه..

اسمحلي اخوي مع احترامي الكبير للكاتبن بدر المطوع واكيد نرحب فيه في نادينا

لاعب مهاري وخلوق .. لكن طموحنا اكبر الصراحة



هذا آخر ما وصلني وأتمنى من الغرافه وإدارته حسن الأختيار
ولو إن إللي واصلني غير ذلك للأسف لأن الموضوع صار
فيه مزاجيه ووعود وثقه عمياء في غير محلها !!

الله يستر من إللي جاي..

صدقني مع ميتسو مافيه مزاجية

وان شاء الله الايام بتثبت لنا هالشي

..

واسمحلي مرة ثانية على تعليقي على ردك

واكيد الاختلاف في وجهات النظر لا يفسد للود قضية

[alrheeb2020]

من وجهة نظري ,,

لاعب طلع كل اللي عنده فالسنوات اللي فاتت وماعاد عنده شي يقدمه للغرافه ^_^

ويعطيك العافيه عالخبر